Bible2000.net Psaumes 119.130 : "La révélation de tes paroles éclaire, elle donne de l'intelligence aux simples."
 
Accueil | Bible | Sujets bibliques | Multimédia | Logiciels | Divers


"Ancien Testament" grec (sans accent).
La "Septante" - "LXX" (beaucoup utilisé à l'époque de Jésus).

Nombres
- Chapitre 1 à 36 -

1.1     και ελαλησεν *κυριος προς μωυσην εν τη ερημω τη σινα εν τη σκηνη του μαρτυριου εν μια του μηνος του δευτερου ετους δευτερου εξελθοντων αυτων εκ γης αιγυπτου λεγων
1.2     λαβετε αρχην πασης συναγωγης υιων ισραηλ κατα συγγενειας αυτων κατ᾽ οικους πατριων αυτων κατα αριθμον εξ ονοματος αυτων κατα κεφαλην αυτων, πας αρσην
1.3     απο εικοσαετους και επανω, πας ο εκπορευομενος εν δυναμει ισραηλ, επισκεψασθε αυτους συν δυναμει αυτων, συ και ααρων επισκεψασθε αυτους.
1.4     και μεθ᾽ υμων εσονται εκαστος κατα φυλην εκαστου αρχοντων, κατ᾽ οικους πατριων εσονται.
1.5     και ταυτα τα ονοματα των ανδρων, οιτινες παραστησονται μεθ᾽ υμων· των ρουβην ελισουρ υιος σεδιουρ·
1.6     των συμεων σαλαμιηλ υιος σουρισαδαι·
1.7     των ιουδα ναασσων υιος αμιναδαβ·
1.8     των ισσαχαρ ναθαναηλ υιος σωγαρ·
1.9     των ζαβουλων ελιαβ υιος χαιλων·
1.10    των υιων ιωσηφ, των εφραιμ ελισαμα υιος εμιουδ, των μανασση γαμαλιηλ υιος φαδασσουρ·
1.11    των βενιαμιν αβιδαν υιος γαδεωνι·
1.12    των δαν αχιεζερ υιος αμισαδαι·
1.13    των ασηρ φαγαιηλ υιος εχραν·
1.14    των γαδ ελισαφ υιος ραγουηλ·
1.15    των νεφθαλι αχιρε υιος αιναν.
1.16    ουτοι επικλητοι της συναγωγης, αρχοντες των φυλων κατα πατριας, χιλιαρχοι ισραηλ εισιν.
1.17    και ελαβεν μωυσης και ααρων τους ανδρας τουτους τους ανακληθεντας εξ ονοματος
1.18    και πασαν την συναγωγην συνηγαγον εν μια του μηνος του δευτερου ετους και επηξονουσαν κατα γενεσεις αυτων κατα πατριας αυτων κατα αριθμον ονοματων αυτων απο εικοσαετους και επανω παν αρσενικον κατα κεφαλην αυτων,
1.19    ον τροπον συνεταξεν *κυριος τω μωυση· και επεσκεπησαν εν τη ερημω τη σινα.
1.20    και εγενοντο οι υιοι ρουβην πρωτοτοκου ισραηλ κατα συγγενειας αυτων κατα δημους αυτων κατ᾽ οικους πατριων αυτων κατα αριθμον ονοματων αυτων κατα κεφαλην αυτων, παντα αρσενικα απο εικοσαετους και επανω, πας ο εκπορευομενος εν τη δυναμει,
1.21    η επισκεψις αυτων εκ της φυλης ρουβην εξ και τεσσαρακοντα χιλιαδες και πεντακοσιοι.
1.22    τοις υιοις συμεων κατα συγγενειας αυτων κατα δημους αυτων κατ᾽ οικους πατριων αυτων κατα αριθμον ονοματων αυτων κατα κεφαλην αυτων, παντα αρσενικα απο εικοσαετους και επανω, πας ο εκπορευομενος εν τη δυναμει,
1.23    η επισκεψις αυτων εκ της φυλης συμεων εννεα και πεντηκοντα χιλιαδες και τριακοσιοι.
1.24    τοις υιοις γαδ κατα συγγενειας αυτων κατα δημους αυτων κατ᾽ οικους πατριων αυτων κατα αριθμον ονοματων αυτων κατα κεφαλην αυτων, παντα αρσενικα απο εικοσαετους και επανω, πας ο εκπορευομενος εν τη δυναμει,
1.25    η επισκεψις αυτων εκ της φυλης γαδ πεντε και τεσσαρακοντα χιλιαδες και εξακοσιοι και πεντηκοντα.
1.26    τοις υιοις ιουδα κατα συγγενειας αυτων κατα δημους αυτων κατ᾽ οικους πατριων αυτων κατα αριθμον ονοματων αυτων κατα κεφαλην αυτων, παντα αρσενικα απο εικοσαετους και επανω, πας ο εκπορευομενος εν τη δυναμει,
1.27    η επισκεψις αυτων εκ της φυλης ιουδα τεσσαρες και εβδομηκοντα χιλιαδες και εξακοσιοι.
1.28    τοις υιοις ισσαχαρ κατα συγγενειας αυτων κατα δημους αυτων κατ᾽ οικους πατριων αυτων κατα αριθμον ονοματων αυτων κατα κεφαλην αυτων, παντα αρσενικα απο εικοσαετους και επανω, πας ο εκπορευομενος εν τη δυναμει,
1.29    η επισκεψις αυτων εκ της φυλης ισσαχαρ τεσσαρες και πεντηκοντα χιλιαδες και τετρακοσιοι.
1.30    τοις υιοις ζαβουλων κατα συγγενειας αυτων κατα δημους αυτων κατ᾽ οικους πατριων αυτων κατα αριθμον ονοματων αυτων κατα κεφαλην αυτων, παντα αρσενικα απο εικοσαετους και επανω, πας ο εκπορευομενος εν τη δυναμει,
1.31    η επισκεψις αυτων εκ της φυλης ζαβουλων επτα και πεντηκοντα χιλιαδες και τετρακοσιοι.
1.32    τοις υιοις ιωσηφ υιοις εφραιμ κατα συγγενειας αυτων κατα δημους αυτων κατ᾽ οικους πατριων αυτων κατα αριθμον ονοματων αυτων κατα κεφαλην αυτων, παντα αρσενικα απο εικοσαετους και επανω, πας ο εκπορευομενος εν τη δυναμει,
1.33    η επισκεψις αυτων εκ της φυλης εφραιμ τεσσαρακοντα χιλιαδες και πεντακοσιοι.
1.34    τοις υιοις μανασση κατα συγγενειας αυτων κατα δημους αυτων κατ᾽ οικους πατριων αυτων κατα αριθμον ονοματων αυτων κατα κεφαλην αυτων, παντα αρσενικα απο εικοσαετους και επανω, πας ο εκπορευομενος εν τη δυναμει,
1.35    η επισκεψις αυτων εκ της φυλης μανασση δυο και τριακοντα χιλιαδες και διακοσιοι.
1.36    τοις υιοις βενιαμιν κατα συγγενειας αυτων κατα δημους αυτων κατ᾽ οικους πατριων αυτων κατα αριθμον ονοματων αυτων κατα κεφαλην αυτων, παντα αρσενικα απο εικοσαετους και επανω, πας ο εκπορευομενος εν τη δυναμει,
1.37    η επισκεψις αυτων εκ της φυλης βενιαμιν πεντε και τριακοντα χιλιαδες και τετρακοσιοι.
1.38    τοις υιοις δαν κατα συγγενειας αυτων κατα δημους αυτων κατ᾽ οικους πατριων αυτων κατα αριθμον ονοματων αυτων κατα κεφαλην αυτων, παντα αρσενικα απο εικοσαετους και επανω, πας ο εκπορευομενος εν τη δυναμει,
1.39    η επισκεψις αυτων εκ της φυλης δαν δυο και εξηκοντα χιλιαδες και επτακοσιοι.
1.40    τοις υιοις ασηρ κατα συγγενειας αυτων κατα δημους αυτων κατ᾽ οικους πατριων αυτων κατα αριθμον ονοματων αυτων κατα κεφαλην αυτων, παντα αρσενικα απο εικοσαετους και επανω, πας ο εκπορευομενος εν τη δυναμει,
1.41    η επισκεψις αυτων εκ της φυλης ασηρ μια και τεσσαρακοντα χιλιαδες και πεντακοσιοι.
1.42    τοις υιοις νεφθαλι κατα συγγενειας αυτων κατα δημους αυτων κατ᾽ οικους πατριων αυτων κατα αριθμον ονοματων αυτων κατα κεφαλην αυτων, παντα αρσενικα απο εικοσαετους και επανω, πας ο εκπορευομενος εν τη δυναμει,
1.43    η επισκεψις αυτων εκ της φυλης νεφθαλι τρεις και πεντηκοντα χιλιαδες και τετρακοσιοι.
1.44    αυτη η επισκεψις, ην επεσκεψαντο μωυσης και ααρων και οι αρχοντες ισραηλ, δωδεκα ανδρες· ανηρ εις κατα φυλην μιαν κατα φυλην οικων πατριας ησαν.
1.45    και εγενετο πασα η επισκεψις υιων ισραηλ συν δυναμει αυτων απο εικοσαετους και επανω, πας ο εκπορευομενος παραταξασθαι εν ισραηλ,
1.46    εξακοσιαι χιλιαδες και τρισχιλιοι και πεντακοσιοι και πεντηκοντα.
1.47    οι δε λευιται εκ της φυλης πατριας αυτων ουκ επεσκεπησαν εν τοις υιοις ισραηλ.
1.48    και ελαλησεν *κυριος προς μωυσην λεγων
1.49    ορα την φυλην την λευι ου συνεπισκεψη και τον αριθμον αυτων ου λημψη εν μεσω των υιων ισραηλ.
1.50    και συ επιστησον τους λευιτας επι την σκηνην του μαρτυριου και επι παντα τα σκευη αυτης και επι παντα, οσα εστιν εν αυτη· αυτοι αρουσιν την σκηνην και παντα τα σκευη αυτης, και αυτοι λειτουργησουσιν εν αυτη και κυκλω της σκηνης παρεμβαλουσιν.
1.51    και εν τω εξαιρειν την σκηνην καθελουσιν αυτην οι λευιται και εν τω παρεμβαλλειν την σκηνην αναστησουσιν· και ο αλλογενης ο προσπορευομενος αποθανετω.
1.52    και παρεμβαλουσιν οι υιοι ισραηλ ανηρ εν τη εαυτου ταξει και ανηρ κατα την εαυτου ηγεμονιαν συν δυναμει αυτων·
1.53    οι δε λευιται παρεμβαλετωσαν εναντιον κυριου κυκλω της σκηνης του μαρτυριου, και ουκ εσται αμαρτημα εν υιοις ισραηλ. και φυλαξουσιν οι λευιται αυτοι την φυλακην της σκηνης του μαρτυριου.
1.54    και εποιησαν οι υιοι ισραηλ κατα παντα, α ενετειλατο *κυριος τω μωυση και ααρων, ουτως εποιησαν.
2.1     και ελαλησεν *κυριος προς μωυσην και ααρων λεγων
2.2     ανθρωπος εχομενος αυτου κατα ταγμα κατα σημεας κατ᾽ οικους πατριων αυτων παρεμβαλετωσαν οι υιοι ισραηλ· εναντιοι κυκλω της σκηνης του μαρτυριου παρεμβαλουσιν οι υιοι ισραηλ.
2.3     και οι παρεμβαλλοντες πρωτοι κατ᾽ ανατολας ταγμα παρεμβολης ιουδα συν δυναμει αυτων, και ο αρχων των υιων ιουδα ναασσων υιος αμιναδαβ·
2.4     δυναμις αυτου οι επεσκεμμενοι τεσσαρες και εβδομηκοντα χιλιαδες και εξακοσιοι.
2.5     και οι παρεμβαλλοντες εχομενοι φυλης ισσαχαρ, και ο αρχων των υιων ισσαχαρ ναθαναηλ υιος σωγαρ·
2.6     δυναμις αυτου οι επεσκεμμενοι τεσσαρες και πεντηκοντα χιλιαδες και τετρακοσιοι.
2.7     και οι παρεμβαλλοντες εχομενοι φυλης ζαβουλων, και ο αρχων των υιων ζαβουλων ελιαβ υιος χαιλων·
2.8     δυναμις αυτου οι επεσκεμμενοι επτα και πεντηκοντα χιλιαδες και τετρακοσιοι.
2.9     παντες οι επεσκεμμενοι εκ της παρεμβολης ιουδα εκατον ογδοηκοντα χιλιαδες και εξακισχιλιοι και τετρακοσιοι συν δυναμει αυτων· πρωτοι εξαρουσιν.
2.10    ταγμα παρεμβολης ρουβην προς λιβα συν δυναμει αυτων, και ο αρχων των υιων ρουβην ελισουρ υιος σεδιουρ·
2.11    δυναμις αυτου οι επεσκεμμενοι εξ και τεσσαρακοντα χιλιαδες και πεντακοσιοι.
2.12    και οι παρεμβαλλοντες εχομενοι αυτου φυλης συμεων, και ο αρχων των υιων συμεων σαλαμιηλ υιος σουρισαδαι·
2.13    δυναμις αυτου οι επεσκεμμενοι εννεα και πεντηκοντα χιλιαδες και τριακοσιοι.
2.14    και οι παρεμβαλλοντες εχομενοι αυτου φυλης γαδ, και ο αρχων των υιων γαδ ελισαφ υιος ραγουηλ·
2.15    δυναμις αυτου οι επεσκεμμενοι πεντε και τεσσαρακοντα χιλιαδες και εξακοσιοι και πεντηκοντα.
2.16    παντες οι επεσκεμμενοι της παρεμβολης ρουβην εκατον πεντηκοντα μια χιλιαδες και τετρακοσιοι και πεντηκοντα συν δυναμει αυτων· δευτεροι εξαρουσιν.
2.17    και αρθησεται η σκηνη του μαρτυριου και η παρεμβολη των λευιτων μεσον των παρεμβολων· ως και παρεμβαλλουσιν, ουτως και εξαρουσιν εκαστος εχομενος καθ᾽ ηγεμονιαν.
2.18    ταγμα παρεμβολης εφραιμ παρα θαλασσαν συν δυναμει αυτων, και ο αρχων των υιων εφραιμ ελισαμα υιος εμιουδ·
2.19    δυναμις αυτου οι επεσκεμμενοι τεσσαρακοντα χιλιαδες και πεντακοσιοι.
2.20    και οι παρεμβαλλοντες εχομενοι φυλης μανασση, και ο αρχων των υιων μανασση γαμαλιηλ υιος φαδασσουρ·
2.21    δυναμις αυτου οι επεσκεμμενοι δυο και τριακοντα χιλιαδες και διακοσιοι.
2.22    και οι παρεμβαλλοντες εχομενοι φυλης βενιαμιν, και ο αρχων των υιων βενιαμιν αβιδαν υιος γαδεωνι·
2.23    δυναμις αυτου οι επεσκεμμενοι πεντε και τριακοντα χιλιαδες και τετρακοσιοι.
2.24    παντες οι επεσκεμμενοι της παρεμβολης εφραιμ εκατον χιλιαδες και οκτακισχιλιοι και εκατον συν δυναμει αυτων· τριτοι εξαρουσιν.
2.25    ταγμα παρεμβολης δαν προς βορραν συν δυναμει αυτων, και ο αρχων των υιων δαν αχιεζερ υιος αμισαδαι·
2.26    δυναμις αυτου οι επεσκεμμενοι δυο και εξηκοντα χιλιαδες και επτακοσιοι.
2.27    και οι παρεμβαλλοντες εχομενοι αυτου φυλης ασηρ, και ο αρχων των υιων ασηρ φαγαιηλ υιος εχραν·
2.28    δυναμις αυτου οι επεσκεμμενοι μια και τεσσαρακοντα χιλιαδες και πεντακοσιοι.
2.29    και οι παρεμβαλλοντες εχομενοι φυλης νεφθαλι, και ο αρχων των υιων νεφθαλι αχιρε υιος αιναν·
2.30    δυναμις αυτου οι επεσκεμμενοι τρεις και πεντηκοντα χιλιαδες και τετρακοσιοι.
2.31    παντες οι επεσκεμμενοι της παρεμβολης δαν εκατον και πεντηκοντα επτα χιλιαδες και εξακοσιοι· εσχατοι εξαρουσιν κατα ταγμα αυτων.
2.32    αυτη η επισκεψις των υιων ισραηλ κατ᾽ οικους πατριων αυτων· πασα η επισκεψις των παρεμβολων συν ταις δυναμεσιν αυτων εξακοσιαι χιλιαδες και τρισχιλιοι πεντακοσιοι πεντηκοντα.
2.33    οι δε λευιται ου συνεπεσκεπησαν εν αυτοις, καθα ενετειλατο *κυριος τω μωυση.
2.34    και εποιησαν οι υιοι ισραηλ παντα, οσα συνεταξεν *κυριος τω μωυση, ουτως παρενεβαλον κατα ταγμα αυτων και ουτως εξηρον, εκαστος εχομενοι κατα δημους αυτων κατ᾽ οικους πατριων αυτων.
3.1     και αυται αι γενεσεις ααρων και μωυση εν η ημερα ελαλησεν *κυριος τω μωυση εν ορει σινα,
3.2     και ταυτα τα ονοματα των υιων ααρων· πρωτοτοκος ναδαβ και αβιουδ, ελεαζαρ και ιθαμαρ·
3.3     ταυτα τα ονοματα των υιων ααρων, οι ιερεις οι ηλειμμενοι, ους ετελειωσαν τας χειρας αυτων ιερατευειν.
3.4     και ετελευτησεν ναδαβ και αβιουδ εναντι *κυριου προσφεροντων αυτων πυρ αλλοτριον εναντι *κυριου εν τη ερημω σινα, και παιδια ουκ ην αυτοις· και ιερατευσεν ελεαζαρ και ιθαμαρ μετ᾽ ααρων του πατρος αυτων.
3.5     και ελαλησεν *κυριος προς μωυσην λεγων
3.6     λαβε την φυλην λευι και στησεις αυτους εναντιον ααρων του ιερεως, και λειτουργησουσιν αυτω
3.7     και φυλαξουσιν τας φυλακας αυτου και τας φυλακας των υιων ισραηλ εναντι της σκηνης του μαρτυριου εργαζεσθαι τα εργα της σκηνης
3.8     και φυλαξουσιν παντα τα σκευη της σκηνης του μαρτυριου και τας φυλακας των υιων ισραηλ κατα παντα τα εργα της σκηνης.
3.9     και δωσεις τους λευιτας ααρων και τοις υιοις αυτου τοις ιερευσιν· δομα δεδομενοι ουτοι μοι εισιν απο των υιων ισραηλ.
3.10    και ααρων και τους υιους αυτου καταστησεις επι της σκηνης του μαρτυριου, και φυλαξουσιν την ιερατειαν αυτων και παντα τα κατα τον βωμον και εσω του καταπετασματος· και ο αλλογενης ο απτομενος αποθανειται.
3.11    και ελαλησεν *κυριος προς μωυσην λεγων
3.12    και εγω ιδου ειληφα τους λευιτας εκ μεσου των υιων ισραηλ αντι παντος πρωτοτοκου διανοιγοντος μητραν παρα των υιων ισραηλ· λυτρα αυτων εσονται και εσονται εμοι οι λευιται.
3.13    εμοι γαρ παν πρωτοτοκον· εν η ημερα επαταξα παν πρωτοτοκον εν γη αιγυπτου, ηγιασα εμοι παν πρωτοτοκον εν ισραηλ απο ανθρωπου εως κτηνους· εμοι εσονται, εγω *κυριος.
3.14    και ελαλησεν *κυριος προς μωυσην εν τη ερημω σινα λεγων
3.15    επισκεψαι τους υιους λευι κατ᾽ οικους πατριων αυτων κατα δημους αυτων κατα συγγενειας αυτων· παν αρσενικον απο μηνιαιου και επανω επισκεψασθε αυτους.
3.16    και επεσκεψαντο αυτους μωυσης και ααρων δια φωνης *κυριου, ον τροπον συνεταξεν αυτοις κυριος.
3.17    και ησαν ουτοι οι υιοι λευι εξ ονοματων αυτων· γεδσων, κααθ και μεραρι.
3.18    και ταυτα τα ονοματα των υιων γεδσων κατα δημους αυτων· λοβενι και σεμει.
3.19    και υιοι κααθ κατα δημους αυτων· αμραμ και ισσααρ, χεβρων και οζιηλ.
3.20    και υιοι μεραρι κατα δημους αυτων· μοολι και μουσι. ουτοι εισιν δημοι των λευιτων κατ᾽ οικους πατριων αυτων.
3.21    τω γεδσων δημος του λοβενι και δημος του σεμει· ουτοι δημοι του γεδσων.
3.22    η επισκεψις αυτων κατα αριθμον παντος αρσενικου απο μηνιαιου και επανω, η επισκεψις αυτων επτακισχιλιοι και πεντακοσιοι.
3.23    και υιοι γεδσων οπισω της σκηνης παρα θαλασσαν παρεμβαλουσιν,
3.24    και ο αρχων οικου πατριας του δημου του γεδσων ελισαφ υιος λαηλ.
3.25    και η φυλακη υιων γεδσων εν τη σκηνη του μαρτυριου· η σκηνη και το καλυμμα και το κατακαλυμμα της θυρας της σκηνης του μαρτυριου
3.26    και τα ιστια της αυλης και το καταπετασμα της πυλης της αυλης της ουσης επι της σκηνης και τα καταλοιπα παντων των εργων αυτου
3.27    τω κααθ δημος ο αμραμις και δημος ο σααρις και δημος ο χεβρωνις και δημος ο οζιηλις· ουτοι εισιν δημοι του κααθ.
3.28    κατα αριθμον παν αρσενικον απο μηνιαιου και επανω οκτακισχιλιοι και εξακοσιοι φυλασσοντες τας φυλακας των αγιων.
3.29    οι δημοι των υιων κααθ παρεμβαλουσιν εκ πλαγιων της σκηνης κατα λιβα,
3.30    και ο αρχων οικου πατριων των δημων του κααθ ελισαφαν υιος οζιηλ.
3.31    και η φυλακη αυτων η κιβωτος και η τραπεζα και η λυχνια και τα θυσιαστηρια και τα σκευη του αγιου, οσα λειτουργουσιν εν αυτοις, και το κατακαλυμμα και παντα τα εργα αυτων.
3.32    και ο αρχων επι των αρχοντων των λευιτων ελεαζαρ ο υιος ααρων του ιερεως καθεσταμενος φυλασσειν τας φυλακας των αγιων.
3.33    τω μεραρι δημος ο μοολι και δημος ο μουσι· ουτοι εισιν δημοι μεραρι.
3.34    η επισκεψις αυτων κατα αριθμον, παν αρσενικον απο μηνιαιου και επανω, εξακισχιλιοι και πεντηκοντα·
3.35    και ο αρχων οικου πατριων του δημου του μεραρι σουριηλ υιος αβιχαιλ· εκ πλαγιων της σκηνης παρεμβαλουσιν προς βορραν.
3.36    η επισκεψις η φυλακη υιων μεραρι· τας κεφαλιδας της σκηνης και τους μοχλους αυτης και τους στυλους αυτης και τας βασεις αυτης και παντα τα σκευη αυτων και τα εργα αυτων
3.37    και τους στυλους της αυλης κυκλω και τας βασεις αυτων και τους πασσαλους και τους καλους αυτων.
3.38    και οι παρεμβαλλοντες κατα προσωπον της σκηνης του μαρτυριου απ᾽ ανατολης μωυσης και ααρων και οι υιοι αυτου φυλασσοντες τας φυλακας του αγιου εις τας φυλακας των υιων ισραηλ· και ο αλλογενης ο απτομενος αποθανειται.
3.39    πασα η επισκεψις των λευιτων, ους επεσκεψατο μωυσης και ααρων δια φωνης *κυριου κατα δημους αυτων, παν αρσενικον απο μηνιαιου και επανω δυο και εικοσι χιλιαδες.
3.40    και ειπεν *κυριος προς μωυσην λεγων επισκεψαι παν πρωτοτοκον αρσεν των υιων ισραηλ απο μηνιαιου και επανω και λαβε τον αριθμον εξ ονοματος·
3.41    και λημψη τους λευιτας εμοι, εγω *κυριος, αντι παντων των πρωτοτοκων των υιων ισραηλ και τα κτηνη των λευιτων αντι παντων των πρωτοτοκων εν τοις κτηνεσιν των υιων ισραηλ.
3.42    και επεσκεψατο μωυσης, ον τροπον ενετειλατο *κυριος, παν πρωτοτοκον εν τοις υιοις ισραηλ·
3.43    και εγενοντο παντα τα πρωτοτοκα τα αρσενικα κατα αριθμον εξ ονοματος απο μηνιαιου και επανω εκ της επισκεψεως αυτων δυο και εικοσι χιλιαδες τρεις και εβδομηκοντα και διακοσιοι.
3.44    και ελαλησεν *κυριος προς μωυσην λεγων
3.45    λαβε τους λευιτας αντι παντων των πρωτοτοκων των υιων ισραηλ και τα κτηνη των λευιτων αντι των κτηνων αυτων, και εσονται εμοι οι λευιται· εγω *κυριος.
3.46    και τα λυτρα τριων και εβδομηκοντα και διακοσιων, οι πλεοναζοντες παρα τους λευιτας απο των πρωτοτοκων των υιων ισραηλ,
3.47    και λημψη πεντε σικλους κατα κεφαλην, κατα το διδραχμον το αγιον λημψη, εικοσι οβολους του σικλου,
3.48    και δωσεις το αργυριον ααρων και τοις υιοις αυτου λυτρα των πλεοναζοντων εν αυτοις.
3.49    και ελαβεν μωυσης το αργυριον, τα λυτρα των πλεοναζοντων, εις την εκλυτρωσιν των λευιτων·
3.50    παρα των πρωτοτοκων των υιων ισραηλ ελαβεν το αργυριον, χιλιους τριακοσιους εξηκοντα πεντε σικλους κατα τον σικλον τον αγιον.
3.51    και εδωκεν μωυσης τα λυτρα των πλεοναζοντων ααρων και τοις υιοις αυτου δια φωνης *κυριου, ον τροπον συνεταξεν *κυριος τω μωυση.
4.1     και ελαλησεν *κυριος προς μωυσην και ααρων λεγων
4.2     λαβε το κεφαλαιον των υιων κααθ εκ μεσου υιων λευι κατα δημους αυτων κατ᾽ οικους πατριων αυτων
4.3     απο εικοσι και πεντε ετων και επανω και εως πεντηκοντα ετων, πας ο εισπορευομενος λειτουργειν ποιησαι παντα τα εργα εν τη σκηνη του μαρτυριου.
4.4     και ταυτα τα εργα των υιων κααθ εν τη σκηνη του μαρτυριου· αγιον των αγιων.
4.5     και εισελευσεται ααρων και οι υιοι αυτου, οταν εξαιρη η παρεμβολη, και καθελουσιν το καταπετασμα το συσκιαζον και κατακαλυψουσιν εν αυτω την κιβωτον του μαρτυριου
4.6     και επιθησουσιν επ᾽ αυτο κατακαλυμμα δερμα υακινθινον και επιβαλουσιν επ᾽ αυτην ιματιον ολον υακινθινον ανωθεν και διεμβαλουσιν τους αναφορεις.
4.7     και επι την τραπεζαν την προκειμενην επιβαλουσιν επ᾽ αυτην ιματιον ολοπορφυρον και τα τρυβλια και τας θυισκας και τους κυαθους και τα σπονδεια, εν οις σπενδει, και οι αρτοι οι δια παντος επ᾽ αυτης εσονται.
4.8     και επιβαλουσιν επ᾽ αυτην ιματιον κοκκινον και καλυψουσιν αυτην καλυμματι δερματινω υακινθινω και διεμβαλουσιν δι᾽ αυτης τους αναφορεις.
4.9     και λημψονται ιματιον υακινθινον και καλυψουσιν την λυχνιαν την φωτιζουσαν και τους λυχνους αυτης και τας λαβιδας αυτης και τας επαρυστριδας αυτης και παντα τα αγγεια του ελαιου, οις λειτουργουσιν εν αυτοις,
4.10    και εμβαλουσιν αυτην και παντα τα σκευη αυτης εις καλυμμα δερματινον υακινθινον και επιθησουσιν αυτην επ᾽ αναφορεων.
4.11    και επι το θυσιαστηριον το χρυσουν επικαλυψουσιν ιματιον υακινθινον και καλυψουσιν αυτο καλυμματι δερματινω υακινθινω και διεμβαλουσιν τους αναφορεις αυτου.
4.12    και λημψονται παντα τα σκευη τα λειτουργικα, οσα λειτουργουσιν εν αυτοις εν τοις αγιοις, και εμβαλουσιν εις ιματιον υακινθινον και καλυψουσιν αυτα καλυμματι δερματινω υακινθινω και επιθησουσιν επι αναφορεις.
4.13    και τον καλυπτηρα επιθησει επι το θυσιαστηριον, και επικαλυψουσιν επ᾽ αυτο ιματιον ολοπορφυρον
4.14    και επιθησουσιν επ᾽ αυτο παντα τα σκευη, οσοις λειτουργουσιν επ᾽ αυτο εν αυτοις, και τα πυρεια και τας κρεαγρας και τας φιαλας και τον καλυπτηρα και παντα τα σκευη του θυσιαστηριου· και επιβαλουσιν επ᾽ αυτο καλυμμα δερματινον υακινθινον και διεμβαλουσιν τους αναφορεις αυτου· και λημψονται ιματιον πορφυρουν και συγκαλυψουσιν τον λουτηρα και την βασιν αυτου και εμβαλουσιν αυτα εις καλυμμα δερματινον υακινθινον και επιθησουσιν επι αναφορεις.
4.15    και συντελεσουσιν ααρων και οι υιοι αυτου καλυπτοντες τα αγια και παντα τα σκευη τα αγια εν τω εξαιρειν την παρεμβολην, και μετα ταυτα εισελευσονται υιοι κααθ αιρειν και ουχ αψονται των αγιων, ινα μη αποθανωσιν· ταυτα αρουσιν οι υιοι κααθ εν τη σκηνη του μαρτυριου.
4.16    επισκοπος ελεαζαρ υιος ααρων του ιερεως· το ελαιον του φωτος και το θυμιαμα της συνθεσεως και η θυσια η καθ᾽ ημεραν και το ελαιον της χρισεως, η επισκοπη ολης της σκηνης και οσα εστιν εν αυτη εν τω αγιω εν πασι τοις εργοις.
4.17    και ελαλησεν *κυριος προς μωυσην και ααρων λεγων
4.18    μη ολεθρευσητε της φυλης τον δημον τον κααθ εκ μεσου των λευιτων·
4.19    τουτο ποιησατε αυτοις και ζησονται και ου μη αποθανωσιν προσπορευομενων αυτων προς τα αγια των αγιων· ααρων και οι υιοι αυτου προσπορευεσθωσαν και καταστησουσιν αυτους εκαστον κατα την αναφοραν αυτου,
4.20    και ου μη εισελθωσιν ιδειν εξαπινα τα αγια και αποθανουνται.
4.21    και ελαλησεν *κυριος προς μωυσην λεγων
4.22    λαβε την αρχην των υιων γεδσων, και τουτους κατ᾽ οικους πατριων αυτων κατα δημους αυτων·
4.23    απο πεντεκαιεικοσαετους και επανω εως πεντηκονταετους επισκεψαι αυτους, πας ο εισπορευομενος λειτουργειν και ποιειν τα εργα αυτου εν τη σκηνη του μαρτυριου.
4.24    αυτη η λειτουργια του δημου του γεδσων λειτουργειν και αιρειν·
4.25    και αρει τας δερρεις της σκηνης και την σκηνην του μαρτυριου και το καλυμμα αυτης και το καλυμμα το υακινθινον το ον επ᾽ αυτης ανωθεν και το καλυμμα της θυρας της σκηνης του μαρτυριου
4.26    και τα ιστια της αυλης, οσα επι της σκηνης του μαρτυριου, και τα περισσα και παντα τα σκευη τα λειτουργικα, οσα λειτουργουσιν εν αυτοις, ποιησουσιν.
4.27    κατα στομα ααρων και των υιων αυτου εσται η λειτουργια των υιων γεδσων κατα πασας τας λειτουργιας αυτων και κατα παντα τα αρτα δι᾽ αυτων· και επισκεψη αυτους εξ ονοματων παντα τα αρτα υπ᾽ αυτων.
4.28    αυτη η λειτουργια των υιων γεδσων εν τη σκηνη του μαρτυριου, και η φυλακη αυτων εν χειρι ιθαμαρ του υιου ααρων του ιερεως.
4.29    υιοι μεραρι, κατα δημους αυτων κατ᾽ οικους πατριων αυτων επισκεψασθε αυτους·
4.30    απο πεντεκαιεικοσαετους και επανω εως πεντηκονταετους επισκεψασθε αυτους, πας ο εισπορευομενος λειτουργειν τα εργα της σκηνης του μαρτυριου.
4.31    και ταυτα τα φυλαγματα των αιρομενων υπ᾽ αυτων κατα παντα τα εργα αυτων εν τη σκηνη του μαρτυριου· τας κεφαλιδας της σκηνης και τους μοχλους και τους στυλους αυτης και τας βασεις αυτης και το κατακαλυμμα και αι βασεις αυτων και οι στυλοι αυτων και το κατακαλυμμα της θυρας της σκηνης
4.32    και τους στυλους της αυλης κυκλω και αι βασεις αυτων και τους στυλους του καταπετασματος της πυλης της αυλης και τας βασεις αυτων και τους πασσαλους αυτων και τους καλους αυτων και παντα τα σκευη αυτων και παντα τα λειτουργηματα αυτων, εξ ονοματων επισκεψασθε αυτους και παντα τα σκευη της φυλακης των αιρομενων υπ᾽ αυτων.
4.33    αυτη η λειτουργια δημου υιων μεραρι εν πασιν τοις εργοις αυτων εν τη σκηνη του μαρτυριου εν χειρι ιθαμαρ υιου ααρων του ιερεως.
4.34    και επεσκεψατο μωυσης και ααρων και οι αρχοντες ισραηλ τους υιους κααθ κατα δημους αυτων κατ᾽ οικους πατριων αυτων
4.35    απο πεντεκαιεικοσαετους και επανω εως πεντηκονταετους, πας ο εισπορευομενος λειτουργειν και ποιειν εν τη σκηνη του μαρτυριου.
4.36    και εγενετο η επισκεψις αυτων κατα δημους αυτων δισχιλιοι διακοσιοι πεντηκοντα·
4.37    αυτη η επισκεψις δημου κααθ, πας ο λειτουργων εν τη σκηνη του μαρτυριου, καθα επεσκεψατο μωυσης και ααρων δια φωνης *κυριου εν χειρι μωυση.
4.38    και επεσκεπησαν υιοι γεδσων κατα δημους αυτων κατ᾽ οικους πατριων αυτων
4.39    απο πεντεκαιεικοσαετους και επανω εως πεντηκονταετους, πας ο εισπορευομενος λειτουργειν και ποιειν τα εργα εν τη σκηνη του μαρτυριου.
4.40    και εγενετο η επισκεψις αυτων κατα δημους αυτων κατ᾽ οικους πατριων αυτων δισχιλιοι εξακοσιοι τριακοντα·
4.41    αυτη η επισκεψις δημου υιων γεδσων, πας ο λειτουργων εν τη σκηνη του μαρτυριου, ους επεσκεψατο μωυσης και ααρων δια φωνης *κυριου εν χειρι μωυση.
4.42    επεσκεπησαν δε και δημος υιων μεραρι κατα δημους αυτων κατ᾽ οικους πατριων αυτων
4.43    απο πεντεκαιεικοσαετους και επανω εως πεντηκονταετους, πας ο εισπορευομενος λειτουργειν προς τα εργα της σκηνης του μαρτυριου.
4.44    και εγενηθη η επισκεψις αυτων κατα δημους αυτων κατ᾽ οικους πατριων αυτων τρισχιλιοι και διακοσιοι·
4.45    αυτη η επισκεψις δημου υιων μεραρι, ους επεσκεψατο μωυσης και ααρων δια φωνης *κυριου εν χειρι μωυση.
4.46    παντες οι επεσκεμμενοι, ους επεσκεψατο μωυσης και ααρων και οι αρχοντες ισραηλ, τους λευιτας κατα δημους κατ᾽ οικους πατριων αυτων
4.47    απο πεντεκαιεικοσαετους και επανω εως πεντηκονταετους, πας ο εισπορευομενος προς το εργον των εργων και τα εργα τα αιρομενα εν τη σκηνη του μαρτυριου,
4.48    και εγενηθησαν οι επισκεπεντες οκτακισχιλιοι πεντακοσιοι ογδοηκοντα.
4.49    δια φωνης *κυριου επεσκεψατο αυτους εν χειρι μωυση ανδρα κατ᾽ ανδρα επι των εργων αυτων και επι ων αιρουσιν αυτοι· και επεσκεπησαν, ον τροπον συνεταξεν *κυριος τω μωυση.
5.1     και ελαλησεν *κυριος προς μωυσην λεγων
5.2     προσταξον τοις υιοις ισραηλ και εξαποστειλατωσαν εκ της παρεμβολης παντα λεπρον και παντα γονορρυη και παντα ακαθαρτον επι ψυχη·
5.3     απο αρσενικου εως θηλυκου εξαποστειλατε εξω της παρεμβολης, και ου μη μιανουσιν τας παρεμβολας αυτων, εν οις εγω καταγινομαι εν αυτοις.
5.4     και εποιησαν ουτως οι υιοι ισραηλ και εξαπεστειλαν αυτους εξω της παρεμβολης· καθα ελαλησεν *κυριος τω μωυση, ουτως εποιησαν οι υιοι ισραηλ.
5.5     και ελαλησεν *κυριος προς μωυσην λεγων
5.6     λαλησον τοις υιοις ισραηλ λεγων ανηρ η γυνη, οστις εαν ποιηση απο των αμαρτιων των ανθρωπινων και παριδων παριδη και πλημμεληση η ψυχη εκεινη,
5.7     εξαγορευσει την αμαρτιαν, ην εποιησεν, και αποδωσει την πλημμελειαν το κεφαλαιον και το επιπεμπτον αυτου προσθησει επ᾽ αυτο και αποδωσει, τινι επλημμελησεν αυτω.
5.8     εαν δε μη η τω ανθρωπω ο αγχιστευων ωστε αποδουναι αυτω το πλημμελημα προς αυτον, το πλημμελημα το αποδιδομενον *κυριω τω ιερει εσται πλην του κριου του ιλασμου, δι᾽ ου εξιλασεται εν αυτω περι αυτου.
5.9     και πασα απαρχη κατα παντα τα αγιαζομενα εν υιοις ισραηλ, οσα αν προσφερωσιν τω κυριω τω ιερει, αυτω εσται.
5.10    και εκαστου τα ηγιασμενα αυτου εσται· ανηρ ος εαν δω τω ιερει, αυτω εσται.
5.11    και ελαλησεν *κυριος προς μωυσην λεγων
5.12    λαλησον τοις υιοις ισραηλ και ερεις προς αυτους ανδρος ανδρος εαν παραβη η γυνη αυτου και παριδη αυτον υπεριδουσα
5.13    και κοιμηθη τις μετ᾽ αυτης κοιτην σπερματος και λαθη εξ οφθαλμων του ανδρος αυτης και κρυψη, αυτη δε η μεμιαμμενη και μαρτυς μη ην μετ᾽ αυτης και αυτη μη η συνειλημμενη,
5.14    και επελθη αυτω πνευμα ζηλωσεως και ζηλωση την γυναικα αυτου, αυτη δε μεμιανται, η επελθη αυτω πνευμα ζηλωσεως και ζηλωση την γυναικα αυτου, αυτη δε μη η μεμιαμμενη,
5.15    και αξει ο ανθρωπος την γυναικα αυτου προς τον ιερεα και προσοισει το δωρον περι αυτης το δεκατον του οιφι αλευρον κριθινον, ουκ επιχεει επ᾽ αυτο ελαιον ουδε επιθησει επ᾽ αυτο λιβανον, εστιν γαρ θυσια ζηλοτυπιας, θυσια μνημοσυνου αναμιμνησκουσα αμαρτιαν.
5.16    και προσαξει αυτην ο ιερευς και στησει αυτην εναντι *κυριου,
5.17    και λημψεται ο ιερευς υδωρ καθαρον ζων εν αγγειω οστρακινω και της γης της ουσης επι του εδαφους της σκηνης του μαρτυριου και λαβων ο ιερευς εμβαλει εις το υδωρ,
5.18    και στησει ο ιερευς την γυναικα εναντι *κυριου και αποκαλυψει την κεφαλην της γυναικος και δωσει επι τας χειρας αυτης την θυσιαν του μνημοσυνου, την θυσιαν της ζηλοτυπιας, εν δε τη χειρι του ιερεως εσται το υδωρ του ελεγμου του επικαταρωμενου τουτου.
5.19    και ορκιει αυτην ο ιερευς και ερει τη γυναικι ει μη κεκοιμηται τις μετα σου, ει μη παραβεβηκας μιανθηναι υπο τον ανδρα τον σεαυτης, αθωα ισθι απο του υδατος του ελεγμου του επικαταρωμενου τουτου·
5.20    ει δε συ παραβεβηκας υπ᾽ ανδρος ουσα η μεμιανσαι και εδωκεν τις την κοιτην αυτου εν σοι πλην του ανδρος σου.
5.21    και ορκιει ο ιερευς την γυναικα εν τοις ορκοις της αρας ταυτης, και ερει ο ιερευς τη γυναικι δωη *κυριος σε εν αρα και ενορκιον εν μεσω του λαου σου εν τω δουναι κυριον τον μηρον σου διαπεπτωκοτα και την κοιλιαν σου πεπρησμενην,
5.22    και εισελευσεται το υδωρ το επικαταρωμενον τουτο εις την κοιλιαν σου πρησαι γαστερα και διαπεσειν μηρον σου. και ερει η γυνη γενοιτο, γενοιτο.
5.23    και γραψει ο ιερευς τας αρας ταυτας εις βιβλιον και εξαλειψει εις το υδωρ του ελεγμου του επικαταρωμενου
5.24    και ποτιει την γυναικα το υδωρ του ελεγμου του επικαταρωμενου, και εισελευσεται εις αυτην το υδωρ το επικαταρωμενον του ελεγμου.
5.25    και λημψεται ο ιερευς εκ χειρος της γυναικος την θυσιαν της ζηλοτυπιας και επιθησει την θυσιαν εναντι *κυριου και προσοισει αυτην προς το θυσιαστηριον,
5.26    και δραξεται ο ιερευς απο της θυσιας το μνημοσυνον αυτης και ανοισει αυτο επι το θυσιαστηριον και μετα ταυτα ποτιει την γυναικα το υδωρ.
5.27    και εσται εαν η μεμιαμμενη και ληθη λαθη τον ανδρα αυτης, και εισελευσεται εις αυτην το υδωρ του ελεγμου το επικαταρωμενον, και πρησθησεται την κοιλιαν, και διαπεσειται ο μηρος αυτης, και εσται η γυνη εις αραν εν τω λαω αυτης·
5.28    εαν δε μη μιανθη η γυνη και καθαρα η, και αθωα εσται και εκσπερματιει σπερμα.
5.29    ουτος ο νομος της ζηλοτυπιας, ω εαν παραβη η γυνη υπ᾽ ανδρος ουσα και μιανθη·
5.30    η ανθρωπος, ω εαν επελθη επ᾽ αυτον πνευμα ζηλωσεως και ζηλωση την γυναικα αυτου, και στησει την γυναικα αυτου εναντι *κυριου, και ποιησει αυτη ο ιερευς παντα τον νομον τουτον·
5.31    και αθωος εσται ο ανθρωπος απο αμαρτιας, και η γυνη εκεινη λημψεται την αμαρτιαν αυτης.
6.1     και ελαλησεν *κυριος προς μωυσην λεγων
6.2     λαλησον τοις υιοις ισραηλ και ερεις προς αυτους ανηρ η γυνη, ος εαν μεγαλως ευξηται ευχην αφαγνισασθαι αγνειαν *κυριω
6.3     απο οινου και σικερα, αγνισθησεται απο οινου και οξος εξ οινου και οξος εκ σικερα ου πιεται και οσα κατεργαζεται εκ σταφυλης ου πιεται και σταφυλην προσφατον και σταφιδα ου φαγεται.
6.4     πασας τας ημερας της ευχης αυτου απο παντων, οσα γινεται εξ αμπελου, οινον απο στεμφυλων εως γιγαρτου ου φαγεται.
6.5     πασας τας ημερας της ευχης του αγνισμου ξυρον ουκ επελευσεται επι την κεφαλην αυτου· εως αν πληρωθωσιν αι ημεραι, οσας ηυξατο *κυριω, αγιος εσται τρεφων κομην τριχα κεφαλης.
6.6     πασας τας ημερας της ευχης *κυριω επι παση ψυχη τετελευτηκυια ουκ εισελευσεται·
6.7     επι πατρι και επι μητρι και επ᾽ αδελφω και επ᾽ αδελφη, ου μιανθησεται επ᾽ αυτοις αποθανοντων αυτων, οτι ευχη θεου αυτου επ᾽ αυτω επι κεφαλης αυτου·
6.8     πασας τας ημερας της ευχης αυτου αγιος εσται *κυριω.
6.9     εαν δε τις αποθανη εξαπινα επ᾽ αυτω, παραχρημα μιανθησεται η κεφαλη ευχης αυτου, και ξυρησεται την κεφαλην αυτου η αν ημερα καθαρισθη· τη ημερα τη εβδομη ξυρηθησεται.
6.10    και τη ημερα τη ογδοη οισει δυο τρυγονας η δυο νεοσσους περιστερων προς τον ιερεα επι τας θυρας της σκηνης του μαρτυριου,
6.11    και ποιησει ο ιερευς μιαν περι αμαρτιας και μιαν εις ολοκαυτωμα, και εξιλασεται περι αυτου ο ιερευς περι ων ημαρτεν περι της ψυχης και αγιασει την κεφαλην αυτου εν εκεινη τη ημερα,
6.12    η ηγιασθη *κυριω τας ημερας της ευχης, και προσαξει αμνον ενιαυσιον εις πλημμελειαν, και αι ημεραι αι προτεραι αλογοι εσονται, οτι εμιανθη κεφαλη ευχης αυτου.
6.13    και ουτος ο νομος του ευξαμενου· η αν ημερα πληρωση ημερας ευχης αυτου, προσοισει αυτος παρα τας θυρας της σκηνης του μαρτυριου
6.14    και προσαξει το δωρον αυτου *κυριω αμνον ενιαυσιον αμωμον ενα εις ολοκαυτωσιν και αμναδα ενιαυσιαν αμωμον μιαν εις αμαρτιαν και κριον ενα αμωμον εις σωτηριον
6.15    και κανουν αζυμων σεμιδαλεως αρτους αναπεποιημενους εν ελαιω και λαγανα αζυμα κεχρισμενα εν ελαιω και θυσια αυτων και σπονδη αυτων.
6.16    και προσοισει ο ιερευς εναντι *κυριου και ποιησει το περι αμαρτιας αυτου και το ολοκαυτωμα αυτου
6.17    και τον κριον ποιησει θυσιαν σωτηριου *κυριω επι τω κανω των αζυμων, και ποιησει ο ιερευς την θυσιαν αυτου και την σπονδην αυτου.
6.18    και ξυρησεται ο ηυγμενος παρα τας θυρας της σκηνης του μαρτυριου την κεφαλην της ευχης αυτου και επιθησει τας τριχας επι το πυρ, ο εστιν υπο την θυσιαν του σωτηριου.
6.19    και λημψεται ο ιερευς τον βραχιονα εφθον απο του κριου και αρτον ενα αζυμον απο του κανου και λαγανον αζυμον εν και επιθησει επι τας χειρας του ηυγμενου μετα το ξυρησασθαι αυτον την ευχην αυτου·
6.20    και προσοισει αυτα ο ιερευς επιθεμα εναντι *κυριου, αγιον εσται τω ιερει επι του στηθυνιου του επιθεματος και επι του βραχιονος του αφαιρεματος· και μετα ταυτα πιεται ο ηυγμενος οινον.
6.21    ουτος ο νομος του ευξαμενου, ος αν ευξηται κυριω δωρον αυτου *κυριω περι της ευχης, χωρις ων αν ευρη η χειρ αυτου κατα δυναμιν της ευχης αυτου, ην αν ευξηται κατα νομον αγνειας.
6.22    και ελαλησεν *κυριος προς μωυσην λεγων
6.23    λαλησον ααρων και τοις υιοις αυτου λεγων ουτως ευλογησετε τους υιους ισραηλ λεγοντες αυτοις [και επιθησουσιν το ονομα μου επι τους υιους ισραηλ, και εγω κυριος ευλογησω αυτους]
6.24    ευλογησαι σε *κυριος και φυλαξαι σε,
6.25    επιφαναι *κυριος το προσωπον αυτου επι σε και ελεησαι σε,
6.26    επαραι *κυριος το προσωπον αυτου επι σε και δωη σοι ειρηνην.
6.27    (vide)
7.1     και εγενετο η ημερα συνετελεσεν μωυσης ωστε αναστησαι την σκηνην και εχρισεν αυτην και ηγιασεν αυτην και παντα τα σκευη αυτης και το θυσιαστηριον και παντα τα σκευη αυτου και εχρισεν αυτα και ηγιασεν αυτα,
7.2     και προσηνεγκαν οι αρχοντες ισραηλ, δωδεκα αρχοντες οικων πατριων αυτων, ουτοι αρχοντες φυλων, ουτοι οι παρεστηκοτες επι της επισκοπης,
7.3     και ηνεγκαν τα δωρα αυτων εναντι *κυριου εξ αμαξας λαμπηνικας και δωδεκα βοας, αμαξαν παρα δυο αρχοντων και μοσχον παρα εκαστου, και προσηγαγον εναντιον της σκηνης.
7.4     και ειπεν *κυριος προς μωυσην λεγων
7.5     λαβε παρ᾽ αυτων, και εσονται προς τα εργα τα λειτουργικα της σκηνης του μαρτυριου, και δωσεις αυτα τοις λευιταις, εκαστω κατα την αυτου λειτουργιαν.
7.6     και λαβων μωυσης τας αμαξας και τους βοας εδωκεν αυτα τοις λευιταις·
7.7     τας δυο αμαξας και τους τεσσαρας βοας εδωκεν τοις υιοις γεδσων κατα τας λειτουργιας αυτων
7.8     και τας τεσσαρας αμαξας και τους οκτω βοας εδωκεν τοις υιοις μεραρι κατα τας λειτουργιας αυτων δια ιθαμαρ υιου ααρων του ιερεως.
7.9     και τοις υιοις κααθ ουκ εδωκεν, οτι τα λειτουργηματα του αγιου εχουσιν· επ᾽ ωμων αρουσιν.
7.10    και προσηνεγκαν οι αρχοντες εις τον εγκαινισμον του θυσιαστηριου εν τη ημερα, η εχρισεν αυτο, και προσηνεγκαν οι αρχοντες τα δωρα αυτων απεναντι του θυσιαστηριου.
7.11    και ειπεν *κυριος προς μωυσην αρχων εις καθ᾽ ημεραν αρχων καθ᾽ ημεραν προσοισουσιν τα δωρα αυτων εις τον εγκαινισμον του θυσιαστηριου.
7.12    και ην ο προσφερων τη ημερα τη πρωτη το δωρον αυτου ναασσων υιος αμιναδαβ αρχων της φυλης ιουδα.
7.13    και προσηνεγκεν το δωρον αυτου τρυβλιον αργυρουν εν, τριακοντα και εκατον ολκη αυτου, φιαλην μιαν αργυραν εβδομηκοντα σικλων κατα τον σικλον τον αγιον, αμφοτερα πληρη σεμιδαλεως αναπεποιημενης εν ελαιω, εις θυσιαν·
7.14    θυισκην μιαν δεκα χρυσων πληρη θυμιαματος·
7.15    μοσχον ενα εκ βοων, κριον ενα, αμνον ενα ενιαυσιον εις ολοκαυτωμα·
7.16    και χιμαρον εξ αιγων ενα περι αμαρτιας·
7.17    και εις θυσιαν σωτηριου δαμαλεις δυο, κριους πεντε, τραγους πεντε, αμναδας ενιαυσιας πεντε. τουτο το δωρον ναασσων υιου αμιναδαβ.
7.18    τη ημερα τη δευτερα προσηνεγκεν ναθαναηλ υιος σωγαρ αρχων της φυλης ισσαχαρ.
7.19    και προσηνεγκεν το δωρον αυτου τρυβλιον αργυρουν εν, τριακοντα και εκατον ολκη αυτου, φιαλην μιαν αργυραν εβδομηκοντα σικλων κατα τον σικλον τον αγιον, αμφοτερα πληρη σεμιδαλεως αναπεποιημενης εν ελαιω, εις θυσιαν·
7.20    θυισκην μιαν δεκα χρυσων πληρη θυμιαματος·
7.21    μοσχον ενα εκ βοων, κριον ενα, αμνον ενα ενιαυσιον εις ολοκαυτωμα·
7.22    και χιμαρον εξ αιγων ενα περι αμαρτιας·
7.23    και εις θυσιαν σωτηριου δαμαλεις δυο, κριους πεντε, τραγους πεντε, αμναδας ενιαυσιας πεντε. τουτο το δωρον ναθαναηλ υιου σωγαρ.
7.24    τη ημερα τη τριτη αρχων των υιων ζαβουλων ελιαβ υιος χαιλων.
7.25    το δωρον αυτου τρυβλιον αργυρουν εν, τριακοντα και εκατον ολκη αυτου, φιαλην μιαν αργυραν εβδομηκοντα σικλων κατα τον σικλον τον αγιον, αμφοτερα πληρη σεμιδαλεως αναπεποιημενης εν ελαιω, εις θυσιαν·
7.26    θυισκην μιαν δεκα χρυσων πληρη θυμιαματος·
7.27    μοσχον ενα εκ βοων, κριον ενα, αμνον ενα ενιαυσιον εις ολοκαυτωμα·
7.28    και χιμαρον εξ αιγων ενα περι αμαρτιας·
7.29    και εις θυσιαν σωτηριου δαμαλεις δυο, κριους πεντε, τραγους πεντε, αμναδας ενιαυσιας πεντε. τουτο το δωρον ελιαβ υιου χαιλων.
7.30    τη ημερα τη τεταρτη αρχων των υιων ρουβην ελισουρ υιος σεδιουρ.
7.31    το δωρον αυτου τρυβλιον αργυρουν εν, τριακοντα και εκατον ολκη αυτου, φιαλην μιαν αργυραν εβδομηκοντα σικλων κατα τον σικλον τον αγιον, αμφοτερα πληρη σεμιδαλεως αναπεποιημενης εν ελαιω, εις θυσιαν·
7.32    θυισκην μιαν δεκα χρυσων πληρη θυμιαματος·
7.33    μοσχον ενα εκ βοων, κριον ενα, αμνον ενα ενιαυσιον εις ολοκαυτωμα·
7.34    και χιμαρον εξ αιγων ενα περι αμαρτιας·
7.35    και εις θυσιαν σωτηριου δαμαλεις δυο, κριους πεντε, τραγους πεντε, αμναδας ενιαυσιας πεντε. τουτο το δωρον ελισουρ υιου σεδιουρ.
7.36    τη ημερα τη πεμπτη αρχων των υιων συμεων σαλαμιηλ υιος σουρισαδαι.
7.37    το δωρον αυτου τρυβλιον αργυρουν εν, τριακοντα και εκατον ολκη αυτου, φιαλην μιαν αργυραν εβδομηκοντα σικλων κατα τον σικλον τον αγιον, αμφοτερα πληρη σεμιδαλεως αναπεποιημενης εν ελαιω, εις θυσιαν·
7.38    θυισκην μιαν δεκα χρυσων πληρη θυμιαματος·
7.39    μοσχον ενα εκ βοων, κριον ενα, αμνον ενα ενιαυσιον εις ολοκαυτωμα·
7.40    και χιμαρον εξ αιγων ενα περι αμαρτιας·
7.41    και εις θυσιαν σωτηριου δαμαλεις δυο, κριους πεντε, τραγους πεντε, αμναδας ενιαυσιας πεντε. τουτο το δωρον σαλαμιηλ υιου σουρισαδαι.
7.42    τη ημερα τη εκτη αρχων των υιων γαδ ελισαφ υιος ραγουηλ.
7.43    το δωρον αυτου τρυβλιον αργυρουν εν, τριακοντα και εκατον ολκη αυτου, φιαλην μιαν αργυραν εβδομηκοντα σικλων κατα τον σικλον τον αγιον, αμφοτερα πληρη σεμιδαλεως αναπεποιημενης εν ελαιω, εις θυσιαν·
7.44    θυισκην μιαν δεκα χρυσων πληρη θυμιαματος·
7.45    μοσχον ενα εκ βοων, κριον ενα, αμνον ενα ενιαυσιον εις ολοκαυτωμα·
7.46    και χιμαρον εξ αιγων ενα περι αμαρτιας·
7.47    και εις θυσιαν σωτηριου δαμαλεις δυο, κριους πεντε, τραγους πεντε, αμναδας ενιαυσιας πεντε. τουτο το δωρον ελισαφ υιου ραγουηλ.
7.48    τη ημερα τη εβδομη αρχων των υιων εφραιμ ελισαμα υιος εμιουδ.
7.49    το δωρον αυτου τρυβλιον αργυρουν εν, τριακοντα και εκατον ολκη αυτου, φιαλην μιαν αργυραν εβδομηκοντα σικλων κατα τον σικλον τον αγιον, αμφοτερα πληρη σεμιδαλεως αναπεποιημενης εν ελαιω, εις θυσιαν·
7.50    θυισκην μιαν δεκα χρυσων πληρη θυμιαματος·
7.51    μοσχον ενα εκ βοων, κριον ενα, αμνον ενα ενιαυσιον εις ολοκαυτωμα·
7.52    και χιμαρον εξ αιγων ενα περι αμαρτιας·
7.53    και εις θυσιαν σωτηριου δαμαλεις δυο, κριους πεντε, τραγους πεντε, αμναδας ενιαυσιας πεντε. τουτο το δωρον ελισαμα υιου εμιουδ.
7.54    τη ημερα τη ογδοη αρχων των υιων μανασση γαμαλιηλ υιος φαδασσουρ.
7.55    το δωρον αυτου τρυβλιον αργυρουν εν, τριακοντα και εκατον ολκη αυτου, φιαλην μιαν αργυραν εβδομηκοντα σικλων κατα τον σικλον τον αγιον, αμφοτερα πληρη σεμιδαλεως αναπεποιημενης εν ελαιω, εις θυσιαν·
7.56    θυισκην μιαν δεκα χρυσων πληρη θυμιαματος·
7.57    μοσχον ενα εκ βοων, κριον ενα, αμνον ενα ενιαυσιον εις ολοκαυτωμα·
7.58    και χιμαρον εξ αιγων ενα περι αμαρτιας·
7.59    και εις θυσιαν σωτηριου δαμαλεις δυο, κριους πεντε, τραγους πεντε, αμναδας ενιαυσιας πεντε. τουτο το δωρον γαμαλιηλ υιου φαδασσουρ.
7.60    τη ημερα τη ενατη αρχων των υιων βενιαμιν αβιδαν υιος γαδεωνι.
7.61    το δωρον αυτου τρυβλιον αργυρουν εν, τριακοντα και εκατον ολκη αυτου, φιαλην μιαν αργυραν εβδομηκοντα σικλων κατα τον σικλον τον αγιον, αμφοτερα πληρη σεμιδαλεως αναπεποιημενης εν ελαιω, εις θυσιαν·
7.62    θυισκην μιαν δεκα χρυσων πληρη θυμιαματος·
7.63    μοσχον ενα εκ βοων, κριον ενα, αμνον ενα ενιαυσιον εις ολοκαυτωμα·
7.64    και χιμαρον εξ αιγων ενα περι αμαρτιας·
7.65    και εις θυσιαν σωτηριου δαμαλεις δυο, κριους πεντε, τραγους πεντε, αμναδας ενιαυσιας πεντε. τουτο το δωρον αβιδαν υιου γαδεωνι.
7.66    τη ημερα τη δεκατη αρχων των υιων δαν αχιεζερ υιος αμισαδαι.
7.67    το δωρον αυτου τρυβλιον αργυρουν εν, τριακοντα και εκατον ολκη αυτου, φιαλην μιαν αργυραν εβδομηκοντα σικλων κατα τον σικλον τον αγιον, αμφοτερα πληρη σεμιδαλεως αναπεποιημενης εν ελαιω, εις θυσιαν·
7.68    θυισκην μιαν δεκα χρυσων πληρη θυμιαματος·
7.69    μοσχον ενα εκ βοων, κριον ενα, αμνον ενα ενιαυσιον εις ολοκαυτωμα·
7.70    και χιμαρον εξ αιγων ενα περι αμαρτιας·
7.71    και εις θυσιαν σωτηριου δαμαλεις δυο, κριους πεντε, τραγους πεντε, αμναδας ενιαυσιας πεντε. τουτο το δωρον αχιεζερ υιου αμισαδαι.
7.72    τη ημερα τη ενδεκατη αρχων των υιων ασηρ φαγαιηλ υιος εχραν.
7.73    το δωρον αυτου τρυβλιον αργυρουν εν, τριακοντα και εκατον ολκη αυτου, φιαλην μιαν αργυραν εβδομηκοντα σικλων κατα τον σικλον τον αγιον, αμφοτερα πληρη σεμιδαλεως αναπεποιημενης εν ελαιω, εις θυσιαν·
7.74    θυισκην μιαν δεκα χρυσων πληρη θυμιαματος·
7.75    μοσχον ενα εκ βοων, κριον ενα, αμνον ενα ενιαυσιον εις ολοκαυτωμα·
7.76    και χιμαρον εξ αιγων ενα περι αμαρτιας·
7.77    και εις θυσιαν σωτηριου δαμαλεις δυο, κριους πεντε, τραγους πεντε, αμναδας ενιαυσιας πεντε. τουτο το δωρον φαγαιηλ υιου εχραν.
7.78    τη ημερα τη δωδεκατη αρχων των υιων νεφθαλι αχιρε υιος αιναν.
7.79    το δωρον αυτου τρυβλιον αργυρουν εν, τριακοντα και εκατον ολκη αυτου, φιαλην μιαν αργυραν εβδομηκοντα σικλων κατα τον σικλον τον αγιον, αμφοτερα πληρη σεμιδαλεως αναπεποιημενης εν ελαιω, εις θυσιαν·
7.80    θυισκην μιαν δεκα χρυσων πληρη θυμιαματος·
7.81    μοσχον ενα εκ βοων, κριον ενα, αμνον ενα ενιαυσιον εις ολοκαυτωμα·
7.82    και χιμαρον εξ αιγων ενα περι αμαρτιας·
7.83    και εις θυσιαν σωτηριου δαμαλεις δυο, κριους πεντε, τραγους πεντε, αμναδας ενιαυσιας πεντε. τουτο το δωρον αχιρε υιου αιναν.
7.84    ουτος ο εγκαινισμος του θυσιαστηριου, η ημερα εχρισεν αυτο, παρα των αρχοντων των υιων ισραηλ· τρυβλια αργυρα δωδεκα, φιαλαι αργυραι δωδεκα, θυισκαι χρυσαι δωδεκα,
7.85    τριακοντα και εκατον σικλων το τρυβλιον το εν και εβδομηκοντα σικλων η φιαλη η μια, παν το αργυριον των σκευων δισχιλιοι και τετρακοσιοι σικλοι εν τω σικλω τω αγιω.
7.86    θυισκαι χρυσαι δωδεκα πληρεις θυμιαματος· παν το χρυσιον των θυισκων εικοσι και εκατον χρυσοι.
7.87    πασαι αι βοες εις ολοκαυτωσιν μοσχοι δωδεκα, κριοι δωδεκα, αμνοι ενιαυσιοι δωδεκα και αι θυσιαι αυτων και αι σπονδαι αυτων· και χιμαροι εξ αιγων δωδεκα περι αμαρτιας.
7.88    πασαι αι βοες εις θυσιαν σωτηριου δαμαλεις εικοσι τεσσαρες, κριοι εξηκοντα, τραγοι εξηκοντα, αμναδες εξηκοντα ενιαυσιαι αμωμοι. αυτη η εγκαινωσις του θυσιαστηριου μετα το πληρωσαι τας χειρας αυτου και μετα το χρισαι αυτον.
7.89    εν τω εισπορευεσθαι μωυσην εις την σκηνην του μαρτυριου λαλησαι αυτω και ηκουσεν την φωνην κυριου λαλουντος προς αυτον ανωθεν του ιλαστηριου, ο εστιν επι της κιβωτου του μαρτυριου, ανα μεσον των δυο χερουβιμ· και ελαλει προς αυτον.
8.1     και ελαλησεν *κυριος προς μωυσην λεγων
8.2     λαλησον τω ααρων και ερεις προς αυτον οταν επιτιθης τους λυχνους, εκ μερους κατα προσωπον της λυχνιας φωτιουσιν οι επτα λυχνοι.
8.3     και εποιησεν ουτως ααρων· εκ του ενος μερους κατα προσωπον της λυχνιας εξηψεν τους λυχνους αυτης, καθα συνεταξεν *κυριος τω μωυση.
8.4     και αυτη η κατασκευη της λυχνιας· στερεα χρυση, ο καυλος αυτης και τα κρινα αυτης, στερεα ολη· κατα το ειδος, ο εδειξεν *κυριος τω μωυση, ουτως εποιησεν την λυχνιαν.
8.5     και ελαλησεν *κυριος προς μωυσην λεγων
8.6     λαβε τους λευιτας εκ μεσου υιων ισραηλ και αφαγνιεις αυτους.
8.7     και ουτως ποιησεις αυτοις τον αγνισμον αυτων· περιρρανεις αυτους υδωρ αγνισμου, και επελευσεται ξυρον επι παν το σωμα αυτων, και πλυνουσιν τα ιματια αυτων και καθαροι εσονται.
8.8     και λημψονται μοσχον ενα εκ βοων και τουτου θυσιαν σεμιδαλεως αναπεποιημενην εν ελαιω, και μοσχον ενιαυσιον εκ βοων λημψη περι αμαρτιας.
8.9     και προσαξεις τους λευιτας εναντι της σκηνης του μαρτυριου και συναξεις πασαν συναγωγην υιων ισραηλ
8.10    και προσαξεις τους λευιτας εναντι *κυριου, και επιθησουσιν οι υιοι ισραηλ τας χειρας αυτων επι τους λευιτας,
8.11    και αφοριει ααρων τους λευιτας αποδομα εναντι *κυριου παρα των υιων ισραηλ, και εσονται ωστε εργαζεσθαι τα εργα *κυριου.
8.12    οι δε λευιται επιθησουσιν τας χειρας επι τας κεφαλας των μοσχων, και ποιησει τον ενα περι αμαρτιας και τον ενα εις ολοκαυτωμα *κυριω εξιλασασθαι περι αυτων.
8.13    και στησεις τους λευιτας εναντι κυριου και εναντι ααρων και εναντι των υιων αυτου και αποδωσεις αυτους αποδομα εναντι *κυριου·
8.14    και διαστελεις τους λευιτας εκ μεσου υιων ισραηλ, και εσονται εμοι.
8.15    και μετα ταυτα εισελευσονται οι λευιται εργαζεσθαι τα εργα της σκηνης του μαρτυριου, και καθαριεις αυτους και αποδωσεις αυτους εναντι κυριου.
8.16    οτι αποδομα αποδεδομενοι ουτοι μοι εισιν εκ μεσου υιων ισραηλ· αντι των διανοιγοντων πασαν μητραν πρωτοτοκων παντων εκ των υιων ισραηλ ειληφα αυτους εμοι.
8.17    οτι εμοι παν πρωτοτοκον εν υιοις ισραηλ απο ανθρωπου εως κτηνους· η ημερα επαταξα παν πρωτοτοκον εν γη αιγυπτω, ηγιασα αυτους εμοι
8.18    και ελαβον τους λευιτας αντι παντος πρωτοτοκου εν υιοις ισραηλ.
8.19    και απεδωκα τους λευιτας αποδομα δεδομενους ααρων και τοις υιοις αυτου εκ μεσου υιων ισραηλ εργαζεσθαι τα εργα των υιων ισραηλ εν τη σκηνη του μαρτυριου και εξιλασκεσθαι περι των υιων ισραηλ, και ουκ εσται εν τοις υιοις ισραηλ προσεγγιζων προς τα αγια.
8.20    και εποιησεν μωυσης και ααρων και πασα συναγωγη υιων ισραηλ τοις λευιταις καθα ενετειλατο *κυριος τω μωυση περι των λευιτων, ουτως εποιησαν αυτοις οι υιοι ισραηλ.
8.21    και ηγνισαντο οι λευιται και επλυναντο τα ιματια, και απεδωκεν αυτους ααρων αποδομα εναντι *κυριου, και εξιλασατο περι αυτων ααρων αφαγνισασθαι αυτους.
8.22    και μετα ταυτα εισηλθον οι λευιται λειτουργειν την λειτουργιαν αυτων εν τη σκηνη του μαρτυριου εναντι ααρων και εναντι των υιων αυτου· καθως συνεταξεν *κυριος τω μωυση περι των λευιτων, ουτως εποιησαν αυτοις.
8.23    και ελαλησεν *κυριος προς μωυσην λεγων
8.24    τουτο εστιν το περι των λευιτων· απο πεντεκαιεικοσαετους και επανω εισελευσονται ενεργειν εν τη σκηνη του μαρτυριου·
8.25    και απο πεντηκονταετους αποστησεται απο της λειτουργιας και ουκ εργαται ετι,
8.26    και λειτουργησει ο αδελφος αυτου εν τη σκηνη του μαρτυριου φυλασσειν φυλακας, εργα δε ουκ εργαται. ουτως ποιησεις τοις λευιταις εν ταις φυλακαις αυτων.
9.1     και ελαλησεν *κυριος προς μωυσην εν τη ερημω σινα εν τω ετει τω δευτερω εξελθοντων αυτων εκ γης αιγυπτου εν τω μηνι τω πρωτω λεγων
9.2     ειπον και ποιειτωσαν οι υιοι ισραηλ το πασχα καθ᾽ ωραν αυτου·
9.3     τη τεσσαρεσκαιδεκατη ημερα του μηνος του πρωτου προς εσπεραν ποιησεις αυτο κατα καιρους· κατα τον νομον αυτου και κατα την συγκρισιν αυτου ποιησεις αυτο.
9.4     και ελαλησεν μωυσης τοις υιοις ισραηλ ποιησαι το πασχα.
9.5     εναρχομενου τη τεσσαρεσκαιδεκατη ημερα του μηνος εν τη ερημω του σινα, καθα συνεταξεν *κυριος τω μωυση, ουτως εποιησαν οι υιοι ισραηλ.
9.6     και παρεγενοντο οι ανδρες, οι ησαν ακαθαρτοι επι ψυχη ανθρωπου και ουκ ηδυναντο ποιησαι το πασχα εν τη ημερα εκεινη, και προσηλθον εναντιον μωυση και ααρων εν εκεινη τη ημερα,
9.7     και ειπαν οι ανδρες εκεινοι προς αυτον ημεις ακαθαρτοι επι ψυχη ανθρωπου· μη ουν υστερησωμεν προσενεγκαι το δωρον *κυριω κατα καιρον αυτου εν μεσω υιων ισραηλ;
9.8     και ειπεν προς αυτους μωυσης στητε αυτου, και ακουσομαι, τι εντελειται *κυριος περι υμων.
9.9     και ελαλησεν *κυριος προς μωυσην λεγων
9.10    λαλησον τοις υιοις ισραηλ λεγων ανθρωπος ανθρωπος, ος εαν γενηται ακαθαρτος επι ψυχη ανθρωπου η εν οδω μακραν υμιν η εν ταις γενεαις υμων, και ποιησει το πασχα *κυριω·
9.11    εν τω μηνι τω δευτερω εν τη τεσσαρεσκαιδεκατη ημερα το προς εσπεραν ποιησουσιν αυτο, επ᾽ αζυμων και πικριδων φαγονται αυτο,
9.12    ου καταλειψουσιν απ᾽ αυτου εις το πρωι και οστουν ου συντριψουσιν απ᾽ αυτου· κατα τον νομον του πασχα ποιησουσιν αυτο.
9.13    και ανθρωπος, ος εαν καθαρος η και εν οδω μακρα ουκ εστιν και υστερηση ποιησαι το πασχα, εξολεθρευθησεται η ψυχη εκεινη εκ του λαου αυτης· οτι το δωρον *κυριω ου προσηνεγκεν κατα τον καιρον αυτου, αμαρτιαν αυτου λημψεται ο ανθρωπος εκεινος.
9.14    εαν δε προσελθη προς υμας προσηλυτος εν τη γη υμων και ποιησει το πασχα *κυριω, κατα τον νομον του πασχα και κατα την συνταξιν αυτου ποιησει αυτο· νομος εις εσται υμιν και τω προσηλυτω και τω αυτοχθονι της γης.
9.15    και τη ημερα, η εσταθη η σκηνη, εκαλυψεν η νεφελη την σκηνην, τον οικον του μαρτυριου· και το εσπερας ην επι της σκηνης ως ειδος πυρος εως πρωι.
9.16    ουτως εγινετο δια παντος· η νεφελη εκαλυπτεν αυτην ημερας και ειδος πυρος την νυκτα.
9.17    και ηνικα ανεβη η νεφελη απο της σκηνης, και μετα ταυτα απηραν οι υιοι ισραηλ· και εν τω τοπω, ου αν εστη η νεφελη, εκει παρενεβαλον οι υιοι ισραηλ.
9.18    δια προσταγματος *κυριου παρεμβαλουσιν οι υιοι ισραηλ και δια προσταγματος *κυριου απαρουσιν· πασας τας ημερας, εν αις σκιαζει η νεφελη επι της σκηνης, παρεμβαλουσιν οι υιοι ισραηλ·
9.19    και οταν εφελκηται η νεφελη επι της σκηνης ημερας πλειους, και φυλαξονται οι υιοι ισραηλ την φυλακην του *θεου και ου μη εξαρωσιν·
9.20    και εσται οταν σκεπαση η νεφελη ημερας αριθμω επι της σκηνης, δια φωνης *κυριου παρεμβαλουσιν και δια προσταγματος *κυριου απαρουσιν·
9.21    και εσται οταν γενηται η νεφελη αφ᾽ εσπερας εως πρωι και αναβη η νεφελη το πρωι, και απαρουσιν ημερας η νυκτος·
9.22    μηνος ημερας πλεοναζουσης της νεφελης σκιαζουσης επ᾽ αυτης παρεμβαλουσιν οι υιοι ισραηλ και ου μη απαρωσιν.
9.23    οτι δια προσταγματος *κυριου απαρουσιν, την φυλακην *κυριου εφυλαξαντο δια προσταγματος *κυριου εν χειρι μωυση.
10.1    και ελαλησεν *κυριος προς μωυσην λεγων
10.2    ποιησον σεαυτω δυο σαλπιγγας αργυρας, ελατας ποιησεις αυτας, και εσονται σοι ανακαλειν την συναγωγην και εξαιρειν τας παρεμβολας.
10.3    και σαλπισεις εν αυταις, και συναχθησεται πασα η συναγωγη επι την θυραν της σκηνης του μαρτυριου·
10.4    εαν δε εν μια σαλπισωσιν, προσελευσονται προς σε παντες οι αρχοντες, αρχηγοι ισραηλ.
10.5    και σαλπιειτε σημασιαν, και εξαρουσιν αι παρεμβολαι αι παρεμβαλλουσαι ανατολας·
10.6    και σαλπιειτε σημασιαν δευτεραν, και εξαρουσιν αι παρεμβολαι αι παρεμβαλλουσαι λιβα· και σαλπιειτε σημασιαν τριτην, και εξαρουσιν αι παρεμβολαι αι παρεμβαλλουσαι παρα θαλασσαν· και σαλπιειτε σημασιαν τεταρτην, και εξαρουσιν αι παρεμβολαι αι παρεμβαλλουσαι προς βορραν· σημασια σαλπιουσιν εν τη εξαρσει αυτων.
10.7    και οταν συναγαγητε την συναγωγην, σαλπιειτε και ου σημασια.
10.8    και οι υιοι ααρων οι ιερεις σαλπιουσιν ταις σαλπιγξιν, και εσται υμιν νομιμον αιωνιον εις τας γενεας υμων.
10.9    εαν δε εξελθητε εις πολεμον εν τη γη υμων προς τους υπεναντιους τους ανθεστηκοτας υμιν, και σημανειτε ταις σαλπιγξιν και αναμνησθησεσθε εναντι *κυριου και διασωθησεσθε απο των εχθρων υμων.
10.10   και εν ταις ημεραις της ευφροσυνης υμων και εν ταις εορταις υμων και εν ταις νουμηνιαις υμων σαλπιειτε ταις σαλπιγξιν επι τοις ολοκαυτωμασιν και επι ταις θυσιαις των σωτηριων υμων, και εσται υμιν αναμνησις εναντι του θεου υμων· εγω *κυριος ο θεος υμων.
10.11   και εγενετο εν τω ενιαυτω τω δευτερω εν τω μηνι τω δευτερω εικαδι του μηνος ανεβη η νεφελη απο της σκηνης του μαρτυριου,
10.12   και εξηραν οι υιοι ισραηλ συν απαρτιαις αυτων εν τη ερημω σινα, και εστη η νεφελη εν τη ερημω του φαραν.
10.13   και εξηραν πρωτοι δια φωνης *κυριου εν χειρι μωυση.
10.14   και εξηραν ταγμα παρεμβολης υιων ιουδα πρωτοι συν δυναμει αυτων· και επι της δυναμεως αυτων ναασσων υιος αμιναδαβ,
10.15   και επι της δυναμεως φυλης υιων ισσαχαρ ναθαναηλ υιος σωγαρ,
10.16   και επι της δυναμεως φυλης υιων ζαβουλων ελιαβ υιος χαιλων.
10.17   και καθελουσιν την σκηνην και εξαρουσιν οι υιοι γεδσων και οι υιοι μεραρι αιροντες την σκηνην.
10.18   και εξηραν ταγμα παρεμβολης ρουβην συν δυναμει αυτων· και επι της δυναμεως αυτων ελισουρ υιος σεδιουρ,
10.19   και επι της δυναμεως φυλης υιων συμεων σαλαμιηλ υιος σουρισαδαι,
10.20   και επι της δυναμεως φυλης υιων γαδ ελισαφ ο του ραγουηλ.
10.21   και εξαρουσιν οι υιοι κααθ αιροντες τα αγια και στησουσιν την σκηνην, εως παραγενωνται.
10.22   και εξαρουσιν ταγμα παρεμβολης εφραιμ συν δυναμει αυτων· και επι της δυναμεως αυτων ελισαμα υιος εμιουδ,
10.23   και επι της δυναμεως φυλης υιων μανασση γαμαλιηλ ο του φαδασσουρ,
10.24   και επι της δυναμεως φυλης υιων βενιαμιν αβιδαν ο του γαδεωνι.
10.25   και εξαρουσιν ταγμα παρεμβολης υιων δαν εσχατοι πασων των παρεμβολων συν δυναμει αυτων· και επι της δυναμεως αυτων αχιεζερ ο του αμισαδαι,
10.26   και επι της δυναμεως φυλης υιων ασηρ φαγαιηλ υιος εχραν,
10.27   και επι της δυναμεως φυλης υιων νεφθαλι αχιρε υιος αιναν.
10.28   αυται αι στρατιαι υιων ισραηλ, και εξηραν συν δυναμει αυτων.
10.29   και ειπεν μωυσης τω ιωβαβ υιω ραγουηλ τω μαδιανιτη τω γαμβρω μωυση εξαιρομεν ημεις εις τον τοπον, ον ειπεν *κυριος τουτον δωσω υμιν· δευρο μεθ᾽ ημων, και ευ σε ποιησομεν, οτι *κυριος ελαλησεν καλα περι ισραηλ.
10.30   και ειπεν προς αυτον ου πορευσομαι αλλα εις την γην μου και εις την γενεαν μου.
10.31   και ειπεν μη εγκαταλιπης ημας, ου εινεκεν ησθα μεθ᾽ ημων εν τη ερημω, και εση εν ημιν πρεσβυτης·
10.32   και εσται εαν πορευθης μεθ᾽ ημων, και εσται τα αγαθα εκεινα, οσα εαν αγαθοποιηση *κυριος ημας, και ευ σε ποιησομεν.
10.33   και εξηραν εκ του ορους *κυριου οδον τριων ημερων, και η κιβωτος της διαθηκης *κυριου προεπορευετο προτερα αυτων οδον τριων ημερων κατασκεψασθαι αυτοις αναπαυσιν.
10.34   (vide)
10.35   και εγενετο εν τω εξαιρειν την κιβωτον και ειπεν μωυσης εξεγερθητι, *κυριε, διασκορπισθητωσαν οι εχθροι σου, φυγετωσαν παντες οι μισουντες σε. και εν τη καταπαυσει ειπεν επιστρεφε, *κυριε, χιλιαδας μυριαδας εν τω ισραηλ.
10.36   και η νεφελη εγενετο σκιαζουσα επ᾽ αυτοις ημερας εν τω εξαιρειν αυτους εκ της παρεμβολης.
11.1    και ην ο λαος γογγυζων πονηρα εναντι *κυριου, και ηκουσεν *κυριος και εθυμωθη οργη, και εξεκαυθη εν αυτοις πυρ παρα *κυριου και κατεφαγεν μερος τι της παρεμβολης.
11.2    και εκεκραξεν ο λαος προς μωυσην, και ηυξατο μωυσης προς *κυριον, και εκοπασεν το πυρ.
11.3    και εκληθη το ονομα του τοπου εκεινου εμπυρισμος, οτι εξεκαυθη εν αυτοις πυρ παρα *κυριου.
11.4    και ο επιμικτος ο εν αυτοις επεθυμησαν επιθυμιαν, και καθισαντες εκλαιον και οι υιοι ισραηλ και ειπαν τις ημας ψωμιει κρεα;
11.5    εμνησθημεν τους ιχθυας, ους ησθιομεν εν αιγυπτω δωρεαν, και τους σικυας και τους πεπονας και τα πρασα και τα κρομμυα και τα σκορδα·
11.6    νυνι δε η ψυχη ημων καταξηρος, ουδεν πλην εις το μαννα οι οφθαλμοι ημων.
11.7    το δε μαννα ωσει σπερμα κοριου εστιν, και το ειδος αυτου ειδος κρυσταλλου·
11.8    και διεπορευετο ο λαος και συνελεγον και ηληθον αυτο εν τω μυλω και ετριβον εν τη θυια και ηψουν αυτο εν τη χυτρα και εποιουν αυτο εγκρυφιας, και ην η ηδονη αυτου ωσει γευμα εγκρις εξ ελαιου·
11.9    και οταν κατεβη η δροσος επι την παρεμβολην νυκτος, κατεβαινεν το μαννα επ᾽ αυτης.
11.10   και ηκουσεν μωυσης κλαιοντων αυτων κατα δημους αυτων, εκαστον επι της θυρας αυτου· και εθυμωθη οργη *κυριος σφοδρα, και εναντι μωυση ην πονηρον.
11.11   και ειπεν μωυσης προς *κυριον ινα τι εκακωσας τον θεραποντα σου, και δια τι ουχ ευρηκα χαριν εναντιον σου επιθειναι την ορμην του λαου τουτου επ᾽ εμε;
11.12   μη εγω εν γαστρι ελαβον παντα τον λαον τουτον η εγω ετεκον αυτους, οτι λεγεις μοι λαβε αυτον εις τον κολπον σου, ωσει αραι τιθηνος τον θηλαζοντα, εις την γην, ην ωμοσας τοις πατρασιν αυτων;
11.13   ποθεν μοι κρεα δουναι παντι τω λαω τουτω; οτι κλαιουσιν επ᾽ εμοι λεγοντες δος ημιν κρεα, ινα φαγωμεν.
11.14   ου δυνησομαι εγω μονος φερειν τον λαον τουτον, οτι βαρυτερον μοι εστιν το ρημα τουτο.
11.15   ει δε ουτως συ ποιεις μοι, αποκτεινον με αναιρεσει, ει ευρηκα ελεος παρα σοι, ινα μη ιδω μου την κακωσιν.
11.16   και ειπεν *κυριος προς μωυσην συναγαγε μοι εβδομηκοντα ανδρας απο των πρεσβυτερων ισραηλ, ους αυτος συ οιδας οτι ουτοι εισιν πρεσβυτεροι του λαου και γραμματεις αυτων, και αξεις αυτους προς την σκηνην του μαρτυριου, και στησονται εκει μετα σου.
11.17   και καταβησομαι και λαλησω εκει μετα σου και αφελω απο του πνευματος του επι σοι και επιθησω επ᾽ αυτους, και συναντιλημψονται μετα σου την ορμην του λαου, και ουκ οισεις αυτους συ μονος.
11.18   και τω λαω ερεις αγνισασθε εις αυριον, και φαγεσθε κρεα, οτι εκλαυσατε εναντι *κυριου λεγοντες τις ημας ψωμιει κρεα; οτι καλον ημιν εστιν εν αιγυπτω. και δωσει *κυριος υμιν κρεα φαγειν, και φαγεσθε κρεα.
11.19   ουχ ημεραν μιαν φαγεσθε ουδε δυο ουδε πεντε ημερας ουδε δεκα ημερας ουδε εικοσι ημερας·
11.20   εως μηνος ημερων φαγεσθε, εως αν εξελθη εκ των μυκτηρων υμων, και εσται υμιν εις χολεραν, οτι ηπειθησατε *κυριω, ος εστιν εν υμιν, και εκλαυσατε εναντιον αυτου λεγοντες ινα τι ημιν εξελθειν εξ αιγυπτου;
11.21   και ειπεν μωυσης εξακοσιαι χιλιαδες πεζων ο λαος, εν οις ειμι εν αυτοις, και συ ειπας κρεα δωσω αυτοις φαγειν, και φαγονται μηνα ημερων;
11.22   μη προβατα και βοες σφαγησονται αυτοις, και αρκεσει αυτοις; η παν το οψος της θαλασσης συναχθησεται αυτοις, και αρκεσει αυτοις;
11.23   και ειπεν *κυριος προς μωυσην μη χειρ *κυριου ουκ εξαρκεσει; ηδη γνωσει ει επικαταλημψεται σε ο λογος μου η ου.
11.24   και εξηλθεν μωυσης και ελαλησεν προς τον λαον τα ρηματα *κυριου και συνηγαγεν εβδομηκοντα ανδρας απο των πρεσβυτερων του λαου και εστησεν αυτους κυκλω της σκηνης.
11.25   και κατεβη *κυριος εν νεφελη και ελαλησεν προς αυτον· και παρειλατο απο του πνευματος του επ᾽ αυτω και επεθηκεν επι τους εβδομηκοντα ανδρας τους πρεσβυτερους· ως δε επανεπαυσατο το πνευμα επ᾽ αυτους, και επροφητευσαν και ουκετι προσεθεντο.
11.26   και κατελειφθησαν δυο ανδρες εν τη παρεμβολη, ονομα τω ενι ελδαδ και ονομα τω δευτερω μωδαδ, και επανεπαυσατο επ᾽ αυτους το πνευμα — και ουτοι ησαν των καταγεγραμμενων και ουκ ηλθον προς την σκηνην — και επροφητευσαν εν τη παρεμβολη.
11.27   και προσδραμων ο νεανισκος απηγγειλεν μωυση και ειπεν λεγων ελδαδ και μωδαδ προφητευουσιν εν τη παρεμβολη.
11.28   και αποκριθεις ιησους ο του ναυη ο παρεστηκως μωυση ο εκελεκτος ειπεν κυριε μωυση, κωλυσον αυτους.
11.29   και ειπεν αυτω μωυσης μη ζηλοις συ μοι; και τις δωη παντα τον λαον *κυριου προφητας, οταν δω *κυριος το πνευμα αυτου επ᾽ αυτους;
11.30   και απηλθεν μωυσης εις την παρεμβολην, αυτος και οι πρεσβυτεροι ισραηλ.
11.31   και πνευμα εξηλθεν παρα *κυριου και εξεπερασεν ορτυγομητραν απο της θαλασσης και επεβαλεν επι την παρεμβολην οδον ημερας εντευθεν και οδον ημερας εντευθεν κυκλω της παρεμβολης ωσει διπηχυ απο της γης.
11.32   και αναστας ο λαος ολην την ημεραν και ολην την νυκτα και ολην την ημεραν την επαυριον και συνηγαγον την ορτυγομητραν, ο το ολιγον συνηγαγεν δεκα κορους, και εψυξαν εαυτοις ψυγμους κυκλω της παρεμβολης.
11.33   τα κρεα ετι ην εν τοις οδουσιν αυτων πριν η εκλειπειν, και *κυριος εθυμωθη εις τον λαον, και επαταξεν *κυριος τον λαον πληγην μεγαλην σφοδρα.
11.34   και εκληθη το ονομα του τοπου εκεινου μνηματα της επιθυμιας, οτι εκει εθαψαν τον λαον τον επιθυμητην.
11.35   απο μνηματων επιθυμιας εξηρεν ο λαος εις ασηρωθ, και εγενετο ο λαος εν ασηρωθ.
12.1    και ελαλησεν μαριαμ και ααρων κατα μωυση ενεκεν της γυναικος της αιθιοπισσης, ην ελαβεν μωυσης, οτι γυναικα αιθιοπισσαν ελαβεν,
12.2    και ειπαν μη μωυση μονω λελαληκεν *κυριος; ουχι και ημιν ελαλησεν; και ηκουσεν *κυριος.
12.3    και ο ανθρωπος μωυσης πραυς σφοδρα παρα παντας τους ανθρωπους τους οντας επι της γης.
12.4    και ειπεν *κυριος παραχρημα προς μωυσην και μαριαμ και ααρων εξελθατε υμεις οι τρεις εις την σκηνην του μαρτυριου· και εξηλθον οι τρεις εις την σκηνην του μαρτυριου.
12.5    και κατεβη *κυριος εν στυλω νεφελης και εστη επι της θυρας της σκηνης του μαρτυριου, και εκληθησαν ααρων και μαριαμ και εξηλθοσαν αμφοτεροι.
12.6    και ειπεν προς αυτους ακουσατε των λογων μου· εαν γενηται προφητης υμων *κυριω, εν οραματι αυτω γνωσθησομαι και εν υπνω λαλησω αυτω.
12.7    ουχ ουτως ο θεραπων μου μωυσης· εν ολω τω οικω μου πιστος εστιν·
12.8    στομα κατα στομα λαλησω αυτω, εν ειδει και ου δι᾽ αινιγματων, και την δοξαν *κυριου ειδεν· και δια τι ουκ εφοβηθητε καταλαλησαι κατα του θεραποντος μου μωυση;
12.9    και οργη θυμου *κυριου επ᾽ αυτοις, και απηλθεν.
12.10   και η νεφελη απεστη απο της σκηνης, και ιδου μαριαμ λεπρωσα ωσει χιων· και επεβλεψεν ααρων επι μαριαμ, και ιδου λεπρωσα.
12.11   και ειπεν ααρων προς μωυσην δεομαι, κυριε, μη συνεπιθη ημιν αμαρτιαν, διοτι ηγνοησαμεν καθοτι ημαρτομεν·
12.12   μη γενηται ωσει ισον θανατω, ωσει εκτρωμα εκπορευομενον εκ μητρας μητρος και κατεσθιει το ημισυ των σαρκων αυτης.
12.13   και εβοησεν μωυσης προς *κυριον λεγων ο θεος, δεομαι σου, ιασαι αυτην.
12.14   και ειπεν *κυριος προς μωυσην ει ο πατηρ αυτης πτυων ενεπτυσεν εις το προσωπον αυτης, ουκ εντραπησεται επτα ημερας; αφορισθητω επτα ημερας εξω της παρεμβολης και μετα ταυτα εισελευσεται.
12.15   και αφωρισθη μαριαμ εξω της παρεμβολης επτα ημερας· και ο λαος ουκ εξηρεν, εως εκαθαρισθη μαριαμ.
12.16   και μετα ταυτα εξηρεν ο λαος εξ ασηρωθ και παρενεβαλον εν τη ερημω του φαραν.
13.1    και ελαλησεν *κυριος προς μωυσην λεγων
13.2    αποστειλον σεαυτω ανδρας, και κατασκεψασθωσαν την γην των χαναναιων, ην εγω διδωμι τοις υιοις ισραηλ εις κατασχεσιν, ανδρα ενα κατα φυλην κατα δημους πατριων αυτων αποστελεις αυτους, παντα αρχηγον εξ αυτων.
13.3    και εξαπεστειλεν αυτους μωυσης εκ της ερημου φαραν δια φωνης *κυριου· παντες ανδρες αρχηγοι υιων ισραηλ ουτοι.
13.4    και ταυτα τα ονοματα αυτων· της φυλης ρουβην σαλαμιηλ υιος ζακχουρ·
13.5    της φυλης συμεων σαφατ υιος σουρι·
13.6    της φυλης ιουδα χαλεβ υιος ιεφοννη·
13.7    της φυλης ισσαχαρ ιγααλ υιος ιωσηφ·
13.8    της φυλης εφραιμ αυση υιος ναυη·
13.9    της φυλης βενιαμιν φαλτι υιος ραφου·
13.10   της φυλης ζαβουλων γουδιηλ υιος σουδι·
13.11   της φυλης ιωσηφ των υιων μανασση γαδδι υιος σουσι·
13.12   της φυλης δαν αμιηλ υιος γαμαλι·
13.13   της φυλης ασηρ σαθουρ υιος μιχαηλ·
13.14   της φυλης νεφθαλι ναβι υιος ιαβι·
13.15   της φυλης γαδ γουδιηλ υιος μακχι.
13.16   ταυτα τα ονοματα των ανδρων, ους απεστειλεν μωυσης κατασκεψασθαι την γην. και επωνομασεν μωυσης τον αυση υιον ναυη ιησουν.
13.17   και απεστειλεν αυτους μωυσης κατασκεψασθαι την γην χανααν και ειπεν προς αυτους αναβητε ταυτη τη ερημω και αναβησεσθε εις το ορος
13.18   και οψεσθε την γην, τις εστιν, και τον λαον τον εγκαθημενον επ᾽ αυτης, ει ισχυροτερος εστιν η ασθενης, ει ολιγοι εισιν η πολλοι·
13.19   και τις η γη, εις ην ουτοι εγκαθηνται επ᾽ αυτης, ει καλη εστιν η πονηρα· και τινες αι πολεις, εις ας ουτοι κατοικουσιν εν αυταις, ει εν τειχηρεσιν η εν ατειχιστοις·
13.20   και τις η γη, ει πιων η παρειμενη, ει εστιν εν αυτη δενδρα η ου· και προσκαρτερησαντες λημψεσθε απο των καρπων της γης. και αι ημεραι ημεραι εαρος, προδρομοι σταφυλης.
13.21   και αναβαντες κατεσκεψαντο την γην απο της ερημου σιν εως ρααβ εισπορευομενων εφααθ.
13.22   και ανεβησαν κατα την ερημον και ηλθον εως χεβρων, και εκει αχιμαν και σεσσι και θελαμιν γενεαι εναχ· και χεβρων επτα ετεσιν ωκοδομηθη προ του τανιν αιγυπτου.
13.23   και ηλθοσαν εως φαραγγος βοτρυος και κατεσκεψαντο αυτην· και εκοψαν εκειθεν κλημα και βοτρυν σταφυλης ενα επ᾽ αυτου και ηραν αυτον επ᾽ αναφορευσιν και απο των ροων και απο των συκων.
13.24   τον τοπον εκεινον επωνομασαν φαραγξ βοτρυος δια τον βοτρυν, ον εκοψαν εκειθεν οι υιοι ισραηλ.
13.25   και απεστρεψαν εκειθεν κατασκεψαμενοι την γην μετα τεσσαρακοντα ημερας
13.26   και πορευθεντες ηλθον προς μωυσην και ααρων και προς πασαν συναγωγην υιων ισραηλ εις την ερημον φαραν καδης και απεκριθησαν αυτοις ρημα και παση τη συναγωγη και εδειξαν τον καρπον της γης.
13.27   και διηγησαντο αυτω και ειπαν ηλθαμεν εις την γην, εις ην απεστειλας ημας, γην ρεουσαν γαλα και μελι, και ουτος ο καρπος αυτης·
13.28   αλλ᾽ η οτι θρασυ το εθνος το κατοικουν επ᾽ αυτης, και αι πολεις οχυραι τετειχισμεναι και μεγαλαι σφοδρα, και την γενεαν εναχ εωρακαμεν εκει,
13.29   και αμαληκ κατοικει εν τη γη τη προς νοτον, και ο χετταιος και ο ευαιος και ο ιεβουσαιος και ο αμορραιος κατοικει εν τη ορεινη, και ο χαναναιος κατοικει παρα θαλασσαν και παρα τον ιορδανην ποταμον.
13.30   και κατεσιωπησεν χαλεβ τον λαον προς μωυσην και ειπεν αυτω ουχι, αλλα αναβαντες αναβησομεθα και κατακληρονομησομεν αυτην, οτι δυνατοι δυνησομεθα προς αυτους.
13.31   και οι ανθρωποι οι συναναβαντες μετ᾽ αυτου ειπαν ουκ αναβαινομεν, οτι ου μη δυνωμεθα αναβηναι προς το εθνος, οτι ισχυροτερον εστιν ημων μαλλον.
13.32   και εξηνεγκαν εκστασιν της γης, ην κατεσκεψαντο αυτην, προς τους υιους ισραηλ λεγοντες την γην, ην παρηλθομεν αυτην κατασκεψασθαι, γη κατεσθουσα τους κατοικουντας επ᾽ αυτης εστιν· πας ο λαος, ον εωρακαμεν εν αυτη, ανδρες υπερμηκεις·
13.33   και εκει εωρακαμεν τους γιγαντας και ημεν ενωπιον αυτων ωσει ακριδες, αλλα και ουτως ημεν ενωπιον αυτων.
14.1    και αναλαβουσα πασα η συναγωγη εδωκεν φωνην, και εκλαιεν ο λαος ολην την νυκτα εκεινην.
14.2    και διεγογγυζον επι μωυσην και ααρων παντες οι υιοι ισραηλ, και ειπαν προς αυτους πασα η συναγωγη οφελον απεθανομεν εν γη αιγυπτω, η εν τη ερημω ταυτη ει απεθανομεν·
14.3    και ινα τι *κυριος εισαγει ημας εις την γην ταυτην πεσειν εν πολεμω; αι γυναικες ημων και τα παιδια εσονται εις διαρπαγην· νυν ουν βελτιον ημιν εστιν αποστραφηναι εις αιγυπτον.
14.4    και ειπαν ετερος τω ετερω δωμεν αρχηγον και αποστρεψωμεν εις αιγυπτον.
14.5    και επεσεν μωυσης και ααρων επι προσωπον εναντιον πασης συναγωγης υιων ισραηλ.
14.6    ιησους δε ο του ναυη και χαλεβ ο του ιεφοννη των κατασκεψαμενων την γην διερρηξαν τα ιματια αυτων
14.7    και ειπαν προς πασαν συναγωγην υιων ισραηλ λεγοντες η γη, ην κατεσκεψαμεθα αυτην, αγαθη εστιν σφοδρα σφοδρα·
14.8    ει αιρετιζει ημας *κυριος, εισαξει ημας εις την γην ταυτην και δωσει αυτην ημιν, γη ητις εστιν ρεουσα γαλα και μελι.
14.9    αλλα απο του *κυριου μη αποσταται γινεσθε· υμεις δε μη φοβηθητε τον λαον της γης, οτι καταβρωμα ημιν εστιν· αφεστηκεν γαρ ο καιρος απ᾽ αυτων, ο δε *κυριος εν ημιν· μη φοβηθητε αυτους.
14.10   και ειπεν πασα η συναγωγη καταλιθοβολησαι αυτους εν λιθοις. και η δοξα *κυριου ωφθη εν νεφελη επι της σκηνης του μαρτυριου εν πασι τοις υιοις ισραηλ.
14.11   και ειπεν *κυριος προς μωυσην εως τινος παροξυνει με ο λαος ουτος και εως τινος ου πιστευουσιν μοι εν πασιν τοις σημειοις, οις εποιησα εν αυτοις;
14.12   παταξω αυτους θανατω και απολω αυτους και ποιησω σε και τον οικον του πατρος σου εις εθνος μεγα και πολυ μαλλον η τουτο.
14.13   και ειπεν μωυσης προς *κυριον και ακουσεται αιγυπτος οτι ανηγαγες τη ισχυι σου τον λαον τουτον εξ αυτων,
14.14   αλλα και παντες οι κατοικουντες επι της γης ταυτης ακηκοασιν οτι συ ει *κυριος εν τω λαω τουτω, οστις οφθαλμοις κατ᾽ οφθαλμους οπταζη, *κυριε, και η νεφελη σου εφεστηκεν επ᾽ αυτων, και εν στυλω νεφελης συ πορευη προτερος αυτων την ημεραν και εν στυλω πυρος την νυκτα.
14.15   και εκτριψεις τον λαον τουτον ωσει ανθρωπον ενα, και ερουσιν τα εθνη, οσοι ακηκοασιν το ονομα σου, λεγοντες
14.16   παρα το μη δυνασθαι *κυριον εισαγαγειν τον λαον τουτον εις την γην, ην ωμοσεν αυτοις, κατεστρωσεν αυτους εν τη ερημω.
14.17   και νυν υψωθητω η ισχυς σου, κυριε, ον τροπον ειπας λεγων
14.18   *κυριος μακροθυμος και πολυελεος και αληθινος, αφαιρων ανομιας και αδικιας και αμαρτιας, και καθαρισμω ου καθαριει τον ενοχον αποδιδους αμαρτιας πατερων επι τεκνα εως τριτης και τεταρτης.
14.19   αφες την αμαρτιαν τω λαω τουτω κατα το μεγα ελεος σου, καθαπερ ιλεως αυτοις εγενου απ᾽ αιγυπτου εως του νυν.
14.20   και ειπεν *κυριος προς μωυσην ιλεως αυτοις ειμι κατα το ρημα σου·
14.21   αλλα ζω εγω και ζων το ονομα μου και εμπλησει η δοξα *κυριου πασαν την γην,
14.22   οτι παντες οι ανδρες οι ορωντες την δοξαν μου και τα σημεια, α εποιησα εν αιγυπτω και εν τη ερημω ταυτη, και επειρασαν με τουτο δεκατον και ουκ εισηκουσαν μου της φωνης,
14.23   η μην ουκ οψονται την γην, ην ωμοσα τοις πατρασιν αυτων, αλλ᾽ η τα τεκνα αυτων, α εστιν μετ᾽ εμου ωδε, οσοι ουκ οιδασιν αγαθον ουδε κακον, πας νεωτερος απειρος, τουτοις δωσω την γην, παντες δε οι παροξυναντες με ουκ οψονται αυτην.
14.24   ο δε παις μου χαλεβ, οτι εγενηθη πνευμα ετερον εν αυτω και επηκολουθησεν μοι, εισαξω αυτον εις την γην, εις ην εισηλθεν εκει, και το σπερμα αυτου κληρονομησει αυτην.
14.25   ο δε αμαληκ και ο χαναναιος κατοικουσιν εν τη κοιλαδι· αυριον επιστραφητε υμεις και απαρατε εις την ερημον οδον θαλασσαν ερυθραν.
14.26   και ειπεν *κυριος προς μωυσην και ααρων λεγων
14.27   εως τινος την συναγωγην την πονηραν ταυτην; α αυτοι γογγυζουσιν εναντιον εμου, την γογγυσιν των υιων ισραηλ, ην εγογγυσαν περι υμων, ακηκοα.
14.28   ειπον αυτοις ζω εγω, λεγει *κυριος, η μην ον τροπον λελαληκατε εις τα ωτα μου, ουτως ποιησω υμιν·
14.29   εν τη ερημω ταυτη πεσειται τα κωλα υμων και πασα η επισκοπη υμων και οι κατηριθμημενοι υμων απο εικοσαετους και επανω, οσοι εγογγυσαν επ᾽ εμοι·
14.30   ει υμεις εισελευσεσθε εις την γην, εφ᾽ ην εξετεινα την χειρα μου κατασκηνωσαι υμας επ᾽ αυτης, αλλ᾽ η χαλεβ υιος ιεφοννη και ιησους ο του ναυη.
14.31   και τα παιδια, α ειπατε εν διαρπαγη εσεσθαι, εισαξω αυτους εις την γην, και κληρονομησουσιν την γην, ην υμεις απεστητε απ᾽ αυτης.
14.32   και τα κωλα υμων πεσειται εν τη ερημω ταυτη,
14.33   οι δε υιοι υμων εσονται νεμομενοι εν τη ερημω τεσσαρακοντα ετη και ανοισουσιν την πορνειαν υμων, εως αν αναλωθη τα κωλα υμων εν τη ερημω.
14.34   κατα τον αριθμον των ημερων, οσας κατεσκεψασθε την γην, τεσσαρακοντα ημερας, ημεραν του ενιαυτου, λημψεσθε τας αμαρτιας υμων τεσσαρακοντα ετη και γνωσεσθε τον θυμον της οργης μου.
14.35   εγω *κυριος ελαλησα· η μην ουτως ποιησω τη συναγωγη τη πονηρα ταυτη τη επισυνεσταμενη επ᾽ εμε· εν τη ερημω ταυτη εξαναλωθησονται και εκει αποθανουνται.
14.36   και οι ανθρωποι, ους απεστειλεν μωυσης κατασκεψασθαι την γην και παραγενηθεντες διεγογγυσαν κατ᾽ αυτης προς την συναγωγην εξενεγκαι ρηματα πονηρα περι της γης,
14.37   και απεθανον οι ανθρωποι οι κατειπαντες κατα της γης πονηρα εν τη πληγη εναντι *κυριου·
14.38   και ιησους υιος ναυη και χαλεβ υιος ιεφοννη εζησαν απο των ανθρωπων εκεινων των πεπορευμενων κατασκεψασθαι την γην.
14.39   και ελαλησεν μωυσης τα ρηματα ταυτα προς παντας υιους ισραηλ, και επενθησεν ο λαος σφοδρα.
14.40   και ορθρισαντες το πρωι ανεβησαν εις την κορυφην του ορους λεγοντες ιδου οιδε ημεις αναβησομεθα εις τον τοπον, ον ειπεν *κυριος, οτι ημαρτομεν.
14.41   και ειπεν μωυσης ινα τι υμεις παραβαινετε το ρημα *κυριου; ουκ ευοδα εσται υμιν.
14.42   μη αναβαινετε· ου γαρ εστιν *κυριος μεθ᾽ υμων, και πεσεισθε προ προσωπου των εχθρων υμων.
14.43   οτι ο αμαληκ και ο χαναναιος εκει εμπροσθεν υμων, και πεσεισθε μαχαιρα· ου εινεκεν απεστραφητε απειθουντες *κυριω, και ουκ εσται *κυριος εν υμιν.
14.44   και διαβιασαμενοι ανεβησαν επι την κορυφην του ορους· η δε κιβωτος της διαθηκης *κυριου και μωυσης ουκ εκινηθησαν εκ της παρεμβολης.
14.45   και κατεβη ο αμαληκ και ο χαναναιος ο εγκαθημενος εν τω ορει εκεινω και ετρεψαντο αυτους και κατεκοψαν αυτους εως ερμαν· και απεστραφησαν εις την παρεμβολην.
15.1    και ειπεν *κυριος προς μωυσην λεγων
15.2    λαλησον τοις υιοις ισραηλ και ερεις προς αυτους οταν εισελθητε εις την γην της κατοικησεως υμων, ην εγω διδωμι υμιν,
15.3    και ποιησεις ολοκαυτωματα *κυριω, ολοκαρπωμα η θυσιαν, μεγαλυναι ευχην η καθ᾽ εκουσιον η εν ταις εορταις υμων ποιησαι οσμην ευωδιας *κυριω, ει μεν απο των βοων η απο των προβατων,
15.4    και προσοισει ο προσφερων το δωρον αυτου *κυριω θυσιαν σεμιδαλεως δεκατον του οιφι αναπεποιημενης εν ελαιω εν τεταρτω του ιν·
15.5    και οινον εις σπονδην το τεταρτον του ιν ποιησετε επι της ολοκαυτωσεως η επι της θυσιας· τω αμνω τω ενι ποιησεις τοσουτο, καρπωμα οσμην ευωδιας τω κυριω.
15.6    και τω κριω, οταν ποιητε αυτον η εις ολοκαυτωμα η εις θυσιαν, ποιησεις θυσιαν σεμιδαλεως δυο δεκατα αναπεποιημενης εν ελαιω, το τριτον του ιν·
15.7    και οινον εις σπονδην το τριτον του ιν προσοισετε εις οσμην ευωδιας *κυριω.
15.8    εαν δε απο των βοων ποιητε εις ολοκαυτωμα η εις θυσιαν μεγαλυναι ευχην η εις σωτηριον *κυριω.
15.9    και προσοισει επι του μοσχου θυσιαν σεμιδαλεως τρια δεκατα αναπεποιημενης εν ελαιω ημισυ του ιν
15.10   και οινον εις σπονδην το ημισυ του ιν καρπωμα οσμην ευωδιας *κυριω.
15.11   ουτως ποιησεις τω μοσχω τω ενι η τω κριω τω ενι η τω αμνω τω ενι εκ των προβατων η εκ των αιγων·
15.12   κατα τον αριθμον ων εαν ποιησητε, ουτω ποιησετε τω ενι κατα τον αριθμον αυτων.
15.13   πας ο αυτοχθων ποιησει ουτως τοιαυτα, προσενεγκαι καρπωματα εις οσμην ευωδιας *κυριω.
15.14   εαν δε προσηλυτος εν υμιν προσγενηται εν τη γη υμων η ος αν γενηται εν υμιν εν ταις γενεαις υμων, και ποιησει καρπωμα οσμην ευωδιας *κυριω· ον τροπον ποιειτε υμεις, ουτως ποιησει η συναγωγη κυριω.
15.15   νομος εις εσται υμιν και τοις προσηλυτοις τοις προσκειμενοις εν υμιν, νομος αιωνιος εις γενεας υμων· ως υμεις, και ο προσηλυτος εσται εναντι *κυριου·
15.16   νομος εις εσται και δικαιωμα εν εσται υμιν και τω προσηλυτω τω προσκειμενω εν υμιν.
15.17   και ελαλησεν *κυριος προς μωυσην λεγων
15.18   λαλησον τοις υιοις ισραηλ και ερεις προς αυτους εν τω εισπορευεσθαι υμας εις την γην, εις ην εγω εισαγω υμας εκει,
15.19   και εσται οταν εσθητε υμεις απο των αρτων της γης, αφελειτε αφαιρεμα αφορισμα *κυριω·
15.20   απαρχην φυραματος υμων αρτον αφαιρεμα αφοριειτε αυτο· ως αφαιρεμα απο αλω, ουτως αφελειτε αυτον,
15.21   απαρχην φυραματος υμων, και δωσετε *κυριω αφαιρεμα εις τας γενεας υμων.
15.22   οταν δε διαμαρτητε και μη ποιησητε πασας τας εντολας ταυτας, ας ελαλησεν *κυριος προς μωυσην,
15.23   καθα συνεταξεν *κυριος προς υμας εν χειρι μωυση απο της ημερας, ης συνεταξεν *κυριος προς υμας, και επεκεινα εις τας γενεας υμων,
15.24   και εσται εαν εξ οφθαλμων της συναγωγης γενηθη ακουσιως, και ποιησει πασα η συναγωγη μοσχον ενα εκ βοων αμωμον εις ολοκαυτωμα εις οσμην ευωδιας *κυριω και θυσιαν τουτου και σπονδην αυτου κατα την συνταξιν και χιμαρον εξ αιγων ενα περι αμαρτιας.
15.25   και εξιλασεται ο ιερευς περι πασης συναγωγης υιων ισραηλ, και αφεθησεται αυτοις· οτι ακουσιον εστιν, και αυτοι ηνεγκαν το δωρον αυτων καρπωμα *κυριω περι της αμαρτιας αυτων εναντι *κυριου περι των ακουσιων αυτων.
15.26   και αφεθησεται κατα πασαν συναγωγην υιων ισραηλ και τω προσηλυτω τω προσκειμενω προς υμας, οτι παντι τω λαω ακουσιον.
15.27   εαν δε ψυχη μια αμαρτη ακουσιως, προσαξει αιγα μιαν ενιαυσιαν περι αμαρτιας,
15.28   και εξιλασεται ο ιερευς περι της ψυχης της ακουσιασθεισης και αμαρτουσης ακουσιως εναντι *κυριου εξιλασασθαι περι αυτου.
15.29   τω εγχωριω εν υιοις ισραηλ και τω προσηλυτω τω προσκειμενω εν αυτοις, νομος εις εσται αυτοις, ος αν ποιηση ακουσιως.
15.30   και ψυχη, ητις ποιησει εν χειρι υπερηφανιας απο των αυτοχθονων η απο των προσηλυτων, τον *θεον ουτος παροξυνει· εξολεθρευθησεται η ψυχη εκεινη εκ του λαου αυτης,
15.31   οτι το ρημα *κυριου εφαυλισεν και τας εντολας αυτου διεσκεδασεν, εκτριψει εκτριβησεται η ψυχη εκεινη, η αμαρτια αυτης εν αυτη.
15.32   και ησαν οι υιοι ισραηλ εν τη ερημω και ευρον ανδρα συλλεγοντα ξυλα τη ημερα των σαββατων.
15.33   και προσηγαγον αυτον οι ευροντες αυτον συλλεγοντα ξυλα τη ημερα των σαββατων προς μωυσην και ααρων και προς πασαν συναγωγην υιων ισραηλ.
15.34   και απεθεντο αυτον εις φυλακην· ου γαρ συνεκριναν, τι ποιησωσιν αυτον.
15.35   και ελαλησεν *κυριος προς μωυσην λεγων θανατω θανατουσθω ο ανθρωπος· λιθοβολησατε αυτον λιθοις, πασα η συναγωγη.
15.36   και εξηγαγον αυτον πασα η συναγωγη εξω της παρεμβολης, και ελιθοβολησαν αυτον πασα η συναγωγη λιθοις εξω της παρεμβολης, καθα συνεταξεν *κυριος τω μωυση.
15.37   και ειπεν *κυριος προς μωυσην λεγων
15.38   λαλησον τοις υιοις ισραηλ και ερεις προς αυτους και ποιησατωσαν εαυτοις κρασπεδα επι τα πτερυγια των ιματιων αυτων εις τας γενεας αυτων και επιθησετε επι τα κρασπεδα των πτερυγιων κλωσμα υακινθινον.
15.39   και εσται υμιν εν τοις κρασπεδοις και οψεσθε αυτα και μνησθησεσθε πασων των εντολων *κυριου και ποιησετε αυτας και ου διαστραφησεσθε οπισω των διανοιων υμων και οπισω των οφθαλμων υμων, εν οις υμεις εκπορνευετε οπισω αυτων,
15.40   οπως αν μνησθητε και ποιησητε πασας τας εντολας μου και εσεσθε αγιοι τω θεω υμων.
15.41   εγω *κυριος ο θεος υμων ο εξαγαγων υμας εκ γης αιγυπτου ειναι υμων θεος, εγω *κυριος ο θεος υμων.
16.1    και ελαλησεν κορε υιος ισσααρ υιου κααθ υιου λευι και δαθαν και αβιρων υιοι ελιαβ και αυν υιος φαλεθ υιου ρουβην
16.2    και ανεστησαν εναντι μωυση, και ανδρες των υιων ισραηλ πεντηκοντα και διακοσιοι, αρχηγοι συναγωγης, συγκλητοι βουλης και ανδρες ονομαστοι,
16.3    συνεστησαν επι μωυσην και ααρων και ειπαν εχετω υμιν, οτι πασα η συναγωγη παντες αγιοι και εν αυτοις *κυριος, και δια τι κατανιστασθε επι την συναγωγην *κυριου,
16.4    και ακουσας μωυσης επεσεν επι προσωπον
16.5    και ελαλησεν προς κορε και προς πασαν αυτου την συναγωγην λεγων επεσκεπται και εγνω ο *θεος τους οντας αυτου και τους αγιους και προσηγαγετο προς εαυτον, και ους εξελεξατο εαυτω, προσηγαγετο προς εαυτον.
16.6    τουτο ποιησατε· λαβετε υμιν αυτοις πυρεια, κορε και πασα η συναγωγη αυτου,
16.7    και επιθετε επ᾽ αυτα πυρ και επιθετε επ᾽ αυτα θυμιαμα εναντι *κυριου αυριον, και εσται ο ανηρ, ον αν εκλεξηται *κυριος, ουτος αγιος· ικανουσθω υμιν, υιοι λευι.
16.8    και ειπεν μωυσης προς κορε εισακουσατε μου, υιοι λευι.
16.9    μη μικρον εστιν τουτο υμιν οτι διεστειλεν ο θεος ισραηλ υμας εκ συναγωγης ισραηλ και προσηγαγετο υμας προς εαυτον λειτουργειν τας λειτουργιας της σκηνης *κυριου και παριστασθαι εναντι της συναγωγης λατρευειν αυτοις;
16.10   και προσηγαγετο σε και παντας τους αδελφους σου υιους λευι μετα σου, και ζητειτε ιερατευειν;
16.11   ουτως συ και πασα η συναγωγη σου η συνηθροισμενη προς τον *θεον· και ααρων τις εστιν οτι διαγογγυζετε κατ᾽ αυτου;
16.12   και απεστειλεν μωυσης καλεσαι δαθαν και αβιρων υιους ελιαβ. και ειπαν ουκ αναβαινομεν·
16.13   μη μικρον τουτο οτι ανηγαγες ημας εκ γης ρεουσης γαλα και μελι αποκτειναι ημας εν τη ερημω, οτι καταρχεις ημων αρχων;
16.14   ει και εις γην ρεουσαν γαλα και μελι εισηγαγες ημας και εδωκας ημιν κληρον αγρου και αμπελωνας, τους οφθαλμους των ανθρωπων εκεινων αν εξεκοψας. ουκ αναβαινομεν.
16.15   και εβαρυθυμησεν μωυσης σφοδρα και ειπεν προς *κυριον μη προσχης εις την θυσιαν αυτων· ουκ επιθυμημα ουδενος αυτων ειληφα ουδε εκακωσα ουδενα αυτων.
16.16   και ειπεν μωυσης προς κορε αγιασον την συναγωγην σου και γινεσθε ετοιμοι εναντι *κυριου συ και αυτοι και ααρων αυριον·
16.17   και λαβετε εκαστος το πυρειον αυτου και επιθησετε επ᾽ αυτα θυμιαμα και προσαξετε εναντι *κυριου εκαστος το πυρειον αυτου, πεντηκοντα και διακοσια πυρεια, και συ και ααρων εκαστος το πυρειον αυτου.
16.18   και ελαβεν εκαστος το πυρειον αυτου και επεθηκαν επ᾽ αυτα πυρ και επεβαλον επ᾽ αυτο θυμιαμα. και εστησαν παρα τας θυρας της σκηνης του μαρτυριου μωυσης και ααρων.
16.19   και επισυνεστησεν επ᾽ αυτους κορε την πασαν αυτου συναγωγην παρα την θυραν της σκηνης του μαρτυριου. και ωφθη η δοξα *κυριου παση τη συναγωγη.
16.20   και ελαλησεν *κυριος προς μωυσην και ααρων λεγων
16.21   αποσχισθητε εκ μεσου της συναγωγης ταυτης, και εξαναλωσω αυτους εις απαξ.
16.22   και επεσαν επι προσωπον αυτων και ειπαν θεος θεος των πνευματων και πασης σαρκος, ει ανθρωπος εις ημαρτεν, επι πασαν την συναγωγην οργη κυριου;
16.23   και ελαλησεν *κυριος προς μωυσην λεγων
16.24   λαλησον τη συναγωγη λεγων αναχωρησατε κυκλω απο της συναγωγης κορε.
16.25   και ανεστη μωυσης και επορευθη προς δαθαν και αβιρων, και συνεπορευθησαν μετ᾽ αυτου παντες οι πρεσβυτεροι ισραηλ.
16.26   και ελαλησεν προς την συναγωγην λεγων αποσχισθητε απο των σκηνων των ανθρωπων των σκληρων τουτων και μη απτεσθε απο παντων, ων εστιν αυτοις, μη συναπολησθε εν παση τη αμαρτια αυτων.
16.27   και απεστησαν απο της σκηνης κορε κυκλω· και δαθαν και αβιρων εξηλθον και ειστηκεισαν παρα τας θυρας των σκηνων αυτων και αι γυναικες αυτων και τα τεκνα αυτων και η αποσκευη αυτων.
16.28   και ειπεν μωυσης εν τουτω γνωσεσθε οτι *κυριος απεστειλεν με ποιησαι παντα τα εργα ταυτα, οτι ουκ απ᾽ εμαυτου·
16.29   ει κατα θανατον παντων ανθρωπων αποθανουνται ουτοι, ει και κατ᾽ επισκεψιν παντων ανθρωπων επισκοπη εσται αυτων, ουχι *κυριος απεσταλκεν με·
16.30   αλλ᾽ η εν φασματι δειξει *κυριος, και ανοιξασα η γη το στομα αυτης καταπιεται αυτους και τους οικους αυτων και τας σκηνας αυτων και παντα, οσα εστιν αυτοις, και καταβησονται ζωντες εις αδου, και γνωσεσθε οτι παρωξυναν οι ανθρωποι ουτοι τον *κυριον.
16.31   ως δε επαυσατο λαλων παντας τους λογους τουτους, ερραγη η γη υποκατω αυτων,
16.32   και ηνοιχθη η γη και κατεπιεν αυτους και τους οικους αυτων και παντας τους ανθρωπους τους οντας μετα κορε και τα κτηνη αυτων.
16.33   και κατεβησαν αυτοι και οσα εστιν αυτων ζωντα εις αδου, και εκαλυψεν αυτους η γη, και απωλοντο εκ μεσου της συναγωγης.
16.34   και πας ισραηλ οι κυκλω αυτων εφυγον απο της φωνης αυτων, οτι λεγοντες μηποτε καταπιη ημας η γη.
16.35   και πυρ εξηλθεν παρα *κυριου και κατεφαγεν τους πεντηκοντα και διακοσιους ανδρας τους προσφεροντας το θυμιαμα.
16.36   και ειπεν *κυριος προς μωυσην
16.37   και προς ελεαζαρ τον υιον ααρων τον ιερεα ανελεσθε τα πυρεια τα χαλκα εκ μεσου των κατακεκαυμενων και το πυρ το αλλοτριον τουτο σπειρον εκει, οτι ηγιασαν
16.38   τα πυρεια των αμαρτωλων τουτων εν ταις ψυχαις αυτων· και ποιησον αυτα λεπιδας ελατας, περιθεμα τω θυσιαστηριω, οτι προσηνεχθησαν εναντι *κυριου και ηγιασθησαν και εγενοντο εις σημειον τοις υιοις ισραηλ.
16.39   και ελαβεν ελεαζαρ υιος ααρων του ιερεως τα πυρεια τα χαλκα, οσα προσηνεγκαν οι κατακεκαυμενοι, και προσεθηκαν αυτα περιθεμα τω θυσιαστηριω,
16.40   μνημοσυνον τοις υιοις ισραηλ, οπως αν μη προσελθη μηθεις αλλογενης, ος ουκ εστιν εκ του σπερματος ααρων, επιθειναι θυμιαμα εναντι *κυριου και ουκ εσται ωσπερ κορε και η επισυστασις αυτου, καθα ελαλησεν *κυριος εν χειρι μωυση.
16.41   και εγογγυσαν οι υιοι ισραηλ τη επαυριον επι μωυσην και ααρων λεγοντες υμεις απεκταγκατε τον λαον *κυριου.
16.42   και εγενετο εν τω επισυστρεφεσθαι την συναγωγην επι μωυσην και ααρων και ωρμησαν επι την σκηνην του μαρτυριου, και τηνδε εκαλυψεν αυτην η νεφελη, και ωφθη η δοξα *κυριου.
16.43   και εισηλθεν μωυσης και ααρων κατα προσωπον της σκηνης του μαρτυριου,
16.44   και ελαλησεν *κυριος προς μωυσην και ααρων λεγων
16.45   εκχωρησατε εκ μεσου της συναγωγης ταυτης, και εξαναλωσω αυτους εις απαξ. και επεσον επι προσωπον αυτων.
16.46   και ειπεν μωυσης προς ααρων λαβε το πυρειον και επιθες επ᾽ αυτο πυρ απο του θυσιαστηριου και επιβαλε επ᾽ αυτο θυμιαμα και απενεγκε το ταχος εις την παρεμβολην και εξιλασαι περι αυτων· εξηλθεν γαρ οργη απο προσωπου *κυριου, ηρκται θραυειν τον λαον.
16.47   και ελαβεν ααρων, καθαπερ ελαλησεν αυτω μωυσης, και εδραμεν εις την συναγωγην· και ηδη ενηρκτο η θραυσις εν τω λαω· και επεβαλεν το θυμιαμα και εξιλασατο περι του λαου
16.48   και εστη ανα μεσον των τεθνηκοτων και των ζωντων, και εκοπασεν η θραυσις.
16.49   και εγενοντο οι τεθνηκοτες εν τη θραυσει τεσσαρες και δεκα χιλιαδες και επτακοσιοι χωρις των τεθνηκοτων ενεκεν κορε.
16.50   και επεστρεψεν ααρων προς μωυσην επι την θυραν της σκηνης του μαρτυριου, και εκοπασεν η θραυσις.
17.1    και ελαλησεν *κυριος προς μωυσην λεγων
17.2    λαλησον τοις υιοις ισραηλ και λαβε παρ᾽ αυτων ραβδον ραβδον κατ᾽ οικους πατριων παρα παντων των αρχοντων αυτων κατ᾽ οικους πατριων αυτων, δωδεκα ραβδους, και εκαστου το ονομα αυτου επιγραψον επι της ραβδου αυτου.
17.3    και το ονομα ααρων επιγραψον επι της ραβδου λευι· εστιν γαρ ραβδος μια, κατα φυλην οικου πατριων αυτων δωσουσιν.
17.4    και θησεις αυτας εν τη σκηνη του μαρτυριου κατεναντι του μαρτυριου, εν οις γνωσθησομαι σοι εκει.
17.5    και εσται ο ανθρωπος, ον εαν εκλεξωμαι αυτον, η ραβδος αυτου εκβλαστησει· και περιελω απ᾽ εμου τον γογγυσμον των υιων ισραηλ, α αυτοι γογγυζουσιν εφ᾽ υμιν.
17.6    και ελαλησεν μωυσης τοις υιοις ισραηλ, και εδωκαν αυτω παντες οι αρχοντες αυτων ραβδον, τω αρχοντι τω ενι ραβδον κατα αρχοντα κατ᾽ οικους πατριων αυτων, δωδεκα ραβδους, και η ραβδος ααρων ανα μεσον των ραβδων αυτων.
17.7    και απεθηκεν μωυσης τας ραβδους εναντι *κυριου εν τη σκηνη του μαρτυριου.
17.8    και εγενετο τη επαυριον και εισηλθεν μωυσης και ααρων εις την σκηνην του μαρτυριου, και ιδου εβλαστησεν η ραβδος ααρων εις οικον λευι και εξηνεγκεν βλαστον και εξηνθησεν ανθη και εβλαστησεν καρυα.
17.9    και εξηνεγκεν μωυσης πασας τας ραβδους απο προσωπου *κυριου προς παντας υιους ισραηλ, και ειδον και ελαβον εκαστος την ραβδον αυτου.
17.10   και ειπεν *κυριος προς μωυσην αποθες την ραβδον ααρων ενωπιον των μαρτυριων εις διατηρησιν σημειον τοις υιοις των ανηκοων, και παυσασθω ο γογγυσμος αυτων απ᾽ εμου, και ου μη αποθανωσιν.
17.11   και εποιησεν μωυσης και ααρων καθα συνεταξεν *κυριος τω μωυση, ουτως εποιησαν.
17.12   και ειπαν οι υιοι ισραηλ προς μωυσην λεγοντες ιδου εξανηλωμεθα, απολωλαμεν, παρανηλωμεθα·
17.13   πας ο απτομενος της σκηνης *κυριου αποθνησκει· εως εις τελος αποθανωμεν;
18.1    και ειπεν *κυριος προς ααρων λεγων συ και οι υιοι σου και ο οικος πατριας σου λημψεσθε τας αμαρτιας των αγιων, και συ και οι υιοι σου λημψεσθε τας αμαρτιας της ιερατειας υμων.
18.2    και τους αδελφους σου, φυλην λευι, δημον του πατρος σου, προσαγαγου προς σεαυτον, και προστεθητωσαν σοι και λειτουργειτωσαν σοι, και συ και οι υιοι σου μετα σου απεναντι της σκηνης του μαρτυριου.
18.3    και φυλαξονται τας φυλακας σου και τας φυλακας της σκηνης, πλην προς τα σκευη τα αγια και προς το θυσιαστηριον ου προσελευσονται, και ουκ αποθανουνται και ουτοι και υμεις.
18.4    και προστεθησονται προς σε και φυλαξονται τας φυλακας της σκηνης του μαρτυριου κατα πασας τας λειτουργιας της σκηνης, και ο αλλογενης ου προσελευσεται προς σε.
18.5    και φυλαξεσθε τας φυλακας των αγιων και τας φυλακας του θυσιαστηριου, και ουκ εσται θυμος εν τοις υιοις ισραηλ.
18.6    και εγω ειληφα τους αδελφους υμων τους λευιτας εκ μεσου των υιων ισραηλ δομα δεδομενον *κυριω λειτουργειν τας λειτουργιας της σκηνης του μαρτυριου·
18.7    και συ και οι υιοι σου μετα σου διατηρησετε την ιερατειαν υμων κατα παντα τροπον του θυσιαστηριου και το ενδοθεν του καταπετασματος και λειτουργησετε τας λειτουργιας δομα της ιερατειας υμων· και ο αλλογενης ο προσπορευομενος αποθανειται.
18.8    και ελαλησεν *κυριος προς ααρων και εγω ιδου δεδωκα υμιν την διατηρησιν των απαρχων· απο παντων των ηγιασμενων μοι παρα των υιων ισραηλ σοι δεδωκα αυτα εις γερας και τοις υιοις σου μετα σε, νομιμον αιωνιον.
18.9    και τουτο εστω υμιν απο των ηγιασμενων αγιων των καρπωματων, απο παντων των δωρων αυτων και απο παντων των θυσιασματων αυτων και απο πασης πλημμελειας αυτων και απο πασων των αμαρτιων, οσα αποδιδοασιν μοι, απο παντων των αγιων σοι εσται και τοις υιοις σου.
18.10   εν τω αγιω των αγιων φαγεσθε αυτα· παν αρσενικον φαγεται αυτα, συ και οι υιοι σου· αγια εσται σοι.
18.11   και τουτο εσται υμιν απαρχη δοματων αυτων· απο παντων των επιθεματων των υιων ισραηλ σοι δεδωκα αυτα και τοις υιοις σου και ταις θυγατρασιν σου μετα σου, νομιμον αιωνιον· πας καθαρος εν τω οικω σου εδεται αυτα.
18.12   πασα απαρχη ελαιου και πασα απαρχη οινου και σιτου, απαρχη αυτων, οσα αν δωσι τω *κυριω, σοι δεδωκα αυτα.
18.13   τα πρωτογενηματα παντα, οσα εν τη γη αυτων, οσα αν ενεγκωσιν *κυριω, σοι εσται· πας καθαρος εν τω οικω σου εδεται αυτα.
18.14   παν ανατεθεματισμενον εν υιοις ισραηλ σοι εσται.
18.15   και παν διανοιγον μητραν απο πασης σαρκος, α προσφερουσιν *κυριω απο ανθρωπου εως κτηνους, σοι εσται· αλλ᾽ η λυτροις λυτρωθησεται τα πρωτοτοκα των ανθρωπων, και τα πρωτοτοκα των κτηνων των ακαθαρτων λυτρωση.
18.16   και η λυτρωσις αυτου απο μηνιαιου· η συντιμησις πεντε σικλων κατα τον σικλον τον αγιον [εικοσι οβολοι εισιν].
18.17   πλην πρωτοτοκα μοσχων και πρωτοτοκα προβατων και πρωτοτοκα αιγων ου λυτρωση· αγια εστιν· και το αιμα αυτων προσχεεις προς το θυσιαστηριον και το στεαρ ανοισεις καρπωμα εις οσμην ευωδιας *κυριω·
18.18   και τα κρεα εσται σοι· καθα και το στηθυνιον του επιθεματος και κατα τον βραχιονα τον δεξιον σοι εσται.
18.19   παν αφαιρεμα των αγιων, οσα αν αφελωσιν οι υιοι ισραηλ *κυριω, σοι δεδωκα και τοις υιοις σου και ταις θυγατρασιν σου μετα σου, νομιμον αιωνιον· διαθηκη αλος αιωνιου εστιν εναντι *κυριου σοι και τω σπερματι σου μετα σε.
18.20   και ελαλησεν *κυριος προς ααρων εν τη γη αυτων ου κληρονομησεις, και μερις ουκ εσται σοι εν αυτοις, οτι εγω μερις σου και κληρονομια σου εν μεσω των υιων ισραηλ.
18.21   και τοις υιοις λευι ιδου δεδωκα παν επιδεκατον εν ισραηλ εν κληρω αντι των λειτουργιων αυτων, οσα αυτοι λειτουργουσιν λειτουργιαν εν τη σκηνη του μαρτυριου.
18.22   και ου προσελευσονται ετι οι υιοι ισραηλ εις την σκηνην του μαρτυριου λαβειν αμαρτιαν θανατηφορον.
18.23   και λειτουργησει ο λευιτης αυτος την λειτουργιαν της σκηνης του μαρτυριου, και αυτοι λημψονται τα αμαρτηματα αυτων, νομιμον αιωνιον εις τας γενεας αυτων· και εν μεσω υιων ισραηλ ου κληρονομησουσιν κληρονομιαν·
18.24   οτι τα επιδεκατα των υιων ισραηλ, οσα αν αφορισωσιν *κυριω αφαιρεμα, δεδωκα τοις λευιταις εν κληρω· δια τουτο ειρηκα αυτοις εν μεσω υιων ισραηλ ου κληρονομησουσιν κληρον.
18.25   και ελαλησεν *κυριος προς μωυσην λεγων
18.26   και τοις λευιταις λαλησεις και ερεις προς αυτους εαν λαβητε παρα των υιων ισραηλ το επιδεκατον, ο δεδωκα υμιν παρ᾽ αυτων εν κληρω, και αφελειτε υμεις απ᾽ αυτου αφαιρεμα *κυριω επιδεκατον απο του επιδεκατου.
18.27   και λογισθησεται υμιν τα αφαιρεματα υμων ως σιτος απο αλω και αφαιρεμα απο ληνου.
18.28   ουτως αφελειτε και υμεις απο των αφαιρεματων *κυριου απο παντων επιδεκατων υμων, οσα εαν λαβητε παρα των υιων ισραηλ, και δωσετε απ᾽ αυτων αφαιρεμα *κυριω ααρων τω ιερει.
18.29   απο παντων των δοματων υμων αφελειτε αφαιρεμα *κυριω η απο παντων των απαρχων το ηγιασμενον απ᾽ αυτου.
18.30   και ερεις προς αυτους οταν αφαιρητε την απαρχην απ᾽ αυτου, και λογισθησεται τοις λευιταις ως γενημα απο αλω και ως γενημα απο ληνου.
18.31   και εδεσθε αυτο εν παντι τοπω υμεις και οι οικοι υμων, οτι μισθος ουτος υμιν εστιν αντι των λειτουργιων υμων των εν τη σκηνη του μαρτυριου·
18.32   και ου λημψεσθε δι᾽ αυτο αμαρτιαν, οτι αν αφαιρητε την απαρχην απ᾽ αυτου· και τα αγια των υιων ισραηλ ου βεβηλωσετε, ινα μη αποθανητε.
19.1    και ελαλησεν *κυριος προς μωυσην και ααρων λεγων
19.2    αυτη η διαστολη του νομου, οσα συνεταξεν *κυριος λεγων λαλησον τοις υιοις ισραηλ και λαβετωσαν προς σε δαμαλιν πυρραν αμωμον, ητις ουκ εχει εν αυτη μωμον και η ουκ επεβληθη επ᾽ αυτην ζυγος.
19.3    και δωσεις αυτην προς ελεαζαρ τον ιερεα, και εξαξουσιν αυτην εξω της παρεμβολης εις τοπον καθαρον και σφαξουσιν αυτην ενωπιον αυτου.
19.4    και λημψεται ελεαζαρ απο του αιματος αυτης και ρανει απεναντι του προσωπου της σκηνης του μαρτυριου απο του αιματος αυτης επτακις.
19.5    και κατακαυσουσιν αυτην εναντιον αυτου, και το δερμα και τα κρεα αυτης και το αιμα αυτης συν τη κοπρω αυτης κατακαυθησεται.
19.6    και λημψεται ο ιερευς ξυλον κεδρινον και υσσωπον και κοκκινον και εμβαλουσιν εις μεσον του κατακαυματος της δαμαλεως.
19.7    και πλυνει τα ιματια αυτου ο ιερευς και λουσεται το σωμα αυτου υδατι και μετα ταυτα εισελευσεται εις την παρεμβολην, και ακαθαρτος εσται ο ιερευς εως εσπερας.
19.8    και ο κατακαιων αυτην πλυνει τα ιματια αυτου και λουσεται το σωμα αυτου και ακαθαρτος εσται εως εσπερας.
19.9    και συναξει ανθρωπος καθαρος την σποδον της δαμαλεως και αποθησει εξω της παρεμβολης εις τοπον καθαρον, και εσται τη συναγωγη υιων ισραηλ εις διατηρησιν, υδωρ ραντισμου· αγνισμα εστιν.
19.10   και πλυνει τα ιματια ο συναγων την σποδιαν της δαμαλεως και ακαθαρτος εσται εως εσπερας. και εσται τοις υιοις ισραηλ και τοις προσκειμενοις προσηλυτοις νομιμον αιωνιον.
19.11   ο απτομενος του τεθνηκοτος πασης ψυχης ανθρωπου ακαθαρτος εσται επτα ημερας·
19.12   ουτος αγνισθησεται τη ημερα τη τριτη και τη ημερα τη εβδομη και καθαρος εσται· εαν δε μη αφαγνισθη τη ημερα τη τριτη και τη ημερα τη εβδομη, ου καθαρος εσται.
19.13   πας ο απτομενος του τεθνηκοτος απο ψυχης ανθρωπου, εαν αποθανη, και μη αφαγνισθη, την σκηνην *κυριου εμιανεν· εκτριβησεται η ψυχη εκεινη εξ ισραηλ· οτι υδωρ ραντισμου ου περιερραντισθη επ᾽ αυτον, ακαθαρτος εστιν, ετι η ακαθαρσια αυτου εν αυτω εστιν.
19.14   και ουτος ο νομος· ανθρωπος εαν αποθανη εν οικια, πας ο εισπορευομενος εις την οικιαν και οσα εστιν εν τη οικια, ακαθαρτα εσται επτα ημερας·
19.15   και παν σκευος ανεωγμενον, οσα ουχι δεσμον καταδεδεται επ᾽ αυτω, ακαθαρτα εστιν.
19.16   και πας, ος εαν αψηται επι προσωπου του πεδιου τραυματιου η νεκρου η οστεου ανθρωπινου η μνηματος, επτα ημερας ακαθαρτος εσται.
19.17   και λημψονται τω ακαθαρτω απο της σποδιας της κατακεκαυμενης του αγνισμου και εκχεουσιν επ᾽ αυτην υδωρ ζων εις σκευος·
19.18   και λημψεται υσσωπον και βαψει εις το υδωρ ανηρ καθαρος και περιρρανει επι τον οικον και επι τα σκευη και επι τας ψυχας, οσαι εαν ωσιν εκει, και επι τον ημμενον του οστεου του ανθρωπινου η του τραυματιου η του τεθνηκοτος η του μνηματος·
19.19   και περιρρανει ο καθαρος επι τον ακαθαρτον εν τη ημερα τη τριτη και εν τη ημερα τη εβδομη, και αφαγνισθησεται τη ημερα τη εβδομη και πλυνει τα ιματια αυτου και λουσεται υδατι και ακαθαρτος εσται εως εσπερας.
19.20   και ανθρωπος, ος εαν μιανθη και μη αφαγνισθη, εξολεθρευθησεται η ψυχη εκεινη εκ μεσου της συναγωγης, οτι τα αγια *κυριου εμιανεν, οτι υδωρ ραντισμου ου περιερραντισθη επ᾽ αυτον, ακαθαρτος εστιν.
19.21   και εσται υμιν νομιμον αιωνιον· και ο περιρραινων υδωρ ραντισμου πλυνει τα ιματια αυτου, και ο απτομενος του υδατος του ραντισμου ακαθαρτος εσται εως εσπερας·
19.22   και παντος, ου εαν αψηται αυτου ο ακαθαρτος, ακαθαρτον εσται, και η ψυχη η απτομενη ακαθαρτος εσται εως εσπερας.
20.1    και ηλθον οι υιοι ισραηλ, πασα η συναγωγη, εις την ερημον σιν εν τω μηνι τω πρωτω, και κατεμεινεν ο λαος εν καδης, και ετελευτησεν εκει μαριαμ και εταφη εκει.
20.2    και ουκ ην υδωρ τη συναγωγη, και ηθροισθησαν επι μωυσην και ααρων.
20.3    και ελοιδορειτο ο λαος προς μωυσην λεγοντες οφελον απεθανομεν εν τη απωλεια των αδελφων ημων εναντι *κυριου·
20.4    και ινα τι ανηγαγετε την συναγωγην *κυριου εις την ερημον ταυτην αποκτειναι ημας και τα κτηνη ημων;
20.5    και ινα τι τουτο ανηγαγετε ημας εξ αιγυπτου παραγενεσθαι εις τον τοπον τον πονηρον τουτον; τοπος, ου ου σπειρεται ουδε συκαι ουδε αμπελοι ουδε ροαι ουδε υδωρ εστιν πιειν.
20.6    και ηλθεν μωυσης και ααρων απο προσωπου της συναγωγης επι την θυραν της σκηνης του μαρτυριου και επεσαν επι προσωπον, και ωφθη η δοξα *κυριου προς αυτους.
20.7    και ελαλησεν *κυριος προς μωυσην λεγων
20.8    λαβε την ραβδον και εκκλησιασον την συναγωγην συ και ααρων ο αδελφος σου και λαλησατε προς την πετραν εναντι αυτων, και δωσει τα υδατα αυτης, και εξοισετε αυτοις υδωρ εκ της πετρας και ποτιειτε την συναγωγην και τα κτηνη αυτων.
20.9    και ελαβεν μωυσης την ραβδον την απεναντι *κυριου, καθα συνεταξεν κυριος·
20.10   και εξεκκλησιασεν μωυσης και ααρων την συναγωγην απεναντι της πετρας και ειπεν προς αυτους ακουσατε μου, οι απειθεις· μη εκ της πετρας ταυτης εξαξομεν υμιν υδωρ;
20.11   και επαρας μωυσης την χειρα αυτου επαταξεν την πετραν τη ραβδω δις, και εξηλθεν υδωρ πολυ, και επιεν η συναγωγη και τα κτηνη αυτων.
20.12   και ειπεν *κυριος προς μωυσην και ααρων οτι ουκ επιστευσατε αγιασαι με εναντιον υιων ισραηλ, δια τουτο ουκ εισαξετε υμεις την συναγωγην ταυτην εις την γην, ην δεδωκα αυτοις.
20.13   τουτο υδωρ αντιλογιας, οτι ελοιδορηθησαν οι υιοι ισραηλ εναντι *κυριου και ηγιασθη εν αυτοις.
20.14   και απεστειλεν μωυσης αγγελους εκ καδης προς βασιλεα εδωμ λεγων ταδε λεγει ο αδελφος σου ισραηλ συ επιστη παντα τον μοχθον τον ευροντα ημας,
20.15   και κατεβησαν οι πατερες ημων εις αιγυπτον, και παρωκησαμεν εν αιγυπτω ημερας πλειους, και εκακωσαν ημας οι αιγυπτιοι και τους πατερας ημων,
20.16   και ανεβοησαμεν προς *κυριον, και εισηκουσεν κυριος της φωνης ημων και αποστειλας αγγελον εξηγαγεν ημας εξ αιγυπτου, και νυν εσμεν εν καδης, πολει εκ μερους των οριων σου·
20.17   παρελευσομεθα δια της γης σου, ου διελευσομεθα δι᾽ αγρων ουδε δι᾽ αμπελωνων ουδε πιομεθα υδωρ εκ λακκου σου, οδω βασιλικη πορευσομεθα, ουκ εκκλινουμεν δεξια ουδε ευωνυμα, εως αν παρελθωμεν τα ορια σου.
20.18   και ειπεν προς αυτον εδωμ ου διελευση δι᾽ εμου· ει δε μη, εν πολεμω εξελευσομαι εις συναντησιν σοι.
20.19   και λεγουσιν αυτω οι υιοι ισραηλ παρα το ορος παρελευσομεθα· εαν δε του υδατος σου πιωμεν εγω τε και τα κτηνη, δωσω τιμην σοι· αλλα το πραγμα ουδεν εστιν, παρα το ορος παρελευσομεθα.
20.20   ο δε ειπεν ου διελευση δι᾽ εμου· και εξηλθεν εδωμ εις συναντησιν αυτω εν οχλω βαρει και εν χειρι ισχυρα.
20.21   και ουκ ηθελησεν εδωμ δουναι τω ισραηλ παρελθειν δια των οριων αυτου· και εξεκλινεν ισραηλ απ᾽ αυτου.
20.22   και απηραν εκ καδης· και παρεγενοντο οι υιοι ισραηλ, πασα η συναγωγη, εις ωρ το ορος.
20.23   και ειπεν *κυριος προς μωυσην και ααρων εν ωρ τω ορει επι των οριων γης εδωμ λεγων
20.24   προστεθητω ααρων προς τον λαον αυτου, οτι ου μη εισελθητε εις την γην, ην δεδωκα τοις υιοις ισραηλ, διοτι παρωξυνατε με επι του υδατος της λοιδοριας.
20.25   λαβε τον ααρων και ελεαζαρ τον υιον αυτου και αναβιβασον αυτους εις ωρ το ορος εναντι πασης της συναγωγης
20.26   και εκδυσον ααρων την στολην αυτου και ενδυσον ελεαζαρ τον υιον αυτου, και ααρων προστεθεις αποθανετω εκει.
20.27   και εποιησεν μωυσης καθα συνεταξεν *κυριος, και ανεβιβασεν αυτον εις ωρ το ορος εναντιον πασης της συναγωγης.
20.28   και εξεδυσεν ααρων τα ιματια αυτου και ενεδυσεν αυτα ελεαζαρ τον υιον αυτου· και απεθανεν ααρων επι της κορυφης του ορους, και κατεβη μωυσης και ελεαζαρ εκ του ορους.
20.29   και ειδεν πασα η συναγωγη οτι απελυθη ααρων, και εκλαυσαν τον ααρων τριακοντα ημερας πας οικος ισραηλ.
21.1    και ηκουσεν ο χανανις βασιλευς αραδ ο κατοικων κατα την ερημον — ηλθεν γαρ ισραηλ οδον αθαριν — και επολεμησεν προς ισραηλ και κατεπρονομευσαν εξ αυτων αιχμαλωσιαν.
21.2    και ηυξατο ισραηλ ευχην *κυριω και ειπεν εαν μοι παραδως τον λαον τουτον υποχειριον, αναθεματιω αυτον και τας πολεις αυτου.
21.3    και εισηκουσεν *κυριος της φωνης ισραηλ και παρεδωκεν τον χανανιν υποχειριον αυτου, και ανεθεματισεν αυτον και τας πολεις αυτου· και επεκαλεσαν το ονομα του τοπου εκεινου αναθεμα.
21.4    και απαραντες εξ ωρ του ορους οδον επι θαλασσαν ερυθραν περιεκυκλωσαν γην εδωμ· και ωλιγοψυχησεν ο λαος εν τη οδω.
21.5    και κατελαλει ο λαος προς τον θεον και κατα μωυση λεγοντες ινα τι εξηγαγες ημας εξ αιγυπτου αποκτειναι ημας εν τη ερημω; οτι ουκ εστιν αρτος ουδε υδωρ, η δε ψυχη ημων προσωχθισεν εν τω αρτω τω διακενω.
21.6    και απεστειλεν *κυριος εις τον λαον τους οφεις τους θανατουντας, και εδακνον τον λαον, και απεθανεν λαος πολυς των υιων ισραηλ.
21.7    και παραγενομενος ο λαος προς μωυσην ελεγον οτι ημαρτομεν οτι κατελαλησαμεν κατα του *κυριου και κατα σου· ευξαι ουν προς *κυριον, και αφελετω αφ᾽ ημων τον οφιν. και ηυξατο μωυσης προς *κυριον περι του λαου.
21.8    και ειπεν *κυριος προς μωυσην ποιησον σεαυτω οφιν και θες αυτον επι σημειου, και εσται εαν δακη οφις ανθρωπον, πας ο δεδηγμενος ιδων αυτον ζησεται.
21.9    και εποιησεν μωυσης οφιν χαλκουν και εστησεν αυτον επι σημειου, και εγενετο οταν εδακνεν οφις ανθρωπον, και επεβλεψεν επι τον οφιν τον χαλκουν και εζη.
21.10   και απηραν οι υιοι ισραηλ και παρενεβαλον εν ωβωθ.
21.11   και εξαραντες εξ ωβωθ παρενεβαλον εν αχελγαι εκ του περαν εν τη ερημω, η εστιν κατα προσωπον μωαβ κατα ανατολας ηλιου.
21.12   εκειθεν απηραν και παρενεβαλον εις φαραγγα ζαρετ.
21.13   και εκειθεν απαραντες παρενεβαλον εις το περαν αρνων εν τη ερημω το εξεχον απο των οριων των αμορραιων· εστιν γαρ αρνων ορια μωαβ ανα μεσον μωαβ και ανα μεσον του αμορραιου.
21.14   δια τουτο λεγεται εν βιβλιω πολεμος του *κυριου την ζωοβ εφλογισεν και τους χειμαρρους αρνων,
21.15   και τους χειμαρρους κατεστησεν κατοικισαι ηρ και προσκειται τοις οριοις μωαβ.
21.16   και εκειθεν το φρεαρ· τουτο εστιν το φρεαρ, ο ειπεν *κυριος προς μωυσην συναγαγε τον λαον, και δωσω αυτοις υδωρ πιειν.
21.17   τοτε ησεν ισραηλ το ασμα τουτο επι του φρεατος εξαρχετε αυτω·
21.18   φρεαρ, ωρυξαν αυτο αρχοντες, εξελατομησαν αυτο βασιλεις εθνων εν τη βασιλεια αυτων, εν τω κυριευσαι αυτων. και απο φρεατος εις μανθαναιν·
21.19   και απο μανθαναιν εις νααλιηλ· και απο νααλιηλ εις βαμωθ·
21.20   και απο βαμωθ εις ναπην, η εστιν εν τω πεδιω μωαβ απο κορυφης του λελαξευμενου το βλεπον κατα προσωπον της ερημου.
21.21   και απεστειλεν μωυσης πρεσβεις προς σηων βασιλεα αμορραιων λογοις ειρηνικοις λεγων
21.22   παρελευσομεθα δια της γης σου· τη οδω πορευσομεθα, ουκ εκκλινουμεν ουτε εις αγρον ουτε εις αμπελωνα, ου πιομεθα υδωρ εκ φρεατος σου· οδω βασιλικη πορευσομεθα, εως παρελθωμεν τα ορια σου.
21.23   και ουκ εδωκεν σηων τω ισραηλ παρελθειν δια των οριων αυτου, και συνηγαγεν σηων παντα τον λαον αυτου και εξηλθεν παραταξασθαι τω ισραηλ εις την ερημον και ηλθεν εις ιασσα και παρεταξατο τω ισραηλ.
21.24   και επαταξεν αυτον ισραηλ φονω μαχαιρης και κατεκυριευσαν της γης αυτου απο αρνων εως ιαβοκ εως υιων αμμαν· οτι ιαζηρ ορια υιων αμμων εστιν.
21.25   και ελαβεν ισραηλ πασας τας πολεις ταυτας, και κατωκησεν ισραηλ εν πασαις ταις πολεσιν των αμορραιων, εν εσεβων και εν πασαις ταις συγκυρουσαις αυτη.
21.26   εστιν γαρ εσεβων πολις σηων του βασιλεως των αμορραιων, και ουτος επολεμησεν βασιλεα μωαβ το προτερον και ελαβον πασαν την γην αυτου απο αροηρ εως αρνων.
21.27   δια τουτο ερουσιν οι αινιγματισται ελθετε εις εσεβων, ινα οικοδομηθη και κατασκευασθη πολις σηων.
21.28   οτι πυρ εξηλθεν εξ εσεβων, φλοξ εκ πολεως σηων και κατεφαγεν εως μωαβ και κατεπιεν στηλας αρνων.
21.29   ουαι σοι, μωαβ· απωλου, λαος χαμως. απεδοθησαν οι υιοι αυτων διασωζεσθαι και αι θυγατερες αυτων αιχμαλωτοι τω βασιλει των αμορραιων σηων·
21.30   και το σπερμα αυτων απολειται, εσεβων εως δαιβων, και αι γυναικες ετι προσεξεκαυσαν πυρ επι μωαβ.
21.31   κατωκησεν δε ισραηλ εν πασαις ταις πολεσιν των αμορραιων.
21.32   και απεστειλεν μωυσης κατασκεψασθαι την ιαζηρ, και κατελαβοντο αυτην και τας κωμας αυτης και εξεβαλον τον αμορραιον τον κατοικουντα εκει.
21.33   και επιστρεψαντες ανεβησαν οδον την εις βασαν· και εξηλθεν ωγ βασιλευς της βασαν εις συναντησιν αυτοις και πας ο λαος αυτου εις πολεμον εις εδραιν.
21.34   και ειπεν *κυριος προς μωυσην μη φοβηθης αυτον, οτι εις τας χειρας σου παραδεδωκα αυτον και παντα τον λαον αυτου και πασαν την γην αυτου, και ποιησεις αυτω καθως εποιησας τω σηων βασιλει των αμορραιων, ος κατωκει εν εσεβων.
21.35   και επαταξεν αυτον και τους υιους αυτου και παντα τον λαον αυτου εως του μη καταλιπειν αυτου ζωγρειαν· και εκληρονομησαν την γην αυτων.
22.1    και απαραντες οι υιοι ισραηλ παρενεβαλον επι δυσμων μωαβ παρα τον ιορδανην κατα ιεριχω.
22.2    και ιδων βαλακ υιος σεπφωρ παντα, οσα εποιησεν ισραηλ τω αμορραιω,
22.3    και εφοβηθη μωαβ τον λαον σφοδρα, οτι πολλοι ησαν, και προσωχθισεν μωαβ απο προσωπου υιων ισραηλ.
22.4    και ειπεν μωαβ τη γερουσια μαδιαμ νυν εκλειξει η συναγωγη αυτη παντας τους κυκλω ημων, ως εκλειξαι ο μοσχος τα χλωρα εκ του πεδιου. και βαλακ υιος σεπφωρ βασιλευς μωαβ ην κατα τον καιρον εκεινον.
22.5    και απεστειλεν πρεσβεις προς βαλααμ υιον βεωρ φαθουρα, ο εστιν επι του ποταμου γης υιων λαου αυτου, καλεσαι αυτον λεγων ιδου λαος εξεληλυθεν εξ αιγυπτου και ιδου κατεκαλυψεν την οψιν της γης και ουτος εγκαθηται εχομενος μου·
22.6    και νυν δευρο αρασαι μοι τον λαον τουτον, οτι ισχυει ουτος η ημεις· εαν δυνωμεθα παταξαι εξ αυτων, και εκβαλω αυτους εκ της γης· οτι οιδα ους εαν ευλογησης συ, ευλογηνται, και ους εαν καταραση συ, κεκατηρανται.
22.7    και επορευθη η γερουσια μωαβ και η γερουσια μαδιαμ, και τα μαντεια εν ταις χερσιν αυτων, και ηλθον προς βαλααμ και ειπαν αυτω τα ρηματα βαλακ.
22.8    και ειπεν προς αυτους καταλυσατε αυτου την νυκτα, και αποκριθησομαι υμιν πραγματα, α εαν λαληση *κυριος προς με· και κατεμειναν οι αρχοντες μωαβ παρα βαλααμ.
22.9    και ηλθεν ο θεος προς βαλααμ και ειπεν αυτω τι οι ανθρωποι ουτοι παρα σοι;
22.10   και ειπεν βαλααμ προς τον θεον βαλακ υιος σεπφωρ βασιλευς μωαβ απεστειλεν αυτους προς με λεγων
22.11   ιδου λαος εξεληλυθεν εξ αιγυπτου και ιδου κεκαλυφεν την οψιν της γης και ουτος εγκαθηται εχομενος μου· και νυν δευρο αρασαι μοι αυτον, ει αρα δυνησομαι παταξαι αυτον και εκβαλω αυτον απο της γης.
22.12   και ειπεν ο θεος προς βαλααμ ου πορευση μετ᾽ αυτων ουδε καταραση τον λαον· εστιν γαρ ευλογημενος.
22.13   και αναστας βαλααμ το πρωι ειπεν τοις αρχουσιν βαλακ αποτρεχετε προς τον *κυριον υμων· ουκ αφιησιν με ο θεος πορευεσθαι μεθ᾽ υμων.
22.14   και ανασταντες οι αρχοντες μωαβ ηλθον προς βαλακ και ειπαν ου θελει βαλααμ πορευθηναι μεθ᾽ ημων.
22.15   και προσεθετο βαλακ ετι αποστειλαι αρχοντας πλειους και εντιμοτερους τουτων.
22.16   και ηλθον προς βαλααμ και λεγουσιν αυτω ταδε λεγει βαλακ ο του σεπφωρ αξιω σε, μη οκνησης ελθειν προς με·
22.17   εντιμως γαρ τιμησω σε, και οσα εαν ειπης, ποιησω σοι· και δευρο επικαταρασαι μοι τον λαον τουτον.
22.18   και απεκριθη βαλααμ και ειπεν τοις αρχουσιν βαλακ εαν δω μοι βαλακ πληρη τον οικον αυτου αργυριου και χρυσιου, ου δυνησομαι παραβηναι το ρημα *κυριου του θεου ποιησαι αυτο μικρον η μεγα εν τη διανοια μου·
22.19   και νυν υπομεινατε αυτου και υμεις την νυκτα ταυτην, και γνωσομαι, τι προσθησει *κυριος λαλησαι προς με.
22.20   και ηλθεν ο θεος προς βαλααμ νυκτος και ειπεν αυτω ει καλεσαι σε παρεισιν οι ανθρωποι ουτοι, αναστας ακολουθησον αυτοις· αλλα το ρημα, ο αν λαλησω προς σε, τουτο ποιησεις.
22.21   και αναστας βαλααμ το πρωι επεσαξεν την ονον αυτου και επορευθη μετα των αρχοντων μωαβ.
22.22   και ωργισθη θυμω ο θεος οτι επορευθη αυτος, και ανεστη ο αγγελος του *θεου ενδιαβαλλειν αυτον, και αυτος επιβεβηκει επι της ονου αυτου, και δυο παιδες αυτου μετ᾽ αυτου.
22.23   και ιδουσα η ονος τον αγγελον του *θεου ανθεστηκοτα εν τη οδω και την ρομφαιαν εσπασμενην εν τη χειρι αυτου και εξεκλινεν η ονος εκ της οδου και επορευετο εις το πεδιον· και επαταξεν την ονον τη ραβδω του ευθυναι αυτην εν τη οδω.
22.24   και εστη ο αγγελος του *θεου εν ταις αυλαξιν των αμπελων, φραγμος εντευθεν και φραγμος εντευθεν·
22.25   και ιδουσα η ονος τον αγγελον του *θεου προσεθλιψεν εαυτην προς τον τοιχον και απεθλιψεν τον ποδα βαλααμ· και προσεθετο ετι μαστιξαι αυτην.
22.26   και προσεθετο ο αγγελος του *θεου και απελθων υπεστη εν τοπω στενω, εις ον ουκ ην εκκλιναι δεξιαν ουδε αριστεραν.
22.27   και ιδουσα η ονος τον αγγελον του *θεου συνεκαθισεν υποκατω βαλααμ· και εθυμωθη βαλααμ και ετυπτεν την ονον τη ραβδω.
22.28   και ηνοιξεν ο *θεος το στομα της ονου, και λεγει τω βαλααμ τι εποιησα σοι οτι πεπαικας με τουτο τριτον;
22.29   και ειπεν βαλααμ τη ονω οτι εμπεπαιχας μοι· και ει ειχον μαχαιραν εν τη χειρι μου, ηδη αν εξεκεντησα σε.
22.30   και λεγει η ονος τω βαλααμ ουκ εγω η ονος σου, εφ᾽ ης επεβαινες απο νεοτητος σου εως της σημερον ημερας; μη υπερορασει υπεριδουσα εποιησα σοι ουτως; ο δε ειπεν ουχι.
22.31   απεκαλυψεν δε ο *θεος τους οφθαλμους βαλααμ, και ορα τον αγγελον *κυριου ανθεστηκοτα εν τη οδω και την μαχαιραν εσπασμενην εν τη χειρι αυτου και κυψας προσεκυνησεν τω προσωπω αυτου.
22.32   και ειπεν αυτω ο αγγελος του *θεου δια τι επαταξας την ονον σου τουτο τριτον; και ιδου εγω εξηλθον εις διαβολην σου, οτι ουκ αστεια η οδος σου εναντιον μου.
22.33   και ιδουσα με η ονος εξεκλινεν απ᾽ εμου τριτον τουτο· και ει μη εξεκλινεν, νυν ουν σε μεν απεκτεινα, εκεινην δε περιεποιησαμην.
22.34   και ειπεν βαλααμ τω αγγελω *κυριου ημαρτηκα, ου γαρ ηπισταμην οτι συ μοι ανθεστηκας εν τη οδω εις συναντησιν· και νυν ει μη σοι αρεσκει, αποστραφησομαι.
22.35   και ειπεν ο αγγελος του *θεου προς βαλααμ συμπορευθητι μετα των ανθρωπων· πλην το ρημα, ο εαν ειπω προς σε, τουτο φυλαξη λαλησαι. και επορευθη βαλααμ μετα των αρχοντων βαλακ.
22.36   και ακουσας βαλακ οτι ηκει βαλααμ, εξηλθεν εις συναντησιν αυτω εις πολιν μωαβ, η εστιν επι των οριων αρνων, ο εστιν εκ μερους των οριων.
22.37   και ειπεν βαλακ προς βαλααμ ουχι απεστειλα προς σε καλεσαι σε; δια τι ουκ ηρχου προς με; οντως ου δυνησομαι τιμησαι σε;
22.38   και ειπεν βαλααμ προς βαλακ ιδου ηκω προς σε· νυν δυνατος εσομαι λαλησαι τι; το ρημα, ο εαν βαλη ο θεος εις το στομα μου, τουτο λαλησω.
22.39   και επορευθη βαλααμ μετα βαλακ, και ηλθον εις πολεις επαυλεων.
22.40   και εθυσεν βαλακ προβατα και μοσχους και απεστειλεν τω βαλααμ και τοις αρχουσι τοις μετ᾽ αυτου.
22.41   και εγενηθη πρωι και παραλαβων βαλακ τον βαλααμ ανεβιβασεν αυτον επι την στηλην του βααλ και εδειξεν αυτω εκειθεν μερος τι του λαου.
23.1    και ειπεν βαλααμ τω βαλακ οικοδομησον μοι ενταυθα επτα βωμους και ετοιμασον μοι ενταυθα επτα μοσχους και επτα κριους.
23.2    και εποιησεν βαλακ ον τροπον ειπεν αυτω βαλααμ, και ανηνεγκεν μοσχον και κριον επι τον βωμον.
23.3    και ειπεν βαλααμ προς βαλακ παραστηθι επι της θυσιας σου, και πορευσομαι, ει μοι φανειται ο *θεος εν συναντησει, και ρημα, ο εαν μοι δειξη, αναγγελω σοι. και παρεστη βαλακ επι της θυσιας αυτου, και βαλααμ επορευθη επερωτησαι τον *θεον και επορευθη ευθειαν.
23.4    και εφανη ο θεος τω βαλααμ, και ειπεν προς αυτον βαλααμ τους επτα βωμους ητοιμασα και ανεβιβασα μοσχον και κριον επι τον βωμον.
23.5    και ενεβαλεν ο *θεος ρημα εις το στομα βαλααμ και ειπεν επιστραφεις προς βαλακ ουτως λαλησεις.
23.6    και απεστραφη προς αυτον, και οδε εφειστηκει επι των ολοκαυτωματων αυτου, και παντες οι αρχοντες μωαβ μετ᾽ αυτου.
23.7    και εγενηθη πνευμα θεου επ᾽ αυτω, και αναλαβων την παραβολην αυτου ειπεν εκ μεσοποταμιας μετεπεμψατο με βαλακ, βασιλευς μωαβ εξ ορεων απ᾽ ανατολων λεγων δευρο αρασαι μοι τον ιακωβ και δευρο επικαταρασαι μοι τον ισραηλ.
23.8    τι αρασωμαι ον μη καταραται κυριος, η τι καταρασωμαι ον μη καταραται ο *θεος;
23.9    οτι απο κορυφης ορεων οψομαι αυτον και απο βουνων προσνοησω αυτον. ιδου λαος μονος κατοικησει και εν εθνεσιν ου συλλογισθησεται.
23.10   τις εξηκριβασατο το σπερμα ιακωβ, και τις εξαριθμησεται δημους ισραηλ; αποθανοι η ψυχη μου εν ψυχαις δικαιων, και γενοιτο το σπερμα μου ως το σπερμα τουτων.
23.11   και ειπεν βαλακ προς βαλααμ τι πεποιηκας μοι; εις καταρασιν εχθρων μου κεκληκα σε, και ιδου ευλογηκας ευλογιαν.
23.12   και ειπεν βαλααμ προς βαλακ ουχι οσα εαν εμβαλη ο *θεος εις το στομα μου, τουτο φυλαξω λαλησαι;
23.13   και ειπεν προς αυτον βαλακ δευρο ετι μετ᾽ εμου εις τοπον αλλον, εξ ων ουκ οψη αυτον εκειθεν, αλλ᾽ η μερος τι αυτου οψη, παντας δε ου μη ιδης, και καταρασαι μοι αυτον εκειθεν.
23.14   και παρελαβεν αυτον εις αγρου σκοπιαν επι κορυφην λελαξευμενου και ωκοδομησεν εκει επτα βωμους και ανεβιβασεν μοσχον και κριον επι τον βωμον.
23.15   και ειπεν βαλααμ προς βαλακ παραστηθι επι της θυσιας σου, εγω δε πορευσομαι επερωτησαι τον θεον.
23.16   και συνηντησεν ο *θεος τω βαλααμ και ενεβαλεν ρημα εις το στομα αυτου και ειπεν αποστραφητι προς βαλακ και ταδε λαλησεις.
23.17   και απεστραφη προς αυτον, και οδε εφειστηκει επι της ολοκαυτωσεως αυτου, και παντες οι αρχοντες μωαβ μετ᾽ αυτου. και ειπεν αυτω βαλακ τι ελαλησεν *κυριος;
23.18   και αναλαβων την παραβολην αυτου ειπεν αναστηθι, βαλακ, και ακουε· ενωτισαι μαρτυς, υιος σεπφωρ.
23.19   ουχ ως ανθρωπος ο θεος διαρτηθηναι ουδε ως υιος ανθρωπου απειληθηναι· αυτος ειπας ουχι ποιησει; λαλησει, και ουχι εμμενει;
23.20   ιδου ευλογειν παρειλημμαι· ευλογησω και ου μη αποστρεψω.
23.21   ουκ εσται μοχθος εν ιακωβ, ουδε οφθησεται πονος εν ισραηλ· *κυριος ο θεος αυτου μετ᾽ αυτου, τα ενδοξα αρχοντων εν αυτω.
23.22   θεος ο εξαγαγων αυτους εξ αιγυπτου· ως δοξα μονοκερωτος αυτω.
23.23   ου γαρ εστιν οιωνισμος εν ιακωβ ουδε μαντεια εν ισραηλ· κατα καιρον ρηθησεται ιακωβ και τω ισραηλ, τι επιτελεσει ο θεος.
23.24   ιδου λαος ως σκυμνος αναστησεται και ως λεων γαυριωθησεται· ου κοιμηθησεται, εως φαγη θηραν, και αιμα τραυματιων πιεται.
23.25   και ειπεν βαλακ προς βαλααμ ουτε καταραις καταραση μοι αυτον ουτε ευλογων μη ευλογησης αυτον.
23.26   και αποκριθεις βαλααμ ειπεν τω βαλακ ουκ ελαλησα σοι λεγων το ρημα, ο εαν λαληση ο *θεος, τουτο ποιησω;
23.27   και ειπεν βαλακ προς βαλααμ δευρο παραλαβω σε εις τοπον αλλον, ει αρεσει τω θεω και καταρασαι μοι αυτον εκειθεν.
23.28   και παρελαβεν βαλακ τον βαλααμ επι κορυφην του φογωρ το παρατεινον εις την ερημον.
23.29   και ειπεν βαλααμ προς βαλακ οικοδομησον μοι ωδε επτα βωμους και ετοιμασον μοι ωδε επτα μοσχους και επτα κριους.
23.30   και εποιησεν βαλακ καθαπερ ειπεν αυτω βαλααμ, και ανηνεγκεν μοσχον και κριον επι τον βωμον.
24.1    και ιδων βαλααμ οτι καλον εστιν εναντι *κυριου ευλογειν τον ισραηλ, ουκ επορευθη κατα το ειωθος εις συναντησιν τοις οιωνοις και απεστρεψεν το προσωπον αυτου εις την ερημον.
24.2    και εξαρας βαλααμ τους οφθαλμους αυτου καθορα τον ισραηλ εστρατοπεδευκοτα κατα φυλας. και εγενετο πνευμα θεου εν αυτω,
24.3    και αναλαβων την παραβολην αυτου ειπεν φησιν βαλααμ υιος βεωρ, φησιν ο ανθρωπος ο αληθινως ορων,
24.4    φησιν ακουων λογια θεου, οστις ορασιν θεου ειδεν εν υπνω, αποκεκαλυμμενοι οι οφθαλμοι αυτου
24.5    ως καλοι σου οι οικοι, ιακωβ, αι σκηναι σου, ισραηλ·
24.6    ωσει ναπαι σκιαζουσαι και ωσει παραδεισοι επι ποταμων και ωσει σκηναι, ας επηξεν *κυριος, ωσει κεδροι παρ᾽ υδατα.
24.7    εξελευσεται ανθρωπος εκ του σπερματος αυτου και κυριευσει εθνων πολλων, και υψωθησεται η γωγ βασιλεια αυτου, και αυξηθησεται η βασιλεια αυτου.
24.8    θεος ωδηγησεν αυτον εξ αιγυπτου, ως δοξα μονοκερωτος αυτω· εδεται εθνη εχθρων αυτου και τα παχη αυτων εκμυελιει και ταις βολισιν αυτου κατατοξευσει εχθρον.
24.9    κατακλιθεις ανεπαυσατο ως λεων και ως σκυμνος· τις αναστησει αυτον; οι ευλογουντες σε ευλογηνται, και οι καταρωμενοι σε κεκατηρανται.
24.10   και εθυμωθη βαλακ επι βαλααμ και συνεκροτησεν ταις χερσιν αυτου, και ειπεν βαλακ προς βαλααμ καταρασθαι τον εχθρον μου κεκληκα σε, και ιδου ευλογων ευλογησας τριτον τουτο·
24.11   νυν ουν φευγε εις τον τοπον σου· ειπα τιμησω σε, και νυν εστερησεν σε *κυριος της δοξης.
24.12   και ειπεν βαλααμ προς βαλακ ουχι και τοις αγγελοις σου, ους απεστειλας προς με, ελαλησα λεγων
24.13   εαν μοι δω βαλακ πληρη τον οικον αυτου αργυριου και χρυσιου, ου δυνησομαι παραβηναι το ρημα *κυριου ποιησαι αυτο πονηρον η καλον παρ᾽ εμαυτου· οσα εαν ειπη ο *θεος, ταυτα ερω;
24.14   και νυν ιδου αποτρεχω εις τον τοπον μου· δευρο συμβουλευσω σοι, τι ποιησει ο λαος ουτος τον λαον σου επ᾽ εσχατου των ημερων.
24.15   και αναλαβων την παραβολην αυτου ειπεν φησιν βαλααμ υιος βεωρ, φησιν ο ανθρωπος ο αληθινως ορων,
24.16   ακουων λογια θεου, επισταμενος επιστημην παρα υψιστου και ορασιν θεου ιδων εν υπνω, αποκεκαλυμμενοι οι οφθαλμοι αυτου
24.17   δειξω αυτω, και ουχι νυν· μακαριζω, και ουκ εγγιζει· ανατελει αστρον εξ ιακωβ, και αναστησεται ανθρωπος εξ ισραηλ και θραυσει τους αρχηγους μωαβ και προνομευσει παντας υιους σηθ.
24.18   και εσται εδωμ κληρονομια, και εσται κληρονομια ησαυ ο εχθρος αυτου· και ισραηλ εποιησεν εν ισχυι.
24.19   και εξεγερθησεται εξ ιακωβ και απολει σωζομενον εκ πολεως.
24.20   και ιδων τον αμαληκ και αναλαβων την παραβολην αυτου ειπεν αρχη εθνων αμαληκ, και το σπερμα αυτων απολειται.
24.21   και ιδων τον καιναιον και αναλαβων την παραβολην αυτου ειπεν ισχυρα η κατοικια σου· και εαν θης εν πετρα την νοσσιαν σου,
24.22   και εαν γενηται τω βεωρ νεοσσια πανουργιας, ασσυριοι σε αιχμαλωτευσουσιν.
24.23   και ιδων τον ωγ και αναλαβων την παραβολην αυτου ειπεν ω ω, τις ζησεται, οταν θη ταυτα ο θεος;
24.24   και εξελευσεται εκ χειρος κιτιαιων και κακωσουσιν ασσουρ και κακωσουσιν εβραιους, και αυτοι ομοθυμαδον απολουνται.
24.25   και αναστας βαλααμ απηλθεν αποστραφεις εις τον τοπον αυτου, και βαλακ απηλθεν προς εαυτον.
25.1    και κατελυσεν ισραηλ εν σαττιν· και εβεβηλωθη ο λαος εκπορνευσαι εις τας θυγατερας μωαβ.
25.2    και εκαλεσαν αυτους επι ταις θυσιαις των ειδωλων αυτων, και εφαγεν ο λαος των θυσιων αυτων και προσεκυνησαν τοις ειδωλοις αυτων.
25.3    και ετελεσθη ισραηλ τω βεελφεγωρ· και ωργισθη θυμω *κυριος τω ισραηλ.
25.4    και ειπεν *κυριος τω μωυση λαβε παντας τους αρχηγους του λαου και παραδειγματισον αυτους *κυριω απεναντι του ηλιου, και αποστραφησεται οργη θυμου *κυριου απο ισραηλ.
25.5    και ειπεν μωυσης ταις φυλαις ισραηλ αποκτεινατε εκαστος τον οικειον αυτου τον τετελεσμενον τω βεελφεγωρ.
25.6    και ιδου ανθρωπος των υιων ισραηλ ελθων προσηγαγεν τον αδελφον αυτου προς την μαδιανιτιν εναντιον μωυση και εναντι πασης συναγωγης υιων ισραηλ, αυτοι δε εκλαιον παρα την θυραν της σκηνης του μαρτυριου.
25.7    και ιδων φινεες υιος ελεαζαρ υιου ααρων του ιερεως εξανεστη εκ μεσου της συναγωγης και λαβων σειρομαστην εν τη χειρι
25.8    εισηλθεν οπισω του ανθρωπου του ισραηλιτου εις την καμινον και απεκεντησεν αμφοτερους, τον τε ανθρωπον τον ισραηλιτην και την γυναικα δια της μητρας αυτης· και επαυσατο η πληγη απο υιων ισραηλ.
25.9    και εγενοντο οι τεθνηκοτες εν τη πληγη τεσσαρες και εικοσι χιλιαδες.
25.10   και ελαλησεν *κυριος προς μωυσην λεγων
25.11   φινεες υιος ελεαζαρ υιου ααρων του ιερεως κατεπαυσεν τον θυμον μου απο υιων ισραηλ εν τω ζηλωσαι μου τον ζηλον εν αυτοις, και ουκ εξανηλωσα τους υιους ισραηλ εν τω ζηλω μου.
25.12   ουτως ειπον ιδου εγω διδωμι αυτω διαθηκην ειρηνης,
25.13   και εσται αυτω και τω σπερματι αυτου μετ᾽ αυτον διαθηκη ιερατειας αιωνια, ανθ᾽ ων εζηλωσεν τω θεω αυτου και εξιλασατο περι των υιων ισραηλ.
25.14   το δε ονομα του ανθρωπου του ισραηλιτου του πεπληγοτος, ος επληγη μετα της μαδιανιτιδος, ζαμβρι υιος σαλω αρχων οικου πατριας των συμεων·
25.15   και ονομα τη γυναικι τη μαδιανιτιδι τη πεπληγυια χασβι θυγατηρ σουρ αρχοντος εθνους ομμωθ, οικου πατριας εστιν των μαδιαν.
25.16   και ελαλησεν *κυριος προς μωυσην λεγων λαλησον τοις υιοις ισραηλ λεγων
25.17   εχθραινετε τοις μαδιηναιοις και παταξατε αυτους,
25.18   οτι εχθραινουσιν αυτοι υμιν εν δολιοτητι, οσα δολιουσιν υμας δια φογωρ και δια χασβι θυγατερα αρχοντος μαδιαν αδελφην αυτων την πεπληγυιαν εν τη ημερα της πληγης δια φογωρ.
26.1    και εγενετο μετα την πληγην και ελαλησεν *κυριος προς μωυσην και προς ελεαζαρ τον ιερεα λεγων
26.2    λαβε την αρχην πασης συναγωγης υιων ισραηλ απο εικοσαετους και επανω κατ᾽ οικους πατριων αυτων, πας ο εκπορευομενος παραταξασθαι εν ισραηλ.
26.3    και ελαλησεν μωυσης και ελεαζαρ ο ιερευς εν αραβωθ μωαβ επι του ιορδανου κατα ιεριχω λεγων
26.4    απο εικοσαετους και επανω, ον τροπον συνεταξεν *κυριος τω μωυση. και οι υιοι ισραηλ οι εξελθοντες εξ αιγυπτου·
26.5    ρουβην πρωτοτοκος ισραηλ. υιοι δε ρουβην· ενωχ και δημος του ενωχ· τω φαλλου δημος του φαλλουι·
26.6    τω ασρων δημος του ασρωνι· τω χαρμι δημος του χαρμι.
26.7    ουτοι δημοι ρουβην· και εγενετο η επισκεψις αυτων τρεις και τεσσαρακοντα χιλιαδες και επτακοσιοι και τριακοντα.
26.8    και υιοι φαλλου· ελιαβ.
26.9    και υιοι ελιαβ· ναμουηλ και δαθαν και αβιρων· ουτοι επικλητοι της συναγωγης, ουτοι εισιν οι επισυσταντες επι μωυσην και ααρων εν τη συναγωγη κορε εν τη επισυστασει *κυριου,
26.10   και ανοιξασα η γη το στομα αυτης κατεπιεν αυτους και κορε εν τω θανατω της συναγωγης αυτου, οτε κατεφαγεν το πυρ τους πεντηκοντα και διακοσιους, και εγενηθησαν εν σημειω,
26.11   οι δε υιοι κορε ουκ απεθανον.
26.12   και οι υιοι συμεων· ο δημος των υιων συμεων· τω ναμουηλ δημος ο ναμουηλι· τω ιαμιν δημος ο ιαμινι· τω ιαχιν δημος ο ιαχινι·
26.13   τω ζαρα δημος ο ζαραι· τω σαουλ δημος ο σαουλι.
26.14   ουτοι δημοι συμεων εκ της επισκεψεως αυτων, δυο και εικοσι χιλιαδες και διακοσιοι.
26.15   υιοι γαδ κατα δημους αυτων· τω σαφων δημος ο σαφωνι· τω αγγι δημος ο αγγι· τω σουνι δημος ο σουνι·
26.16   τω αζενι δημος ο αζενι· τω αδδι δημος ο αδδι·
26.17   τω αροαδι δημος ο αροαδι· τω αριηλ δημος ο αριηλι.
26.18   ουτοι δημοι υιων γαδ εξ επισκεψεως αυτων, τεσσαρακοντα χιλιαδες και πεντακοσιοι.
26.19   υιοι δε ιουδα· ηρ και αυναν· και απεθανεν ηρ και αυναν εν γη χανααν.
26.20   εγενοντο δε οι υιοι ιουδα κατα δημους αυτων· τω σηλων δημος ο σηλωνι· τω φαρες δημος ο φαρες· τω ζαρα δημος ο ζαραι.
26.21   και εγενοντο υιοι φαρες· τω ασρων δημος ο ασρωνι· τω ιαμουν δημος ο ιαμουνι.
26.22   ουτοι δημοι τω ιουδα κατα την επισκοπην αυτων, εξ και εβδομηκοντα χιλιαδες και πεντακοσιοι.
26.23   και υιοι ισσαχαρ κατα δημους αυτων· τω θωλα δημος ο θωλαι· τω φουα δημος ο φουαι·
26.24   τω ιασουβ δημος ο ιασουβι· τω σαμαραν δημος ο σαμαρανι.
26.25   ουτοι δημοι ισσαχαρ εξ επισκεψεως αυτων, τεσσαρες και εξηκοντα χιλιαδες και τριακοσιοι.
26.26   υιοι ζαβουλων κατα δημους αυτων· τω σαρεδ δημος ο σαρεδι· τω αλλων δημος ο αλλωνι· τω αλληλ δημος ο αλληλι.
26.27   ουτοι δημοι ζαβουλων εξ επισκεψεως αυτων, εξηκοντα χιλιαδες και πεντακοσιοι.
26.28   υιοι ιωσηφ κατα δημους αυτων· μανασση και εφραιμ.
26.29   υιοι μανασση· τω μαχιρ δημος ο μαχιρι· και μαχιρ εγεννησεν τον γαλααδ· τω γαλααδ δημος ο γαλααδι.
26.30   και ουτοι υιοι γαλααδ· τω αχιεζερ δημος ο αχιεζερι· τω χελεγ δημος ο χελεγι·
26.31   τω εσριηλ δημος ο εσριηλι· τω συχεμ δημος ο συχεμι·
26.32   τω συμαερ δημος ο συμαερι· και τω οφερ δημος ο οφερι.
26.33   και τω σαλπααδ υιω οφερ ουκ εγενοντο αυτω υιοι, αλλ᾽ η θυγατερες, και ταυτα τα ονοματα των θυγατερων σαλπααδ· μαλα και νουα και εγλα και μελχα και θερσα.
26.34   ουτοι δημοι μανασση εξ επισκεψεως αυτων, δυο και πεντηκοντα χιλιαδες και επτακοσιοι.
26.35   και ουτοι υιοι εφραιμ· τω σουταλα δημος ο σουταλαι· τω ταναχ δημος ο ταναχι.
26.36   ουτοι υιοι σουταλα· τω εδεν δημος ο εδενι.
26.37   ουτοι δημοι εφραιμ εξ επισκεψεως αυτων, δυο και τριακοντα χιλιαδες και πεντακοσιοι. — ουτοι δημοι υιων ιωσηφ κατα δημους αυτων.
26.38   υιοι βενιαμιν κατα δημους αυτων· τω βαλε δημος ο βαλει· τω ασυβηρ δημος ο ασυβηρι· τω ιαχιραν δημος ο ιαχιρανι·
26.39   τω σωφαν δημος ο σωφανι.
26.40   και εγενοντο οι υιοι βαλε αδαρ. και νοεμαν· τω αδαρ δημος ο αδαρι· τω νοεμαν δημος ο νοεμανι.
26.41   ουτοι υιοι βενιαμιν κατα δημους αυτων εξ επισκεψεως αυτων, πεντε και τεσσαρακοντα χιλιαδες και εξακοσιοι.
26.42   και υιοι δαν κατα δημους αυτων· τω σαμι δημος ο σαμι· ουτοι δημοι δαν κατα δημους αυτων.
26.43   παντες οι δημοι σαμι κατ᾽ επισκοπην αυτων τεσσαρες και εξηκοντα χιλιαδες και τετρακοσιοι.
26.44   υιοι ασηρ κατα δημους αυτων· τω ιαμιν δημος ο ιαμινι· τω ιεσου δημος ο ιεσουι· τω βαρια δημος ο βαριαι·
26.45   τω χοβερ δημος ο χοβερι· τω μελχιηλ δημος ο μελχιηλι.
26.46   και το ονομα θυγατρος ασηρ σαρα.
26.47   ουτοι δημοι ασηρ εξ επισκεψεως αυτων, τρεις και πεντηκοντα χιλιαδες και τετρακοσιοι.
26.48   υιοι νεφθαλι κατα δημους αυτων· τω ασιηλ δημος ο ασιηλι· τω γαυνι δημος ο γαυνι·
26.49   τω ιεσερ δημος ο ιεσερι· τω σελλημ δημος ο σελλημι.
26.50   ουτοι δημοι νεφθαλι εξ επισκεψεως αυτων, πεντε και τεσσαρακοντα χιλιαδες και τετρακοσιοι.
26.51   αυτη η επισκεψις υιων ισραηλ, εξακοσιαι χιλιαδες και χιλιοι και επτακοσιοι και τριακοντα.
26.52   και ελαλησεν *κυριος προς μωυσην λεγων
26.53   τουτοις μερισθησεται η γη κληρονομειν εξ αριθμου ονοματων·
26.54   τοις πλειοσιν πλεονασεις την κληρονομιαν και τοις ελαττοσιν ελαττωσεις την κληρονομιαν αυτων· εκαστω καθως επεσκεπησαν δοθησεται η κληρονομια αυτων.
26.55   δια κληρων μερισθησεται η γη· τοις ονομασιν κατα φυλας πατριων αυτων κληρονομησουσιν·
26.56   εκ του κληρου μεριεις την κληρονομιαν αυτων ανα μεσον πολλων και ολιγων.
26.57   και υιοι λευι κατα δημους αυτων· τω γεδσων δημος ο γεδσωνι· τω κααθ δημος ο κααθι· τω μεραρι δημος ο μεραρι.
26.58   ουτοι δημοι υιων λευι· δημος ο λοβενι, δημος ο χεβρωνι, δημος ο κορε και δημος ο μουσι. και κααθ εγεννησεν τον αμραμ.
26.59   και το ονομα της γυναικος αυτου ιωχαβεδ θυγατηρ λευι, η ετεκεν τουτους τω λευι εν αιγυπτω· και ετεκεν τω αμραμ τον ααρων και μωυσην και μαριαμ την αδελφην αυτων.
26.60   και εγεννηθησαν τω ααρων ο τε ναδαβ και αβιουδ και ελεαζαρ και ιθαμαρ.
26.61   και απεθανεν ναδαβ και αβιουδ εν τω προσφερειν αυτους πυρ αλλοτριον εναντι *κυριου εν τη ερημω σινα.
26.62   και εγενηθησαν εξ επισκεψεως αυτων τρεις και εικοσι χιλιαδες, παν αρσενικον απο μηνιαιου και επανω· ου γαρ συνεπεσκεπησαν εν μεσω υιων ισραηλ, οτι ου διδοται αυτοις κληρος εν μεσω υιων ισραηλ.
26.63   και αυτη η επισκεψις μωυση και ελεαζαρ του ιερεως, οι επεσκεψαντο τους υιους ισραηλ εν αραβωθ μωαβ επι του ιορδανου κατα ιεριχω.
26.64   και εν τουτοις ουκ ην ανθρωπος των επεσκεμμενων υπο μωυση και ααρων, ους επεσκεψαντο τους υιους ισραηλ εν τη ερημω σινα·
26.65   οτι ειπεν *κυριος αυτοις θανατω αποθανουνται εν τη ερημω· και ου κατελειφθη εξ αυτων ουδε εις πλην χαλεβ υιος ιεφοννη και ιησους ο του ναυη.
27.1    και προσελθουσαι αι θυγατερες σαλπααδ υιου οφερ υιου γαλααδ υιου μαχιρ του δημου μανασση των υιων ιωσηφ [και ταυτα τα ονοματα αυτων· μαλα και νουα και εγλα και μελχα και θερσα]
27.2    και στασαι εναντι μωυση και εναντι ελεαζαρ του ιερεως και εναντι των αρχοντων και εναντι πασης συναγωγης επι της θυρας της σκηνης του μαρτυριου λεγουσιν
27.3    ο πατηρ ημων απεθανεν εν τη ερημω, και αυτος ουκ ην εν μεσω της συναγωγης της επισυστασης εναντι *κυριου εν τη συναγωγη κορε, οτι δια αμαρτιαν αυτου απεθανεν, και υιοι ουκ εγενοντο αυτω·
27.4    μη εξαλειφθητω το ονομα του πατρος ημων εκ μεσου του δημου αυτου, οτι ουκ εστιν αυτω υιος· δοτε ημιν κατασχεσιν εν μεσω αδελφων πατρος ημων.
27.5    και προσηγαγεν μωυσης την κρισιν αυτων εναντι *κυριου.
27.6    και ελαλησεν *κυριος προς μωυσην λεγων
27.7    ορθως θυγατερες σαλπααδ λελαληκασιν· δομα δωσεις αυταις κατασχεσιν κληρονομιας εν μεσω αδελφων πατρος αυτων και περιθησεις τον κληρον του πατρος αυτων αυταις.
27.8    και τοις υιοις ισραηλ λαλησεις λεγων ανθρωπος εαν αποθανη και υιος μη η αυτω, περιθησετε την κληρονομιαν αυτου τη θυγατρι αυτου·
27.9    εαν δε μη η θυγατηρ αυτω, δωσετε την κληρονομιαν τω αδελφω αυτου·
27.10   εαν δε μη ωσιν αυτω αδελφοι, δωσετε την κληρονομιαν τω αδελφω του πατρος αυτου·
27.11   εαν δε μη ωσιν αδελφοι του πατρος αυτου, δωσετε την κληρονομιαν τω οικειω τω εγγιστα αυτου εκ της φυλης αυτου, κληρονομησει τα αυτου. και εσται τουτο τοις υιοις ισραηλ δικαιωμα κρισεως, καθα συνεταξεν *κυριος τω μωυση.
27.12   και ειπεν *κυριος προς μωυσην αναβηθι εις το ορος το εν τω περαν [τουτο ορος ναβαυ] και ιδε την γην χανααν, ην εγω διδωμι τοις υιοις ισραηλ εν κατασχεσει·
27.13   και οψει αυτην και προστεθηση προς τον λαον σου και συ, καθα προσετεθη ααρων ο αδελφος σου εν ωρ τω ορει,
27.14   διοτι παρεβητε το ρημα μου εν τη ερημω σιν εν τω αντιπιπτειν την συναγωγην αγιασαι με· ουχ ηγιασατε με επι τω υδατι εναντι αυτων [τουτο εστιν υδωρ αντιλογιας καδης εν τη ερημω σιν].
27.15   και ειπεν μωυσης προς *κυριον
27.16   επισκεψασθω *κυριος ο θεος των πνευματων και πασης σαρκος ανθρωπον επι της συναγωγης ταυτης,
27.17   οστις εξελευσεται προ προσωπου αυτων και οστις εισελευσεται προ προσωπου αυτων και οστις εξαξει αυτους και οστις εισαξει αυτους, και ουκ εσται η συναγωγη *κυριου ωσει προβατα, οις ουκ εστιν ποιμην.
27.18   και ελαλησεν *κυριος προς μωυσην λεγων λαβε προς σεαυτον τον ιησουν υιον ναυη, ανθρωπον, ος εχει πνευμα εν εαυτω, και επιθησεις τας χειρας σου επ᾽ αυτον
27.19   και στησεις αυτον εναντι ελεαζαρ του ιερεως και εντελη αυτω εναντι πασης συναγωγης και εντελη περι αυτου εναντιον αυτων
27.20   και δωσεις της δοξης σου επ᾽ αυτον, οπως αν εισακουσωσιν αυτου οι υιοι ισραηλ.
27.21   και εναντι ελεαζαρ του ιερεως στησεται, και επερωτησουσιν αυτον την κρισιν των δηλων εναντι *κυριου· επι τω στοματι αυτου εξελευσονται και επι τω στοματι αυτου εισελευσονται αυτος και οι υιοι ισραηλ ομοθυμαδον και πασα η συναγωγη.
27.22   και εποιησεν μωυσης καθα ενετειλατο αυτω *κυριος, και λαβων τον ιησουν εστησεν αυτον εναντιον ελεαζαρ του ιερεως και εναντι πασης συναγωγης
27.23   και επεθηκεν τας χειρας αυτου επ᾽ αυτον και συνεστησεν αυτον, καθαπερ συνεταξεν *κυριος τω μωυση.
28.1    και ελαλησεν *κυριος προς μωυσην λεγων
28.2    εντειλαι τοις υιοις ισραηλ και ερεις προς αυτους λεγων τα δωρα μου δοματα μου καρπωματα μου εις οσμην ευωδιας διατηρησετε προσφερειν εμοι εν ταις εορταις μου.
28.3    και ερεις προς αυτους ταυτα τα καρπωματα, οσα προσαξετε *κυριω· αμνους ενιαυσιους αμωμους δυο την ημεραν εις ολοκαυτωσιν ενδελεχως,
28.4    τον αμνον τον ενα ποιησεις το πρωι και τον αμνον τον δευτερον ποιησεις το προς εσπεραν·
28.5    και ποιησεις το δεκατον του οιφι σεμιδαλιν εις θυσιαν αναπεποιημενην εν ελαιω εν τεταρτω του ιν.
28.6    ολοκαυτωμα ενδελεχισμου, η γενομενη εν τω ορει σινα εις οσμην ευωδιας *κυριω·
28.7    και σπονδην αυτου το τεταρτον του ιν τω αμνω τω ενι, εν τω αγιω σπεισεις σπονδην σικερα *κυριω.
28.8    και τον αμνον τον δευτερον ποιησεις το προς εσπεραν· κατα την θυσιαν αυτου και κατα την σπονδην αυτου ποιησετε εις οσμην ευωδιας *κυριω.
28.9    και τη ημερα των σαββατων προσαξετε δυο αμνους ενιαυσιους αμωμους και δυο δεκατα σεμιδαλεως αναπεποιημενης εν ελαιω εις θυσιαν και σπονδην
28.10   ολοκαυτωμα σαββατων εν τοις σαββατοις επι της ολοκαυτωσεως της δια παντος και την σπονδην αυτου.
28.11   και εν ταις νεομηνιαις προσαξετε ολοκαυτωματα τω *κυριω μοσχους εκ βοων δυο και κριον ενα, αμνους ενιαυσιους επτα αμωμους,
28.12   τρια δεκατα σεμιδαλεως αναπεποιημενης εν ελαιω τω μοσχω τω ενι και δυο δεκατα σεμιδαλεως αναπεποιημενης εν ελαιω τω κριω τω ενι,
28.13   δεκατον σεμιδαλεως αναπεποιημενης εν ελαιω τω αμνω τω ενι, θυσιαν οσμην ευωδιας καρπωμα *κυριω.
28.14   η σπονδη αυτων το ημισυ του ιν εσται τω μοσχω τω ενι, και το τριτον του ιν εσται τω κριω τω ενι, και το τεταρτον του ιν εσται τω αμνω τω ενι οινου. τουτο ολοκαυτωμα μηνα εκ μηνος εις τους μηνας του ενιαυτου.
28.15   και χιμαρον εξ αιγων ενα περι αμαρτιας *κυριω· επι της ολοκαυτωσεως της δια παντος ποιηθησεται και η σπονδη αυτου.
28.16   και εν τω μηνι τω πρωτω τεσσαρεσκαιδεκατη ημερα του μηνος πασχα *κυριω.
28.17   και τη πεντεκαιδεκατη ημερα του μηνος τουτου εορτη· επτα ημερας αζυμα εδεσθε.
28.18   και η ημερα η πρωτη επικλητος αγια εσται υμιν, παν εργον λατρευτον ου ποιησετε.
28.19   και προσαξετε ολοκαυτωματα καρπωματα *κυριω μοσχους εκ βοων δυο, κριον ενα, επτα αμνους ενιαυσιους, αμωμοι εσονται υμιν·
28.20   και η θυσια αυτων σεμιδαλις αναπεποιημενη εν ελαιω, τρια δεκατα τω μοσχω τω ενι και δυο δεκατα τω κριω τω ενι,
28.21   δεκατον δεκατον ποιησεις τω αμνω τω ενι τοις επτα αμνοις·
28.22   και χιμαρον εξ αιγων ενα περι αμαρτιας εξιλασασθαι περι υμων·
28.23   πλην της ολοκαυτωσεως της δια παντος της πρωινης, ο εστιν ολοκαυτωμα ενδελεχισμου.
28.24   ταυτα κατα ταυτα ποιησετε την ημεραν εις τας επτα ημερας δωρον καρπωμα εις οσμην ευωδιας *κυριω· επι του ολοκαυτωματος του δια παντος ποιησεις την σπονδην αυτου.
28.25   και η ημερα η εβδομη κλητη αγια εσται υμιν, παν εργον λατρευτον ου ποιησετε εν αυτη.
28.26   και τη ημερα των νεων, οταν προσφερητε θυσιαν νεαν *κυριω των εβδομαδων, επικλητος αγια εσται υμιν, παν εργον λατρευτον ου ποιησετε.
28.27   και προσαξετε ολοκαυτωματα εις οσμην ευωδιας *κυριω μοσχους εκ βοων δυο, κριον ενα, επτα αμνους ενιαυσιους αμωμους·
28.28   η θυσια αυτων σεμιδαλις αναπεποιημενη εν ελαιω, τρια δεκατα τω μοσχω τω ενι και δυο δεκατα τω κριω τω ενι,
28.29   δεκατον δεκατον τω αμνω τω ενι τοις επτα αμνοις·
28.30   και χιμαρον εξ αιγων ενα περι αμαρτιας εξιλασασθαι περι υμων·
28.31   πλην του ολοκαυτωματος του δια παντος· και την θυσιαν αυτων ποιησετε μοι — αμωμοι εσονται υμιν — και τας σπονδας αυτων.
29.1    και τω μηνι τω εβδομω μια του μηνος επικλητος αγια εσται υμιν, παν εργον λατρευτον ου ποιησετε· ημερα σημασιας εσται υμιν.
29.2    και ποιησετε ολοκαυτωματα εις οσμην ευωδιας *κυριω μοσχον ενα εκ βοων, κριον ενα, αμνους ενιαυσιους επτα αμωμους·
29.3    η θυσια αυτων σεμιδαλις αναπεποιημενη εν ελαιω, τρια δεκατα τω μοσχω τω ενι και δυο δεκατα τω κριω τω ενι,
29.4    δεκατον δεκατον τω αμνω τω ενι τοις επτα αμνοις·
29.5    και χιμαρον εξ αιγων ενα περι αμαρτιας εξιλασασθαι περι υμων·
29.6    πλην των ολοκαυτωματων της νουμηνιας, και αι θυσιαι αυτων και αι σπονδαι αυτων και το ολοκαυτωμα το δια παντος και αι θυσιαι αυτων και αι σπονδαι αυτων κατα την συγκρισιν αυτων εις οσμην ευωδιας *κυριω.
29.7    και τη δεκατη του μηνος τουτου επικλητος αγια εσται υμιν, και κακωσετε τας ψυχας υμων και παν εργον ου ποιησετε.
29.8    και προσοισετε ολοκαυτωματα εις οσμην ευωδιας καρπωματα *κυριω μοσχον ενα εκ βοων, κριον ενα, αμνους ενιαυσιους επτα, αμωμοι εσονται υμιν·
29.9    η θυσια αυτων σεμιδαλις αναπεποιημενη εν ελαιω, τρια δεκατα τω μοσχω τω ενι και δυο δεκατα τω κριω τω ενι,
29.10   δεκατον δεκατον τω αμνω τω ενι εις τους επτα αμνους·
29.11   και χιμαρον εξ αιγων ενα περι αμαρτιας εξιλασασθαι περι υμων· πλην το περι της αμαρτιας της εξιλασεως και η ολοκαυτωσις η δια παντος, η θυσια αυτης και η σπονδη αυτης κατα την συγκρισιν εις οσμην ευωδιας καρπωμα κυριω.
29.12   και τη πεντεκαιδεκατη ημερα του μηνος του εβδομου τουτου επικλητος αγια εσται υμιν, παν εργον λατρευτον ου ποιησετε και εορτασετε αυτην εορτην *κυριω επτα ημερας.
29.13   και προσαξετε ολοκαυτωματα καρπωματα εις οσμην ευωδιας *κυριω, τη ημερα τη πρωτη μοσχους εκ βοων τρεις και δεκα, κριους δυο, αμνους ενιαυσιους δεκα τεσσαρας, αμωμοι εσονται·
29.14   αι θυσιαι αυτων σεμιδαλις αναπεποιημενη εν ελαιω, τρια δεκατα τω μοσχω τω ενι τοις τρισκαιδεκα μοσχοις και δυο δεκατα τω κριω τω ενι επι τους δυο κριους,
29.15   δεκατον δεκατον τω αμνω τω ενι επι τους τεσσαρας και δεκα αμνους·
29.16   και χιμαρον εξ αιγων ενα περι αμαρτιας πλην της ολοκαυτωσεως της δια παντος· αι θυσιαι αυτων και αι σπονδαι αυτων.
29.17   και τη ημερα τη δευτερα μοσχους δωδεκα, κριους δυο, αμνους ενιαυσιους τεσσαρας και δεκα αμωμους·
29.18   η θυσια αυτων και η σπονδη αυτων τοις μοσχοις και τοις κριοις και τοις αμνοις κατα αριθμον αυτων κατα την συγκρισιν αυτων·
29.19   και χιμαρον εξ αιγων ενα περι αμαρτιας πλην της ολοκαυτωσεως της δια παντος· αι θυσιαι αυτων και αι σπονδαι αυτων.
29.20   τη ημερα τη τριτη μοσχους ενδεκα, κριους δυο, αμνους ενιαυσιους τεσσαρας και δεκα αμωμους·
29.21   η θυσια αυτων και η σπονδη αυτων τοις μοσχοις και τοις κριοις και τοις αμνοις κατα αριθμον αυτων κατα την συγκρισιν αυτων·
29.22   και χιμαρον εξ αιγων ενα περι αμαρτιας πλην της ολοκαυτωσεως της δια παντος· αι θυσιαι αυτων και αι σπονδαι αυτων.
29.23   τη ημερα τη τεταρτη μοσχους δεκα, κριους δυο, αμνους ενιαυσιους τεσσαρας και δεκα αμωμους·
29.24   αι θυσιαι αυτων και αι σπονδαι αυτων τοις μοσχοις και τοις κριοις και τοις αμνοις κατα αριθμον αυτων κατα την συγκρισιν αυτων·
29.25   και χιμαρον εξ αιγων ενα περι αμαρτιας πλην της ολοκαυτωσεως της δια παντος· αι θυσιαι αυτων και αι σπονδαι αυτων.
29.26   τη ημερα τη πεμπτη μοσχους εννεα, κριους δυο, αμνους ενιαυσιους τεσσαρας και δεκα αμωμους·
29.27   αι θυσιαι αυτων και αι σπονδαι αυτων τοις μοσχοις και τοις κριοις και τοις αμνοις κατα αριθμον αυτων κατα την συγκρισιν αυτων·
29.28   και χιμαρον εξ αιγων ενα περι αμαρτιας πλην της ολοκαυτωσεως της δια παντος· αι θυσιαι αυτων και αι σπονδαι αυτων.
29.29   τη ημερα τη εκτη μοσχους οκτω, κριους δυο, αμνους ενιαυσιους δεκα τεσσαρας αμωμους·
29.30   αι θυσιαι αυτων και αι σπονδαι αυτων τοις μοσχοις και τοις κριοις και τοις αμνοις κατα αριθμον αυτων κατα την συγκρισιν αυτων·
29.31   και χιμαρον εξ αιγων ενα περι αμαρτιας πλην της ολοκαυτωσεως της δια παντος· αι θυσιαι αυτων και αι σπονδαι αυτων.
29.32   τη ημερα τη εβδομη μοσχους επτα, κριους δυο, αμνους ενιαυσιους τεσσαρας και δεκα αμωμους·
29.33   αι θυσιαι αυτων και αι σπονδαι αυτων τοις μοσχοις και τοις κριοις και τοις αμνοις κατα αριθμον αυτων κατα την συγκρισιν αυτων·
29.34   και χιμαρον εξ αιγων ενα περι αμαρτιας πλην της ολοκαυτωσεως της δια παντος· αι θυσιαι αυτων και αι σπονδαι αυτων.
29.35   και τη ημερα τη ογδοη εξοδιον εσται υμιν· παν εργον λατρευτον ου ποιησετε εν αυτη.
29.36   και προσαξετε ολοκαυτωματα εις οσμην ευωδιας καρπωματα *κυριω μοσχον ενα, κριον ενα, αμνους ενιαυσιους επτα αμωμους·
29.37   αι θυσιαι αυτων και αι σπονδαι αυτων τω μοσχω και τω κριω και τοις αμνοις κατα αριθμον αυτων κατα την συγκρισιν αυτων·
29.38   και χιμαρον εξ αιγων ενα περι αμαρτιας πλην της ολοκαυτωσεως της δια παντος· αι θυσιαι αυτων και αι σπονδαι αυτων.
29.39   ταυτα ποιησετε *κυριω εν ταις εορταις υμων πλην των ευχων υμων και τα εκουσια υμων και τα ολοκαυτωματα υμων και τας θυσιας υμων και τας σπονδας υμων και τα σωτηρια υμων.
30.1    (29.40) και ελαλησεν μωυσης τοις υιοις ισραηλ κατα παντα, οσα ενετειλατο *κυριος τω μωυση.
30.2    (30.1) και ελαλησεν μωυσης προς τους αρχοντας των φυλων ισραηλ λεγων τουτο το ρημα, ο συνεταξεν *κυριος·
30.3    (30.2) ανθρωπος ανθρωπος, ος αν ευξηται ευχην *κυριω η ομοση ορκον η ορισηται ορισμω περι της ψυχης αυτου, ου βεβηλωσει το ρημα αυτου· παντα, οσα εαν εξελθη εκ του στοματος αυτου, ποιησει.
30.4    (30.3) εαν δε γυνη ευξηται ευχην *κυριω η ορισηται ορισμον εν τω οικω του πατρος αυτης εν τη νεοτητι αυτης
30.5    (30.4) και ακουση ο πατηρ αυτης τας ευχας αυτης και τους ορισμους αυτης, ους ωρισατο κατα της ψυχης αυτης, και παρασιωπηση αυτης ο πατηρ, και στησονται πασαι αι ευχαι αυτης, και παντες οι ορισμοι, ους ωρισατο κατα της ψυχης αυτης, μενουσιν αυτη.
30.6    (30.5) εαν δε ανανευων ανανευση ο πατηρ αυτης, η αν ημερα ακουση πασας τας ευχας αυτης και τους ορισμους, ους ωρισατο κατα της ψυχης αυτης, ου στησονται· και *κυριος καθαριει αυτην, οτι ανενευσεν ο πατηρ αυτης.
30.7    (30.6) εαν δε γενομενη γενηται ανδρι και αι ευχαι αυτης επ᾽ αυτη κατα την διαστολην των χειλεων αυτης, ους ωρισατο κατα της ψυχης αυτης,
30.8    (30.7) και ακουση ο ανηρ αυτης και παρασιωπηση αυτη, η αν ημερα ακουση, και ουτως στησονται πασαι αι ευχαι αυτης, και οι ορισμοι αυτης, ους ωρισατο κατα της ψυχης αυτης, στησονται.
30.9    (30.8) εαν δε ανανευων ανανευση ο ανηρ αυτης, η αν ημερα ακουση, πασαι αι ευχαι αυτης και οι ορισμοι αυτης, ους ωρισατο κατα της ψυχης αυτης, ου μενουσιν, οτι ο ανηρ ανενευσεν απ᾽ αυτης, και *κυριος καθαριει αυτην.
30.10   (30.9) και ευχη χηρας και εκβεβλημενης, οσα αν ευξηται κατα της ψυχης αυτης, μενουσιν αυτη.
30.11   (30.10) εαν δε εν τω οικω του ανδρος αυτης η ευχη αυτης η ο ορισμος κατα της ψυχης αυτης μεθ᾽ ορκου
30.12   (30.11) και ακουση ο ανηρ αυτης και παρασιωπηση αυτη και μη ανανευση αυτη, και στησονται πασαι αι ευχαι αυτης, και παντες οι ορισμοι αυτης, ους ωρισατο κατα της ψυχης αυτης, στησονται κατ᾽ αυτης.
30.13   (30.12) εαν δε περιελων περιελη ο ανηρ αυτης, η αν ημερα ακουση παντα, οσα εαν εξελθη εκ των χειλεων αυτης κατα τας ευχας αυτης και κατα τους ορισμους τους κατα της ψυχης αυτης, ου μενει αυτη· ο ανηρ αυτης περιειλεν, και *κυριος καθαρισει αυτην.
30.14   (30.13) πασα ευχη και πας ορκος δεσμου κακωσαι ψυχην, ο ανηρ αυτης στησει αυτη και ο ανηρ αυτης περιελει.
30.15   (30.14) εαν δε σιωπων παρασιωπηση αυτη ημεραν εξ ημερας, και στησει αυτη πασας τας ευχας αυτης, και τους ορισμους τους επ᾽ αυτης στησει αυτη, οτι εσιωπησεν αυτη τη ημερα, η ηκουσεν.
30.16   (30.15) εαν δε περιελων περιελη αυτης μετα την ημεραν, ην ηκουσεν, και λημψεται την αμαρτιαν αυτου.
30.17   (30.16) ταυτα τα δικαιωματα, οσα ενετειλατο *κυριος τω μωυση ανα μεσον ανδρος και γυναικος αυτου και ανα μεσον πατρος και θυγατρος εν νεοτητι εν οικω πατρος.
31.1    και ελαλησεν *κυριος προς μωυσην λεγων
31.2    εκδικει την εκδικησιν υιων ισραηλ εκ των μαδιανιτων, και εσχατον προστεθηση προς τον λαον σου.
31.3    και ελαλησεν μωυσης προς τον λαον λεγων εξοπλισατε εξ υμων ανδρας παραταξασθαι εναντι κυριου επι μαδιαν αποδουναι εκδικησιν παρα του *κυριου τη μαδιαν·
31.4    χιλιους εκ φυλης χιλιους εκ φυλης εκ πασων φυλων ισραηλ αποστειλατε παραταξασθαι.
31.5    και εξηριθμησαν εκ των χιλιαδων ισραηλ χιλιους εκ φυλης, δωδεκα χιλιαδες, ενωπλισμενοι εις παραταξιν.
31.6    και απεστειλεν αυτους μωυσης χιλιους εκ φυλης χιλιους εκ φυλης συν δυναμει αυτων και φινεες υιον ελεαζαρ υιου ααρων του ιερεως, και τα σκευη τα αγια και αι σαλπιγγες των σημασιων εν ταις χερσιν αυτων.
31.7    και παρεταξαντο επι μαδιαν, καθα ενετειλατο *κυριος τω μωυση, και απεκτειναν παν αρσενικον·
31.8    και τους βασιλεις μαδιαν απεκτειναν αμα τοις τραυματιαις αυτων, και τον ευιν και τον σουρ και τον ροκομ και τον ουρ και τον ροβοκ, πεντε βασιλεις μαδιαν· και τον βαλααμ υιον βεωρ απεκτειναν εν ρομφαια συν τοις τραυματιαις αυτων.
31.9    και επρονομευσαν τας γυναικας μαδιαν και την αποσκευην αυτων, και τα κτηνη αυτων και παντα τα εγκτητα αυτων και την δυναμιν αυτων επρονομευσαν·
31.10   και πασας τας πολεις αυτων τας εν ταις οικιαις αυτων και τας επαυλεις αυτων ενεπρησαν εν πυρι.
31.11   και ελαβον πασαν την προνομην και παντα τα σκυλα αυτων απο ανθρωπου εως κτηνους
31.12   και ηγαγον προς μωυσην και προς ελεαζαρ τον ιερεα και προς παντας υιους ισραηλ την αιχμαλωσιαν και τα σκυλα και την προνομην εις την παρεμβολην εις αραβωθ μωαβ, η εστιν επι του ιορδανου κατα ιεριχω.
31.13   και εξηλθεν μωυσης και ελεαζαρ ο ιερευς και παντες οι αρχοντες της συναγωγης εις συναντησιν αυτοις εξω της παρεμβολης.
31.14   και ωργισθη μωυσης επι τοις επισκοποις της δυναμεως, χιλιαρχοις και εκατονταρχοις τοις ερχομενοις εκ της παραταξεως του πολεμου,
31.15   και ειπεν αυτοις μωυσης ινα τι εζωγρησατε παν θηλυ;
31.16   αυται γαρ ησαν τοις υιοις ισραηλ κατα το ρημα βαλααμ του αποστησαι και υπεριδειν το ρημα *κυριου ενεκεν φογωρ, και εγενετο η πληγη εν τη συναγωγη *κυριου.
31.17   και νυν αποκτεινατε παν αρσενικον εν παση τη απαρτια, και πασαν γυναικα, ητις εγνωκεν κοιτην αρσενος, αποκτεινατε·
31.18   πασαν την απαρτιαν των γυναικων, ητις ουκ οιδεν κοιτην αρσενος, ζωγρησατε αυτας.
31.19   και υμεις παρεμβαλετε εξω της παρεμβολης επτα ημερας· πας ο ανελων και ο απτομενος του τετρωμενου αγνισθησεται τη ημερα τη τριτη και τη ημερα τη εβδομη, υμεις και η αιχμαλωσια υμων·
31.20   και παν περιβλημα και παν σκευος δερματινον και πασαν εργασιαν εξ αιγειας και παν σκευος ξυλινον αφαγνιειτε.
31.21   και ειπεν ελεαζαρ ο ιερευς προς τους ανδρας της δυναμεως τους ερχομενους εκ της παραταξεως του πολεμου τουτο το δικαιωμα του νομου, ο συνεταξεν *κυριος τω μωυση.
31.22   πλην του χρυσιου και του αργυριου και χαλκου και σιδηρου και μολιβου και κασσιτερου,
31.23   παν πραγμα, ο διελευσεται εν πυρι, και καθαρισθησεται, αλλ᾽ η τω υδατι του αγνισμου αγνισθησεται· και παντα, οσα εαν μη διαπορευηται δια πυρος, διελευσεται δι᾽ υδατος.
31.24   και πλυνεισθε τα ιματια τη ημερα τη εβδομη και καθαρισθησεσθε και μετα ταυτα εισελευσεσθε εις την παρεμβολην.
31.25   και ελαλησεν *κυριος προς μωυσην λεγων
31.26   λαβε το κεφαλαιον των σκυλων της αιχμαλωσιας απο ανθρωπου εως κτηνους, συ και ελεαζαρ ο ιερευς και οι αρχοντες των πατριων της συναγωγης,
31.27   και διελειτε τα σκυλα ανα μεσον των πολεμιστων των εκπορευομενων εις την παραταξιν και ανα μεσον πασης συναγωγης.
31.28   και αφελειτε τελος *κυριω παρα των ανθρωπων των πολεμιστων των εκπεπορευμενων εις την παραταξιν μιαν ψυχην απο πεντακοσιων απο των ανθρωπων και απο των κτηνων και απο των βοων και απο των προβατων και απο των αιγων·
31.29   και απο του ημισους αυτων λημψεσθε και δωσεις ελεαζαρ τω ιερει τας απαρχας *κυριου.
31.30   και απο του ημισους του των υιων ισραηλ λημψη ενα απο των πεντηκοντα απο των ανθρωπων και απο των βοων και απο των προβατων και απο των ονων και απο παντων των κτηνων και δωσεις αυτα τοις λευιταις τοις φυλασσουσιν τας φυλακας εν τη σκηνη *κυριου.
31.31   και εποιησεν μωυσης και ελεαζαρ ο ιερευς καθα συνεταξεν *κυριος τω μωυση.
31.32   και εγενηθη το πλεονασμα της προνομης, ο επρονομευσαν οι ανδρες οι πολεμισται, απο των προβατων εξακοσιαι χιλιαδες και εβδομηκοντα και πεντε χιλιαδες
31.33   και βοες δυο και εβδομηκοντα χιλιαδες
31.34   και ονοι μια και εξηκοντα χιλιαδες
31.35   και ψυχαι ανθρωπων απο των γυναικων, αι ουκ εγνωσαν κοιτην ανδρος, πασαι ψυχαι δυο και τριακοντα χιλιαδες.
31.36   και εγενηθη το ημισευμα η μερις των εκπεπορευμενων εις τον πολεμον εκ του αριθμου των προβατων τριακοσιαι και τριακοντα χιλιαδες και επτακισχιλια και πεντακοσια,
31.37   και εγενετο το τελος *κυριω απο των προβατων εξακοσια εβδομηκοντα πεντε·
31.38   και βοες εξ και τριακοντα χιλιαδες, και το τελος *κυριω δυο και εβδομηκοντα·
31.39   και ονοι τριακοντα χιλιαδες και πεντακοσιοι, και το τελος *κυριω εις και εξηκοντα·
31.40   και ψυχαι ανθρωπων εκκαιδεκα χιλιαδες, και το τελος αυτων *κυριω δυο και τριακοντα ψυχαι.
31.41   και εδωκεν μωυσης το τελος κυριω το αφαιρεμα του *θεου ελεαζαρ τω ιερει, καθα συνεταξεν *κυριος τω μωυση.
31.42   απο του ημισευματος των υιων ισραηλ, ους διειλεν μωυσης απο των ανδρων των πολεμιστων
31.43   και εγενετο το ημισευμα το της συναγωγης απο των προβατων τριακοσιαι χιλιαδες και τριακοντα χιλιαδες και επτακισχιλια και πεντακοσια
31.44   και βοες εξ και τριακοντα χιλιαδες,
31.45   ονοι τριακοντα χιλιαδες και πεντακοσιοι
31.46   και ψυχαι ανθρωπων εξ και δεκα χιλιαδες
31.47   και ελαβεν μωυσης απο του ημισευματος των υιων ισραηλ το εν απο των πεντηκοντα απο των ανθρωπων και απο των κτηνων και εδωκεν αυτα τοις λευιταις τοις φυλασσουσιν τας φυλακας της σκηνης *κυριου, ον τροπον συνεταξεν *κυριος τω μωυση.
31.48   και προσηλθον προς μωυσην παντες οι καθεσταμενοι εις τας χιλιαρχιας της δυναμεως, χιλιαρχοι και εκατονταρχοι,
31.49   και ειπαν προς μωυσην οι παιδες σου ειληφασιν το κεφαλαιον των ανδρων των πολεμιστων των παρ᾽ ημων, και ου διαπεφωνηκεν απ᾽ αυτων ουδε εις·
31.50   και προσενηνοχαμεν το δωρον *κυριω, ανηρ ο ευρεν σκευος χρυσουν, χλιδωνα και ψελιον και δακτυλιον και περιδεξιον και εμπλοκιον, εξιλασασθαι περι ημων εναντι *κυριου.
31.51   και ελαβεν μωυσης και ελεαζαρ ο ιερευς το χρυσιον παρ᾽ αυτων, παν σκευος ειργασμενον·
31.52   και εγενετο παν το χρυσιον, το αφαιρεμα, ο αφειλον *κυριω, εξ και δεκα χιλιαδες και επτακοσιοι και πεντηκοντα σικλοι παρα των χιλιαρχων και παρα των εκατονταρχων.
31.53   και οι ανδρες οι πολεμισται επρονομευσαν εκαστος εαυτω.
31.54   και ελαβεν μωυσης και ελεαζαρ ο ιερευς το χρυσιον παρα των χιλιαρχων και παρα των εκατονταρχων και εισηνεγκεν αυτα εις την σκηνην του μαρτυριου μνημοσυνον των υιων ισραηλ εναντι *κυριου.
32.1    και κτηνη πληθος ην τοις υιοις ρουβην και τοις υιοις γαδ, πληθος σφοδρα· και ειδον την χωραν ιαζηρ και την χωραν γαλααδ, και ην ο τοπος τοπος κτηνεσιν.
32.2    και προσελθοντες οι υιοι ρουβην και οι υιοι γαδ ειπαν προς μωυσην και προς ελεαζαρ τον ιερεα και προς τους αρχοντας της συναγωγης λεγοντες
32.3    αταρωθ και δαιβων και ιαζηρ και ναμβρα και εσεβων και ελεαλη και σεβαμα και ναβαυ και βαιαν,
32.4    την γην, ην παρεδωκεν *κυριος ενωπιον των υιων ισραηλ, γη κτηνοτροφος εστιν, και τοις παισιν σου κτηνη υπαρχει.
32.5    και ελεγον ει ευρομεν χαριν ενωπιον σου, δοθητω η γη αυτη τοις οικεταις σου εν κατασχεσει, και μη διαβιβασης ημας τον ιορδανην.
32.6    και ειπεν μωυσης τοις υιοις γαδ και τοις υιοις ρουβην οι αδελφοι υμων πορευονται εις πολεμον, και υμεις καθησεσθε αυτου;
32.7    και ινα τι διαστρεφετε τας διανοιας των υιων ισραηλ μη διαβηναι εις την γην, ην *κυριος διδωσιν αυτοις;
32.8    ουχ ουτως εποιησαν οι πατερες υμων, οτε απεστειλα αυτους εκ καδης βαρνη κατανοησαι την γην;
32.9    και ανεβησαν φαραγγα βοτρυος και κατενοησαν την γην και απεστησαν την καρδιαν των υιων ισραηλ, οπως μη εισελθωσιν εις την γην, ην εδωκεν *κυριος αυτοις.
32.10   και ωργισθη θυμω *κυριος εν τη ημερα εκεινη και ωμοσεν λεγων
32.11   ει οψονται οι ανθρωποι ουτοι οι αναβαντες εξ αιγυπτου απο εικοσαετους και επανω οι επισταμενοι το κακον και το αγαθον την γην, ην ωμοσα τω αβρααμ και ισαακ και ιακωβ, ου γαρ συνεπηκολουθησαν οπισω μου,
32.12   πλην χαλεβ υιος ιεφοννη ο διακεχωρισμενος και ιησους ο του ναυη, οτι συνεπηκολουθησεν οπισω *κυριου.
32.13   και ωργισθη θυμω *κυριος επι τον ισραηλ και κατερρομβευσεν αυτους εν τη ερημω τεσσαρακοντα ετη, εως εξανηλωθη πασα η γενεα οι ποιουντες τα πονηρα εναντι *κυριου.
32.14   ιδου ανεστητε αντι των πατερων υμων συστρεμμα ανθρωπων αμαρτωλων προσθειναι ετι επι τον θυμον της οργης *κυριου επι ισραηλ,
32.15   οτι αποστραφησεσθε απ᾽ αυτου προσθειναι ετι καταλιπειν αυτον εν τη ερημω και ανομησετε εις ολην την συναγωγην ταυτην.
32.16   και προσηλθον αυτω και ελεγον επαυλεις προβατων οικοδομησωμεν ωδε τοις κτηνεσιν ημων και πολεις ταις αποσκευαις ημων,
32.17   και ημεις ενοπλισαμενοι προφυλακη προτεροι των υιων ισραηλ, εως αν αγαγωμεν αυτους εις τον εαυτων τοπον· και κατοικησει η αποσκευη ημων εν πολεσιν τετειχισμεναις δια τους κατοικουντας την γην.
32.18   ου μη αποστραφωμεν εις τας οικιας ημων, εως αν καταμερισθωσιν οι υιοι ισραηλ εκαστος εις την κληρονομιαν αυτου·
32.19   και ουκετι κληρονομησωμεν εν αυτοις απο του περαν του ιορδανου και επεκεινα, οτι απεχομεν τους κληρους ημων εν τω περαν του ιορδανου εν ανατολαις.
32.20   και ειπεν προς αυτους μωυσης εαν ποιησητε κατα το ρημα τουτο, εαν εξοπλισησθε εναντι *κυριου εις πολεμον
32.21   και παρελευσεται υμων πας οπλιτης τον ιορδανην εναντι *κυριου, εως αν εκτριβη ο εχθρος αυτου απο προσωπου αυτου
32.22   και κατακυριευθη η γη εναντι *κυριου, και μετα ταυτα αποστραφησεσθε, και εσεσθε αθωοι εναντι *κυριου και απο ισραηλ, και εσται η γη αυτη υμιν εν κατασχεσει εναντι *κυριου.
32.23   εαν δε μη ποιησητε ουτως, αμαρτησεσθε εναντι *κυριου και γνωσεσθε την αμαρτιαν υμων, οταν υμας καταλαβη τα κακα.
32.24   και οικοδομησετε υμιν αυτοις πολεις τη αποσκευη υμων και επαυλεις τοις κτηνεσιν υμων και το εκπορευομενον εκ του στοματος υμων ποιησετε.
32.25   και ειπαν οι υιοι ρουβην και οι υιοι γαδ προς μωυσην λεγοντες οι παιδες σου ποιησουσιν καθα ο κυριος ημων εντελλεται·
32.26   η αποσκευη ημων και αι γυναικες ημων και παντα τα κτηνη ημων εσονται εν ταις πολεσιν γαλααδ,
32.27   οι δε παιδες σου παρελευσονται παντες ενωπλισμενοι και εκτεταγμενοι εναντι *κυριου εις τον πολεμον, ον τροπον ο κυριος λεγει.
32.28   και συνεστησεν αυτοις μωυσης ελεαζαρ τον ιερεα και ιησουν υιον ναυη και τους αρχοντας πατριων των φυλων ισραηλ,
32.29   και ειπεν προς αυτους μωυσης εαν διαβωσιν οι υιοι ρουβην και οι υιοι γαδ μεθ᾽ υμων τον ιορδανην, πας ενωπλισμενος εις πολεμον εναντι *κυριου, και κατακυριευσητε της γης απεναντι υμων, και δωσετε αυτοις την γην γαλααδ εν κατασχεσει·
32.30   εαν δε μη διαβωσιν ενωπλισμενοι μεθ᾽ υμων εις τον πολεμον εναντι κυριου, και διαβιβασετε την αποσκευην αυτων και τας γυναικας αυτων και τα κτηνη αυτων προτερα υμων εις γην χανααν, και συγκατακληρονομηθησονται εν υμιν εν τη γη χανααν.
32.31   και απεκριθησαν οι υιοι ρουβην και οι υιοι γαδ λεγοντες οσα ο *κυριος λεγει τοις θεραπουσιν αυτου, ουτως ποιησομεν·
32.32   ημεις διαβησομεθα ενωπλισμενοι εναντι *κυριου εις γην χανααν, και δωσετε την κατασχεσιν ημιν εν τω περαν του ιορδανου.
32.33   και εδωκεν αυτοις μωυσης, τοις υιοις γαδ και τοις υιοις ρουβην και τω ημισει φυλης μανασση υιων ιωσηφ, την βασιλειαν σηων βασιλεως αμορραιων και την βασιλειαν ωγ βασιλεως της βασαν, την γην και τας πολεις συν τοις οριοις αυτης, πολεις της γης κυκλω.
32.34   και ωκοδομησαν οι υιοι γαδ την δαιβων και την αταρωθ και την αροηρ
32.35   και την σωφαρ και την ιαζηρ και υψωσαν αυτας
32.36   και την ναμβραν και την βαιθαραν, πολεις οχυρας και επαυλεις προβατων.
32.37   και οι υιοι ρουβην ωκοδομησαν την εσεβων και ελεαλη και καριαθαιμ
32.38   και την βεελμεων, περικεκυκλωμενας, και την σεβαμα και επωνομασαν κατα τα ονοματα αυτων τα ονοματα των πολεων, ας ωκοδομησαν.
32.39   και επορευθη υιος μαχιρ υιου μανασση εις γαλααδ και ελαβεν αυτην και απωλεσεν τον αμορραιον τον κατοικουντα εν αυτη.
32.40   και εδωκεν μωυσης την γαλααδ τω μαχιρ υιω μανασση, και κατωκησεν εκει.
32.41   και ιαιρ ο του μανασση επορευθη και ελαβεν τας επαυλεις αυτων και επωνομασεν αυτας επαυλεις ιαιρ.
32.42   και ναβαυ επορευθη και ελαβεν την κανααθ και τας κωμας αυτης και επωνομασεν αυτας ναβωθ εκ του ονοματος αυτου.
33.1    και ουτοι σταθμοι των υιων ισραηλ, ως εξηλθον εκ γης αιγυπτου συν δυναμει αυτων εν χειρι μωυση και ααρων·
33.2    και εγραψεν μωυσης τας απαρσεις αυτων και τους σταθμους αυτων δια ρηματος *κυριου, και ουτοι σταθμοι της πορειας αυτων.
33.3    απηραν εκ ραμεσση τω μηνι τω πρωτω τη πεντεκαιδεκατη ημερα του μηνος του πρωτου· τη επαυριον του πασχα εξηλθον οι υιοι ισραηλ εν χειρι υψηλη εναντιον παντων των αιγυπτιων,
33.4    και οι αιγυπτιοι εθαπτον εξ αυτων τους τεθνηκοτας παντας, ους επαταξεν *κυριος, παν πρωτοτοκον εν γη αιγυπτω, και εν τοις θεοις αυτων εποιησεν την εκδικησιν *κυριος.
33.5    και απαραντες οι υιοι ισραηλ εκ ραμεσση παρενεβαλον εις σοκχωθ.
33.6    και απηραν εκ σοκχωθ και παρενεβαλον εις βουθαν, ο εστιν μερος τι της ερημου.
33.7    και απηραν εκ βουθαν και παρενεβαλον επι στομα ειρωθ, ο εστιν απεναντι βεελσεπφων, και παρενεβαλον απεναντι μαγδωλου.
33.8    και απηραν απεναντι ειρωθ και διεβησαν μεσον της θαλασσης εις την ερημον και επορευθησαν οδον τριων ημερων δια της ερημου αυτοι και παρενεβαλον εν πικριαις.
33.9    και απηραν εκ πικριων και ηλθον εις αιλιμ· και εν αιλιμ δωδεκα πηγαι υδατων και εβδομηκοντα στελεχη φοινικων, και παρενεβαλον εκει παρα το υδωρ.
33.10   και απηραν εξ αιλιμ και παρενεβαλον επι θαλασσαν ερυθραν.
33.11   και απηραν απο θαλασσης ερυθρας και παρενεβαλον εις την ερημον σιν.
33.12   και απηραν εκ της ερημου σιν και παρενεβαλον εις ραφακα.
33.13   και απηραν εκ ραφακα και παρενεβαλον εν αιλους.
33.14   και απηραν εξ αιλους και παρενεβαλον εν ραφιδιν, και ουκ ην υδωρ τω λαω πιειν εκει.
33.15   και απηραν εκ ραφιδιν και παρενεβαλον εν τη ερημω σινα.
33.16   και απηραν εκ της ερημου σινα και παρενεβαλον εν μνημασιν της επιθυμιας.
33.17   και απηραν εκ μνηματων επιθυμιας και παρενεβαλον εν ασηρωθ.
33.18   και απηραν εξ ασηρωθ και παρενεβαλον εν ραθαμα.
33.19   και απηραν εκ ραθαμα και παρενεβαλον εν ρεμμων φαρες.
33.20   και απηραν εκ ρεμμων φαρες και παρενεβαλον εν λεμωνα.
33.21   και απηραν εκ λεμωνα και παρενεβαλον εις δεσσα.
33.22   και απηραν εκ δεσσα και παρενεβαλον εις μακελλαθ.
33.23   και απηραν εκ μακελλαθ και παρενεβαλον εις σαφαρ.
33.24   και απηραν εκ σαφαρ και παρενεβαλον εις χαραδαθ.
33.25   και απηραν εκ χαραδαθ και παρενεβαλον εις μακηλωθ.
33.26   και απηραν εκ μακηλωθ και παρενεβαλον εις κατααθ.
33.27   και απηραν εκ κατααθ και παρενεβαλον εις ταραθ.
33.28   και απηραν εκ ταραθ και παρενεβαλον εις ματεκκα.
33.29   και απηραν εκ ματεκκα και παρενεβαλον εις σελμωνα.
33.30   και απηραν εκ σελμωνα και παρενεβαλον εις μασσουρουθ.
33.31   και απηραν εκ μασσουρουθ και παρενεβαλον εις βαναια.
33.32   και απηραν εκ βαναια και παρενεβαλον εις το ορος γαδγαδ.
33.33   και απηραν εκ του ορους γαδγαδ και παρενεβαλον εις ετεβαθα.
33.34   και απηραν εξ ετεβαθα και παρενεβαλον εις εβρωνα.
33.35   και απηραν εξ εβρωνα και παρενεβαλον εις γεσιωνγαβερ.
33.36   και απηραν εκ γεσιωνγαβερ και παρενεβαλον εν τη ερημω σιν. και απηραν εκ της ερημου σιν και παρενεβαλον εις την ερημον φαραν, αυτη εστιν καδης.
33.37   και απηραν εκ καδης και παρενεβαλον εις ωρ το ορος πλησιον γης εδωμ·
33.38   και ανεβη ααρων ο ιερευς δια προσταγματος *κυριου και απεθανεν εκει εν τω τεσσαρακοστω ετει της εξοδου των υιων ισραηλ εκ γης αιγυπτου τω μηνι τω πεμπτω μια του μηνος·
33.39   και ααρων ην τριων και εικοσι και εκατον ετων, οτε απεθνησκεν εν ωρ τω ορει.
33.40   και ακουσας ο χανανις βασιλευς αραδ, και ουτος κατωκει εν γη χανααν, οτε εισεπορευοντο οι υιοι ισραηλ.
33.41   και απηραν εξ ωρ του ορους και παρενεβαλον εις σελμωνα.
33.42   και απηραν εκ σελμωνα και παρενεβαλον εις φινω.
33.43   και απηραν εκ φινω και παρενεβαλον εις ωβωθ.
33.44   και απηραν εξ ωβωθ και παρενεβαλον εν γαι εν τω περαν επι των οριων μωαβ.
33.45   και απηραν εκ γαι και παρενεβαλον εις δαιβων γαδ.
33.46   και απηραν εκ δαιβων γαδ και παρενεβαλον εν γελμων δεβλαθαιμ.
33.47   και απηραν εκ γελμων δεβλαθαιμ και παρενεβαλον επι τα ορη τα αβαριμ απεναντι ναβαυ.
33.48   και απηραν απο ορεων αβαριμ και παρενεβαλον επι δυσμων μωαβ επι του ιορδανου κατα ιεριχω
33.49   και παρενεβαλον παρα τον ιορδανην ανα μεσον αισιμωθ εως βελσαττιμ κατα δυσμας μωαβ.
33.50   και ελαλησεν *κυριος προς μωυσην επι δυσμων μωαβ παρα τον ιορδανην κατα ιεριχω λεγων
33.51   λαλησον τοις υιοις ισραηλ και ερεις προς αυτους υμεις διαβαινετε τον ιορδανην εις γην χανααν
33.52   και απολειτε παντας τους κατοικουντας εν τη γη προ προσωπου υμων και εξαρειτε τας σκοπιας αυτων και παντα τα ειδωλα τα χωνευτα αυτων απολειτε αυτα και πασας τας στηλας αυτων εξαρειτε
33.53   και απολειτε παντας τους κατοικουντας την γην και κατοικησετε εν αυτη· υμιν γαρ δεδωκα την γην αυτων εν κληρω.
33.54   και κατακληρονομησετε την γην αυτων εν κληρω κατα φυλας υμων· τοις πλειοσιν πληθυνειτε την κατασχεσιν αυτων και τοις ελαττοσιν ελαττωσετε την κατασχεσιν αυτων· εις ο εαν εξελθη το ονομα αυτου εκει, αυτου εσται· κατα φυλας πατριων υμων κληρονομησετε.
33.55   εαν δε μη απολεσητε τους κατοικουντας επι της γης απο προσωπου υμων, και εσται ους εαν καταλιπητε εξ αυτων, σκολοπες εν τοις οφθαλμοις υμων και βολιδες εν ταις πλευραις υμων και εχθρευσουσιν επι της γης, εφ᾽ ην υμεις κατοικησετε,
33.56   και εσται καθοτι διεγνωκειν ποιησαι αυτους, ποιησω υμιν.
34.1    και ελαλησεν *κυριος προς μωυσην λεγων
34.2    εντειλαι τοις υιοις ισραηλ και ερεις προς αυτους υμεις εισπορευεσθε εις την γην χανααν· αυτη εσται υμιν εις κληρονομιαν, γη χανααν συν τοις οριοις αυτης.
34.3    και εσται υμιν το κλιτος το προς λιβα απο ερημου σιν εως εχομενον εδωμ, και εσται υμιν τα ορια προς λιβα απο μερους της θαλασσης της αλυκης απο ανατολων·
34.4    και κυκλωσει υμας τα ορια απο λιβος προς αναβασιν ακραβιν και παρελευσεται σεννα, και εσται η διεξοδος αυτου προς λιβα καδης του βαρνη, και εξελευσεται εις επαυλιν αραδ και παρελευσεται ασεμωνα·
34.5    και κυκλωσει τα ορια απο ασεμωνα χειμαρρουν αιγυπτου, και εσται η διεξοδος η θαλασσα.
34.6    και τα ορια της θαλασσης εσται υμιν· η θαλασσα η μεγαλη οριει, τουτο εσται υμιν τα ορια της θαλασσης.
34.7    και τουτο εσται τα ορια υμιν προς βορραν· απο της θαλασσης της μεγαλης καταμετρησετε υμιν αυτοις παρα το ορος το ορος·
34.8    και απο του ορους το ορος καταμετρησετε αυτοις εισπορευομενων εις εμαθ, και εσται η διεξοδος αυτου τα ορια σαραδα·
34.9    και εξελευσεται τα ορια δεφρωνα, και εσται η διεξοδος αυτου ασερναιν· τουτο εσται υμιν ορια απο βορρα.
34.10   και καταμετρησετε υμιν αυτοις τα ορια ανατολων απο ασερναιν σεπφαμα·
34.11   και καταβησεται τα ορια απο σεπφαμ αρβηλα απο ανατολων επι πηγας, και καταβησεται τα ορια βηλα επι νωτου θαλασσης χεναρα απο ανατολων·
34.12   και καταβησεται τα ορια επι τον ιορδανην, και εσται η διεξοδος θαλασσα η αλυκη. αυτη εσται υμιν η γη και τα ορια αυτης κυκλω.
34.13   και ενετειλατο μωυσης τοις υιοις ισραηλ λεγων αυτη η γη, ην κατακληρονομησετε αυτην μετα κληρου, ον τροπον συνεταξεν *κυριος τω μωυση δουναι αυτην ταις εννεα φυλαις και τω ημισει φυλης μανασση·
34.14   οτι ελαβεν φυλη υιων ρουβην και φυλη υιων γαδ κατ᾽ οικους πατριων αυτων, και το ημισυ φυλης μανασση απελαβον τους κληρους αυτων,
34.15   δυο φυλαι και ημισυ φυλης ελαβον τους κληρους αυτων περαν του ιορδανου κατα ιεριχω απο νοτου κατ᾽ ανατολας.
34.16   και ελαλησεν *κυριος προς μωυσην λεγων
34.17   ταυτα τα ονοματα των ανδρων, οι κληρονομησουσιν υμιν την γην· ελεαζαρ ο ιερευς και ιησους ο του ναυη.
34.18   και αρχοντα ενα εκ φυλης λημψεσθε κατακληρονομησαι υμιν την γην.
34.19   και ταυτα τα ονοματα των ανδρων· της φυλης ιουδα χαλεβ υιος ιεφοννη·
34.20   της φυλης συμεων σαλαμιηλ υιος εμιουδ·
34.21   της φυλης βενιαμιν ελδαδ υιος χασλων·
34.22   της φυλης δαν αρχων βακχιρ υιος εγλι·
34.23   των υιων ιωσηφ φυλης υιων μανασση αρχων ανιηλ υιος ουφι,
34.24   της φυλης υιων εφραιμ αρχων καμουηλ υιος σαβαθα·
34.25   της φυλης ζαβουλων αρχων ελισαφαν υιος φαρναχ·
34.26   της φυλης υιων ισσαχαρ αρχων φαλτιηλ υιος οζα·
34.27   της φυλης υιων ασηρ αρχων αχιωρ υιος σελεμι·
34.28   της φυλης νεφθαλι αρχων φαδαηλ υιος βεναμιουδ.
34.29   ουτοι οις ενετειλατο *κυριος καταμερισαι τοις υιοις ισραηλ εν γη χανααν.
35.1    και ελαλησεν *κυριος προς μωυσην επι δυσμων μωαβ παρα τον ιορδανην κατα ιεριχω λεγων
35.2    συνταξον τοις υιοις ισραηλ και δωσουσιν τοις λευιταις απο των κληρων κατασχεσεως αυτων πολεις κατοικειν και τα προαστεια των πολεων κυκλω αυτων δωσουσιν τοις λευιταις,
35.3    και εσονται αυτοις αι πολεις κατοικειν, και τα αφορισματα αυτων εσται τοις κτηνεσιν αυτων και πασι τοις τετραποσιν αυτων.
35.4    και τα συγκυρουντα των πολεων, ας δωσετε τοις λευιταις, απο τειχους της πολεως και εξω δισχιλιους πηχεις κυκλω·
35.5    και μετρησεις εξω της πολεως το κλιτος το προς ανατολας δισχιλιους πηχεις και το κλιτος το προς λιβα δισχιλιους πηχεις και το κλιτος το προς θαλασσαν δισχιλιους πηχεις και το κλιτος το προς βορραν δισχιλιους πηχεις, και η πολις μεσον τουτου εσται υμιν και τα ομορα των πολεων.
35.6    και τας πολεις δωσετε τοις λευιταις, τας εξ πολεις των φυγαδευτηριων, ας δωσετε φευγειν εκει τω φονευσαντι, και προς ταυταις τεσσαρακοντα και δυο πολεις·
35.7    πασας τας πολεις δωσετε τοις λευιταις, τεσσαρακοντα και οκτω πολεις, ταυτας και τα προαστεια αυτων.
35.8    και τας πολεις, ας δωσετε απο της κατασχεσεως υιων ισραηλ, απο των τα πολλα πολλα και απο των ελαττονων ελαττω· εκαστος κατα την κληρονομιαν αυτου, ην κληρονομησουσιν, δωσουσιν απο των πολεων τοις λευιταις.
35.9    και ελαλησεν *κυριος προς μωυσην λεγων
35.10   λαλησον τοις υιοις ισραηλ και ερεις προς αυτους υμεις διαβαινετε τον ιορδανην εις γην χανααν
35.11   και διαστελειτε υμιν αυτοις πολεις· φυγαδευτηρια εσται υμιν φυγειν εκει τον φονευτην, πας ο παταξας ψυχην ακουσιως.
35.12   και εσονται αι πολεις υμιν φυγαδευτηρια απο αγχιστευοντος το αιμα, και ου μη αποθανη ο φονευων, εως αν στη εναντι της συναγωγης εις κρισιν.
35.13   και αι πολεις, ας δωσετε, τας εξ πολεις, φυγαδευτηρια εσονται υμιν·
35.14   τας τρεις πολεις δωσετε εν τω περαν του ιορδανου και τας τρεις πολεις δωσετε εν γη χανααν·
35.15   φυγαδιον εσται τοις υιοις ισραηλ, και τω προσηλυτω και τω παροικω τω εν υμιν εσονται αι πολεις αυται εις φυγαδευτηριον φυγειν εκει παντι παταξαντι ψυχην ακουσιως.
35.16   εαν δε εν σκευει σιδηρου παταξη αυτον, και τελευτηση, φονευτης εστιν· θανατω θανατουσθω ο φονευτης.
35.17   εαν δε εν λιθω εκ χειρος, εν ω αποθανειται εν αυτω, παταξη αυτον, και αποθανη, φονευτης εστιν· θανατω θανατουσθω ο φονευτης.
35.18   εαν δε εν σκευει ξυλινω εκ χειρος, εξ ου αποθανειται εν αυτω, παταξη αυτον, και αποθανη, φονευτης εστιν· θανατω θανατουσθω ο φονευτης.
35.19   ο αγχιστευων το αιμα, ουτος αποκτενει τον φονευσαντα· οταν συναντηση αυτω, ουτος αποκτενει αυτον.
35.20   εαν δε δι᾽ εχθραν ωση αυτον και επιρριψη επ᾽ αυτον παν σκευος εξ ενεδρου, και αποθανη,
35.21   η δια μηνιν επαταξεν αυτον τη χειρι, και αποθανη, θανατω θανατουσθω ο παταξας, φονευτης εστιν· θανατω θανατουσθω ο φονευων· ο αγχιστευων το αιμα αποκτενει τον φονευσαντα εν τω συναντησαι αυτω.
35.22   εαν δε εξαπινα ου δι᾽ εχθραν ωση αυτον η επιρριψη επ᾽ αυτον παν σκευος ουκ εξ ενεδρου
35.23   η παντι λιθω, εν ω αποθανειται εν αυτω, ουκ ειδως, και επιπεση επ᾽ αυτον, και αποθανη, αυτος δε ουκ εχθρος αυτου ην ουδε ζητων κακοποιησαι αυτον,
35.24   και κρινει η συναγωγη ανα μεσον του παταξαντος και ανα μεσον του αγχιστευοντος το αιμα κατα τα κριματα ταυτα,
35.25   και εξελειται η συναγωγη τον φονευσαντα απο του αγχιστευοντος το αιμα, και αποκαταστησουσιν αυτον η συναγωγη εις την πολιν του φυγαδευτηριου αυτου, ου κατεφυγεν, και κατοικησει εκει, εως αν αποθανη ο ιερευς ο μεγας, ον εχρισαν αυτον τω ελαιω τω αγιω.
35.26   εαν δε εξοδω εξελθη ο φονευσας τα ορια της πολεως, εις ην κατεφυγεν εκει,
35.27   και ευρη αυτον ο αγχιστευων το αιμα εξω των οριων της πολεως καταφυγης αυτου και φονευση ο αγχιστευων το αιμα τον φονευσαντα, ουκ ενοχος εστιν·
35.28   εν γαρ τη πολει της καταφυγης κατοικειτω, εως αν αποθανη ο ιερευς ο μεγας, και μετα το αποθανειν τον ιερεα τον μεγαν επαναστραφησεται ο φονευσας εις την γην της κατασχεσεως αυτου.
35.29   και εσται ταυτα υμιν εις δικαιωμα κριματος εις τας γενεας υμων εν πασαις ταις κατοικιαις υμων.
35.30   πας παταξας ψυχην, δια μαρτυρων φονευσεις τον φονευσαντα, και μαρτυς εις ου μαρτυρησει επι ψυχην αποθανειν.
35.31   και ου λημψεσθε λυτρα περι ψυχης παρα του φονευσαντος του ενοχου οντος αναιρεθηναι· θανατω γαρ θανατωθησεται.
35.32   ου λημψεσθε λυτρα του φυγειν εις πολιν των φυγαδευτηριων του παλιν κατοικειν επι της γης, εως αν αποθανη ο ιερευς ο μεγας.
35.33   και ου μη φονοκτονησητε την γην, εις ην υμεις κατοικειτε· το γαρ αιμα τουτο φονοκτονει την γην, και ουκ εξιλασθησεται η γη απο του αιματος του εκχυθεντος επ᾽ αυτης, αλλ᾽ επι του αιματος του εκχεοντος.
35.34   και ου μιανειτε την γην, εφ᾽ ης κατοικειτε επ᾽ αυτης, εφ᾽ ης εγω κατασκηνωσω εν υμιν· εγω γαρ ειμι *κυριος κατασκηνων εν μεσω των υιων ισραηλ.
36.1    και προσηλθον οι αρχοντες φυλης υιων γαλααδ υιου μαχιρ υιου μανασση εκ της φυλης υιων ιωσηφ και ελαλησαν εναντι μωυση και εναντι ελεαζαρ του ιερεως και εναντι των αρχοντων οικων πατριων υιων ισραηλ
36.2    και ειπαν τω κυριω ημων ενετειλατο *κυριος αποδουναι την γην της κληρονομιας εν κληρω τοις υιοις ισραηλ, και τω κυριω συνεταξεν *κυριος δουναι την κληρονομιαν σαλπααδ του αδελφου ημων ταις θυγατρασιν αυτου.
36.3    και εσονται ενι των φυλων υιων ισραηλ γυναικες, και αφαιρεθησεται ο κληρος αυτων εκ της κατασχεσεως των πατερων ημων και προστεθησεται εις κληρονομιαν της φυλης, οις αν γενωνται γυναικες, και εκ του κληρου της κληρονομιας ημων αφαιρεθησεται.
36.4    εαν δε γενηται η αφεσις των υιων ισραηλ, και προστεθησεται η κληρονομια αυτων επι την κληρονομιαν της φυλης, οις αν γενωνται γυναικες, και απο της κληρονομιας φυλης πατριας ημων αφαιρεθησεται η κληρονομια αυτων.
36.5    και ενετειλατο μωυσης τοις υιοις ισραηλ δια προσταγματος *κυριου λεγων ουτως φυλη υιων ιωσηφ λεγουσιν.
36.6    τουτο το ρημα, ο συνεταξεν *κυριος ταις θυγατρασιν σαλπααδ λεγων ου αρεσκει εναντιον αυτων, εστωσαν γυναικες, πλην εκ του δημου του πατρος αυτων εστωσαν γυναικες,
36.7    και ουχι περιστραφησεται κληρονομια τοις υιοις ισραηλ απο φυλης επι φυλην, οτι εκαστος εν τη κληρονομια της φυλης της πατριας αυτου προσκολληθησονται οι υιοι ισραηλ.
36.8    και πασα θυγατηρ αγχιστευουσα κληρονομιαν εκ των φυλων υιων ισραηλ ενι των εκ του δημου του πατρος αυτης εσονται γυναικες, ινα αγχιστευσωσιν οι υιοι ισραηλ εκαστος την κληρονομιαν την πατρικην αυτου·
36.9    και ου περιστραφησεται κληρος εκ φυλης επι φυλην ετεραν, αλλα εκαστος εν τη κληρονομια αυτου προσκολληθησονται οι υιοι ισραηλ.
36.10   ον τροπον συνεταξεν *κυριος μωυση, ουτως εποιησαν θυγατερες σαλπααδ,
36.11   και εγενοντο θερσα και εγλα και μελχα και νουα και μααλα θυγατερες σαλπααδ τοις ανεψιοις αυτων·
36.12   εκ του δημου του μανασση υιων ιωσηφ εγενηθησαν γυναικες, και εγενετο η κληρονομια αυτων επι την φυλην δημου του πατρος αυτων.
36.13   αυται αι εντολαι και τα δικαιωματα και τα κριματα, α ενετειλατο *κυριος εν χειρι μωυση επι δυσμων μωαβ επι του ιορδανου κατα ιεριχω.

- FIN -

Par rh  (les informations de cette page peuvent être copiées, imprimées, affichées, utilisées, partagées, distribuées, etc.)


Nouveau Testament
W. & Hort - grec
01- Matthieu
02- Marc
03- Luc
04- Jean
05- Actes des Apôtres
06- Romains
07- 1 Corinthiens
08- 2 Corinthiens
09- Galates
10- Éphésiens
11- Philippiens
12- Colossiens
13- 1 Thessaloniciens
14- 2 Thessaloniciens
15- 1 Timothée
16- 2 Timothée
17- Tite
18- Philémon
19- Hébreux
20- Jacques
21- 1 Pierre
22- 2 Pierre
23- 1 Jean
24- 2 Jean
25- 3 Jean
26- Jude
27- Apocalypse

Ancien Testament
Septante (LXX) - grec
01- Genèse
02- Exode
03- Lévitique
04- Nombres
05- Deutéronome
06- Josué
07- Juges
08- Ruth
09- 1 Samuel
10- 2 Samuel
11- 1 Rois
12- 2 Rois
13- 1 Chroniques
14- 2 Chroniques
15- Esdras
16- Néhémie
17- Esther
18- Job
19- Psaumes
20- Proverbes
21- Ecclésiaste
22- Cantique des cantiques
23- Ésaïe
24- Jérémie
25- Lamentations de Jérémie
26- Ézéchiel
27- Daniel
28- Osée
29- Joël
30- Amos
31- Abdias
32- Jonas
33- Michée
34- Nahum
35- Habacuc
36- Sophonie
37- Aggée
38- Zacharie
39- Malachie

Bible2000.Net