Bible2000.net Psaumes 119.130 : "La révélation de tes paroles éclaire, elle donne de l'intelligence aux simples."
 
Accueil | Bible | Sujets bibliques | Multimédia | Logiciels | Divers


"Ancien Testament" grec (sans accent).
La "Septante" - "LXX" (beaucoup utilisé à l'époque de Jésus).

2 Chroniques
- Chapitre 1 à 36 -

1.1     και ενισχυσεν σαλωμων υιος δαυιδ επι την βασιλειαν αυτου, και *κυριος ο θεος αυτου μετ᾽ αυτου και εμεγαλυνεν αυτον εις υψος.
1.2     και ειπεν σαλωμων προς παντα ισραηλ, τοις χιλιαρχοις και τοις εκατονταρχοις και τοις κριταις και πασιν τοις αρχουσιν εναντιον ισραηλ, τοις αρχουσι των πατριων,
1.3     και επορευθη σαλωμων και πασα η εκκλησια μετ᾽ αυτου εις την υψηλην την εν γαβαων, ου εκει ην η σκηνη του μαρτυριου του θεου, ην εποιησεν μωυσης παις *κυριου εν τη ερημω·
1.4     αλλα κιβωτον του θεου ανηνεγκεν δαυιδ εκ πολεως καριαθιαριμ, οτι ητοιμασεν αυτη σκηνην εις ιερουσαλημ,
1.5     και το θυσιαστηριον το χαλκουν, ο εποιησεν βεσελεηλ υιος ουριου υιου ωρ, εκει ην εναντι της σκηνης *κυριου, και εξεζητησεν αυτο σαλωμων και η εκκλησια,
1.6     και ανηνεγκεν εκει σαλωμων επι το θυσιαστηριον το χαλκουν ενωπιον *κυριου το εν τη σκηνη και ανηνεγκεν επ᾽ αυτο ολοκαυτωσιν χιλιαν.
1.7     εν τη νυκτι εκεινη ωφθη ο θεος τω σαλωμων και ειπεν αυτω αιτησαι τι σοι δω.
1.8     και ειπεν σαλωμων προς τον θεον συ εποιησας μετα δαυιδ του πατρος μου ελεος μεγα και εβασιλευσας με αντ᾽ αυτου·
1.9     και νυν, *κυριε ο θεος, πιστωθητω το ονομα σου επι δαυιδ πατερα μου, οτι συ εβασιλευσας με επι λαον πολυν ως ο χους της γης·
1.10    νυν σοφιαν και συνεσιν δος μοι, και εξελευσομαι ενωπιον του λαου τουτου και εισελευσομαι· οτι τις κρινει τον λαον σου τον μεγαν τουτον;
1.11    και ειπεν ο θεος προς σαλωμων ανθ᾽ ων εγενετο τουτο εν τη καρδια σου και ουκ ητησω πλουτον χρηματων ουδε δοξαν ουδε την ψυχην των υπεναντιων και ημερας πολλας ουκ ητησω και ητησας σεαυτω σοφιαν και συνεσιν, οπως κρινης τον λαον μου, εφ᾽ ον εβασιλευσα σε επ᾽ αυτον,
1.12    την σοφιαν και την συνεσιν διδωμι σοι και πλουτον και χρηματα και δοξαν δωσω σοι, ως ουκ εγενηθη ομοιος σοι εν τοις βασιλευσι τοις εμπροσθε σου και μετα σε ουκ εσται ουτως.
1.13    και ηλθεν σαλωμων εκ βαμα της εν γαβαων εις ιερουσαλημ απο προσωπου σκηνης μαρτυριου και εβασιλευσεν επι ισραηλ.
1.14    και συνηγαγεν σαλωμων αρματα και ιππεις, και εγενοντο αυτω χιλια και τετρακοσια αρματα και δωδεκα χιλιαδες ιππεων· και κατελιπεν αυτα εν πολεσιν των αρματων, και ο λαος μετα του βασιλεως εν ιερουσαλημ.
1.15    και εθηκεν ο βασιλευς το χρυσιον και το αργυριον εν ιερουσαλημ ως λιθους και τας κεδρους εν τη ιουδαια ως συκαμινους τας εν τη πεδινη εις πληθος.
1.16    και η εξοδος των ιππων των σαλωμων εξ αιγυπτου, και η τιμη των εμπορων του βασιλεως· εμπορευεσθαι ηγοραζον
1.17    και ανεβαινον και εξηγον εξ αιγυπτου αρμα εν εξακοσιων αργυριου και ιππον εκατον και πεντηκοντα· και ουτως πασιν τοις βασιλευσιν των χετταιων και βασιλευσιν συριας εν χερσιν αυτων εφερον.
2.1     και ειπεν σαλωμων του οικοδομησαι οικον τω ονοματι *κυριου και οικον τη βασιλεια αυτου.
2.2     και συνηγαγεν σαλωμων εβδομηκοντα χιλιαδας ανδρων και ογδοηκοντα χιλιαδας λατομων εν τω ορει, και οι επισταται επ᾽ αυτων τρισχιλιοι εξακοσιοι.
2.3     και απεστειλεν σαλωμων προς χιραμ βασιλεα τυρου λεγων ως εποιησας μετα του πατρος μου δαυιδ και απεστειλας αυτω κεδρους του οικοδομησαι εαυτω οικον κατοικησαι εν αυτω,
2.4     και ιδου εγω ο υιος αυτου οικοδομω οικον τω ονοματι *κυριου θεου μου αγιασαι αυτον αυτω του θυμιαν απεναντι αυτου θυμιαμα και προθεσιν δια παντος και του αναφερειν ολοκαυτωματα δια παντος το πρωι και το δειλης και εν τοις σαββατοις και εν ταις νουμηνιαις και εν ταις εορταις του *κυριου θεου ημων, εις τον αιωνα τουτο επι τον ισραηλ.
2.5     και ο οικος, ον εγω οικοδομω, μεγας, οτι μεγας ο θεος ημων παρα παντας τους θεους.
2.6     και τις ισχυσει οικοδομησαι αυτω οικον; οτι ο ουρανος και ο ουρανος του ουρανου ου φερουσιν αυτου την δοξαν. και τις εγω οικοδομων αυτω οικον; οτι αλλ᾽ η του θυμιαν κατεναντι αυτου.
2.7     και νυν αποστειλον μοι ανδρα σοφον και ειδοτα του ποιησαι εν τω χρυσιω και εν τω αργυριω και εν τω χαλκω και εν τω σιδηρω και εν τη πορφυρα και εν τω κοκκινω και εν τη υακινθω και επισταμενον γλυψαι γλυφην μετα των σοφων των μετ᾽ εμου εν ιουδα και εν ιερουσαλημ, ων ητοιμασεν δαυιδ ο πατηρ μου.
2.8     και αποστειλον μοι ξυλα κεδρινα και αρκευθινα και πευκινα εκ του λιβανου, οτι εγω οιδα ως οι δουλοι σου οιδασιν κοπτειν ξυλα εκ του λιβανου· και ιδου οι παιδες σου μετα των παιδων μου
2.9     πορευσονται ετοιμασαι μοι ξυλα εις πληθος, οτι ο οικος, ον εγω οικοδομω, μεγας και ενδοξος.
2.10    και ιδου τοις εργαζομενοις τοις κοπτουσιν ξυλα εις βρωματα δεδωκα σιτον εις δοματα τοις παισιν σου κορων εικοσι χιλιαδας και κριθων κορων εικοσι χιλιαδας και οινου μετρων εικοσι χιλιαδας και ελαιου μετρων εικοσι χιλιαδας.
2.11    και ειπεν χιραμ βασιλευς τυρου εν γραφη και απεστειλεν προς σαλωμων εν τω αγαπησαι *κυριον τον λαον αυτου εδωκεν σε επ᾽ αυτους εις βασιλεα.
2.12    και ειπεν χιραμ ευλογητος *κυριος ο θεος ισραηλ, ος εποιησεν τον ουρανον και την γην, ος εδωκεν τω δαυιδ τω βασιλει υιον σοφον και επισταμενον συνεσιν και επιστημην, ος οικοδομησει οικον τω *κυριω και οικον τη βασιλεια αυτου.
2.13    και νυν απεσταλκα σοι ανδρα σοφον και ειδοτα συνεσιν τον χιραμ τον πατερα μου
2.14    [η μητηρ αυτου απο θυγατερων δαν, και ο πατηρ αυτου ανηρ τυριος] ειδοτα ποιησαι εν χρυσιω και εν αργυριω και εν χαλκω και εν σιδηρω, εν λιθοις και ξυλοις και υφαινειν εν τη πορφυρα και εν τη υακινθω και εν τη βυσσω και εν τω κοκκινω και γλυψαι γλυφας και διανοεισθαι πασαν διανοησιν, οσα αν δως αυτω, μετα των σοφων σου και σοφων δαυιδ κυριου μου πατρος σου.
2.15    και νυν τον σιτον και την κριθην και το ελαιον και τον οινον, α ειπεν ο κυριος μου, αποστειλατω τοις παισιν αυτου.
2.16    και ημεις κοψομεν ξυλα εκ του λιβανου κατα πασαν την χρειαν σου και αξομεν αυτα σχεδιαις επι θαλασσαν ιοππης, και συ αξεις αυτα εις ιερουσαλημ.
2.17    και συνηγαγεν σαλωμων παντας τους ανδρας τους προσηλυτους εν γη ισραηλ μετα τον αριθμον, ον ηριθμησεν αυτους δαυιδ ο πατηρ αυτου, και ευρεθησαν εκατον πεντηκοντα χιλιαδες και τρισχιλιοι εξακοσιοι.
2.18    και εποιησεν εξ αυτων εβδομηκοντα χιλιαδας νωτοφορων και ογδοηκοντα χιλιαδας λατομων και τρισχιλιους εξακοσιους εργοδιωκτας επι τον λαον.
3.1     και ηρξατο σαλωμων του οικοδομειν τον οικον *κυριου εν ιερουσαλημ εν ορει του αμορια, ου ωφθη *κυριος τω δαυιδ πατρι αυτου, εν τω τοπω, ω ητοιμασεν δαυιδ εν αλω ορνα του ιεβουσαιου.
3.2     και ηρξατο οικοδομησαι εν τω μηνι τω δευτερω εν τω ετει τω τεταρτω της βασιλειας αυτου.
3.3     και ταυτα ηρξατο σαλωμων του οικοδομησαι τον οικον του θεου· μηκος πηχεων η διαμετρησις η πρωτη πηχεων εξηκοντα και ευρος πηχεων εικοσι.
3.4     και αιλαμ κατα προσωπον του οικου, μηκος επι προσωπον πλατους του οικου πηχεων εικοσι και υψος πηχεων εκατον εικοσι· και κατεχρυσωσεν αυτον εσωθεν χρυσιω καθαρω.
3.5     και τον οικον τον μεγαν εξυλωσεν ξυλοις κεδρινοις και κατεχρυσωσεν χρυσιω καθαρω και εγλυψεν επ᾽ αυτου φοινικας και χαλαστα.
3.6     και εκοσμησεν τον οικον λιθοις τιμιοις εις δοξαν και χρυσιω χρυσιου του εκ φαρουαιμ
3.7     και εχρυσωσεν τον οικον και τους τοιχους και τους πυλωνας και τα οροφωματα και τα θυρωματα χρυσιω και εγλυψεν χερουβιν επι των τοιχων.
3.8     και εποιησεν τον οικον του αγιου των αγιων, μηκος αυτου επι προσωπον πλατους πηχεων εικοσι και το ευρος πηχεων εικοσι, και κατεχρυσωσεν αυτον χρυσιω καθαρω εις χερουβιν εις ταλαντα εξακοσια.
3.9     και ολκη των ηλων, ολκη του ενος πεντηκοντα σικλοι χρυσιου. και το υπερωον εχρυσωσεν χρυσιω.
3.10    και εποιησεν εν τω οικω τω αγιω των αγιων χερουβιν δυο εργον εκ ξυλων και εχρυσωσεν αυτα χρυσιω.
3.11    και αι πτερυγες των χερουβιν το μηκος πηχεων εικοσι, και η πτερυξ η μια πηχεων πεντε απτομενη του τοιχου του οικου, και η πτερυξ η ετερα πηχεων πεντε απτομενη της πτερυγος του χερουβ του ετερου·
3.12    και η πτερυξ του χερουβ του ενος πηχεων πεντε απτομενη του τοιχου του οικου, και η πτερυξ η ετερα πηχεων πεντε απτομενη του πτερυγος του χερουβ του ετερου·
3.13    και αι πτερυγες των χερουβιν διαπεπετασμεναι πηχεων εικοσι· και αυτα εστηκοτα επι τους ποδας αυτων, και τα προσωπα αυτων εις τον οικον.
3.14    και εποιησεν το καταπετασμα εξ υακινθου και πορφυρας και κοκκινου και βυσσου και υφανεν εν αυτω χερουβιν.
3.15    και εποιησεν εμπροσθεν του οικου στυλους δυο, πηχεων τριακοντα πεντε το υψος και τας κεφαλας αυτων πηχεων πεντε.
3.16    και εποιησεν σερσερωθ εν τω δαβιρ και εδωκεν επι των κεφαλων των στυλων και εποιησεν ροισκους εκατον και επεθηκεν επι των χαλαστων.
3.17    και εστησεν τους στυλους κατα προσωπον του ναου, ενα εκ δεξιων και τον ενα εξ ευωνυμων, και εκαλεσεν το ονομα του εκ δεξιων κατορθωσις και το ονομα του εξ αριστερων ισχυς.
4.1     και εποιησεν το θυσιαστηριον χαλκουν, πηχεων εικοσι μηκος και το ευρος πηχεων εικοσι, υψος πηχεων δεκα.
4.2     και εποιησεν την θαλασσαν χυτην, πηχεων δεκα την διαμετρησιν, στρογγυλην κυκλοθεν, και πηχεων πεντε το υψος και το κυκλωμα πηχεων τριακοντα.
4.3     και ομοιωμα μοσχων υποκατωθεν αυτης· κυκλω κυκλουσιν αυτην, πηχεις δεκα περιεχουσιν τον λουτηρα κυκλοθεν· δυο γενη εχωνευσαν τους μοσχους εν τη χωνευσει αυτων,
4.4     η εποιησαν αυτους, δωδεκα μοσχους, οι τρεις βλεποντες βορραν και οι τρεις βλεποντες δυσμας και οι τρεις βλεποντες νοτον και οι τρεις βλεποντες κατ᾽ ανατολας, και η θαλασσα επ᾽ αυτων ανω, ησαν τα οπισθια αυτων εσω.
4.5     και το παχος αυτης παλαιστης, και το χειλος αυτης ως χειλος ποτηριου, διαγεγλυμμενα βλαστους κρινου, χωρουσαν μετρητας τρισχιλιους· και εξετελεσεν.
4.6     και εποιησεν λουτηρας δεκα και εθηκεν τους πεντε εκ δεξιων και τους πεντε εξ αριστερων του πλυνειν εν αυτοις τα εργα των ολοκαυτωματων και αποκλυζειν εν αυτοις. και η θαλασσα εις το νιπτεσθαι τους ιερεις εν αυτη.
4.7     και εποιησεν τας λυχνιας τας χρυσας δεκα κατα το κριμα αυτων και εθηκεν εν τω ναω, πεντε εκ δεξιων και πεντε εξ αριστερων.
4.8     και εποιησεν τραπεζας δεκα και εθηκεν εν τω ναω, πεντε εκ δεξιων και πεντε εξ ευωνυμων. και εποιησεν φιαλας χρυσας εκατον.
4.9     και εποιησεν την αυλην των ιερεων και την αυλην την μεγαλην και θυρας τη αυλη και θυρωματα αυτων κατακεχαλκωμενα χαλκω.
4.10    και την θαλασσαν εθηκεν απο γωνιας του οικου εκ δεξιων ως προς ανατολας κατεναντι.
4.11    και εποιησεν χιραμ τας κρεαγρας και τα πυρεια και την εσχαραν του θυσιαστηριου και παντα τα σκευη αυτου. και συνετελεσεν χιραμ ποιησαι πασαν την εργασιαν, ην εποιησεν σαλωμων τω βασιλει εν οικω του θεου,
4.12    στυλους δυο και επ᾽ αυτων γωλαθ τη χωθαρεθ επι των κεφαλων των στυλων δυο και δικτυα δυο συγκαλυψαι τας κεφαλας των χωθαρεθ, α εστιν επι των κεφαλων των στυλων,
4.13    και κωδωνας χρυσους τετρακοσιους εις τα δυο δικτυα και δυο γενη ροισκων εν τω δικτυω τω ενι του συγκαλυψαι τας δυο γωλαθ των χωθαρεθ, α εστιν επανω των στυλων.
4.14    και τας μεχωνωθ εποιησεν δεκα και τους λουτηρας εποιησεν επι των μεχωνωθ
4.15    και την θαλασσαν μιαν και τους μοσχους τους δωδεκα υποκατω αυτης
4.16    και τους ποδιστηρας και τους αναλημπτηρας και τους λεβητας και τας κρεαγρας και παντα τα σκευη αυτων, α εποιησεν χιραμ και ανηνεγκεν τω βασιλει σαλωμων εν οικω *κυριου χαλκου καθαρου.
4.17    εν τω περιχωρω του ιορδανου εχωνευσεν αυτα ο βασιλευς εν τω παχει της γης εν οικω σοκχωθ και ανα μεσον σιρδαθα.
4.18    και εποιησεν σαλωμων παντα τα σκευη ταυτα εις πληθος σφοδρα, οτι ουκ εξελιπεν ολκη του χαλκου.
4.19    και εποιησεν σαλωμων παντα τα σκευη οικου κυριου και το θυσιαστηριον το χρυσουν και τας τραπεζας [και επ᾽ αυτων αρτοι προθεσεως]
4.20    και τας λυχνιας και τους λυχνους του φωτος κατα το κριμα και κατα προσωπον του δαβιρ χρυσιου καθαρου
4.21    και λαβιδες αυτων και οι λυχνοι αυτων και τας φιαλας και τας θυισκας και τα πυρεια χρυσιου καθαρου·
4.22    και η θυρα του οικου η εσωτερα εις τα αγια των αγιων, εις τας θυρας του οικου του ναου χρυσας.
5.1     και συνετελεσθη πασα η εργασια, ην εποιησεν σαλωμων εν οικω *κυριου. και εισηνεγκεν σαλωμων τα αγια δαυιδ του πατρος αυτου, το αργυριον και το χρυσιον και τα σκευη εδωκεν εις θησαυρον οικου κυριου.
5.2     τοτε εξεκκλησιασεν σαλωμων τους πρεσβυτερους ισραηλ και παντας τους αρχοντας των φυλων τους ηγουμενους πατριων υιων ισραηλ εις ιερουσαλημ του ανενεγκαι κιβωτον διαθηκης *κυριου εκ πολεως δαυιδ [αυτη σιων]·
5.3     και εξεκκλησιασθησαν προς τον βασιλεα πας ανηρ ισραηλ εν τη εορτη [ουτος ο μην εβδομος],
5.4     και ηλθον παντες οι πρεσβυτεροι ισραηλ, και ελαβον παντες οι λευιται την κιβωτον
5.5     και ανηνεγκαν την κιβωτον και την σκηνην του μαρτυριου και παντα τα σκευη τα αγια τα εν τη σκηνη, και ανηνεγκαν αυτην οι ιερεις και οι λευιται.
5.6     και ο βασιλευς σαλωμων και πασα συναγωγη ισραηλ και οι φοβουμενοι και οι επισυνηγμενοι αυτων εμπροσθεν της κιβωτου θυοντες μοσχους και προβατα, οι ουκ αριθμηθησονται και οι ου λογισθησονται απο του πληθους.
5.7     και εισηνεγκαν οι ιερεις την κιβωτον διαθηκης *κυριου εις τον τοπον αυτης εις το δαβιρ του οικου εις τα αγια των αγιων υποκατω των πτερυγων των χερουβιν,
5.8     και ην τα χερουβιν διαπεπετακοτα τας πτερυγας αυτων επι τον τοπον της κιβωτου, και συνεκαλυπτεν τα χερουβιν επι την κιβωτον και επι τους αναφορεις αυτης επανωθεν·
5.9     και υπερειχον οι αναφορεις, και εβλεποντο αι κεφαλαι των αναφορεων εκ των αγιων εις προσωπον του δαβιρ, ουκ εβλεποντο εξω· και ησαν εκει εως της ημερας ταυτης.
5.10    ουκ ην εν τη κιβωτω πλην δυο πλακες, ας εθηκεν μωυσης εν χωρηβ, α διεθετο *κυριος μετα των υιων ισραηλ εν τω εξελθειν αυτους εκ γης αιγυπτου.
5.11    και εγενετο εν τω εξελθειν τους ιερεις εκ των αγιων, οτι παντες οι ιερεις οι ευρεθεντες ηγιασθησαν, ουκ ησαν διατεταγμενοι κατ᾽ εφημεριαν,
5.12    και οι λευιται οι ψαλτωδοι παντες τοις υιοις ασαφ, τω αιμαν, τω ιδιθουν και τοις υιοις αυτων και τοις αδελφοις αυτων, των ενδεδυμενων στολας βυσσινας, εν κυμβαλοις και εν ναβλαις και εν κινυραις εστηκοτες κατεναντι του θυσιαστηριου και μετ᾽ αυτων ιερεις εκατον εικοσι σαλπιζοντες ταις σαλπιγξιν,
5.13    και εγενετο μια φωνη εν τω σαλπιζειν και εν τω ψαλτωδειν και εν τω αναφωνειν φωνη μια του εξομολογεισθαι και αινειν τω *κυριω, και ως υψωσαν φωνην εν σαλπιγξιν και εν κυμβαλοις και εν οργανοις των ωδων και ελεγον εξομολογεισθε τω *κυριω, οτι αγαθον, οτι εις τον αιωνα το ελεος αυτου, και ο οικος ενεπλησθη νεφελης δοξης *κυριου,
5.14    και ουκ ηδυναντο οι ιερεις του στηναι λειτουργειν απο προσωπου της νεφελης, οτι ενεπλησεν δοξα *κυριου τον οικον του θεου.
6.1     τοτε ειπεν σαλωμων *κυριος ειπεν του κατασκηνωσαι εν γνοφω·
6.2     και εγω ωκοδομηκα οικον τω ονοματι σου αγιον σοι και ετοιμον του κατασκηνωσαι εις τους αιωνας.
6.3     και επεστρεψεν ο βασιλευς το προσωπον αυτου και ευλογησεν την πασαν εκκλησιαν ισραηλ, και πασα εκκλησια ισραηλ παρειστηκει.
6.4     και ειπεν ευλογητος *κυριος ο θεος ισραηλ, ος ελαλησεν εν στοματι αυτου προς δαυιδ τον πατερα μου και εν χερσιν αυτου επληρωσεν λεγων
6.5     απο της ημερας, ης ανηγαγον τον λαον μου εκ γης αιγυπτου, ουκ εξελεξαμην εν πολει απο πασων φυλων ισραηλ του οικοδομησαι οικον του ειναι ονομα μου εκει και ουκ εξελεξαμην εν ανδρι του ειναι εις ηγουμενον επι τον λαον μου ισραηλ·
6.6     και εξελεξαμην εν ιερουσαλημ γενεσθαι το ονομα μου εκει και εξελεξαμην εν δαυιδ ωστε ειναι επανω του λαου μου ισραηλ.
6.7     και εγενετο επι καρδιαν δαυιδ του πατρος μου του οικοδομησαι οικον τω ονοματι *κυριου θεου ισραηλ,
6.8     και ειπεν *κυριος προς δαυιδ πατερα μου διοτι εγενετο επι καρδιαν σου του οικοδομησαι οικον τω ονοματι μου, καλως εποιησας οτι εγενετο επι καρδιαν σου·
6.9     πλην συ ουκ οικοδομησεις τον οικον, οτι ο υιος σου, ος εξελευσεται εκ της οσφυος σου, ουτος οικοδομησει τον οικον τω ονοματι μου.
6.10    και ανεστησεν *κυριος τον λογον αυτου, ον ελαλησεν, και εγενηθην αντι δαυιδ πατρος μου και εκαθισα επι τον θρονον ισραηλ, καθως ελαλησεν *κυριος, και ωκοδομησα τον οικον τω ονοματι *κυριου θεου ισραηλ
6.11    και εθηκα εκει την κιβωτον, εν η εκει διαθηκη *κυριου, ην διεθετο τω ισραηλ.
6.12    και εστη κατεναντι του θυσιαστηριου *κυριου εναντι πασης εκκλησιας ισραηλ και διεπετασεν τας χειρας αυτου,
6.13    οτι εποιησεν σαλωμων βασιν χαλκην και εθηκεν αυτην εν μεσω της αυλης του ιερου, πεντε πηχων το μηκος αυτης και πεντε πηχεων το ευρος αυτης και τριων πηχεων το υψος αυτης, και εστη επ᾽ αυτης και επεσεν επι τα γονατα εναντι πασης εκκλησιας ισραηλ και διεπετασεν τας χειρας αυτου εις τον ουρανον
6.14    και ειπεν *κυριε ο θεος ισραηλ, ουκ εστιν ομοιος σοι θεος εν ουρανω και επι της γης, φυλασσων την διαθηκην και το ελεος τοις παισιν σου τοις πορευομενοις εναντιον σου εν ολη καρδια.
6.15    α εφυλαξας τω παιδι σου δαυιδ τω πατρι μου, α ελαλησας αυτω λεγων, και ελαλησας εν στοματι σου και εν χερσιν σου επληρωσας ως η ημερα αυτη.
6.16    και νυν, *κυριε ο θεος ισραηλ, φυλαξον τω παιδι σου τω δαυιδ τω πατρι μου α ελαλησας αυτω λεγων ουκ εκλειψει σοι ανηρ απο προσωπου μου καθημενος επι θρονου ισραηλ, πλην εαν φυλαξωσιν οι υιοι σου την οδον αυτων του πορευεσθαι εν τω νομω μου, ως επορευθης εναντιον μου.
6.17    και νυν, *κυριε ο θεος ισραηλ, πιστωθητω δη το ρημα σου, ο ελαλησας τω παιδι σου τω δαυιδ.
6.18    οτι ει αληθως κατοικησει θεος μετα ανθρωπων επι της γης; ει ο ουρανος και ο ουρανος του ουρανου ουκ αρκεσουσιν σοι, και τις ο οικος ουτος, ον ωκοδομησα;
6.19    και επιβλεψη επι την προσευχην παιδος σου και επι την δεησιν μου, *κυριε ο θεος, του επακουσαι της δεησεως και της προσευχης, ης ο παις σου προσευχεται εναντιον σου σημερον,
6.20    του ειναι οφθαλμους σου ανεωγμενους επι τον οικον τουτον ημερας και νυκτος, εις τον τοπον τουτον, ον ειπας επικληθηναι το ονομα σου εκει, του ακουσαι της προσευχης, ης ο παις σου προσευχεται εις τον τοπον τουτον.
6.21    και ακουση της δεησεως του παιδος σου και λαου σου ισραηλ, α αν προσευξωνται εις τον τοπον τουτον, και συ εισακουση εν τω τοπω της κατοικησεως σου εκ του ουρανου και ακουση και ιλεως εση.
6.22    εαν αμαρτη ανηρ τω πλησιον αυτου, και λαβη επ᾽ αυτον αραν του αρασθαι αυτον, και ελθη και αρασηται κατεναντι του θυσιαστηριου εν τω οικω τουτω,
6.23    και συ εισακουση εκ του ουρανου και ποιησεις και κρινεις τους δουλους σου του αποδουναι τω ανομω και αποδουναι οδους αυτου εις κεφαλην αυτου, του δικαιωσαι δικαιον του αποδουναι αυτω κατα την δικαιοσυνην αυτου.
6.24    και εαν θραυσθη ο λαος σου ισραηλ κατεναντι του εχθρου, εαν αμαρτωσιν σοι, και επιστρεψωσιν και εξομολογησωνται τω ονοματι σου και προσευξωνται και δεηθωσιν εναντιον σου εν τω οικω τουτω,
6.25    και συ εισακουση εκ του ουρανου και ιλεως εση ταις αμαρτιαις λαου σου ισραηλ και αποστρεψεις αυτους εις την γην, ην εδωκας αυτοις και τοις πατρασιν αυτων.
6.26    εν τω συσχεθηναι τον ουρανον και μη γενεσθαι υετον, οτι αμαρτησονται σοι, και προσευξονται εις τον τοπον τουτον και αινεσουσιν το ονομα σου και απο των αμαρτιων αυτων επιστρεψουσιν, οτι ταπεινωσεις αυτους,
6.27    και συ εισακουση εκ του ουρανου και ιλεως εση ταις αμαρτιαις των παιδων σου και του λαου σου ισραηλ, οτι δηλωσεις αυτοις την οδον την αγαθην, εν η πορευσονται εν αυτη, και δωσεις υετον επι την γην σου, ην εδωκας τω λαω σου εις κληρονομιαν.
6.28    λιμος εαν γενηται επι της γης, θανατος εαν γενηται, ανεμοφθορια και ικτερος, ακρις και βρουχος εαν γενηται, εαν θλιψη αυτον ο εχθρος κατεναντι των πολεων αυτων, κατα πασαν πληγην και παν πονον,
6.29    και πασα προσευχη και πασα δεησις, η εαν γενηται παντι ανθρωπω και παντι λαω σου ισραηλ, εαν γνω ανθρωπος την αφην αυτου και την μαλακιαν αυτου και διαπεταση τας χειρας αυτου εις τον οικον τουτον,
6.30    και συ εισακουση εκ του ουρανου εξ ετοιμου κατοικητηριου σου και ιλαση και δωσεις ανδρι κατα τας οδους αυτου, ως αν γνως την καρδιαν αυτου, οτι μονος γινωσκεις την καρδιαν υιων ανθρωπων,
6.31    οπως φοβωνται τας οδους σου πασας τας ημερας, ας αυτοι ζωσιν επι προσωπου της γης, ης εδωκας τοις πατρασιν ημων.
6.32    και πας αλλοτριος, ος ουκ εκ του λαου σου ισραηλ εστιν αυτος και ελθη εκ γης μακροθεν δια το ονομα σου το μεγα και την χειρα σου την κραταιαν και τον βραχιονα σου τον υψηλον και ελθωσιν και προσευξωνται εις τον τοπον τουτον,
6.33    και εισακουση εκ του ουρανου εξ ετοιμου κατοικητηριου σου και ποιησεις κατα παντα, οσα εαν επικαλεσηται σε ο αλλοτριος, οπως γνωσιν παντες οι λαοι της γης το ονομα σου και του φοβεισθαι σε ως ο λαος σου ισραηλ και του γνωναι οτι επικεκληται το ονομα σου επι τον οικον τουτον, ον ωκοδομησα.
6.34    εαν δε εξελθη ο λαος σου εις πολεμον επι τους εχθρους αυτου εν οδω, η αποστελεις αυτους, και προσευξωνται προς σε κατα την οδον της πολεως ταυτης, ην εξελεξω εν αυτη, και οικου, ου ωκοδομησα τω ονοματι σου,
6.35    και ακουση εκ του ουρανου της δεησεως αυτων και της προσευχης αυτων και ποιησεις το δικαιωμα αυτων.
6.36    οτι αμαρτησονται σοι [οτι ουκ εσται ανθρωπος, ος ουχ αμαρτησεται] και παταξεις αυτους και παραδωσεις αυτους κατα προσωπον εχθρων και αιχμαλωτευσουσιν οι αιχμαλωτευοντες αυτους εις γην εχθρων εις γην μακραν η εγγυς
6.37    και επιστρεψωσιν καρδιαν αυτων εν τη γη αυτων, ου μετηχθησαν εκει, και γε επιστρεψωσιν και δεηθωσιν σου εν τη αιχμαλωσια αυτων λεγοντες ημαρτομεν ηδικησαμεν ηνομησαμεν,
6.38    και επιστρεψωσιν προς σε εν ολη καρδια και εν ολη ψυχη αυτων εν γη αιχμαλωτευσαντων αυτους και προσευξωνται οδον γης αυτων, ης εδωκας τοις πατρασιν αυτων, και της πολεως, ης εξελεξω, και του οικου, ου ωκοδομησα τω ονοματι σου,
6.39    και ακουση εκ του ουρανου εξ ετοιμου κατοικητηριου σου της προσευχης αυτων και της δεησεως αυτων και ποιησεις κριματα και ιλεως εση τω λαω τω αμαρτοντι σοι.
6.40    νυν, κυριε, εστωσαν δη οι οφθαλμοι σου ανεωγμενοι και τα ωτα σου επηκοα εις την δεησιν του τοπου τουτου.
6.41    και νυν αναστηθι, *κυριε ο θεος, εις την καταπαυσιν σου, συ και η κιβωτος της ισχυος σου. οι ιερεις σου, *κυριε ο θεος, ενδυσαιντο σωτηριαν, και οι υιοι σου ευφρανθητωσαν εν αγαθοις.
6.42    *κυριε ο θεος, μη αποστρεψης το προσωπον του χριστου σου, μνησθητι τα ελεη δαυιδ του δουλου σου.
7.1     και ως συνετελεσεν σαλωμων προσευχομενος, και το πυρ κατεβη εκ του ουρανου και κατεφαγεν τα ολοκαυτωματα και τας θυσιας, και δοξα *κυριου επλησεν τον οικον.
7.2     και ουκ ηδυναντο οι ιερεις εισελθειν εις τον οικον *κυριου εν τω καιρω εκεινω, οτι επλησεν δοξα *κυριου τον οικον.
7.3     και παντες οι υιοι ισραηλ εωρων καταβαινον το πυρ, και η δοξα *κυριου επι τον οικον, και επεσον επι προσωπον επι την γην επι το λιθοστρωτον και προσεκυνησαν και ηνουν τω *κυριω, οτι αγαθον, οτι εις τον αιωνα το ελεος αυτου.
7.4     και ο βασιλευς και πας ο λαος θυοντες θυματα εναντι *κυριου.
7.5     και εθυσιασεν σαλωμων την θυσιαν, μοσχων εικοσι και δυο χιλιαδας και βοσκηματων εκατον και εικοσι χιλιαδας, και ενεκαινισεν τον οικον του θεου ο βασιλευς και πας ο λαος.
7.6     και οι ιερεις επι τας φυλακας αυτων εστηκοτες, και οι λευιται εν οργανοις ωδων *κυριου του δαυιδ του βασιλεως του εξομολογεισθαι εναντι *κυριου οτι εις τον αιωνα το ελεος αυτου εν υμνοις δαυιδ δια χειρος αυτων, και οι ιερεις σαλπιζοντες ταις σαλπιγξιν εναντιον αυτων, και πας ισραηλ εστηκως.
7.7     και ηγιασεν σαλωμων το μεσον της αυλης της εν οικω *κυριου· οτι εποιησεν εκει τα ολοκαυτωματα και τα στεατα των σωτηριων, οτι το θυσιαστηριον το χαλκουν, ο εποιησεν σαλωμων, ουκ εξεποιει δεξασθαι τα ολοκαυτωματα και τα μαναα και τα στεατα.
7.8     και εποιησεν σαλωμων την εορτην εν τω καιρω εκεινω επτα ημεραις και πας ισραηλ μετ᾽ αυτου, εκκλησια μεγαλη σφοδρα απο εισοδου αιμαθ και εως χειμαρρου αιγυπτου.
7.9     και εποιησεν εν τη ημερα τη ογδοη εξοδιον, οτι εγκαινισμον του θυσιαστηριου εποιησεν επτα ημερας εορτην.
7.10    και εν τη τριτη και εικοστη του μηνος του εβδομου απεστειλεν τον λαον εις τα σκηνωματα αυτων ευφραινομενους και αγαθη καρδια επι τοις αγαθοις, οις εποιησεν *κυριος τω δαυιδ και τω σαλωμων και τω ισραηλ λαω αυτου.
7.11    και συνετελεσεν σαλωμων τον οικον *κυριου και τον οικον του βασιλεως· και παντα, οσα ηθελησεν εν τη ψυχη σαλωμων του ποιησαι εν οικω *κυριου και εν οικω αυτου, ευοδωθη.
7.12    και ωφθη ο *θεος τω σαλωμων την νυκτα και ειπεν αυτω ηκουσα της προσευχης σου και εξελεξαμην εν τω τοπω τουτω εμαυτω εις οικον θυσιας.
7.13    εαν συσχω τον ουρανον και μη γενηται υετος, και εαν εντειλωμαι τη ακριδι καταφαγειν το ξυλον, και εαν αποστειλω θανατον εν τω λαω μου,
7.14    και εαν εντραπη ο λαος μου, εφ᾽ ους το ονομα μου επικεκληται επ᾽ αυτους, και προσευξωνται και ζητησωσιν το προσωπον μου και αποστρεψωσιν απο των οδων αυτων των πονηρων, και εγω εισακουσομαι εκ του ουρανου και ιλεως εσομαι ταις αμαρτιαις αυτων και ιασομαι την γην αυτων.
7.15    νυν οι οφθαλμοι μου εσονται ανεωγμενοι και τα ωτα μου επηκοα τη προσευχη του τοπου τουτου.
7.16    και νυν εξελεξαμην και ηγιακα τον οικον τουτον του ειναι ονομα μου εκει εως αιωνος, και εσονται οι οφθαλμοι μου και η καρδια μου εκει πασας τας ημερας.
7.17    και συ εαν πορευθης εναντιον μου ως δαυιδ ο πατηρ σου και ποιησης κατα παντα, α ενετειλαμην σοι, και τα προσταγματα μου και τα κριματα μου φυλαξη,
7.18    και αναστησω τον θρονον της βασιλειας σου, ως διεθεμην δαυιδ τω πατρι σου λεγων ουκ εξαρθησεται σοι ανηρ ηγουμενος εν ισραηλ.
7.19    και εαν αποστρεψητε υμεις και εγκαταλιπητε τα προσταγματα μου και τας εντολας μου, ας εδωκα εναντιον υμων, και πορευθητε και λατρευσητε θεοις ετεροις και προσκυνησητε αυτοις,
7.20    και εξαρω υμας απο της γης, ης εδωκα αυτοις, και τον οικον τουτον, ον ηγιασα τω ονοματι μου, αποστρεψω εκ προσωπου μου και δωσω αυτον εις παραβολην και εις διηγημα εν πασιν τοις εθνεσιν.
7.21    και ο οικος ουτος ο υψηλος, πας ο διαπορευομενος αυτον εκστησεται και ερει χαριν τινος εποιησεν *κυριος τη γη ταυτη και τω οικω τουτω;
7.22    και ερουσιν διοτι εγκατελιπον *κυριον τον θεον των πατερων αυτων τον εξαγαγοντα αυτους εκ γης αιγυπτου και αντελαβοντο θεων ετερων και προσεκυνησαν αυτοις και εδουλευσαν αυτοις, δια τουτο επηγαγεν επ᾽ αυτους πασαν την κακιαν ταυτην.
8.1     και εγενετο μετα εικοσι ετη, εν οις ωκοδομησεν σαλωμων τον οικον *κυριου και τον οικον εαυτου,
8.2     και τας πολεις, ας εδωκεν χιραμ τω σαλωμων, ωκοδομησεν αυτας σαλωμων και κατωκισεν εκει τους υιους ισραηλ.
8.3     και ηλθεν σαλωμων εις αιμαθ σωβα και κατισχυσεν αυτην.
8.4     και ωκοδομησεν την θεδμορ εν τη ερημω και πασας τας πολεις τας οχυρας, ας ωκοδομησεν εν ημαθ.
8.5     και ωκοδομησεν την βαιθωρων την ανω και την βαιθωρων την κατω, πολεις οχυρας, τειχη, πυλαι και μοχλοι,
8.6     και την βααλαθ και πασας τας πολεις τας οχυρας, αι ησαν τω σαλωμων, και πασας τας πολεις των αρματων και τας πολεις των ιππεων και οσα επεθυμησεν σαλωμων κατα την επιθυμιαν του οικοδομησαι εν ιερουσαλημ και εν τω λιβανω και εν παση τη βασιλεια αυτου.
8.7     πας ο λαος ο καταλειφθεις απο του χετταιου και του αμορραιου και του φερεζαιου και του ευαιου και του ιεβουσαιου, οι ουκ εισιν εκ του ισραηλ
8.8     ησαν εκ των υιων αυτων των καταλειφθεντων μετ᾽ αυτους εν τη γη, ους ουκ εξωλεθρευσαν οι υιοι ισραηλ, , και ανηγαγεν αυτους σαλωμων εις φορον εως της ημερας ταυτης.
8.9     και εκ των υιων ισραηλ ουκ εδωκεν σαλωμων εις παιδας τη βασιλεια αυτου, οτι αυτοι ανδρες πολεμισται και αρχοντες και δυνατοι και αρχοντες αρματων και ιππεων.
8.10    και ουτοι αρχοντες των προστατων βασιλεως σαλωμων· πεντηκοντα και διακοσιοι εργοδιωκτουντες εν τω λαω.
8.11    και την θυγατερα φαραω σαλωμων ανηγαγεν εκ πολεως δαυιδ εις τον οικον, ον ωκοδομησεν αυτη, οτι ειπεν ου κατοικησει η γυνη μου εν πολει δαυιδ του βασιλεως ισραηλ, οτι αγιος εστιν ου εισηλθεν εκει κιβωτος *κυριου.
8.12    τοτε ανηνεγκεν σαλωμων ολοκαυτωματα τω *κυριω επι το θυσιαστηριον, ο ωκοδομησεν απεναντι του ναου,
8.13    και κατα τον λογον ημερας εν ημερα του αναφερειν κατα τας εντολας μωυση εν τοις σαββατοις και εν τοις μησιν και εν ταις εορταις τρεις καιρους του ενιαυτου, εν τη εορτη των αζυμων και εν τη εορτη των εβδομαδων και εν τη εορτη των σκηνων.
8.14    και εστησεν κατα την κρισιν δαυιδ τας διαιρεσεις των ιερεων κατα τας λειτουργιας αυτων, και οι λευιται επι τας φυλακας αυτων του αινειν και λειτουργειν κατεναντι των ιερεων κατα τον λογον ημερας εν τη ημερα, και οι πυλωροι κατα τας διαιρεσεις αυτων εις πυλην και πυλην, οτι ουτως εντολαι δαυιδ ανθρωπου του θεου·
8.15    ου παρηλθον τας εντολας του βασιλεως περι των ιερεων και των λευιτων εις παντα λογον και εις τους θησαυρους.
8.16    και ητοιμασθη πασα η εργασια αφ᾽ ης ημερας εθεμελιωθη εως ου ετελειωσεν σαλωμων τον οικον *κυριου.
8.17    τοτε ωχετο σαλωμων εις γασιωνγαβερ και εις την αιλαθ την παραθαλασσιαν εν γη ιδουμαια.
8.18    και απεστειλεν χιραμ εν χειρι παιδων αυτου πλοια και παιδας ειδοτας θαλασσαν, και ωχοντο μετα των παιδων σαλωμων εις σωφιρα και ελαβον εκειθεν τετρακοσια και πεντηκοντα ταλαντα χρυσιου και ηλθον προς τον βασιλεα σαλωμων.
9.1     και βασιλισσα σαβα ηκουσεν το ονομα σαλωμων και ηλθεν του πειρασαι σαλωμων εν αινιγμασιν εις ιερουσαλημ εν δυναμει βαρεια σφοδρα και καμηλοι αιρουσαι αρωματα και χρυσιον εις πληθος και λιθον τιμιον και ηλθεν προς σαλωμων και ελαλησεν προς αυτον παντα, οσα εν τη ψυχη αυτης.
9.2     και ανηγγειλεν αυτη σαλωμων παντας τους λογους αυτης, και ου παρηλθεν λογος απο σαλωμων, ον ουκ απηγγειλεν αυτη.
9.3     και ειδεν βασιλισσα σαβα την σοφιαν σαλωμων και τον οικον, ον ωκοδομησεν,
9.4     και τα βρωματα των τραπεζων και καθεδραν παιδων αυτου και στασιν λειτουργων αυτου και ιματισμον αυτων και οινοχοους αυτου και στολισμον αυτων και τα ολοκαυτωματα, α ανεφερεν εν οικω *κυριου, και εξ εαυτης εγενετο.
9.5     και ειπεν προς τον βασιλεα αληθινος ο λογος, ον ηκουσα εν τη γη μου περι των λογων σου και περι της σοφιας σου,
9.6     και ουκ επιστευσα τοις λογοις, εως ου ηλθον και ειδον οι οφθαλμοι μου, και ιδου ουκ απηγγελη μοι ημισυ του πληθους της σοφιας σου, προσεθηκας επι την ακοην, ην ηκουσα·
9.7     μακαριοι οι ανδρες, μακαριοι οι παιδες σου ουτοι οι παρεστηκοτες σοι δια παντος και ακουουσιν σοφιαν σου·
9.8     εστω *κυριος ο θεος σου ηυλογημενος, ος ηθελησεν σοι του δουναι σε επι θρονον αυτου εις βασιλεα τω *κυριω θεω σου· εν τω αγαπησαι *κυριον τον θεον σου τον ισραηλ του στησαι αυτον εις αιωνα και εδωκεν σε επ᾽ αυτους εις βασιλεα του ποιησαι κριμα και δικαιοσυνην.
9.9     και εδωκεν τω βασιλει εκατον εικοσι ταλαντα χρυσιου και αρωματα εις πληθος πολυ και λιθον τιμιον· και ουκ ην κατα τα αρωματα εκεινα, α εδωκεν βασιλισσα σαβα τω βασιλει σαλωμων.
9.10    [και οι παιδες σαλωμων και οι παιδες χιραμ εφερον χρυσιον τω σαλωμων εκ σουφιρ και ξυλα πευκινα και λιθον τιμιον·
9.11    και εποιησεν ο βασιλευς τα ξυλα τα πευκινα αναβασεις τω οικω *κυριου και τω οικω του βασιλεως και κιθαρας και ναβλας τοις ωδοις, και ουκ ωφθησαν τοιαυτα εμπροσθεν εν γη ιουδα.]
9.12    και ο βασιλευς σαλωμων εδωκεν τη βασιλισση σαβα παντα τα θεληματα αυτης, α ητησεν, εκτος παντων, ων ηνεγκεν τω βασιλει σαλωμων· και απεστρεψεν εις την γην αυτης.
9.13    και ην ο σταθμος του χρυσιου του ενεχθεντος τω σαλωμων εν ενιαυτω ενι εξακοσια εξηκοντα εξ ταλαντα χρυσιου
9.14    πλην των ανδρων των υποτεταγμενων και των εμπορευομενων, ων εφερον, και παντων των βασιλεων της αραβιας και σατραπων της γης, εφερον χρυσιον και αργυριον τω βασιλει σαλωμων.
9.15    και εποιησεν ο βασιλευς σαλωμων διακοσιους θυρεους χρυσους ελατους, εξακοσιοι χρυσοι καθαροι τω ενι θυρεω, εξακοσιοι χρυσοι επησαν επι τον ενα θυρεον·
9.16    και τριακοσιας ασπιδας ελατας χρυσας, τριακοσιων χρυσων ανεφερετο επι την ασπιδα εκαστην· και εδωκεν αυτας ο βασιλευς εν οικω δρυμου του λιβανου.
9.17    και εποιησεν ο βασιλευς θρονον ελεφαντινον οδοντων μεγαν και κατεχρυσωσεν αυτον χρυσιω δοκιμω·
9.18    και εξ αναβαθμοι τω θρονω ενδεδεμενοι χρυσιω, και αγκωνες ενθεν και ενθεν επι του θρονου της καθεδρας, και δυο λεοντες εστηκοτες παρα τους αγκωνας,
9.19    και δωδεκα λεοντες εστηκοτες εκει επι των εξ αναβαθμων ενθεν και ενθεν· ουκ εγενηθη ουτως εν παση βασιλεια.
9.20    και παντα τα σκευη του βασιλεως σαλωμων χρυσιου, και παντα τα σκευη οικου δρυμου του λιβανου χρυσιω κατειλημμενα, ουκ ην αργυριον λογιζομενον εν ημεραις σαλωμων εις ουθεν·
9.21    οτι ναυς τω βασιλει επορευετο εις θαρσις μετα των παιδων χιραμ, απαξ δια τριων ετων ηρχετο πλοια εκ θαρσις τω βασιλει γεμοντα χρυσιου και αργυριου και οδοντων ελεφαντινων και πιθηκων.
9.22    και εμεγαλυνθη σαλωμων υπερ παντας τους βασιλεις και πλουτω και σοφια.
9.23    και παντες οι βασιλεις της γης εζητουν το προσωπον σαλωμων ακουσαι της σοφιας αυτου, ης εδωκεν ο θεος εν καρδια αυτου.
9.24    και αυτοι εφερον εκαστος τα δωρα αυτου, σκευη αργυρα και σκευη χρυσα και ιματισμον, στακτην και ηδυσματα, ιππους και ημιονους, το κατ᾽ ενιαυτον ενιαυτον.
9.25    και ησαν τω σαλωμων τεσσαρες χιλιαδες θηλειαι ιπποι εις αρματα και δωδεκα χιλιαδες ιππεων, και εθετο αυτους εν πολεσιν των αρματων και μετα του βασιλεως εν ιερουσαλημ.
9.26    και ην ηγουμενος παντων των βασιλεων απο του ποταμου και εως γης αλλοφυλων και εως οριου αιγυπτου.
9.27    και εδωκεν ο βασιλευς το χρυσιον και το αργυριον εν ιερουσαλημ ως λιθους και τας κεδρους ως συκαμινους τας εν τη πεδινη εις πληθος.
9.28    και η εξοδος των ιππων εξ αιγυπτου τω σαλωμων και εκ πασης της γης.
9.29    και οι καταλοιποι λογοι σαλωμων οι πρωτοι και οι εσχατοι ιδου γεγραμμενοι επι των λογων ναθαν του προφητου και επι των λογων αχια του σηλωνιτου και εν ταις ορασεσιν ιωηλ του ορωντος περι ιεροβοαμ υιου ναβατ.
9.30    και εβασιλευσεν σαλωμων ο βασιλευς επι παντα ισραηλ τεσσαρακοντα ετη.
9.31    και εκοιμηθη σαλωμων, και εθαψαν αυτον εν πολει δαυιδ του πατρος αυτου, και εβασιλευσεν ροβοαμ υιος αυτου αντ᾽ αυτου.
10.1    και ηλθεν ροβοαμ εις συχεμ, οτι εις συχεμ ηρχετο πας ισραηλ βασιλευσαι αυτον.
10.2    και εγενετο ως ηκουσεν ιεροβοαμ υιος ναβατ, και αυτος εν αιγυπτω, ως εφυγεν απο προσωπου σαλωμων του βασιλεως, και κατωκησεν ιεροβοαμ εν αιγυπτω, , και απεστρεψεν ιεροβοαμ εξ αιγυπτου.
10.3    και απεστειλαν και εκαλεσαν αυτον, και ηλθεν ιεροβοαμ και πασα η εκκλησια ισραηλ προς ροβοαμ λεγοντες
10.4    ο πατηρ σου εσκληρυνεν τον ζυγον ημων, και νυν αφες απο της δουλειας του πατρος σου της σκληρας και απο του ζυγου αυτου του βαρεος, ου εδωκεν εφ᾽ ημας, και δουλευσομεν σοι.
10.5    και ειπεν αυτοις πορευεσθε εως τριων ημερων και ερχεσθε προς με· και απηλθεν ο λαος.
10.6    και συνηγαγεν ο βασιλευς ροβοαμ τους πρεσβυτερους τους εστηκοτας εναντιον σαλωμων του πατρος αυτου εν τω ζην αυτον λεγων πως υμεις βουλευεσθε του αποκριθηναι τω λαω τουτω λογον;
10.7    και ελαλησαν αυτω λεγοντες εαν εν τη σημερον γενη εις αγαθον τω λαω τουτω και ευδοκησης και λαλησης αυτοις λογους αγαθους, και εσονται σοι παιδες πασας τας ημερας.
10.8    και κατελιπεν την βουλην των πρεσβυτερων, οι συνεβουλευσαντο αυτω, και συνεβουλευσατο μετα των παιδαριων των συνεκτραφεντων μετ᾽ αυτου των εστηκοτων εναντιον αυτου.
10.9    και ειπεν αυτοις τι υμεις βουλευεσθε και αποκριθησομαι λογον τω λαω τουτω, οι ελαλησαν προς με λεγοντες ανες απο του ζυγου, ου εδωκεν ο πατηρ σου εφ᾽ ημας;
10.10   και ελαλησαν αυτω τα παιδαρια τα εκτραφεντα μετ᾽ αυτου ουτως λαλησεις τω λαω τω λαλησαντι προς σε λεγων ο πατηρ σου εβαρυνεν τον ζυγον ημων και συ αφες αφ᾽ ημων, ουτως ερεις ο μικρος δακτυλος μου παχυτερος της οσφυος του πατρος μου·
10.11   και νυν ο πατηρ μου επαιδευσεν υμας ζυγω βαρει και εγω προσθησω επι τον ζυγον υμων, ο πατηρ μου επαιδευσεν υμας εν μαστιγξιν και εγω παιδευσω υμας εν σκορπιοις.
10.12   και ηλθεν ιεροβοαμ και πας ο λαος προς ροβοαμ τη ημερα τη τριτη, ως ελαλησεν ο βασιλευς λεγων επιστρεψατε προς με τη ημερα τη τριτη.
10.13   και απεκριθη ο βασιλευς σκληρα, και εγκατελιπεν ο βασιλευς ροβοαμ την βουλην των πρεσβυτερων
10.14   και ελαλησεν προς αυτους κατα την βουλην των νεωτερων λεγων ο πατηρ μου εβαρυνεν τον ζυγον υμων και εγω προσθησω επ᾽ αυτον, ο πατηρ μου επαιδευσεν υμας εν μαστιγξιν και εγω παιδευσω υμας εν σκορπιοις.
10.15   και ουκ ηκουσεν ο βασιλευς του λαου, οτι ην μεταστροφη παρα του θεου λεγων ανεστησεν *κυριος τον λογον αυτου, ον ελαλησεν εν χειρι αχια του σηλωνιτου περι ιεροβοαμ υιου ναβατ
10.16   και παντος ισραηλ, οτι ουκ ηκουσεν ο βασιλευς αυτων. και απεκριθη ο λαος προς τον βασιλεα λεγων τις ημιν μερις εν δαυιδ και κληρονομια εν υιω ιεσσαι; εις τα σκηνωματα σου, ισραηλ· νυν βλεπε τον οικον σου, δαυιδ. και επορευθη πας ισραηλ εις τα σκηνωματα αυτου·
10.17   και ανδρες ισραηλ οι κατοικουντες εν πολεσιν ιουδα και εβασιλευσεν επ᾽ αυτων ροβοαμ.
10.18   και απεστειλεν ο βασιλευς ροβοαμ τον αδωνιραμ τον επι του φορου, και ελιθοβολησαν αυτον οι υιοι ισραηλ λιθοις και απεθανεν· και ο βασιλευς ροβοαμ εσπευσεν του αναβηναι εις το αρμα του φυγειν εις ιερουσαλημ.
10.19   και ηθετησεν ισραηλ εν τω οικω δαυιδ εως της ημερας ταυτης.
11.1    και ηλθεν ροβοαμ εις ιερουσαλημ και εξεκκλησιασεν τον ιουδαν και βενιαμιν, εκατον ογδοηκοντα χιλιαδας νεανισκων ποιουντων πολεμον, και επολεμει προς ισραηλ του επιστρεψαι την βασιλειαν τω ροβοαμ.
11.2    και εγενετο λογος *κυριου προς σαμαιαν ανθρωπον του θεου λεγων
11.3    ειπον προς ροβοαμ τον του σαλωμων και προς παντα ιουδαν και βενιαμιν λεγων
11.4    ταδε λεγει *κυριος ουκ αναβησεσθε και ου πολεμησετε προς τους αδελφους υμων· αποστρεφετε εκαστος εις τον οικον αυτου, οτι παρ᾽ εμου εγενετο το ρημα τουτο. και επηκουσαν του λογου *κυριου και απεστραφησαν του μη πορευθηναι επι ιεροβοαμ.
11.5    και κατωκησεν ροβοαμ εις ιερουσαλημ και ωκοδομησεν πολεις τειχηρεις εν τη ιουδαια.
11.6    και ωκοδομησεν την βαιθλεεμ και την αιταμ και την θεκωε
11.7    και την βαιθσουρα και την σοκχωθ και την οδολλαμ
11.8    και την γεθ και την μαρισαν και την ζιφ
11.9    και την αδωραιμ και την λαχις και την αζηκα
11.10   και την σαραα και την αιαλων και την χεβρων, η εστιν του ιουδα και βενιαμιν, πολεις τειχηρεις.
11.11   και ωχυρωσεν αυτας τειχεσιν και εδωκεν εν αυταις ηγουμενους και παραθεσεις βρωματων, ελαιον και οινον,
11.12   κατα πολιν και κατα πολιν θυρεους και δορατα, και κατισχυσεν αυτας εις πληθος σφοδρα· και ησαν αυτω ιουδα και βενιαμιν.
11.13   και οι ιερεις και οι λευιται, οι ησαν εν παντι ισραηλ, συνηχθησαν προς αυτον εκ παντων των οριων·
11.14   οτι εγκατελιπον οι λευιται τα σκηνωματα της κατασχεσεως αυτων και επορευθησαν προς ιουδαν εις ιερουσαλημ, οτι εξεβαλεν αυτους ιεροβοαμ και οι υιοι αυτου του μη λειτουργειν *κυριω
11.15   και κατεστησεν εαυτω ιερεις των υψηλων και τοις ειδωλοις και τοις ματαιοις και τοις μοσχοις, α εποιησεν ιεροβοαμ,
11.16   και εξεβαλεν αυτους απο φυλων ισραηλ, οι εδωκαν καρδιαν αυτων του ζητησαι *κυριον θεον ισραηλ, και ηλθον εις ιερουσαλημ θυσαι *κυριω θεω των πατερων αυτων
11.17   και κατισχυσαν την βασιλειαν ιουδα και κατισχυσαν ροβοαμ τον του σαλωμων εις ετη τρια, οτι επορευθη εν ταις οδοις δαυιδ και σαλωμων ετη τρια.
11.18   και ελαβεν εαυτω ροβοαμ γυναικα την μολλαθ θυγατερα ιεριμουθ υιου δαυιδ, αβαιαν θυγατερα ελιαβ του ιεσσαι,
11.19   και ετεκεν αυτω υιους τον ιαους και τον σαμαριαν και τον ροολλαμ.
11.20   και μετα ταυτα ελαβεν εαυτω την μααχα θυγατερα αβεσσαλωμ, και ετεκεν αυτω τον αβια και τον ιεθθι και τον ζιζα και τον εμμωθ.
11.21   και ηγαπησεν ροβοαμ την μααχαν θυγατερα αβεσσαλωμ υπερ πασας τας γυναικας αυτου και τας παλλακας αυτου, οτι γυναικας δεκα οκτω ειχεν και παλλακας τριακοντα· και εγεννησεν υιους εικοσι οκτω και θυγατερας εξηκοντα.
11.22   και κατεστησεν εις αρχοντα ροβοαμ τον αβια τον της μααχα εις ηγουμενον εν τοις αδελφοις αυτου, οτι βασιλευσαι διενοειτο αυτον·
11.23   και ηυξηθη παρα παντας τους υιους αυτου εν πασιν τοις οριοις ιουδα και βενιαμιν και εν ταις πολεσιν ταις οχυραις και εδωκεν αυταις τροφας πληθος πολυ και ητησατο πληθος γυναικων.
12.1    και εγενετο ως ητοιμασθη η βασιλεια ροβοαμ και ως κατεκρατηθη, εγκατελιπεν τας εντολας *κυριου και πας ισραηλ μετ᾽ αυτου.
12.2    και εγενετο εν τω πεμπτω ετει της βασιλειας ροβοαμ ανεβη σουσακιμ βασιλευς αιγυπτου επι ιερουσαλημ, οτι ημαρτον εναντιον *κυριου,
12.3    εν χιλιοις και διακοσιοις αρμασιν και εξηκοντα χιλιασιν ιππων, και ουκ ην αριθμος του πληθους του ελθοντος μετ᾽ αυτου εξ αιγυπτου, λιβυες, τρωγλοδυται και αιθιοπες.
12.4    και κατεκρατησαν των πολεων των οχυρων, αι ησαν εν ιουδα, και ηλθεν εις ιερουσαλημ.
12.5    και σαμαιας ο προφητης ηλθεν προς ροβοαμ και προς τους αρχοντας ιουδα τους συναχθεντας εις ιερουσαλημ απο προσωπου σουσακιμ και ειπεν αυτοις ουτως ειπεν *κυριος υμεις εγκατελιπετε με, καγω εγκαταλειψω υμας εν χειρι σουσακιμ.
12.6    και ησχυνθησαν οι αρχοντες ισραηλ και ο βασιλευς και ειπαν δικαιος ο *κυριος.
12.7    και εν τω ιδειν *κυριον οτι ενετραπησαν, και εγενετο λογος *κυριου προς σαμαιαν λεγων ενετραπησαν, ου καταφθερω αυτους· και δωσω αυτους ως μικρον εις σωτηριαν, και ου μη σταξη ο θυμος μου εν ιερουσαλημ,
12.8    οτι εσονται εις παιδας και γνωσονται την δουλειαν μου και την δουλειαν της βασιλειας της γης.
12.9    και ανεβη σουσακιμ βασιλευς αιγυπτου και ελαβεν τους θησαυρους τους εν οικω *κυριου και τους θησαυρους τους εν οικω του βασιλεως, τα παντα ελαβεν· και ελαβεν τους θυρεους τους χρυσους, ους εποιησεν σαλωμων,
12.10   και εποιησεν ροβοαμ θυρεους χαλκους αντ᾽ αυτων. και κατεστησεν επ᾽ αυτον σουσακιμ αρχοντας παρατρεχοντων τους φυλασσοντας τον πυλωνα του βασιλεως·
12.11   και εγενετο εν τω εισελθειν τον βασιλεα εις οικον *κυριου, εισεπορευοντο οι φυλασσοντες και οι παρατρεχοντες και οι επιστρεφοντες εις απαντησιν των παρατρεχοντων.
12.12   και εν τω εντραπηναι αυτον απεστραφη απ᾽ αυτου οργη *κυριου και ουκ εις καταφθοραν εις τελος· και γαρ εν ιουδα ησαν λογοι αγαθοι.
12.13   και κατισχυσεν ροβοαμ εν ιερουσαλημ και εβασιλευσεν· και τεσσαρακοντα και ενος ετων ροβοαμ εν τω βασιλευσαι αυτον και επτακαιδεκα ετη εβασιλευσεν εν ιερουσαλημ εν τη πολει, η εξελεξατο *κυριος επονομασαι το ονομα αυτου εκει εκ πασων φυλων υιων ισραηλ· και ονομα της μητρος αυτου νοομμα η αμμανιτις.
12.14   και εποιησεν το πονηρον, οτι ου κατευθυνεν την καρδιαν αυτου εκζητησαι τον *κυριον.
12.15   και λογοι ροβοαμ οι πρωτοι και οι εσχατοι ουκ ιδου γεγραμμενοι εν τοις λογοις σαμαια του προφητου και αδδω του ορωντος και πραξεις αυτου; και επολεμει ροβοαμ τον ιεροβοαμ πασας τας ημερας.
12.16   και απεθανεν ροβοαμ και εταφη μετα των πατερων αυτου και εταφη εν πολει δαυιδ, και εβασιλευσεν αβια υιος αυτου αντ᾽ αυτου.
13.1    εν τω οκτωκαιδεκατω ετει της βασιλειας ιεροβοαμ εβασιλευσεν αβια επι ιουδαν·
13.2    ετη τρια εβασιλευσεν εν ιερουσαλημ, και ονομα τη μητρι αυτου μααχα θυγατηρ ουριηλ απο γαβαων. και πολεμος ην ανα μεσον αβια και ανα μεσον ιεροβοαμ.
13.3    και παρεταξατο αβια τον πολεμον εν δυναμει πολεμισταις δυναμεως τετρακοσιαις χιλιασιν ανδρων δυνατων, και ιεροβοαμ παρεταξατο προς αυτον πολεμον εν οκτακοσιαις χιλιασιν, δυνατοι πολεμισται δυναμεως.
13.4    και ανεστη αβια απο του ορους σομορων, ο εστιν εν τω ορει εφραιμ, και ειπεν ακουσατε, ιεροβοαμ και πας ισραηλ.
13.5    ουχ υμιν γνωναι οτι *κυριος ο θεος ισραηλ εδωκεν βασιλειαν επι τον ισραηλ εις τον αιωνα τω δαυιδ και τοις υιοις αυτου διαθηκην αλος;
13.6    και ανεστη ιεροβοαμ ο του ναβατ ο παις σαλωμων του δαυιδ και απεστη απο του κυριου αυτου.
13.7    και συνηχθησαν προς αυτον ανδρες λοιμοι υιοι παρανομοι, και αντεστη προς ροβοαμ τον του σαλωμων, και ροβοαμ ην νεωτερος και δειλος τη καρδια και ουκ αντεστη κατα προσωπον αυτου.
13.8    και νυν λεγετε υμεις αντιστηναι κατα προσωπον βασιλειας *κυριου δια χειρος υιων δαυιδ· και υμεις πληθος πολυ, και μεθ᾽ υμων μοσχοι χρυσοι, ους εποιησεν υμιν ιεροβοαμ εις θεους.
13.9    η ουκ εξεβαλετε τους ιερεις *κυριου τους υιους ααρων και τους λευιτας και εποιησατε εαυτοις ιερεις εκ του λαου της γης; πας ο προσπορευομενος πληρωσαι τας χειρας εν μοσχω εκ βοων και κριοις επτα και εγινετο εις ιερεα τω μη οντι θεω.
13.10   και ημεις *κυριον τον θεον ημων ουκ εγκατελιπομεν, και οι ιερεις αυτου λειτουργουσιν τω *κυριω οι υιοι ααρων και οι λευιται εν ταις εφημεριαις αυτων·
13.11   θυμιωσιν τω *κυριω ολοκαυτωματα πρωι και δειλης και θυμιαμα συνθεσεως, και προθεσεις αρτων επι της τραπεζης της καθαρας, και η λυχνια η χρυση και οι λυχνοι της καυσεως αναψαι δειλης, οτι φυλασσομεν ημεις τας φυλακας *κυριου του θεου των πατερων ημων, και υμεις εγκατελιπετε αυτον.
13.12   και ιδου μεθ᾽ ημων εν αρχη κυριος και οι ιερεις αυτου και αι σαλπιγγες της σημασιας του σημαινειν εφ᾽ υμας. οι υιοι του ισραηλ, πολεμησετε προς *κυριον θεον των πατερων ημων, οτι ουκ ευοδωθησεται υμιν.
13.13   και ιεροβοαμ απεστρεψεν το ενεδρον ελθειν αυτων εκ των οπισθεν· και εγενετο εμπροσθεν ιουδα, και το ενεδρον εκ των οπισθεν.
13.14   και απεστρεψεν ιουδας, και ιδου αυτοις ο πολεμος εκ των εμπροσθεν και εκ των οπισθεν, και εβοησαν προς *κυριον και οι ιερεις εσαλπισαν ταις σαλπιγξιν.
13.15   και εβοησαν ανδρες ιουδα, και εγενετο εν τω βοαν ανδρας ιουδα και κυριος επαταξεν τον ιεροβοαμ και τον ισραηλ εναντιον αβια και ιουδα.
13.16   και εφυγον οι υιοι ισραηλ απο προσωπου ιουδα, και παρεδωκεν αυτους κυριος εις τας χειρας αυτων.
13.17   και επαταξεν εν αυτοις αβια και ο λαος αυτου πληγην μεγαλην, και επεσον τραυματιαι απο ισραηλ πεντακοσιαι χιλιαδες ανδρες δυνατοι.
13.18   και εταπεινωθησαν οι υιοι ισραηλ εν τη ημερα εκεινη, και κατισχυσαν οι υιοι ιουδα, οτι ηλπισαν επι *κυριον θεον των πατερων αυτων.
13.19   και κατεδιωξεν αβια οπισω ιεροβοαμ και προκατελαβετο παρ᾽ αυτου πολεις, την βαιθηλ και τας κωμας αυτης και την ισανα και τας κωμας αυτης και την εφρων και τας κωμας αυτης.
13.20   και ουκ εσχεν ισχυν ιεροβοαμ ετι πασας τας ημερας αβια, και επαταξεν αυτον *κυριος, και ετελευτησεν.
13.21   και κατισχυσεν αβια και ελαβεν εαυτω γυναικας δεκα τεσσαρας και εγεννησεν υιους εικοσι δυο και θυγατερας δεκα εξ.
13.22   και οι λοιποι λογοι αβια και αι πραξεις αυτου και οι λογοι αυτου γεγραμμενοι επι βιβλιω του προφητου αδδω.
14.1    και απεθανεν αβια μετα των πατερων αυτου, και εθαψαν αυτον εν πολει δαυιδ, και εβασιλευσεν ασα υιος αυτου αντ᾽ αυτου. εν ταις ημεραις ασα ησυχασεν η γη ιουδα ετη δεκα.
14.2    και εποιησεν το καλον και το ευθες ενωπιον *κυριου θεου αυτου.
14.3    και απεστησεν τα θυσιαστηρια των αλλοτριων και τα υψηλα και συνετριψεν τας στηλας και εξεκοψεν τα αλση
14.4    και ειπεν τω ιουδα εκζητησαι τον *κυριον θεον των πατερων αυτων και ποιησαι τον νομον και τας εντολας.
14.5    και απεστησεν απο πασων των πολεων ιουδα τα θυσιαστηρια και τα ειδωλα. και ειρηνευσεν·
14.6    πολεις τειχηρεις εν γη ιουδα, οτι ειρηνευσεν η γη· και ουκ ην αυτω πολεμος εν τοις ετεσιν τουτοις, οτι κατεπαυσεν αυτω *κυριος.
14.7    και ειπεν τω ιουδα οικοδομησωμεν τας πολεις ταυτας και ποιησωμεν τειχη και πυργους και πυλας και μοχλους εν ω της γης κυριευσομεν, οτι καθως εξεζητησαμεν *κυριον θεον ημων, εξεζητησεν ημας και κατεπαυσεν ημας κυκλοθεν και ευοδωσεν ημιν.
14.8    και εγενετο τω ασα δυναμις οπλοφορων αιροντων θυρεους και δορατα εν γη ιουδα τριακοσιαι χιλιαδες και εν γη βενιαμιν πελτασται και τοξοται διακοσιαι και πεντηκοντα χιλιαδες, παντες ουτοι πολεμισται δυναμεως.
14.9    και εξηλθεν επ᾽ αυτους ζαρε ο αιθιοψ εν δυναμει, εν χιλιαις χιλιασιν και αρμασιν τριακοσιοις, και ηλθεν εως μαρισα.
14.10   και εξηλθεν ασα εις συναντησιν αυτω και παρεταξατο πολεμον εν τη φαραγγι κατα βορραν μαρισης.
14.11   και εβοησεν ασα προς *κυριον θεον αυτου και ειπεν *κυριε, ουκ αδυνατει παρα σοι σωζειν εν πολλοις και εν ολιγοις· κατισχυσον ημας, *κυριε ο θεος ημων, οτι επι σοι πεποιθαμεν και επι τω ονοματι σου ηλθαμεν επι το πληθος το πολυ τουτο· *κυριε ο θεος ημων, μη κατισχυσατω προς σε ανθρωπος.
14.12   και επαταξεν *κυριος τους αιθιοπας εναντιον ιουδα, και εφυγον οι αιθιοπες·
14.13   και κατεδιωξεν ασα και ο λαος αυτου εως γεδωρ, και επεσον αιθιοπες ωστε μη ειναι εν αυτοις περιποιησιν, οτι συνετριβησαν ενωπιον *κυριου και εναντιον της δυναμεως αυτου· και εσκυλευσαν σκυλα πολλα.
14.14   και εξεκοψαν τας κωμας αυτων κυκλω γεδωρ, οτι εγενηθη εκστασις *κυριου επ᾽ αυτους, και εσκυλευσαν πασας τας πολεις αυτων, οτι πολλα σκυλα εγενηθη αυτοις·
14.15   και γε σκηνας κτησεων, τους αμαζονεις, εξεκοψαν και ελαβον προβατα πολλα και καμηλους και επεστρεψαν εις ιερουσαλημ.
15.1    και αζαριας υιος ωδηδ, εγενετο επ᾽ αυτον πνευμα κυριου,
15.2    και εξηλθεν εις απαντησιν ασα και παντι ιουδα και βενιαμιν και ειπεν ακουσατε μου, ασα και πας ιουδα και βενιαμιν· *κυριος μεθ᾽ υμων εν τω ειναι υμας μετ᾽ αυτου, και εαν εκζητησητε αυτον, ευρεθησεται υμιν, και εαν εγκαταλιπητε αυτον, εγκαταλειψει υμας.
15.3    και ημεραι πολλαι τω ισραηλ εν ου θεω αληθινω και ουχ ιερεως υποδεικνυοντος και εν ου νομω·
15.4    και επιστρεψει επι *κυριον θεον ισραηλ, και ευρεθησεται αυτοις.
15.5    και εν εκεινω τω καιρω ουκ εστιν ειρηνη τω εκπορευομενω και τω εισπορευομενω, οτι εκστασις κυριου επι παντας τους κατοικουντας τας χωρας.
15.6    και πολεμησει εθνος προς εθνος και πολις προς πολιν, οτι ο θεος εξεστησεν αυτους εν παση θλιψει.
15.7    και υμεις ισχυσατε, και μη εκλυεσθωσαν αι χειρες υμων, οτι εστιν μισθος τη εργασια υμων.
15.8    και εν τω ακουσαι τους λογους τουτους και την προφητειαν αδαδ του προφητου και κατισχυσεν και εξεβαλεν τα βδελυγματα απο πασης της γης ιουδα και βενιαμιν και απο των πολεων, ων κατεσχεν εν ορει εφραιμ, και ενεκαινισεν το θυσιαστηριον *κυριου, ο ην εμπροσθεν του ναου *κυριου.
15.9    και εξεκκλησιασεν τον ιουδαν και βενιαμιν και τους προσηλυτους τους παροικουντας μετ᾽ αυτου απο εφραιμ και απο μανασση και απο συμεων, οτι προσετεθησαν προς αυτον πολλοι του ισραηλ εν τω ιδειν αυτους οτι *κυριος ο θεος αυτου μετ᾽ αυτου.
15.10   και συνηχθησαν εις ιερουσαλημ εν τω μηνι τω τριτω εν τω πεντεκαιδεκατω ετει της βασιλειας ασα.
15.11   και εθυσεν τω *κυριω εν εκεινη τη ημερα απο των σκυλων, ων ηνεγκαν, μοσχους επτακοσιους και προβατα επτακισχιλια.
15.12   και διηλθεν εν διαθηκη ζητησαι *κυριον θεον των πατερων αυτων εξ ολης της καρδιας και εξ ολης της ψυχης·
15.13   και πας, ος εαν μη εκζητηση *κυριον θεον ισραηλ, αποθανειται απο νεωτερου εως πρεσβυτερου, απο ανδρος εως γυναικος.
15.14   και ωμοσαν εν τω *κυριω εν φωνη μεγαλη και εν σαλπιγξιν και εν κερατιναις.
15.15   και ηυφρανθησαν πας ιουδα περι του ορκου, οτι εξ ολης της ψυχης ωμοσαν και εν παση θελησει εζητησαν αυτον, και ευρεθη αυτοις και κατεπαυσεν αυτοις *κυριος κυκλοθεν.
15.16   και την μααχα την μητερα αυτου μετεστησεν του μη ειναι τη ασταρτη λειτουργουσαν και κατεκοψεν το ειδωλον και κατεκαυσεν εν χειμαρρω κεδρων.
15.17   πλην τα υψηλα ουκ απεστησαν, ετι υπηρχεν εν τω ισραηλ· αλλ᾽ η καρδια ασα εγενετο πληρης πασας τας ημερας αυτου.
15.18   και εισηνεγκεν τα αγια δαυιδ του πατρος αυτου και τα αγια οικου κυριου του θεου, αργυριον και χρυσιον και σκευη.
15.19   και πολεμος ουκ ην μετ᾽ αυτου εως του πεμπτου και τριακοστου ετους της βασιλειας ασα.
16.1    και εν τω ογδοω και τριακοστω ετει της βασιλειας ασα ανεβη βαασα βασιλευς ισραηλ επι ιουδαν και ωκοδομησεν την ραμα του μη δουναι εξοδον και εισοδον τω ασα βασιλει ιουδα.
16.2    και ελαβεν ασα χρυσιον και αργυριον εκ θησαυρων οικου *κυριου και οικου του βασιλεως και απεστειλεν προς τον υιον του αδερ βασιλεως συριας τον κατοικουντα εν δαμασκω λεγων
16.3    διαθου διαθηκην ανα μεσον εμου και σου και ανα μεσον του πατρος μου και ανα μεσον του πατρος σου· ιδου απεσταλκα σοι χρυσιον και αργυριον, δευρο και διασκεδασον απ᾽ εμου τον βαασα βασιλεα ισραηλ και απελθετω απ᾽ εμου.
16.4    και ηκουσεν υιος αδερ του βασιλεως ασα και απεστειλεν τους αρχοντας της δυναμεως αυτου επι τας πολεις ισραηλ και επαταξεν την ιων και την δαν και την αβελμαιν και πασας τας περιχωρους νεφθαλι.
16.5    και εγενετο εν τω ακουσαι βαασα απελιπεν του μηκετι οικοδομειν την ραμα και κατεπαυσεν το εργον αυτου.
16.6    και ασα ο βασιλευς ελαβεν παντα τον ιουδαν και ελαβεν τους λιθους της ραμα και τα ξυλα αυτης, α ωκοδομησεν βαασα, και ωκοδομησεν εν αυτοις την γαβαε και την μασφα.
16.7    και εν τω καιρω εκεινω ηλθεν ανανι ο προφητης προς ασα βασιλεα ιουδα και ειπεν αυτω εν τω πεποιθεναι σε επι βασιλεα συριας και μη πεποιθεναι σε επι *κυριον θεον σου, δια τουτο εσωθη δυναμις συριας απο της χειρος σου.
16.8    ουχ οι αιθιοπες και λιβυες ησαν εις δυναμιν πολλην εις θαρσος, εις ιππεις εις πληθος σφοδρα; και εν τω πεποιθεναι σε επι *κυριον παρεδωκεν εις τας χειρας σου.
16.9    οτι οι οφθαλμοι *κυριου επιβλεπουσιν εν παση τη γη κατισχυσαι εν παση καρδια πληρει προς αυτον. ηγνοηκας επι τουτω· απο του νυν εσται μετα σου πολεμος.
16.10   και εθυμωθη ασα τω προφητη και παρεθετο αυτον εις φυλακην, οτι ωργισθη επι τουτω· και ελυμηνατο ασα εν τω λαω εν τω καιρω εκεινω.
16.11   και ιδου οι λογοι ασα οι πρωτοι και οι εσχατοι γεγραμμενοι εν βιβλιω βασιλεων ιουδα και ισραηλ.
16.12   και εμαλακισθη ασα εν τω ενατω και τριακοστω ετει της βασιλειας αυτου τους ποδας, εως σφοδρα εμαλακισθη· και εν τη μαλακια αυτου ουκ εζητησεν *κυριον, αλλα τους ιατρους.
16.13   και εκοιμηθη ασα μετα των πατερων αυτου και ετελευτησεν εν τω ενατω και τριακοστω ετει της βασιλειας αυτου,
16.14   και εθαψαν αυτον εν τω μνηματι, ω ωρυξεν εαυτω εν πολει δαυιδ, και εκοιμισαν αυτον επι της κλινης και επλησαν αρωματων και γενη μυρων μυρεψων και εποιησαν αυτω εκφοραν μεγαλην εως σφοδρα.
17.1    και εβασιλευσεν ιωσαφατ υιος αυτου αντ᾽ αυτου, και κατισχυσεν ιωσαφατ επι τον ισραηλ.
17.2    και εδωκεν δυναμιν εν πασαις ταις πολεσιν ιουδα ταις οχυραις και κατεστησεν ηγουμενους εν πασαις ταις πολεσιν ιουδα και εν πολεσιν εφραιμ, ας προκατελαβετο ασα ο πατηρ αυτου.
17.3    και εγενετο *κυριος μετα ιωσαφατ, οτι επορευθη εν οδοις του πατρος αυτου ταις πρωταις και ουκ εξεζητησεν τα ειδωλα,
17.4    αλλα κυριον τον θεον του πατρος αυτου εξεζητησεν και εν ταις εντολαις του πατρος αυτου επορευθη, και ουχ ως του ισραηλ τα εργα.
17.5    και κατηυθυνεν *κυριος την βασιλειαν εν χειρι αυτου, και εδωκεν πας ιουδα δωρα τω ιωσαφατ, και εγενετο αυτω πλουτος και δοξα πολλη.
17.6    και υψωθη καρδια αυτου εν οδω *κυριου, και ετι εξηρεν τα υψηλα και τα αλση απο της γης ιουδα.
17.7    και εν τω τριτω ετει της βασιλειας αυτου απεστειλεν τους ηγουμενους αυτου και τους υιους των δυνατων, τον αβδιαν και ζαχαριαν και ναθαναηλ και μιχαιαν, διδασκειν εν πολεσιν ιουδα,
17.8    και μετ᾽ αυτων οι λευιται σαμουιας και ναθανιας και ζαβδιας και ασιηλ και σεμιραμωθ και ιωναθαν και αδωνιας και τωβιας οι λευιται, και μετ᾽ αυτων ελισαμα και ιωραμ οι ιερεις,
17.9    και εδιδασκον εν ιουδα, και μετ᾽ αυτων βυβλος νομου *κυριου, και διηλθον εν ταις πολεσιν ιουδα και εδιδασκον τον λαον.
17.10   και εγενετο εκστασις *κυριου επι πασαις ταις βασιλειαις της γης ταις κυκλω ιουδα, και ουκ επολεμουν προς ιωσαφατ·
17.11   και απο των αλλοφυλων εφερον τω ιωσαφατ δωρα και αργυριον και δοματα, και οι αραβες εφερον αυτω κριους προβατων επτακισχιλιους επτακοσιους.
17.12   και ην ιωσαφατ πορευομενος μειζων εως εις υψος και ωκοδομησεν οικησεις εν τη ιουδαια και πολεις οχυρας.
17.13   και εργα πολλα εγενετο αυτω εν τη ιουδαια και ανδρες πολεμισται δυνατοι ισχυοντες εν ιερουσαλημ.
17.14   και ουτος αριθμος αυτων κατ᾽ οικους πατριων αυτων· τω ιουδα χιλιαρχοι, εδνας ο αρχων και μετ᾽ αυτου υιοι δυνατοι δυναμεως τριακοσιαι χιλιαδες·
17.15   και μετ᾽ αυτον ιωαναν ο ηγουμενος και μετ᾽ αυτου διακοσιαι ογδοηκοντα χιλιαδες·
17.16   και μετ᾽ αυτον αμασιας ο του ζαχρι ο προθυμουμενος τω *κυριω και μετ᾽ αυτου διακοσιαι χιλιαδες δυνατοι δυναμεως.
17.17   και εκ του βενιαμιν δυνατος δυναμεως ελιαδα και μετ᾽ αυτου τοξοται και πελτασται διακοσιαι χιλιαδες·
17.18   και μετ᾽ αυτον ιωζαβαδ και μετ᾽ αυτου εκατον ογδοηκοντα χιλιαδες δυνατοι πολεμου.
17.19   ουτοι οι λειτουργουντες τω βασιλει εκτος ων εδωκεν ο βασιλευς εν ταις πολεσιν ταις οχυραις εν παση τη ιουδαια.
18.1    και εγενηθη τω ιωσαφατ ετι πλουτος και δοξα πολλη, και επεγαμβρευσατο εν οικω αχααβ.
18.2    και κατεβη δια τελους ετων προς αχααβ εις σαμαρειαν, και εθυσεν αυτω αχααβ προβατα και μοσχους πολλους και τω λαω τω μετ᾽ αυτου και ηπατα αυτον του συναναβηναι μετ᾽ αυτου εις ραμωθ της γαλααδιτιδος.
18.3    και ειπεν αχααβ βασιλευς ισραηλ προς ιωσαφατ βασιλεα ιουδα πορευση μετ᾽ εμου εις ραμωθ της γαλααδιτιδος; και ειπεν αυτω ως εγω, ουτως και συ· ως ο λαος σου, και ο λαος μου μετα σου εις πολεμον.
18.4    και ειπεν ιωσαφατ προς βασιλεα ισραηλ ζητησον δη σημερον τον *κυριον.
18.5    και συνηγαγεν ο βασιλευς ισραηλ τους προφητας, τετρακοσιους ανδρας, και ειπεν αυτοις ει πορευθω εις ραμωθ γαλααδ εις πολεμον η επισχω; και ειπαν αναβαινε, και δωσει ο θεος εις τας χειρας του βασιλεως.
18.6    και ειπεν ιωσαφατ ουκ εστιν ωδε προφητης του *κυριου ετι και επιζητησομεν παρ᾽ αυτου;
18.7    και ειπεν βασιλευς ισραηλ προς ιωσαφατ ετι ανηρ εις του ζητησαι τον *κυριον δι᾽ αυτου, και εγω εμισησα αυτον, οτι ουκ εστιν προφητευων περι εμου εις αγαθα, οτι πασαι αι ημεραι αυτου εις κακα, ουτος μιχαιας υιος ιεμλα. και ειπεν ιωσαφατ μη λαλειτω ο βασιλευς ουτως.
18.8    και εκαλεσεν ο βασιλευς ισραηλ ευνουχον ενα και ειπεν ταχος μιχαιαν υιον ιεμλα.
18.9    και βασιλευς ισραηλ και ιωσαφατ βασιλευς ιουδα καθημενοι εκαστος επι θρονου αυτου και ενδεδυμενοι στολας καθημενοι εν τω ευρυχωρω θυρας πυλης σαμαρειας, και παντες οι προφηται επροφητευον εναντιον αυτων.
18.10   και εποιησεν εαυτω σεδεκιας υιος χανανα κερατα σιδηρα και ειπεν ταδε λεγει *κυριος εν τουτοις κερατιεις την συριαν, εως αν συντελεσθη.
18.11   και παντες οι προφηται επροφητευον ουτως λεγοντες αναβαινε εις ραμωθ γαλααδ και ευοδωθηση, και δωσει *κυριος εις χειρας του βασιλεως.
18.12   και ο αγγελος ο πορευθεις του καλεσαι τον μιχαιαν ελαλησεν αυτω λεγων ιδου ελαλησαν οι προφηται εν στοματι ενι αγαθα περι του βασιλεως, και εστωσαν δη οι λογοι σου ως ενος αυτων, και λαλησεις αγαθα.
18.13   και ειπεν μιχαιας ζη *κυριος οτι ο εαν ειπη ο θεος προς με, αυτο λαλησω.
18.14   και ηλθεν προς τον βασιλεα, και ειπεν αυτω ο βασιλευς μιχαια, ει πορευθω εις ραμωθ γαλααδ εις πολεμον η επισχω; και ειπεν αναβαινε και ευοδωσεις, και δοθησονται εις χειρας υμων.
18.15   και ειπεν αυτω ο βασιλευς ποσακις ορκιζω σε ινα μη λαλησης προς με πλην αληθειαν εν ονοματι *κυριου;
18.16   και ειπεν ειδον τον ισραηλ διεσπαρμενους εν τοις ορεσιν ως προβατα οις ουκ εστιν ποιμην, και ειπεν *κυριος ουκ εχουσιν ηγουμενον, αναστρεφετωσαν εκαστος εις τον οικον αυτου εν ειρηνη.
18.17   και ειπεν ο βασιλευς ισραηλ προς ιωσαφατ ουκ ειπα σοι οτι ου προφητευει περι εμου αγαθα, αλλ᾽ η κακα;
18.18   και ειπεν ουχ ουτως, ακουσατε λογον *κυριου· ειδον τον *κυριον καθημενον επι θρονου αυτου, και πασα δυναμις του ουρανου ειστηκει εκ δεξιων αυτου και εξ αριστερων αυτου.
18.19   και ειπεν *κυριος τις απατησει τον αχααβ βασιλεα ισραηλ και αναβησεται και πεσειται εν ραμωθ γαλααδ; και ειπεν ουτος ουτως, και ουτος ειπεν ουτως.
18.20   και εξηλθεν το πνευμα και εστη ενωπιον *κυριου και ειπεν εγω απατησω αυτον. και ειπεν *κυριος εν τινι;
18.21   και ειπεν εξελευσομαι και εσομαι πνευμα ψευδες εν στοματι παντων των προφητων αυτου. και ειπεν απατησεις και δυνηση, εξελθε και ποιησον ουτως.
18.22   και νυν ιδου εδωκεν *κυριος πνευμα ψευδες εν στοματι παντων των προφητων σου τουτων, και *κυριος ελαλησεν επι σε κακα.
18.23   και ηγγισεν σεδεκιας υιος χανανα και επαταξεν τον μιχαιαν επι την σιαγονα και ειπεν αυτω ποια τη οδω παρηλθεν πνευμα *κυριου παρ᾽ εμου του λαλησαι προς σε;
18.24   και ειπεν μιχαιας ιδου οψη εν τη ημερα εκεινη, εν η εισελευση ταμιειον εκ ταμιειου του κατακρυβηναι.
18.25   και ειπεν βασιλευς ισραηλ λαβετε τον μιχαιαν και αποστρεψατε προς εμηρ αρχοντα της πολεως και προς ιωας αρχοντα υιον του βασιλεως
18.26   και ερεις ουτως ειπεν ο βασιλευς αποθεσθε τουτον εις οικον φυλακης, και εσθιετω αρτον θλιψεως και υδωρ θλιψεως εως του επιστρεψαι με εν ειρηνη.
18.27   και ειπεν μιχαιας εαν επιστρεφων επιστρεψης εν ειρηνη, ουκ ελαλησεν *κυριος εν εμοι· ακουσατε λαοι παντες.
18.28   και ανεβη βασιλευς ισραηλ και ιωσαφατ βασιλευς ιουδα εις ραμωθ γαλααδ.
18.29   και ειπεν βασιλευς ισραηλ προς ιωσαφατ κατακαλυψομαι και εισελευσομαι εις τον πολεμον, και συ ενδυσαι τον ιματισμον μου· και συνεκαλυψατο βασιλευς ισραηλ και εισηλθεν εις τον πολεμον.
18.30   και βασιλευς συριας ενετειλατο τοις αρχουσιν των αρματων τοις μετ᾽ αυτου λεγων μη πολεμειτε τον μικρον και τον μεγαν, αλλ᾽ η τον βασιλεα ισραηλ μονον.
18.31   και εγενετο ως ειδον οι αρχοντες των αρματων τον ιωσαφατ, και αυτοι ειπαν βασιλευς ισραηλ εστιν, και εκυκλωσαν αυτον του πολεμειν· και εβοησεν ιωσαφατ, και *κυριος εσωσεν αυτον, και απεστρεψεν αυτους ο θεος απ᾽ αυτου.
18.32   και εγενετο ως ειδον οι αρχοντες των αρματων οτι ουκ ην βασιλευς ισραηλ, και απεστρεψαν απ᾽ αυτου.
18.33   και ανηρ ενετεινεν τοξον ευστοχως και επαταξεν τον βασιλεα ισραηλ ανα μεσον του πνευμονος και ανα μεσον του θωρακος. και ειπεν τω ηνιοχω επιστρεφε την χειρα σου και εξαγαγε με εκ του πολεμου, οτι επονεσα.
18.34   και ετροπωθη ο πολεμος εν τη ημερα εκεινη, και ο βασιλευς ισραηλ ην εστηκως επι του αρματος εως εσπερας εξ εναντιας συριας και απεθανεν δυνοντος του ηλιου.
19.1    και απεστρεψεν ιωσαφατ βασιλευς ιουδα εις τον οικον αυτου εν ειρηνη εις ιερουσαλημ.
19.2    και εξηλθεν εις απαντησιν αυτου ιου ο του ανανι ο προφητης και ειπεν αυτω βασιλευ ιωσαφατ, ει αμαρτωλω συ βοηθεις η μισουμενω υπο *κυριου φιλιαζεις; δια τουτο εγενετο επι σε οργη παρα *κυριου·
19.3    αλλ᾽ η λογοι αγαθοι ηυρεθησαν εν σοι, οτι εξηρας τα αλση απο της γης ιουδα και κατηυθυνας την καρδιαν σου εκζητησαι τον κυριον.
19.4    και κατωκησεν ιωσαφατ εν ιερουσαλημ και παλιν εξηλθεν εις τον λαον απο βηρσαβεε εως ορους εφραιμ και επεστρεψεν αυτους επι *κυριον θεον των πατερων αυτων.
19.5    και κατεστησεν κριτας εν πασαις ταις πολεσιν ιουδα ταις οχυραις εν πολει και πολει
19.6    και ειπεν τοις κριταις ιδετε τι υμεις ποιειτε, οτι ουκ ανθρωπω υμεις κρινετε, αλλ᾽ η τω *κυριω, και μεθ᾽ υμων λογοι της κρισεως·
19.7    και νυν γενεσθω φοβος *κυριου εφ᾽ υμας, και φυλασσετε και ποιησετε, οτι ουκ εστιν μετα *κυριου θεου ημων αδικια ουδε θαυμασαι προσωπον ουδε λαβειν δωρα.
19.8    και γαρ εν ιερουσαλημ κατεστησεν ιωσαφατ των ιερεων και των λευιτων και των πατριαρχων ισραηλ εις κρισιν *κυριου και κρινειν τους κατοικουντας εν ιερουσαλημ.
19.9    και ενετειλατο προς αυτους λεγων ουτως ποιησετε εν φοβω *κυριου, εν αληθεια και εν πληρει καρδια·
19.10   πας ανηρ κρισιν την ελθουσαν εφ᾽ υμας των αδελφων υμων των κατοικουντων εν ταις πολεσιν αυτων ανα μεσον αιματος αιμα και ανα μεσον προσταγματος και εντολης και δικαιωματα και κριματα και διαστελεισθε αυτοις, και ουχ αμαρτησονται τω *κυριω, και ουκ εσται εφ᾽ υμας οργη και επι τους αδελφους υμων· ουτως ποιησετε και ουχ αμαρτησεσθε.
19.11   και ιδου αμαριας ο ιερευς ηγουμενος εφ᾽ υμας εις παν λογον *κυριου και ζαβδιας υιος ισμαηλ ο ηγουμενος εις οικον ιουδα προς παν λογον βασιλεως και οι γραμματεις και οι λευιται προ προσωπου υμων· ισχυσατε και ποιησατε, και εσται *κυριος μετα του αγαθου.
20.1    και μετα ταυτα ηλθον οι υιοι μωαβ και οι υιοι αμμων και μετ᾽ αυτων εκ των μιναιων προς ιωσαφατ εις πολεμον.
20.2    και ηλθον και υπεδειξαν τω ιωσαφατ λεγοντες ηκει επι σε πληθος πολυ εκ περαν της θαλασσης απο συριας, και ιδου εισιν εν ασασανθαμαρ [αυτη εστιν ενγαδδι].
20.3    και εφοβηθη και εδωκεν ιωσαφατ το προσωπον αυτου εκζητησαι τον *κυριον και εκηρυξεν νηστειαν εν παντι ιουδα.
20.4    και συνηχθη ιουδας εκζητησαι τον *κυριον, και απο πασων των πολεων ιουδα ηλθον ζητησαι τον *κυριον.
20.5    και ανεστη ιωσαφατ εν εκκλησια ιουδα εν ιερουσαλημ εν οικω *κυριου κατα προσωπον της αυλης της καινης
20.6    και ειπεν *κυριε ο θεος των πατερων ημων, ουχι συ ει θεος εν ουρανω και συ κυριευεις πασων των βασιλειων των εθνων και εν τη χειρι σου ισχυς δυναστειας και ουκ εστιν προς σε αντιστηναι;
20.7    ουχι συ ει ο κυριος ο εξολεθρευσας τους κατοικουντας την γην ταυτην απο προσωπου του λαου σου ισραηλ και εδωκας αυτην σπερματι αβρααμ τω ηγαπημενω σου εις τον αιωνα;
20.8    και κατωκησαν εν αυτη και ωκοδομησαν εν αυτη αγιασμα τω ονοματι σου λεγοντες
20.9    εαν επελθη εφ᾽ ημας κακα, ρομφαια, κρισις, θανατος, λιμος, στησομεθα εναντιον του οικου τουτου και εναντιον σου, οτι το ονομα σου επι τω οικω τουτω, και βοησομεθα προς σε απο της θλιψεως, και ακουση και σωσεις.
20.10   και νυν ιδου υιοι αμμων και μωαβ και ορος σηιρ, εις ους ουκ εδωκας τω ισραηλ διελθειν δι᾽ αυτων εξελθοντων αυτων εκ γης αιγυπτου, οτι εξεκλιναν απ᾽ αυτων και ουκ εξωλεθρευσαν αυτους,
20.11   και νυν ιδου αυτοι επιχειρουσιν εφ᾽ ημας εξελθειν εκβαλειν ημας απο της κληρονομιας ημων, ης εδωκας ημιν.
20.12   κυριε ο θεος ημων, ου κρινεις εν αυτοις; οτι ουκ εστιν ημιν ισχυς του αντιστηναι προς το πληθος το πολυ τουτο το ελθον εφ᾽ ημας, και ουκ οιδαμεν τι ποιησωμεν αυτοις, αλλ᾽ η επι σοι οι οφθαλμοι ημων.
20.13   και πας ιουδας εστηκως εναντι *κυριου και τα παιδια αυτων και αι γυναικες.
20.14   και τω οζιηλ τω του ζαχαριου των υιων βαναιου των υιων ελεηλ του μανθανιου του λευιτου απο των υιων ασαφ, εγενετο επ᾽ αυτον πνευμα *κυριου εν τη εκκλησια,
20.15   και ειπεν ακουσατε, πας ιουδα και οι κατοικουντες ιερουσαλημ και ο βασιλευς ιωσαφατ, ταδε λεγει *κυριος υμιν αυτοις μη φοβεισθε μηδε πτοηθητε απο προσωπου του οχλου του πολλου τουτου, οτι ουχ υμιν εστιν η παραταξις, αλλ᾽ η τω θεω.
20.16   αυριον καταβητε επ᾽ αυτους· ιδου αναβαινουσιν κατα την αναβασιν ασας, και ευρησετε αυτους επ᾽ ακρου ποταμου της ερημου ιεριηλ.
20.17   ουχ υμιν εστιν πολεμησαι· ταυτα συνετε και ιδετε την σωτηριαν *κυριου μεθ᾽ υμων, ιουδα και ιερουσαλημ· μη φοβεισθε μηδε πτοηθητε αυριον εξελθειν εις απαντησιν αυτοις, και *κυριος μεθ᾽ υμων.
20.18   και κυψας ιωσαφατ επι προσωπον αυτου και πας ιουδα και οι κατοικουντες ιερουσαλημ επεσαν εναντι *κυριου προσκυνησαι *κυριω.
20.19   και ανεστησαν οι λευιται απο των υιων κααθ και απο των υιων κορε αινειν *κυριω θεω ισραηλ εν φωνη μεγαλη εις υψος.
20.20   και ωρθρισαν πρωι και εξηλθον εις την ερημον θεκωε, και εν τω εξελθειν εστη ιωσαφατ και εβοησεν και ειπεν ακουσατε μου, ιουδα και οι κατοικουντες εν ιερουσαλημ· εμπιστευσατε εν *κυριω θεω υμων, και εμπιστευθησεσθε· εμπιστευσατε εν προφητη αυτου, και ευοδωθησεσθε.
20.21   και εβουλευσατο μετα του λαου και εστησεν ψαλτωδους και αινουντας εξομολογεισθαι και αινειν τα αγια εν τω εξελθειν εμπροσθεν της δυναμεως, και ελεγον εξομολογεισθε τω *κυριω, οτι εις τον αιωνα το ελεος αυτου.
20.22   και εν τω αρξασθαι της αινεσεως αυτου της εξομολογησεως εδωκεν *κυριος πολεμειν τους υιους αμμων επι μωαβ και ορος σηιρ τους εξελθοντας επι ιουδαν, και ετροπωθησαν.
20.23   και ανεστησαν οι υιοι αμμων και μωαβ επι τους κατοικουντας ορος σηιρ εξολεθρευσαι και εκτριψαι· και ως συνετελεσαν τους κατοικουντας σηιρ, ανεστησαν εις αλληλους του εξολεθρευθηναι.
20.24   και ιουδας ηλθεν επι την σκοπιαν της ερημου και επεβλεψεν και ειδεν το πληθος, και ιδου παντες νεκροι πεπτωκοτες επι της γης, ουκ ην σωζομενος.
20.25   και ηλθεν ιωσαφατ και ο λαος αυτου σκυλευσαι τα σκυλα αυτων και ευρον κτηνη πολλα και αποσκευην και σκυλα και σκευη επιθυμητα και εσκυλευσαν εαυτοις, και εγενοντο ημεραι τρεις σκυλευοντων αυτων τα σκυλα, οτι πολλα ην.
20.26   και τη ημερα τη τεταρτη επισυνηχθησαν εις τον αυλωνα της ευλογιας, εκει γαρ ηυλογησαν τον *κυριον· δια τουτο εκαλεσαν το ονομα του τοπου εκεινου κοιλας ευλογιας εως της ημερας ταυτης.
20.27   και επεστρεψεν πας ανηρ ιουδα εις ιερουσαλημ και ιωσαφατ ηγουμενος αυτων εν ευφροσυνη μεγαλη, οτι ευφρανεν αυτους *κυριος απο των εχθρων αυτων,
20.28   και εισηλθον εις ιερουσαλημ εν ναβλαις και εν κινυραις και εν σαλπιγξιν εις οικον *κυριου.
20.29   και εγενετο εκστασις κυριου επι πασας τας βασιλειας της γης εν τω ακουσαι αυτους οτι επολεμησεν *κυριος προς τους υπεναντιους ισραηλ.
20.30   και ειρηνευσεν η βασιλεια ιωσαφατ, και κατεπαυσεν αυτω ο θεος αυτου κυκλοθεν.
20.31   και εβασιλευσεν ιωσαφατ επι τον ιουδαν ετων τριακοντα πεντε εν τω βασιλευσαι αυτον και εικοσι πεντε ετη εβασιλευσεν εν ιερουσαλημ, και ονομα τη μητρι αυτου αζουβα θυγατηρ σαλι.
20.32   και επορευθη εν ταις οδοις του πατρος αυτου ασα και ουκ εξεκλινεν του ποιησαι το ευθες ενωπιον *κυριου·
20.33   αλλα τα υψηλα ετι υπηρχεν, και ετι ο λαος ου κατευθυνεν την καρδιαν προς κυριον θεον των πατερων αυτων.
20.34   και οι λοιποι λογοι ιωσαφατ οι πρωτοι και οι εσχατοι ιδου γεγραμμενοι εν λογοις ιου του ανανι, ος κατεγραψεν βιβλιον βασιλεων ισραηλ.
20.35   και μετα ταυτα εκοινωνησεν ιωσαφατ βασιλευς ιουδα προς οχοζιαν βασιλεα ισραηλ [και ουτος ηνομησεν]
20.36   εν τω ποιησαι και πορευθηναι προς αυτον του ποιησαι πλοια του πορευθηναι εις θαρσις και εποιησεν πλοια εν γασιωνγαβερ.
20.37   και επροφητευσεν ελιεζερ ο του δωδια απο μαρισης επι ιωσαφατ λεγων ως εφιλιασας τω οχοζια, εθραυσεν *κυριος το εργον σου, και συνετριβη τα πλοια σου. και ουκ εδυνασθη του πορευθηναι εις θαρσις.
21.1    και εκοιμηθη ιωσαφατ μετα των πατερων αυτου και εταφη παρα τοις πατρασιν αυτου εν πολει δαυιδ, και εβασιλευσεν ιωραμ υιος αυτου αντ᾽ αυτου.
21.2    και αυτω αδελφοι υιοι ιωσαφατ εξ, αζαριας και ιιηλ και ζαχαριας και αζαριας και μιχαηλ και σαφατιας· παντες ουτοι υιοι ιωσαφατ βασιλεως ιουδα.
21.3    και εδωκεν αυτοις ο πατηρ αυτων δοματα πολλα, αργυριον και χρυσιον και οπλα μετα πολεων τετειχισμενων εν ιουδα· και την βασιλειαν εδωκεν τω ιωραμ, οτι ουτος ο πρωτοτοκος.
21.4    και ανεστη ιωραμ επι την βασιλειαν αυτου και εκραταιωθη και απεκτεινεν παντας τους αδελφους αυτου εν ρομφαια και απο των αρχοντων ισραηλ.
21.5    οντος αυτου τριακοντα και δυο ετων κατεστη ιωραμ επι την βασιλειαν αυτου και οκτω ετη εβασιλευσεν εν ιερουσαλημ.
21.6    και επορευθη εν οδω βασιλεων ισραηλ, ως εποιησεν οικος αχααβ, οτι θυγατηρ αχααβ ην αυτου γυνη, και εποιησεν το πονηρον εναντιον *κυριου.
21.7    και ουκ εβουλετο *κυριος εξολεθρευσαι τον οικον δαυιδ δια την διαθηκην, ην διεθετο τω δαυιδ, και ως ειπεν αυτω δουναι αυτω λυχνον και τοις υιοις αυτου πασας τας ημερας.
21.8    εν ταις ημεραις εκειναις απεστη εδωμ απο του ιουδα και εβασιλευσαν εφ᾽ εαυτους βασιλεα.
21.9    και ωχετο ιωραμ μετα των αρχοντων και πασα η ιππος μετ᾽ αυτου· και εγενετο και ηγερθη νυκτος και επαταξεν εδωμ τον κυκλουντα αυτον και τους αρχοντας των αρματων, και εφυγεν ο λαος εις τα σκηνωματα αυτων.
21.10   και απεστη απο ιουδα εδωμ εως της ημερας ταυτης· τοτε απεστη λομνα εν τω καιρω εκεινω απο χειρος αυτου, οτι εγκατελιπεν *κυριον θεον των πατερων αυτου.
21.11   και γαρ αυτος εποιησεν υψηλα εν πολεσιν ιουδα και εξεπορνευσεν τους κατοικουντας εν ιερουσαλημ και απεπλανησεν τον ιουδαν.
21.12   και ηλθεν αυτω εγγραφη παρα ηλιου του προφητου λεγων ταδε λεγει *κυριος ο θεος δαυιδ του πατρος σου ανθ᾽ ων ουκ επορευθης εν οδω ιωσαφατ του πατρος σου και εν οδοις ασα βασιλεως ιουδα
21.13   και επορευθης εν οδοις βασιλεων ισραηλ και εξεπορνευσας τον ιουδαν και τους κατοικουντας εν ιερουσαλημ, ως εξεπορνευσεν οικος αχααβ, και τους αδελφους σου υιους του πατρος σου τους αγαθους υπερ σε απεκτεινας,
21.14   ιδου *κυριος παταξει σε πληγην μεγαλην εν τω λαω σου και εν τοις υιοις σου και εν γυναιξιν σου και εν παση τη αποσκευη σου,
21.15   και συ εν μαλακια πονηρα, εν νοσω κοιλιας, εως ου εξελθη η κοιλια σου μετα της μαλακιας εξ ημερων εις ημερας.
21.16   και επηγειρεν *κυριος επι ιωραμ τους αλλοφυλους και τους αραβας και τους ομορους των αιθιοπων,
21.17   και ανεβησαν επι ιουδαν και κατεδυναστευον και απεστρεψαν πασαν την αποσκευην, ην ευρον εν οικω του βασιλεως, και τους υιους αυτου και τας θυγατερας αυτου, και ου κατελειφθη αυτω υιος αλλ᾽ η οχοζιας ο μικροτατος των υιων αυτου.
21.18   και μετα ταυτα παντα επαταξεν αυτον *κυριος εις την κοιλιαν μαλακια, εν η ουκ εστιν ιατρεια·
21.19   και εγενετο εξ ημερων εις ημερας, και ως ηλθεν καιρος των ημερων ημερας δυο, εξηλθεν η κοιλια αυτου μετα της νοσου, και απεθανεν εν μαλακια πονηρα. και ουκ εποιησεν ο λαος αυτου εκφοραν καθως εκφοραν πατερων αυτου.
21.20   ην τριακοντα και δυο ετων, οτε εβασιλευσεν, και οκτω ετη εβασιλευσεν εν ιερουσαλημ· και επορευθη εν ουκ επαινω και εταφη εν πολει δαυιδ και ουκ εν ταφοις των βασιλεων.
22.1    και εβασιλευσαν οι κατοικουντες εν ιερουσαλημ τον οχοζιαν υιον αυτου τον μικρον αντ᾽ αυτου, οτι παντας τους πρεσβυτερους απεκτεινεν το ληστηριον το επελθον επ᾽ αυτους, οι αραβες και οι αλιμαζονεις· και εβασιλευσεν οχοζιας υιος ιωραμ βασιλεως ιουδα.
22.2    ων εικοσι ετων οχοζιας εβασιλευσεν και ενιαυτον ενα εβασιλευσεν εν ιερουσαλημ, και ονομα τη μητρι αυτου γοθολια θυγατηρ αμβρι.
22.3    και ουτος επορευθη εν οδω οικου αχααβ, οτι μητηρ αυτου ην συμβουλος του αμαρτανειν·
22.4    και εποιησεν το πονηρον εναντιον *κυριου ως οικος αχααβ, οτι αυτοι ησαν αυτω μετα το αποθανειν τον πατερα αυτου συμβουλοι του εξολεθρευσαι αυτον,
22.5    και εν ταις βουλαις αυτων επορευθη. και επορευθη μετα ιωραμ υιου αχααβ εις πολεμον επι αζαηλ βασιλεα συριας εις ραμα γαλααδ· και επαταξαν οι τοξοται τον ιωραμ.
22.6    και επεστρεψεν ιωραμ του ιατρευθηναι εις ιεζραελ απο των πληγων, ων επαταξαν αυτον οι συροι εν ραμα εν τω πολεμειν αυτον προς αζαηλ βασιλεα συριας· και οχοζιας υιος ιωραμ βασιλευς ιουδα κατεβη θεασασθαι τον ιωραμ υιον αχααβ εις ιεζραελ, οτι ηρρωστει.
22.7    και παρα του θεου εγενετο καταστροφη οχοζια ελθειν προς ιωραμ· και εν τω ελθειν αυτον εξηλθεν μετ᾽ αυτου ιωραμ προς ιου υιον ναμεσσι χριστον *κυριου τον οικον αχααβ.
22.8    και εγενετο ως εξεδικησεν ιου τον οικον αχααβ, και ευρεν τους αρχοντας ιουδα και τους αδελφους οχοζια λειτουργουντας τω οχοζια και απεκτεινεν αυτους.
22.9    και ειπεν του ζητησαι τον οχοζιαν, και κατελαβον αυτον ιατρευομενον εν σαμαρεια και ηγαγον αυτον προς ιου, και απεκτεινεν αυτον. και εθαψαν αυτον, οτι ειπαν υιος ιωσαφατ εστιν, ος εζητησεν τον *κυριον εν ολη καρδια αυτου. και ουκ ην εν οικω οχοζια κατισχυσαι δυναμιν περι της βασιλειας.
22.10   και γοθολια η μητηρ οχοζια ειδεν οτι τεθνηκεν αυτης ο υιος, και ηγερθη και απωλεσεν παν το σπερμα της βασιλειας εν οικω ιουδα.
22.11   και ελαβεν ιωσαβεθ η θυγατηρ του βασιλεως τον ιωας υιον οχοζια και εκλεψεν αυτον εκ μεσου υιων του βασιλεως των θανατουμενων και εδωκεν αυτον και την τροφον αυτου εις ταμιειον των κλινων· και εκρυψεν αυτον ιωσαβεθ θυγατηρ του βασιλεως ιωραμ αδελφη οχοζιου γυνη ιωδαε του ιερεως και εκρυψεν αυτον απο προσωπου γοθολιας, και ουκ απεκτεινεν αυτον.
22.12   και ην μετ᾽ αυτης εν οικω του θεου κατακεκρυμμενος εξ ετη, και γοθολια εβασιλευσεν επι της γης.
23.1    και εν τω ετει τω εβδομω εκραταιωσεν ιωδαε και ελαβεν τους εκατονταρχους, τον αζαριαν υιον ιωραμ και τον ισμαηλ υιον ιωαναν και τον αζαριαν υιον ωβηδ και τον μαασαιαν υιον αδαια και τον ελισαφαν υιον ζαχαρια, μετ᾽ αυτου εις οικον.
23.2    και εκυκλωσαν τον ιουδαν και συνηγαγον τους λευιτας εκ πασων των πολεων ιουδα και αρχοντας πατριων του ισραηλ, και ηλθον εις ιερουσαλημ.
23.3    και διεθεντο πασα εκκλησια ιουδα διαθηκην εν οικω του θεου μετα του βασιλεως, και εδειξεν αυτοις τον υιον του βασιλεως και ειπεν αυτοις ιδου ο υιος του βασιλεως βασιλευσατω, καθως ελαλησεν *κυριος επι τον οικον δαυιδ.
23.4    νυν ο λογος ουτος, ον ποιησετε· το τριτον εξ υμων εισπορευεσθωσαν το σαββατον, των ιερεων και των λευιτων, και εις τας πυλας των εισοδων,
23.5    και το τριτον εν οικω του βασιλεως, και το τριτον εν τη πυλη τη μεση, και πας ο λαος εν αυλαις οικου *κυριου.
23.6    και μη εισελθετω εις οικον *κυριου εαν μη οι ιερεις και οι λευιται και οι λειτουργουντες των λευιτων· αυτοι εισελευσονται, οτι αγιοι εισιν, και πας ο λαος φυλασσετω φυλακας *κυριου.
23.7    και κυκλωσουσιν οι λευιται τον βασιλεα κυκλω, ανδρος σκευος εν χειρι αυτου, και ο εισπορευομενος εις τον οικον αποθανειται· και εσονται μετα του βασιλεως εισπορευομενου και εκπορευομενου.
23.8    και εποιησαν οι λευιται και πας ιουδα κατα παντα, οσα ενετειλατο ιωδαε ο ιερευς, και ελαβον εκαστος τους ανδρας αυτου απ᾽ αρχης του σαββατου εως εξοδου του σαββατου, οτι ου κατελυσεν ιωδαε τας εφημεριας.
23.9    και εδωκεν τας μαχαιρας και τους θυρεους και τα οπλα, α ην του βασιλεως δαυιδ, εν οικω του θεου.
23.10   και εστησεν παντα τον λαον, εκαστον εν τοις οπλοις αυτου, απο της ωμιας του οικου της δεξιας εως της ωμιας της αριστερας του θυσιαστηριου και του οικου επι τον βασιλεα κυκλω.
23.11   και εξηγαγεν τον υιον του βασιλεως και εδωκεν επ᾽ αυτον το βασιλειον και τα μαρτυρια, και εβασιλευσαν και εχρισαν αυτον ιωδαε και οι υιοι αυτου και ειπαν ζητω ο βασιλευς.
23.12   και ηκουσεν γοθολια την φωνην του λαου των τρεχοντων και εξομολογουμενων και αινουντων τον βασιλεα και εισηλθεν προς τον βασιλεα εις οικον *κυριου.
23.13   και ειδεν και ιδου ο βασιλευς επι της στασεως αυτου, και επι της εισοδου οι αρχοντες και αι σαλπιγγες περι τον βασιλεα, και πας ο λαος ηυφρανθη και εσαλπισαν εν ταις σαλπιγξιν και οι αδοντες εν τοις οργανοις ωδοι και υμνουντες αινον· και διερρηξεν γοθολια την στολην αυτης και εβοησεν και ειπεν επιτιθεμενοι επιτιθεσθε.
23.14   και εξηλθεν ιωδαε ο ιερευς, και ενετειλατο ιωδαε ο ιερευς τοις εκατονταρχοις και τοις αρχηγοις της δυναμεως και ειπεν αυτοις εκβαλετε αυτην εκτος του οικου και εισελθατε οπισω αυτης, και αποθανετω μαχαιρα· οτι ειπεν ο ιερευς μη αποθανετω εν οικω *κυριου.
23.15   και εδωκαν αυτη ανεσιν, και διηλθεν δια της πυλης των ιππεων του οικου του βασιλεως, και εθανατωσαν αυτην εκει.
23.16   και διεθετο ιωδαε διαθηκην ανα μεσον αυτου και του λαου και του βασιλεως ειναι λαον τω *κυριω.
23.17   και εισηλθεν πας ο λαος της γης εις οικον βααλ και κατεσπασαν αυτον και τα θυσιαστηρια και τα ειδωλα αυτου ελεπτυναν και τον ματθαν ιερεα της βααλ εθανατωσαν εναντιον των θυσιαστηριων αυτου.
23.18   και ενεχειρησεν ιωδαε ο ιερευς τα εργα οικου *κυριου δια χειρος ιερεων και λευιτων και ανεστησεν τας εφημεριας των ιερεων και των λευιτων, ας διεστειλεν δαυιδ επι τον οικον *κυριου και ανενεγκαι ολοκαυτωματα *κυριω, καθως γεγραπται εν νομω μωυση, εν ευφροσυνη και εν ωδαις δια χειρος δαυιδ.
23.19   και εστησαν οι πυλωροι επι τας πυλας οικου *κυριου, και ουκ εισελευσεται ακαθαρτος εις παν πραγμα.
23.20   και ελαβεν τους πατριαρχας και τους δυνατους και τους αρχοντας του λαου και παντα τον λαον της γης και ανεβιβασαν τον βασιλεα εις οικον *κυριου, και εισηλθεν δια της πυλης της εσωτερας εις τον οικον του βασιλεως, και εκαθισαν τον βασιλεα επι τον θρονον της βασιλειας.
23.21   και ηυφρανθη πας ο λαος της γης, και η πολις ησυχασεν· και την γοθολιαν εθανατωσαν μαχαιρα.
24.1    ων επτα ετων ιωας εν τω βασιλευσαι αυτον και τεσσαρακοντα ετη εβασιλευσεν εν ιερουσαλημ, και ονομα τη μητρι αυτου σαβια εκ βηρσαβεε.
24.2    και εποιησεν ιωας το ευθες ενωπιον *κυριου πασας τας ημερας ιωδαε του ιερεως.
24.3    και ελαβεν αυτω ιωδαε γυναικας δυο, και εγεννησεν υιους και θυγατερας.
24.4    και εγενετο μετα ταυτα και εγενετο επι καρδιαν ιωας επισκευασαι τον οικον *κυριου.
24.5    και συνηγαγεν τους ιερεις και τους λευιτας και ειπεν αυτοις εξελθατε εις τας πολεις ιουδα και συναγαγετε απο παντος ισραηλ αργυριον κατισχυσαι τον οικον κυριου ενιαυτον κατ᾽ ενιαυτον και σπευσατε λαλησαι· και ουκ εσπευσαν οι λευιται.
24.6    και εκαλεσεν ο βασιλευς ιωας τον ιωδαε τον αρχοντα και ειπεν αυτω δια τι ουκ επεσκεψω περι των λευιτων του εισενεγκαι απο ιουδα και ιερουσαλημ το κεκριμενον υπο μωυση ανθρωπου του θεου, οτε εξεκκλησιασεν τον ισραηλ εις την σκηνην του μαρτυριου;
24.7    οτι γοθολια ην η ανομος, και οι υιοι αυτης κατεσπασαν τον οικον του θεου, και γαρ τα αγια οικου *κυριου εποιησαν ταις βααλιμ.
24.8    και ειπεν ο βασιλευς γενηθητω γλωσσοκομον και τεθητω εν πυλη οικου *κυριου εξω·
24.9    και κηρυξατωσαν εν ιουδα και εν ιερουσαλημ εισενεγκαι *κυριω, καθως ειπεν μωυσης παις του θεου επι τον ισραηλ εν τη ερημω.
24.10   και εδωκαν παντες αρχοντες και πας ο λαος και εισεφερον και ενεβαλλον εις το γλωσσοκομον, εως ου επληρωθη.
24.11   και εγενετο ως εισεφερον το γλωσσοκομον προς τους προστατας του βασιλεως δια χειρος των λευιτων και ως ειδον οτι επλεονασεν το αργυριον, και ηλθεν ο γραμματευς του βασιλεως και ο προστατης του ιερεως του μεγαλου και εξεκενωσαν το γλωσσοκομον και κατεστησαν εις τον τοπον αυτου· ουτως εποιουν ημεραν εξ ημερας και συνηγαγον αργυριον πολυ.
24.12   και εδωκεν αυτο ο βασιλευς και ιωδαε ο ιερευς τοις ποιουσιν τα εργα εις την εργασιαν οικου *κυριου, και εμισθουντο λατομους και τεκτονας επισκευασαι τον οικον *κυριου και χαλκεις σιδηρου και χαλκου επισκευασαι τον οικον *κυριου.
24.13   και εποιουν οι ποιουντες τα εργα, και ανεβη μηκος των εργων εν χερσιν αυτων, και ανεστησαν τον οικον κυριου επι την στασιν αυτου και ενισχυσαν.
24.14   και ως συνετελεσαν, ηνεγκαν προς τον βασιλεα και προς ιωδαε το καταλοιπον του αργυριου, και εποιησαν σκευη εις οικον *κυριου, σκευη λειτουργικα ολοκαυτωματων και θυισκας χρυσας και αργυρας. και ανηνεγκαν ολοκαυτωσεις εν οικω *κυριου δια παντος πασας τας ημερας ιωδαε.
24.15   και εγηρασεν ιωδαε πληρης ημερων και ετελευτησεν ων εκατον και τριακοντα ετων εν τω τελευταν αυτον·
24.16   και εθαψαν αυτον εν πολει δαυιδ μετα των βασιλεων, οτι εποιησεν αγαθωσυνην μετα ισραηλ και μετα του θεου και του οικου αυτου.
24.17   και εγενετο μετα την τελευτην ιωδαε εισηλθον οι αρχοντες ιουδα και προσεκυνησαν τον βασιλεα· τοτε επηκουσεν αυτοις ο βασιλευς.
24.18   και εγκατελιπον τον *κυριον θεον των πατερων αυτων και εδουλευον ταις ασταρταις και τοις ειδωλοις· και εγενετο οργη επι ιουδαν και επι ιερουσαλημ εν τη ημερα ταυτη.
24.19   και απεστειλεν προς αυτους προφητας επιστρεψαι προς *κυριον, και ουκ ηκουσαν· και διεμαρτυραντο αυτοις, και ουκ ηκουσαν.
24.20   και πνευμα θεου ενεδυσεν τον αζαριαν τον του ιωδαε τον ιερεα, και ανεστη επανω του λαου και ειπεν ταδε λεγει *κυριος τι παραπορευεσθε τας εντολας *κυριου ;και ουκ ευοδωθησεσθε, οτι εγκατελιπετε τον *κυριον, και εγκαταλειψει υμας.
24.21   και επεθεντο αυτω και ελιθοβολησαν αυτον δι᾽ εντολης ιωας του βασιλεως εν αυλη οικου *κυριου.
24.22   και ουκ εμνησθη ιωας του ελεους, ου εποιησεν μετ᾽ αυτου ιωδαε ο πατηρ αυτου, και εθανατωσεν τον υιον αυτου. και ως απεθνησκεν, ειπεν ιδοι *κυριος και κρινατω.
24.23   και εγενετο μετα την συντελειαν του ενιαυτου ανεβη επ᾽ αυτον δυναμις συριας και ηλθεν επι ιουδαν και επι ιερουσαλημ και κατεφθειραν παντας τους αρχοντας του λαου εν τω λαω και παντα τα σκυλα αυτων απεστειλαν τω βασιλει δαμασκου.
24.24   οτι εν ολιγοις ανδρασιν παρεγενετο δυναμις συριας, και ο *θεος παρεδωκεν εις τας χειρας αυτων δυναμιν πολλην σφοδρα, οτι εγκατελιπον *κυριον θεον των πατερων αυτων· και μετα ιωας εποιησεν κριματα.
24.25   και μετα το απελθειν αυτους απ᾽ αυτου εν τω εγκαταλιπειν αυτον εν μαλακιαις μεγαλαις και επεθεντο αυτω οι παιδες αυτου εν αιμασιν υιου ιωδαε του ιερεως και εθανατωσαν αυτον επι της κλινης αυτου, και απεθανεν· και εθαψαν αυτον εν πολει δαυιδ και ουκ εθαψαν αυτον εν τω ταφω των βασιλεων.
24.26   και οι επιθεμενοι επ᾽ αυτον ζαβεδ ο του σαμαθ ο αμμανιτης και ιωζαβεδ ο του σομαρωθ ο μωαβιτης
24.27   και οι υιοι αυτου παντες, και προσηλθον αυτω οι πεντε. και τα λοιπα ιδου γεγραμμενα επι την γραφην των βασιλεων· και εβασιλευσεν αμασιας υιος αυτου αντ᾽ αυτου.
25.1    ων πεντε και εικοσι ετων εβασιλευσεν αμασιας και εικοσι εννεα ετη εβασιλευσεν εν ιερουσαλημ, και ονομα τη μητρι αυτου ιωαδεν απο ιερουσαλημ.
25.2    και εποιησεν το ευθες ενωπιον *κυριου, αλλ᾽ ουκ εν καρδια πληρει.
25.3    και εγενετο ως κατεστη η βασιλεια εν χειρι αυτου, και εθανατωσεν τους παιδας αυτου τους φονευσαντας τον βασιλεα πατερα αυτου·
25.4    και τους υιους αυτων ουκ απεκτεινεν κατα την διαθηκην του νομου *κυριου, καθως γεγραπται, ως ενετειλατο *κυριος λεγων ουκ αποθανουνται πατερες υπερ τεκνων, και υιοι ουκ αποθανουνται υπερ πατερων, αλλ᾽ η εκαστος τη εαυτου αμαρτια αποθανουνται.
25.5    και συνηγαγεν αμασιας τον οικον ιουδα και ανεστησεν αυτους κατ᾽ οικους πατριων αυτων εις χιλιαρχους και εκατονταρχους εν παντι ιουδα και ιερουσαλημ· και ηριθμησεν αυτους απο εικοσαετους και επανω και ευρεν αυτους τριακοσιας χιλιαδας δυνατους εξελθειν εις πολεμον κρατουντας δορυ και θυρεον.
25.6    και εμισθωσατο απο ισραηλ εκατον χιλιαδας δυνατους ισχυι εκατον ταλαντων αργυριου.
25.7    και ανθρωπος του θεου ηλθεν προς αυτον λεγων βασιλευ, ου πορευσεται μετα σου δυναμις ισραηλ, οτι ουκ εστιν *κυριος μετα ισραηλ, παντων των υιων εφραιμ·
25.8    οτι εαν υπολαβης κατισχυσαι εν τουτοις, και τροπωσεται σε κυριος εναντιον των εχθρων, οτι εστιν παρα κυριου και ισχυσαι και τροπωσασθαι.
25.9    και ειπεν αμασιας τω ανθρωπω του θεου και τι ποιησω τα εκατον ταλαντα, α εδωκα τη δυναμει ισραηλ; και ειπεν ο ανθρωπος του θεου εστιν τω *κυριω δουναι σοι πλειστα τουτων.
25.10   και διεχωρισεν αμασιας τη δυναμει τη ελθουση προς αυτον απο εφραιμ απελθειν εις τον τοπον αυτων, και εθυμωθησαν σφοδρα επι ιουδαν και επεστρεψαν εις τον τοπον αυτων εν οργη θυμου.
25.11   και αμασιας κατισχυσεν και παρελαβεν τον λαον αυτου και επορευθη εις την κοιλαδα των αλων και επαταξεν εκει τους υιους σηιρ δεκα χιλιαδας·
25.12   και δεκα χιλιαδας εζωγρησαν οι υιοι ιουδα και εφερον αυτους επι το ακρον του κρημνου και κατεκρημνιζον αυτους απο του ακρου του κρημνου, και παντες διερρηγνυντο.
25.13   και οι υιοι της δυναμεως, ους απεστρεψεν αμασιας του μη πορευθηναι μετ᾽ αυτου εις πολεμον, και επεθεντο επι τας πολεις ιουδα απο σαμαρειας εως βαιθωρων και επαταξαν εν αυτοις τρεις χιλιαδας και εσκυλευσαν σκυλα πολλα.
25.14   και εγενετο μετα το ελθειν αμασιαν παταξαντα την ιδουμαιαν και ηνεγκεν προς αυτους τους θεους υιων σηιρ και εστησεν αυτους εαυτω εις θεους και εναντιον αυτων προσεκυνει και αυτοις αυτος εθυεν.
25.15   και εγενετο οργη *κυριου επι αμασιαν, και απεστειλεν αυτω προφητας και ειπαν αυτω τι εζητησας τους θεους του λαου, οι ουκ εξειλαντο τον λαον αυτων εκ χειρος σου;
25.16   και εγενετο εν τω λαλησαι αυτω και ειπεν αυτω μη συμβουλον του βασιλεως δεδωκα σε; προσεχε μη μαστιγωθης. και εσιωπησεν ο προφητης. και ειπεν οτι γινωσκω οτι εβουλετο επι σοι του καταφθειραι σε, οτι εποιησας τουτο και ουκ επηκουσας της συμβουλιας μου.
25.17   και εβουλευσατο αμασιας και απεστειλεν προς ιωας υιον ιωαχαζ υιου ιου βασιλεα ισραηλ λεγων δευρο οφθωμεν προσωποις.
25.18   και απεστειλεν ιωας βασιλευς ισραηλ προς αμασιαν βασιλεα ιουδα λεγων ο αχουχ ο εν τω λιβανω απεστειλεν προς την κεδρον την εν τω λιβανω λεγων δος την θυγατερα σου τω υιω μου εις γυναικα. και ιδου ελευσεται τα θηρια του αγρου τα εν τω λιβανω· και ηλθαν τα θηρια και κατεπατησαν τον αχουχ.
25.19   ειπας ιδου επαταξας την ιδουμαιαν, και επαιρει σε η καρδια η βαρεια· νυν καθησο εν οικω σου, και ινα τι συμβαλλεις εν κακια και πεση συ και ιουδας μετα σου;
25.20   και ουκ ηκουσεν αμασιας, οτι παρα κυριου εγενετο του παραδουναι αυτον εις χειρας, οτι εξεζητησεν τους θεους των ιδουμαιων.
25.21   και ανεβη ιωας βασιλευς ισραηλ, και ωφθησαν αλληλοις αυτος και αμασιας βασιλευς ιουδα εν βαιθσαμυς, η εστιν του ιουδα.
25.22   και ετροπωθη ιουδας κατα προσωπον ισραηλ, και εφυγεν εκαστος εις το σκηνωμα.
25.23   και τον αμασιαν βασιλεα ιουδα τον του ιωας κατελαβεν ιωας βασιλευς ισραηλ εν βαιθσαμυς και εισηγαγεν αυτον εις ιερουσαλημ και κατεσπασεν απο του τειχους ιερουσαλημ απο πυλης εφραιμ εως πυλης γωνιας τετρακοσιους πηχεις·
25.24   και παν το χρυσιον και το αργυριον και παντα τα σκευη τα ευρεθεντα εν οικω κυριου και παρα τω αβδεδομ και τους θησαυρους οικου του βασιλεως και τους υιους των συμμιξεων και επεστρεψεν εις σαμαρειαν.
25.25   και εζησεν αμασιας ο του ιωας βασιλευς ιουδα μετα το αποθανειν ιωας τον του ιωαχαζ βασιλεα ισραηλ ετη δεκα πεντε.
25.26   και οι λοιποι λογοι αμασιου οι πρωτοι και οι εσχατοι ουκ ιδου γεγραμμενοι επι βιβλιου βασιλεων ιουδα και ισραηλ;
25.27   και εν τω καιρω, ω απεστη αμασιας απο *κυριου, και επεθεντο αυτω επιθεσιν, και εφυγεν απο ιερουσαλημ εις λαχις· και απεστειλαν κατοπισθεν αυτου εις λαχις και εθανατωσαν αυτον εκει.
25.28   και ανελαβον αυτον επι των ιππων και εθαψαν αυτον μετα των πατερων αυτου εν πολει δαυιδ.
26.1    και ελαβεν πας ο λαος της γης τον οζιαν, και αυτος δεκα και εξ ετων, και εβασιλευσαν αυτον αντι του πατρος αυτου αμασιου.
26.2    αυτος ωκοδομησεν την αιλαθ, αυτος επεστρεψεν αυτην τω ιουδα μετα το κοιμηθηναι τον βασιλεα μετα των πατερων αυτου.
26.3    υιος δεκα εξ ετων εβασιλευσεν οζιας και πεντηκοντα και δυο ετη εβασιλευσεν εν ιερουσαλημ, και ονομα τη μητρι αυτου χαλια απο ιερουσαλημ.
26.4    και εποιησεν το ευθες ενωπιον *κυριου κατα παντα, οσα εποιησεν αμασιας ο πατηρ αυτου.
26.5    και ην εκζητων τον *κυριον εν ταις ημεραις ζαχαριου του συνιοντος εν φοβω *κυριου· και εν ταις ημεραις αυτου εζητησεν τον *κυριον, και ευοδωσεν αυτω *κυριος.
26.6    και εξηλθεν και επολεμησεν προς τους αλλοφυλους και κατεσπασεν τα τειχη γεθ και τα τειχη ιαβνη και τα τειχη αζωτου και ωκοδομησεν πολεις αζωτου και εν τοις αλλοφυλοις.
26.7    και κατισχυσεν αυτον κυριος επι τους αλλοφυλους και επι τους αραβας τους κατοικουντας επι της πετρας και επι τους μιναιους.
26.8    και εδωκαν οι μιναιοι δωρα τω οζια, και ην το ονομα αυτου εως εισοδου αιγυπτου, οτι κατισχυσεν εως ανω.
26.9    και ωκοδομησεν οζιας πυργους εν ιερουσαλημ και επι την πυλην της γωνιας και επι την πυλην της φαραγγος και επι των γωνιων και κατισχυσεν.
26.10   και ωκοδομησεν πυργους εν τη ερημω και ελατομησεν λακκους πολλους, οτι κτηνη πολλα υπηρχεν αυτω εν σεφηλα και εν τη πεδινη και αμπελουργοι εν τη ορεινη και εν τω καρμηλω, οτι φιλογεωργος ην.
26.11   και εγενετο τω οζια δυναμεις ποιουσαι πολεμον και εκπορευομεναι εις παραταξιν εις αριθμον, και ο αριθμος αυτων δια χειρος ιιηλ του γραμματεως και μαασαιου του κριτου δια χειρος ανανιου του διαδοχου του βασιλεως.
26.12   πας ο αριθμος των πατριαρχων των δυνατων εις πολεμον δισχιλιοι εξακοσιοι,
26.13   και μετ᾽ αυτων δυναμις πολεμικη τριακοσιαι χιλιαδες και επτακισχιλιοι πεντακοσιοι· ουτοι οι ποιουντες πολεμον εν δυναμει ισχυος βοηθησαι τω βασιλει επι τους υπεναντιους.
26.14   και ητοιμαζεν αυτοις οζιας παση τη δυναμει θυρεους και δορατα και περικεφαλαιας και θωρακας και τοξα και σφενδονας εις λιθους.
26.15   και εποιησεν εν ιερουσαλημ μηχανας μεμηχανευμενας λογιστου του ειναι επι των πυργων και επι των γωνιων βαλλειν βελεσιν και λιθοις μεγαλοις· και ηκουσθη η κατασκευη αυτων εως πορρω, οτι εθαυμαστωθη του βοηθηθηναι, εως ου κατισχυσεν.
26.16   και ως κατισχυσεν, υψωθη η καρδια αυτου του καταφθειραι, και ηδικησεν εν *κυριω θεω αυτου και εισηλθεν εις τον ναον *κυριου θυμιασαι επι το θυσιαστηριον των θυμιαματων.
26.17   και εισηλθεν οπισω αυτου αζαριας ο ιερευς και μετ᾽ αυτου ιερεις του *κυριου ογδοηκοντα υιοι δυνατοι
26.18   και εστησαν επι οζιαν τον βασιλεα και ειπαν αυτω ου σοι, οζια, θυμιασαι τω *κυριω, αλλ᾽ η τοις ιερευσιν υιοις ααρων τοις ηγιασμενοις θυμιασαι· εξελθε εκ του αγιασματος, οτι απεστης απο *κυριου, και ουκ εσται σοι τουτο εις δοξαν παρα *κυριου θεου.
26.19   και εθυμωθη οζιας, και εν τη χειρι αυτου το θυμιατηριον του θυμιασαι εν τω ναω, και εν τω θυμωθηναι αυτον προς τους ιερεις και η λεπρα ανετειλεν εν τω μετωπω αυτου εναντιον των ιερεων εν οικω *κυριου επανω του θυσιαστηριου των θυμιαματων.
26.20   και επεστρεψεν επ᾽ αυτον ο ιερευς ο πρωτος και οι ιερεις, και ιδου αυτος λεπρος εν τω μετωπω· και κατεσπευσαν αυτον εκειθεν, και γαρ αυτος εσπευσεν εξελθειν, οτι ηλεγξεν αυτον *κυριος.
26.21   και ην οζιας ο βασιλευς λεπρος εως ημερας της τελευτης αυτου, και εν οικω αφφουσωθ εκαθητο λεπρος, οτι απεσχισθη απο οικου *κυριου· και ιωαθαμ ο υιος αυτου επι της βασιλειας αυτου κρινων τον λαον της γης.
26.22   και οι λοιποι λογοι οζιου οι πρωτοι και οι εσχατοι γεγραμμενοι υπο ιεσσιου του προφητου.
26.23   και εκοιμηθη οζιας μετα των πατερων αυτου, και εθαψαν αυτον μετα των πατερων αυτου εν τω πεδιω της ταφης των βασιλεων, οτι ειπαν οτι λεπρος εστιν· και εβασιλευσεν ιωαθαμ υιος αυτου αντ᾽ αυτου.
27.1    υιος εικοσι πεντε ετων ιωαθαμ εν τω βασιλευσαι αυτον και δεκα εξ ετη εβασιλευσεν εν ιερουσαλημ, και ονομα της μητρος αυτου ιερουσα θυγατηρ σαδωκ.
27.2    και εποιησεν το ευθες ενωπιον *κυριου κατα παντα, οσα εποιησεν οζιας ο πατηρ αυτου, αλλ᾽ ουκ εισηλθεν εις τον ναον *κυριου, και ετι ο λαος κατεφθειρετο.
27.3    αυτος ωκοδομησεν την πυλην οικου *κυριου την υψηλην και εν τειχει του οφλα ωκοδομησεν πολλα·
27.4    και πολεις ωκοδομησεν εν ορει ιουδα και εν τοις δρυμοις και οικησεις και πυργους.
27.5    αυτος εμαχεσατο προς βασιλεα υιων αμμων και κατισχυσεν επ᾽ αυτον· και εδιδουν αυτω οι υιοι αμμων κατ᾽ ενιαυτον εκατον ταλαντα αργυριου και δεκα χιλιαδας κορων πυρου και κριθων δεκα χιλιαδας· ταυτα εφερεν αυτω βασιλευς αμμων κατ᾽ ενιαυτον εν τω πρωτω ετει και τω δευτερω και τω τριτω.
27.6    και κατισχυσεν ιωαθαμ, οτι ητοιμασεν τας οδους αυτου εναντι *κυριου θεου αυτου.
27.7    και οι λοιποι λογοι ιωαθαμ και ο πολεμος και αι πραξεις αυτου ιδου γεγραμμενοι επι βιβλιω βασιλεων ιουδα και ισραηλ.
27.8    (vide)
27.9    και εκοιμηθη ιωαθαμ μετα των πατερων αυτου και εταφη εν πολει δαυιδ, και εβασιλευσεν αχαζ υιος αυτου αντ᾽ αυτου.
28.1    υιος εικοσι ετων αχαζ εν τω βασιλευσαι αυτον και δεκα εξ ετη εβασιλευσεν εν ιερουσαλημ· και ουκ εποιησεν το ευθες ενωπιον *κυριου ως δαυιδ ο πατηρ αυτου.
28.2    και επορευθη κατα τας οδους βασιλεων ισραηλ· και γαρ γλυπτα εποιησεν τοις ειδωλοις αυτων
28.3    και εθυεν εν γαιβενενομ και διηγεν τα τεκνα αυτου δια πυρος κατα τα βδελυγματα των εθνων, ων εξωλεθρευσεν *κυριος απο προσωπου υιων ισραηλ,
28.4    και εθυμια επι των υψηλων και επι των δωματων και υποκατω παντος ξυλου αλσωδους.
28.5    και παρεδωκεν αυτον *κυριος ο θεος αυτου δια χειρος βασιλεως συριας, και επαταξεν εν αυτω και ηχμαλωτευσεν εξ αυτων αιχμαλωσιαν πολλην και ηγαγεν εις δαμασκον· και γαρ εις τας χειρας βασιλεως ισραηλ παρεδωκεν αυτον, και επαταξεν εν αυτω πληγην μεγαλην.
28.6    και απεκτεινεν φακεε ο του ρομελια βασιλευς ισραηλ εν ιουδα εν μια ημερα εκατον εικοσι χιλιαδας ανδρων δυνατων ισχυι εν τω αυτους καταλιπειν τον *κυριον θεον των πατερων αυτων.
28.7    και απεκτεινεν εζεκρι ο δυνατος του εφραιμ τον μαασαιαν τον υιον του βασιλεως και τον εσδρικαμ ηγουμενον του οικου αυτου και τον ελκανα τον διαδοχον του βασιλεως.
28.8    και ηχμαλωτισαν οι υιοι ισραηλ απο των αδελφων αυτων τριακοσιας χιλιαδας, γυναικας, υιους και θυγατερας, και σκυλα πολλα εσκυλευσαν εξ αυτων και ηνεγκαν τα σκυλα εις σαμαρειαν.
28.9    και εκει ην ο προφητης του *κυριου, ωδηδ ονομα αυτω, και εξηλθεν εις απαντησιν της δυναμεως των ερχομενων εις σαμαρειαν και ειπεν αυτοις ιδου οργη *κυριου θεου των πατερων υμων επι τον ιουδαν, και παρεδωκεν αυτους εις τας χειρας υμων, και απεκτεινατε εν αυτοις εν οργη· εως των ουρανων εφθακεν.
28.10   και νυν υιους ιουδα και ιερουσαλημ υμεις λεγετε κατακτησεσθαι εις δουλους και δουλας· ουκ ιδου ειμι μεθ᾽ υμων μαρτυρησαι *κυριω θεω υμων;
28.11   και νυν ακουσατε μου και αποστρεψατε την αιχμαλωσιαν, ην ηχμαλωτευσατε των αδελφων υμων, οτι οργη θυμου *κυριου εφ᾽ υμιν.
28.12   και ανεστησαν αρχοντες απο των υιων εφραιμ, ουδια ο του ιωανου και βαραχιας ο του μοσολαμωθ και εζεκιας ο του σελλημ και αμασιας ο του χοδλι, επι τους ερχομενους απο του πολεμου
28.13   και ειπαν αυτοις ου μη εισαγαγητε την αιχμαλωσιαν ωδε προς ημας, οτι εις το αμαρτανειν τω *κυριω εφ᾽ ημας υμεις λεγετε, προσθειναι επι ταις αμαρτιαις ημων και επι την αγνοιαν, οτι πολλη η αμαρτια ημων και οργη θυμου *κυριου επι τον ισραηλ.
28.14   και αφηκαν οι πολεμισται την αιχμαλωσιαν και τα σκυλα εναντιον των αρχοντων και πασης της εκκλησιας.
28.15   και ανεστησαν ανδρες, οι επεκληθησαν εν ονοματι, και αντελαβοντο της αιχμαλωσιας και παντας τους γυμνους περιεβαλον απο των σκυλων και ενεδυσαν αυτους και υπεδησαν αυτους και εδωκαν φαγειν και αλειψασθαι και αντελαβοντο εν υποζυγιοις παντος ασθενουντος και κατεστησαν αυτους εις ιεριχω πολιν φοινικων προς τους αδελφους αυτων, και επεστρεψαν εις σαμαρειαν.
28.16   εν τω καιρω εκεινω απεστειλεν αχαζ προς βασιλεα ασσουρ βοηθησαι αυτω
28.17   και εν τουτω, οτι ιδουμαιοι επεθεντο και επαταξαν εν ιουδα και ηχμαλωτισαν αιχμαλωσιαν
28.18   και οι αλλοφυλοι επεθεντο επι τας πολεις της πεδινης και απο λιβος του ιουδα και ελαβον την βαιθσαμυς και την αιλων και την γαδηρωθ και την σωχω και τας κωμας αυτης και την θαμνα και τας κωμας αυτης και την γαμζω και τας κωμας αυτης και κατωκησαν εκει.
28.19   οτι εταπεινωσεν *κυριος τον ιουδαν δι᾽ αχαζ βασιλεα ιουδα, οτι απεστη αποστασει απο *κυριου.
28.20   και ηλθεν επ᾽ αυτον θαγλαθφελλασαρ βασιλευς ασσουρ και επαταξεν αυτον.
28.21   και ελαβεν αχαζ τα εν οικω *κυριου και τα εν οικω του βασιλεως και των αρχοντων και εδωκεν τω βασιλει ασσουρ και ουκ εις βοηθειαν αυτω.
28.22   αλλ᾽ η τω θλιβηναι αυτον και προσεθηκεν του αποστηναι απο *κυριου και ειπεν ο βασιλευς
28.23   εκζητησω τους θεους δαμασκου τους τυπτοντας με· και ειπεν οτι θεοι βασιλεως συριας αυτοι κατισχυσουσιν αυτους, αυτοις τοινυν θυσω, και αντιλημψονται μου. και αυτοι εγενοντο αυτω εις σκωλον και παντι ισραηλ.
28.24   και απεστησεν αχαζ τα σκευη οικου *κυριου και κατεκοψεν αυτα και εκλεισεν τας θυρας οικου *κυριου και εποιησεν εαυτω θυσιαστηρια εν παση γωνια εν ιερουσαλημ·
28.25   και εν παση πολει και πολει εν ιουδα εποιησεν υψηλα θυμιαν θεοις αλλοτριοις, και παρωργισαν *κυριον τον θεον των πατερων αυτων.
28.26   και οι λοιποι λογοι αυτου και αι πραξεις αυτου αι πρωται και αι εσχαται ιδου γεγραμμεναι επι βιβλιω βασιλεων ιουδα και ισραηλ.
28.27   και εκοιμηθη αχαζ μετα των πατερων αυτου και εταφη εν πολει δαυιδ, οτι ουκ εισηνεγκαν αυτον εις τους ταφους των βασιλεων ισραηλ· και εβασιλευσεν εζεκιας υιος αυτου αντ᾽ αυτου.
29.1    και εζεκιας εβασιλευσεν ων εικοσι και πεντε ετων και εικοσι και εννεα ετη εβασιλευσεν εν ιερουσαλημ, και ονομα τη μητρι αυτου αββα θυγατηρ ζαχαρια.
29.2    και εποιησεν το ευθες ενωπιον *κυριου κατα παντα, οσα εποιησεν δαυιδ ο πατηρ αυτου.
29.3    και εγενετο ως εστη επι της βασιλειας αυτου, εν τω πρωτω μηνι ανεωξεν τας θυρας οικου *κυριου και επεσκευασεν αυτας.
29.4    και εισηγαγεν τους ιερεις και τους λευιτας και κατεστησεν αυτους εις το κλιτος το προς ανατολας
29.5    και ειπεν αυτοις ακουσατε, οι λευιται, νυν αγνισθητε και αγνισατε τον οικον *κυριου θεου των πατερων υμων και εκβαλετε την ακαθαρσιαν εκ των αγιων·
29.6    οτι απεστησαν οι πατερες ημων και εποιησαν το πονηρον εναντιον *κυριου και εγκατελιπαν αυτον και απεστρεψαν το προσωπον απο της σκηνης *κυριου και εδωκαν αυχενα
29.7    και απεκλεισαν τας θυρας του ναου και εσβεσαν τους λυχνους και θυμιαμα ουκ εθυμιασαν και ολοκαυτωματα ου προσηνεγκαν εν τω αγιω θεω ισραηλ.
29.8    και ωργισθη οργη *κυριος επι τον ιουδαν και επι την ιερουσαλημ και εδωκεν αυτους εις εκστασιν και εις αφανισμον και εις συρισμον, ως υμεις ορατε τοις οφθαλμοις υμων.
29.9    και ιδου πεπληγασιν οι πατερες υμων μαχαιρα, και οι υιοι υμων και αι θυγατερες υμων και αι γυναικες υμων εν αιχμαλωσια εν γη ουκ αυτων, ο και νυν εστιν.
29.10   επι τουτοις νυν εστιν επι καρδιας διαθεσθαι διαθηκην *κυριου θεου ισραηλ, και αποστρεψει την οργην θυμου αυτου αφ᾽ ημων.
29.11   και νυν μη διαλιπητε, οτι εν υμιν ηρετικεν *κυριος στηναι εναντιον αυτου λειτουργειν και ειναι αυτω λειτουργουντας και θυμιωντας.
29.12   και ανεστησαν οι λευιται, μααθ ο του αμασι και ιωηλ ο του αζαριου εκ των υιων κααθ, και εκ των υιων μεραρι κις ο του αβδι και αζαριας ο του ιαλλεληλ, και απο των υιων γεδσωνι ιωα ο του ζεμμαθ και ιωδαν ο του ιωαχα,
29.13   και των υιων ελισαφαν σαμβρι και ιιηλ, και των υιων ασαφ ζαχαριας και μαθθανιας,
29.14   και των υιων αιμαν ιιηλ και σεμει, και των υιων ιδιθων σαμαιας και οζιηλ,
29.15   και συνηγαγον τους αδελφους αυτων και ηγνισθησαν κατα την εντολην του βασιλεως δια προσταγματος *κυριου καθαρισαι τον οικον *κυριου.
29.16   και εισηλθον οι ιερεις εσω εις τον οικον *κυριου αγνισαι και εξεβαλον πασαν την ακαθαρσιαν την ευρεθεισαν εν τω οικω *κυριου και εις την αυλην οικου *κυριου, και εδεξαντο οι λευιται εκβαλειν εις τον χειμαρρουν κεδρων εξω.
29.17   και ηρξαντο τη ημερα τη πρωτη νουμηνια του μηνος του πρωτου αγνισαι και τη ημερα τη ογδοη του μηνος εισηλθαν εις τον ναον *κυριου και ηγνισαν τον οικον *κυριου εν ημεραις οκτω και τη ημερα τη εκκαιδεκατη του μηνος του πρωτου συνετελεσαν.
29.18   και εισηλθαν εσω προς εζεκιαν τον βασιλεα και ειπαν ηγνισαμεν παντα τα εν οικω *κυριου, το θυσιαστηριον της ολοκαυτωσεως και τα σκευη αυτου και την τραπεζαν της προθεσεως και τα σκευη αυτης·
29.19   και παντα τα σκευη, α εμιανεν αχαζ ο βασιλευς εν τη βασιλεια αυτου εν τη αποστασια αυτου, ητοιμακαμεν και ηγνικαμεν, ιδου εστιν εναντιον του θυσιαστηριου *κυριου.
29.20   και ωρθρισεν εζεκιας ο βασιλευς και συνηγαγεν τους αρχοντας της πολεως και ανεβη εις οικον *κυριου
29.21   και ανηνεγκεν μοσχους επτα, κριους επτα, αμνους επτα, χιμαρους αιγων επτα περι αμαρτιας περι της βασιλειας και περι των αγιων και περι ισραηλ και ειπεν τοις υιοις ααρων τοις ιερευσιν αναβαινειν επι το θυσιαστηριον *κυριου.
29.22   και εθυσαν τους μοσχους, και εδεξαντο οι ιερεις το αιμα και προσεχεον επι το θυσιαστηριον· και εθυσαν τους κριους, και προσεχεον το αιμα επι το θυσιαστηριον· και εθυσαν τους αμνους, και περιεχεον το αιμα τω θυσιαστηριω·
29.23   και προσηγαγον τους χιμαρους τους περι αμαρτιας εναντιον του βασιλεως και της εκκλησιας, και επεθηκαν τας χειρας αυτων επ᾽ αυτους,
29.24   και εθυσαν αυτους οι ιερεις και εξιλασαντο το αιμα αυτων προς το θυσιαστηριον και εξιλασαντο περι παντος ισραηλ, οτι περι παντος ισραηλ, ειπεν ο βασιλευς, η ολοκαυτωσις και τα περι αμαρτιας.
29.25   και εστησεν τους λευιτας εν οικω *κυριου εν κυμβαλοις και εν ναβλαις και εν κινυραις κατα την εντολην δαυιδ του βασιλεως και γαδ του ορωντος τω βασιλει και ναθαν του προφητου, οτι δι᾽ εντολης *κυριου το προσταγμα εν χειρι των προφητων·
29.26   και εστησαν οι λευιται εν οργανοις δαυιδ και οι ιερεις ταις σαλπιγξιν.
29.27   και ειπεν εζεκιας ανενεγκαι την ολοκαυτωσιν επι το θυσιαστηριον· και εν τω αρξασθαι αναφερειν την ολοκαυτωσιν ηρξαντο αδειν *κυριω, και αι σαλπιγγες προς τα οργανα δαυιδ βασιλεως ισραηλ.
29.28   και πασα η εκκλησια προσεκυνει, και οι ψαλτωδοι αδοντες, και αι σαλπιγγες σαλπιζουσαι, εως ου συνετελεσθη η ολοκαυτωσις.
29.29   και ως συνετελεσαν αναφεροντες, εκαμψεν ο βασιλευς και παντες οι ευρεθεντες και προσεκυνησαν.
29.30   και ειπεν εζεκιας ο βασιλευς και οι αρχοντες τοις λευιταις υμνειν τον *κυριον εν λογοις δαυιδ και ασαφ του προφητου· και υμνουν εν ευφροσυνη και επεσον και προσεκυνησαν.
29.31   και απεκριθη εζεκιας και ειπεν νυν επληρωσατε τας χειρας υμων *κυριω, προσαγαγετε και φερετε θυσιας και αινεσεως εις οικον *κυριου· και ανηνεγκεν η εκκλησια θυσιας και αινεσεως εις οικον *κυριου και πας προθυμος τη καρδια ολοκαυτωσεις.
29.32   και εγενετο ο αριθμος της ολοκαυτωσεως, ης ανηνεγκεν η εκκλησια, μοσχοι εβδομηκοντα, κριοι εκατον, αμνοι διακοσιοι· εις ολοκαυτωσιν *κυριω παντα ταυτα.
29.33   και οι ηγιασμενοι μοσχοι εξακοσιοι, προβατα τρισχιλια.
29.34   αλλ᾽ η οι ιερεις ολιγοι ησαν και ουκ εδυναντο δειραι την ολοκαυτωσιν, και αντελαβοντο αυτων οι αδελφοι αυτων οι λευιται, εως ου συνετελεσθη το εργον, και εως ου ηγνισθησαν οι ιερεις, οτι οι λευιται προθυμως ηγνισθησαν παρα τους ιερεις.
29.35   και η ολοκαυτωσις πολλη εν τοις στεασιν της τελειωσεως του σωτηριου και των σπονδων της ολοκαυτωσεως· και κατωρθωθη το εργον εν οικω *κυριου.
29.36   και ηυφρανθη εζεκιας και πας ο λαος δια το ητοιμακεναι τον θεον τω λαω, οτι εξαπινα εγενετο ο λογος.
30.1    και απεστειλεν εζεκιας επι παντα ισραηλ και ιουδαν και επιστολας εγραψεν επι τον εφραιμ και μανασση ελθειν εις οικον *κυριου εις ιερουσαλημ ποιησαι το φασεκ τω *κυριω θεω ισραηλ·
30.2    και εβουλευσατο ο βασιλευς και οι αρχοντες και πασα η εκκλησια η εν ιερουσαλημ ποιησαι το φασεκ τω μηνι τω δευτερω·
30.3    ου γαρ ηδυνασθησαν αυτο ποιησαι εν τω καιρω εκεινω, οτι οι ιερεις ουχ ηγνισθησαν ικανοι, και ο λαος ου συνηχθη εις ιερουσαλημ.
30.4    και ηρεσεν ο λογος εναντιον του βασιλεως και εναντιον της εκκλησιας.
30.5    και εστησαν λογον διελθειν κηρυγμα εν παντι ισραηλ απο βηρσαβεε εως δαν ελθοντας ποιησαι το φασεκ *κυριω θεω ισραηλ εν ιερουσαλημ, οτι πληθος ουκ εποιησεν κατα την γραφην.
30.6    και επορευθησαν οι τρεχοντες συν ταις επιστολαις παρα του βασιλεως και των αρχοντων εις παντα ισραηλ και ιουδαν κατα το προσταγμα του βασιλεως λεγοντες υιοι ισραηλ, επιστρεψατε προς θεον αβρααμ και ισαακ και ισραηλ, και επιστρεψει τους ανασεσωσμενους τους καταλειφθεντας απο χειρος βασιλεως ασσουρ·
30.7    και μη γινεσθε καθως οι πατερες υμων και οι αδελφοι υμων, οι απεστησαν απο *κυριου θεου πατερων αυτων, και παρεδωκεν αυτους εις ερημωσιν, καθως υμεις ορατε.
30.8    και νυν μη σκληρυνητε τους τραχηλους υμων· δοτε δοξαν *κυριω τω θεω και εισελθατε εις το αγιασμα αυτου, ο ηγιασεν εις τον αιωνα, και δουλευσατε τω *κυριω θεω υμων, και αποστρεψει αφ᾽ υμων θυμον οργης.
30.9    οτι εν τω επιστρεφειν υμας προς *κυριον οι αδελφοι υμων και τα τεκνα υμων εσονται εν οικτιρμοις εναντι παντων των αιχμαλωτισαντων αυτους, και αποστρεψει εις την γην ταυτην· οτι ελεημων και οικτιρμων *κυριος ο θεος ημων και ουκ αποστρεψει το προσωπον αυτου αφ᾽ ημων, εαν επιστρεψωμεν προς αυτον.
30.10   και ησαν οι τρεχοντες διαπορευομενοι πολιν εκ πολεως εν τω ορει εφραιμ και μανασση και εως ζαβουλων, και εγενοντο ως καταγελωντες αυτων και καταμωκωμενοι·
30.11   αλλα ανθρωποι ασηρ και απο μανασση και απο ζαβουλων ενετραπησαν και ηλθον εις ιερουσαλημ.
30.12   και εν ιουδα εγενετο χειρ κυριου δουναι αυτοις καρδιαν μιαν ελθειν του ποιησαι κατα το προσταγμα του βασιλεως και των αρχοντων εν λογω *κυριου,
30.13   και συνηχθησαν εις ιερουσαλημ λαος πολυς του ποιησαι την εορτην των αζυμων εν τω μηνι τω δευτερω, εκκλησια πολλη σφοδρα.
30.14   και ανεστησαν και καθειλαν τα θυσιαστηρια τα εν ιερουσαλημ· και παντα, εν οις εθυμιωσαν τοις ψευδεσιν, κατεσπασαν και ερριψαν εις τον χειμαρρουν κεδρων.
30.15   και εθυσαν το φασεκ τη τεσσαρεσκαιδεκατη του μηνος του δευτερου· και οι ιερεις και οι λευιται ενετραπησαν και ηγνισθησαν και εισηνεγκαν ολοκαυτωματα εις οικον *κυριου.
30.16   και εστησαν επι την στασιν αυτων κατα το κριμα αυτων κατα την εντολην μωυση ανθρωπου του θεου, και οι ιερεις εδεχοντο τα αιματα εκ χειρος των λευιτων.
30.17   οτι πληθος της εκκλησιας ουχ ηγνισθη, και οι λευιται ησαν του θυειν το φασεκ παντι τω μη δυναμενω αγνισθηναι τω *κυριω.
30.18   οτι το πλειστον του λαου απο εφραιμ και μανασση και ισσαχαρ και ζαβουλων ουχ ηγνισθησαν, αλλα εφαγον το φασεκ παρα την γραφην. και προσηυξατο εζεκιας περι αυτων λεγων *κυριος ο αγαθος εξιλασασθω υπερ
30.19   πασης καρδιας κατευθυνουσης εκζητησαι *κυριον τον θεον των πατερων αυτων και ου κατα την αγνειαν των αγιων.
30.20   και επηκουσεν *κυριος τω εζεκια και ιασατο τον λαον.
30.21   και εποιησαν οι υιοι ισραηλ οι ευρεθεντες εν ιερουσαλημ την εορτην των αζυμων επτα ημερας εν ευφροσυνη μεγαλη και καθυμνουντες τω *κυριω ημεραν καθ᾽ ημεραν και οι ιερεις και οι λευιται εν οργανοις τω *κυριω.
30.22   και ελαλησεν εζεκιας επι πασαν καρδιαν των λευιτων και των συνιοντων συνεσιν αγαθην τω *κυριω· και συνετελεσαν την εορτην των αζυμων επτα ημερας θυοντες θυσιας σωτηριου και εξομολογουμενοι τω *κυριω θεω των πατερων αυτων.
30.23   και εβουλευσατο η εκκλησια αμα ποιησαι επτα ημερας αλλας· και εποιησαν επτα ημερας εν ευφροσυνη.
30.24   οτι εζεκιας απηρξατο τω ιουδα τη εκκλησια μοσχους χιλιους και επτακισχιλια προβατα, και οι αρχοντες απηρξαντο τω λαω μοσχους χιλιους και προβατα δεκα χιλιαδας, και τα αγια των ιερεων εις πληθος.
30.25   και ηυφρανθη πασα η εκκλησια, οι ιερεις και οι λευιται και πασα η εκκλησια ιουδα και οι ευρεθεντες εξ ισραηλ και οι προσηλυτοι οι ελθοντες απο γης ισραηλ και οι κατοικουντες εν ιουδα.
30.26   και εγενετο ευφροσυνη μεγαλη εν ιερουσαλημ· απο ημερων σαλωμων υιου δαυιδ βασιλεως ισραηλ ουκ εγενετο τοιαυτη εορτη εν ιερουσαλημ.
30.27   και ανεστησαν οι ιερεις οι λευιται και ηυλογησαν τον λαον· και επηκουσθη η φωνη αυτων, και ηλθεν η προσευχη αυτων εις το κατοικητηριον το αγιον αυτου εις τον ουρανον.
31.1    και ως συνετελεσθη παντα ταυτα, εξηλθεν πας ισραηλ οι ευρεθεντες εν πολεσιν ιουδα και συνετριψαν τας στηλας και εξεκοψαν τα αλση και κατεσπασαν τα υψηλα και τους βωμους απο πασης της ιουδαιας και βενιαμιν και εξ εφραιμ και απο μανασση εως εις τελος, και επεστρεψαν πας ισραηλ εκαστος εις την κληρονομιαν αυτου και εις τας πολεις αυτων.
31.2    και εταξεν εζεκιας τας εφημεριας των ιερεων και των λευιτων και τας εφημεριας εκαστου κατα την εαυτου λειτουργιαν τοις ιερευσιν και τοις λευιταις εις την ολοκαυτωσιν και εις την θυσιαν του σωτηριου και αινειν και εξομολογεισθαι και λειτουργειν εν ταις πυλαις εν ταις αυλαις οικου *κυριου.
31.3    και μερις του βασιλεως εκ των υπαρχοντων αυτου εις τας ολοκαυτωσεις την πρωινην και την δειλινην και ολοκαυτωσεις εις σαββατα και εις τας νουμηνιας και εις τας εορτας τας γεγραμμενας εν τω νομω *κυριου.
31.4    και ειπεν τω λαω τοις κατοικουσιν εν ιερουσαλημ δουναι την μεριδα των ιερεων και των λευιτων, οπως κατισχυσωσιν εν τη λειτουργια οικου *κυριου.
31.5    και ως προσεταξεν τον λογον, επλεονασαν οι υιοι ισραηλ απαρχην σιτου και οινου και ελαιου και μελιτος και παν γενημα αγρου, και επιδεκατα παντα εις πληθος ηνεγκαν
31.6    οι υιοι ισραηλ και ιουδα. και οι κατοικουντες εν ταις πολεσιν ιουδα και αυτοι ηνεγκαν επιδεκατα μοσχων και προβατων και επιδεκατα αιγων και ηγιασαν τω *κυριω θεω αυτων και εισηνεγκαν και εθηκαν σωρους σωρους·
31.7    εν τω μηνι τω τριτω ηρξαντο οι σωροι θεμελιουσθαι και εν τω εβδομω μηνι συνετελεσθησαν.
31.8    και ηλθεν εζεκιας και οι αρχοντες και ειδον τους σωρους και ηυλογησαν τον *κυριον και τον λαον αυτου ισραηλ.
31.9    και επυνθανετο εζεκιας των ιερεων και των λευιτων υπερ των σωρων,
31.10   και ειπεν προς αυτον αζαριας ο ιερευς ο αρχων εις οικον σαδωκ και ειπεν εξ ου ηρκται η απαρχη φερεσθαι εις οικον *κυριου, εφαγομεν και επιομεν και κατελιπομεν· οτι *κυριος ηυλογησεν τον λαον αυτου, και κατελιπομεν ετι το πληθος τουτο.
31.11   και ειπεν εζεκιας ετοιμασαι παστοφορια εις οικον *κυριου, και ητοιμασαν.
31.12   και εισηνεγκαν εκει τας απαρχας και τα επιδεκατα εν πιστει, και επ᾽ αυτων επιστατης χωνενιας ο λευιτης, και σεμει ο αδελφος αυτου διαδεχομενος,
31.13   και ιιηλ και οζαζιας και ναεθ και ασαηλ και ιεριμωθ και ιωζαβαθ και ελιηλ και σαμαχια και μααθ και βαναιας και οι υιοι αυτου καθεσταμενοι δια χωνενιου και σεμει του αδελφου αυτου, καθως προσεταξεν ο βασιλευς εζεκιας και αζαριας ο ηγουμενος οικου κυριου.
31.14   και κωρη ο του ιεμνα ο λευιτης ο πυλωρος κατα ανατολας επι των δοματων δουναι τας απαρχας *κυριω και τα αγια των αγιων
31.15   δια χειρος οδομ και βενιαμιν και ιησους και σεμει και αμαριας και σεχονιας δια χειρος των ιερεων εν πιστει δουναι τοις αδελφοις αυτων κατα τας εφημεριας κατα τον μεγαν και τον μικρον
31.16   εκτος της επιγονης των αρσενικων απο τριετους και επανω παντι τω εισπορευομενω εις οικον *κυριου εις λογον ημερων εις ημεραν εις λειτουργιαν εφημεριαις διαταξεως αυτων.
31.17   ουτος ο καταλοχισμος των ιερεων κατ᾽ οικους πατριων, και οι λευιται εν ταις εφημεριαις αυτων απο εικοσαετους και επανω εν διαταξει
31.18   εν καταλοχιαις εν παση επιγονη υιων αυτων και θυγατερων αυτων εις παν το πληθος, οτι εν πιστει ηγνισαν το αγιον
31.19   τοις υιοις ααρων τοις ιερατευουσιν, και οι απο των πολεων αυτων εν παση πολει και πολει ανδρες, οι ωνομασθησαν εν ονοματι, δουναι μεριδα παντι αρσενικω εν τοις ιερευσιν και παντι καταριθμουμενω εν τοις λευιταις.
31.20   και εποιησεν ουτως εζεκιας εν παντι ιουδα και εποιησεν το καλον και το ευθες εναντιον του *κυριου θεου αυτου.
31.21   και εν παντι εργω, εν ω ηρξατο εν εργασια εν οικω κυριου, και εν τω νομω και εν τοις προσταγμασιν εξεζητησεν τον θεον αυτου εξ ολης ψυχης αυτου και εποιησεν και ευοδωθη.
32.1    και μετα τους λογους τουτους και την αληθειαν ταυτην ηλθεν σενναχηριμ βασιλευς ασσυριων και ηλθεν επι ιουδαν και παρενεβαλεν επι τας πολεις τας τειχηρεις και ειπεν προκαταλαβεσθαι αυτας.
32.2    και ειδεν εζεκιας οτι ηκει σενναχηριμ και το προσωπον αυτου του πολεμησαι επι ιερουσαλημ,
32.3    και εβουλευσατο μετα των πρεσβυτερων αυτου και των δυνατων εμφραξαι τα υδατα των πηγων, α ην εξω της πολεως, και συνεπισχυσαν αυτω.
32.4    και συνηγαγεν λαον πολυν και ενεφραξεν τα υδατα των πηγων και τον ποταμον τον διοριζοντα δια της πολεως λεγων μη ελθη βασιλευς ασσουρ και ευρη υδωρ πολυ και κατισχυση.
32.5    και κατισχυσεν εζεκιας και ωκοδομησεν παν το τειχος το κατεσκαμμενον και πυργους και εξω προτειχισμα αλλο και κατισχυσεν το αναλημμα πολεως δαυιδ και κατεσκευασεν οπλα πολλα.
32.6    και εθετο αρχοντας του πολεμου επι τον λαον, και συνηχθησαν προς αυτον εις την πλατειαν της πυλης της φαραγγος, και ελαλησεν επι καρδιαν αυτων λεγων
32.7    ισχυσατε και ανδριζεσθε, μη πτοηθητε απο προσωπου βασιλεως ασσουρ και απο προσωπου παντος του εθνους του μετ᾽ αυτου, οτι μεθ᾽ ημων πλειονες η μετ᾽ αυτου·
32.8    μετ᾽ αυτου βραχιονες σαρκινοι, μεθ᾽ ημων δε *κυριος ο θεος ημων του σωζειν και του πολεμειν τον πολεμον ημων. και κατεθαρσησεν ο λαος επι τοις λογοις εζεκιου βασιλεως ιουδα.
32.9    και μετα ταυτα απεστειλεν σενναχηριμ βασιλευς ασσυριων τους παιδας αυτου επι ιερουσαλημ, και αυτος επι λαχις και πασα η στρατια μετ᾽ αυτου, και απεστειλεν προς εζεκιαν βασιλεα ιουδα και προς παντα ιουδαν τον εν ιερουσαλημ λεγων
32.10   ουτως λεγει σενναχηριμ ο βασιλευς ασσυριων επι τινι υμεις πεποιθατε και καθησθε εν τη περιοχη εν ιερουσαλημ;
32.11   ουχι εζεκιας απατα υμας του παραδουναι υμας εις θανατον και εις λιμον και εις διψαν λεγων *κυριος ο θεος ημων σωσει ημας εκ χειρος βασιλεως ασσουρ;
32.12   ουχ ουτος εστιν εζεκιας, ος περιειλεν τα θυσιαστηρια αυτου και τα υψηλα αυτου και ειπεν τω ιουδα και τοις κατοικουσιν ιερουσαλημ λεγων κατεναντι του θυσιαστηριου τουτου προσκυνησετε και επ᾽ αυτω θυμιασετε.
32.13   ου γνωσεσθε ο τι εποιησα εγω και οι πατερες μου πασι τοις λαοις των χωρων; μη δυναμενοι ηδυναντο θεοι των εθνων πασης της γης σωσαι τον λαον αυτων εκ χειρος μου;
32.14   τις εν πασι τοις θεοις των εθνων τουτων, ους εξωλεθρευσαν οι πατερες μου; μη ηδυναντο σωσαι τον λαον αυτων εκ χειρος μου, οτι δυνησεται ο θεος υμων σωσαι υμας εκ χειρος μου;
32.15   νυν μη απατατω υμας εζεκιας και μη πεποιθεναι υμας ποιειτω κατα ταυτα, και μη πιστευετε αυτω· οτι ου μη δυνηται ο θεος παντος εθνους και βασιλειας του σωσαι τον λαον αυτου εκ χειρος μου και εκ χειρος πατερων μου, οτι ο θεος υμων ου μη σωσει υμας εκ χειρος μου.
32.16   και ετι ελαλησαν οι παιδες αυτου επι *κυριον θεον και επι εζεκιαν παιδα αυτου.
32.17   και βιβλιον εγραψεν ονειδιζειν τον *κυριον θεον ισραηλ και ειπεν περι αυτου λεγων ως θεοι των εθνων της γης ουκ εξειλαντο τους λαους αυτων εκ χειρος μου, ουτως ου μη εξεληται ο θεος εζεκιου λαον αυτου εκ χειρος μου.
32.18   και εβοησεν φωνη μεγαλη ιουδαιστι επι λαον ιερουσαλημ τον επι του τειχους του φοβησαι αυτους και κατασπασαι, οπως προκαταλαβωνται την πολιν.
32.19   και ελαλησεν επι θεον ιερουσαλημ ως και επι θεους λαων της γης, εργα χειρων ανθρωπων.
32.20   και προσηυξατο εζεκιας ο βασιλευς και ησαιας υιος αμως ο προφητης περι τουτων και εβοησαν εις τον ουρανον.
32.21   και απεστειλεν *κυριος αγγελον, και εξετριψεν παν δυνατον πολεμιστην και αρχοντα και στρατηγον εν τη παρεμβολη βασιλεως ασσουρ, και απεστρεψεν μετα αισχυνης προσωπου εις την γην αυτου. και ηλθεν εις οικον του θεου αυτου, και των εξελθοντων εκ κοιλιας αυτου κατεβαλον αυτον εν ρομφαια.
32.22   και εσωσεν *κυριος εζεκιαν και τους κατοικουντας εν ιερουσαλημ εκ χειρος σενναχηριμ βασιλεως ασσουρ και εκ χειρος παντων και κατεπαυσεν αυτους κυκλοθεν.
32.23   και πολλοι εφερον δωρα τω *κυριω εις ιερουσαλημ και δοματα τω εζεκια βασιλει ιουδα, και υπερηρθη κατ᾽ οφθαλμους παντων των εθνων μετα ταυτα.
32.24   εν ταις ημεραις εκειναις ηρρωστησεν εζεκιας εως θανατου· και προσηυξατο προς *κυριον, και επηκουσεν αυτου και σημειον εδωκεν αυτω.
32.25   και ου κατα το ανταποδομα, ο εδωκεν αυτω, ανταπεδωκεν εζεκιας, αλλα υψωθη η καρδια αυτου· και εγενετο επ᾽ αυτον οργη και επι ιουδαν και ιερουσαλημ.
32.26   και εταπεινωθη εζεκιας απο του υψους της καρδιας αυτου και οι κατοικουντες ιερουσαλημ, και ουκ επηλθεν επ᾽ αυτους οργη *κυριου εν ταις ημεραις εζεκιου.
32.27   και εγενετο τω εζεκια πλουτος και δοξα πολλη σφοδρα, και θησαυρους εποιησεν εαυτω αργυριου και χρυσιου και του λιθου του τιμιου και εις τα αρωματα και οπλοθηκας και εις σκευη επιθυμητα
32.28   και πολεις εις τα γενηματα σιτου και ελαιου και οινου και φατνας παντος κτηνους και μανδρας εις τα ποιμνια
32.29   και πολεις, ας ωκοδομησεν αυτω, και αποσκευην προβατων και βοων εις πληθος, οτι εδωκεν αυτω κυριος αποσκευην πολλην σφοδρα.
32.30   αυτος εζεκιας ενεφραξεν την εξοδον του υδατος γιων το ανω και κατηυθυνεν αυτα κατω προς λιβα της πολεως δαυιδ· και ευοδωθη εζεκιας εν πασι τοις εργοις αυτου.
32.31   και ουτως τοις πρεσβευταις των αρχοντων απο βαβυλωνος τοις αποσταλεισιν προς αυτον πυθεσθαι παρ᾽ αυτου το τερας, ο εγενετο επι της γης, και εγκατελιπεν αυτον κυριος του πειρασαι αυτον ειδεναι τα εν τη καρδια αυτου.
32.32   και τα καταλοιπα των λογων εζεκιου και το ελεος αυτου, ιδου γεγραπται εν τη προφητεια ησαιου υιου αμως του προφητου και επι βιβλιου βασιλεων ιουδα και ισραηλ.
32.33   και εκοιμηθη εζεκιας μετα των πατερων αυτου, και εθαψαν αυτον εν αναβασει ταφων υιων δαυιδ, και δοξαν και τιμην εδωκαν αυτω εν τω θανατω αυτου πας ιουδα και οι κατοικουντες εν ιερουσαλημ· και εβασιλευσεν μανασσης υιος αυτου αντ᾽ αυτου.
33.1    ων δεκα δυο ετων μανασσης εν τω βασιλευσαι αυτον και πεντηκοντα πεντε ετη εβασιλευσεν εν ιερουσαλημ.
33.2    και εποιησεν το πονηρον εναντιον *κυριου απο παντων των βδελυγματων των εθνων, ους εξωλεθρευσεν *κυριος απο προσωπου των υιων ισραηλ.
33.3    και επεστρεψεν και ωκοδομησεν τα υψηλα, α κατεσπασεν εζεκιας ο πατηρ αυτου, και εστησεν στηλας ταις βααλιμ και εποιησεν αλση και προσεκυνησεν παση τη στρατια του ουρανου και εδουλευσεν αυτοις.
33.4    και ωκοδομησεν θυσιαστηρια εν οικω *κυριου, ου ειπεν *κυριος εν ιερουσαλημ εσται το ονομα μου εις τον αιωνα.
33.5    και ωκοδομησεν θυσιαστηρια παση τη στρατια του ουρανου εν ταις δυσιν αυλαις οικου *κυριου.
33.6    και αυτος διηγαγεν τα τεκνα αυτου εν πυρι εν γαι-βαναι-εννομ και εκληδονιζετο και οιωνιζετο και εφαρμακευετο και εποιησεν εγγαστριμυθους και επαοιδους· επληθυνεν του ποιησαι το πονηρον εναντιον *κυριου του παροργισαι αυτον.
33.7    και εθηκεν το γλυπτον και το χωνευτον, εικονα ην εποιησεν, εν οικω θεου, ου ειπεν ο θεος προς δαυιδ και προς σαλωμων υιον αυτου εν τω οικω τουτω και ιερουσαλημ, ην εξελεξαμην εκ πασων φυλων ισραηλ, θησω το ονομα μου εις τον αιωνα·
33.8    και ου προσθησω σαλευσαι τον ποδα ισραηλ απο της γης, ης εδωκα τοις πατρασιν αυτων, πλην εαν φυλασσωνται του ποιησαι παντα, α ενετειλαμην αυτοις, κατα παντα τον νομον και τα προσταγματα και τα κριματα εν χειρι μωυση.
33.9    και επλανησεν μανασσης τον ιουδαν και τους κατοικουντας εν ιερουσαλημ του ποιησαι το πονηρον υπερ παντα τα εθνη, α εξηρεν *κυριος απο προσωπου υιων ισραηλ.
33.10   και ελαλησεν *κυριος επι μανασση και επι τον λαον αυτου, και ουκ επηκουσαν.
33.11   και ηγαγεν *κυριος επ᾽ αυτους τους αρχοντας της δυναμεως βασιλεως ασσουρ, και κατελαβον τον μανασση εν δεσμοις και εδησαν αυτον εν πεδαις και ηγαγον εις βαβυλωνα.
33.12   και ως εθλιβη, εζητησεν το προσωπον *κυριου του θεου αυτου και εταπεινωθη σφοδρα απο προσωπου θεου των πατερων αυτου·
33.13   και προσηυξατο προς αυτον, και επηκουσεν αυτου· και επηκουσεν της βοης αυτου και επεστρεψεν αυτον εις ιερουσαλημ επι την βασιλειαν αυτου· και εγνω μανασσης οτι *κυριος αυτος εστιν ο θεος.
33.14   και μετα ταυτα ωκοδομησεν τειχος εξω της πολεως δαυιδ απο λιβος κατα γιων εν τω χειμαρρω και εκπορευομενων την πυλην την κυκλοθεν και εις το οφλα και υψωσεν σφοδρα. και κατεστησεν αρχοντας της δυναμεως εν πασαις ταις πολεσιν ταις τειχηρεσιν εν ιουδα.
33.15   και περιειλεν τους θεους τους αλλοτριους και το γλυπτον εξ οικου *κυριου και παντα τα θυσιαστηρια, α ωκοδομησεν εν ορει οικου *κυριου και εν ιερουσαλημ και εξω της πολεως.
33.16   και κατωρθωσεν το θυσιαστηριον *κυριου και εθυσιασεν επ᾽ αυτο θυσιαν σωτηριου και αινεσεως και ειπεν τω ιουδα του δουλευειν *κυριω θεω ισραηλ·
33.17   πλην ο λαος ετι επι των υψηλων, πλην *κυριος ο θεος αυτων.
33.18   και τα λοιπα των λογων μανασση και η προσευχη αυτου η προς τον θεον και λογοι των ορωντων λαλουντων προς αυτον επ᾽ ονοματι *κυριου θεου ισραηλ ιδου επι λογων
33.19   προσευχης αυτου, και ως επηκουσεν αυτου, και πασαι αι αμαρτιαι αυτου και αι αποστασεις αυτου και οι τοποι, εφ᾽ οις ωκοδομησεν τα υψηλα και εστησεν εκει αλση και γλυπτα προ του επιστρεψαι, ιδου γεγραπται επι των λογων των ορωντων.
33.20   και εκοιμηθη μανασσης μετα των πατερων αυτου, και εθαψαν αυτον εν παραδεισω οικου αυτου· και εβασιλευσεν αντ᾽ αυτου αμων υιος αυτου.
33.21   ων εικοσι και δυο ετων αμων εν τω βασιλευειν αυτον και δυο ετη εβασιλευσεν εν ιερουσαλημ.
33.22   και εποιησεν το πονηρον ενωπιον *κυριου, ως εποιησεν μανασσης ο πατηρ αυτου, και πασιν τοις ειδωλοις, οις εποιησεν μανασσης ο πατηρ αυτου, εθυεν αμων και εδουλευσεν αυτοις.
33.23   και ουκ εταπεινωθη εναντιον *κυριου, ως εταπεινωθη μανασσης ο πατηρ αυτου, οτι υιος αυτου αμων επληθυνεν πλημμελειαν.
33.24   και επεθεντο αυτω οι παιδες αυτου και επαταξαν αυτον εν οικω αυτου.
33.25   και επαταξεν ο λαος της γης τους επιθεμενους επι τον βασιλεα αμων, και εβασιλευσεν ο λαος της γης τον ιωσιαν υιον αυτου αντ᾽ αυτου.
34.1    ων οκτω ετων ιωσιας εν τω βασιλευσαι αυτον και τριακοντα εν ετος εβασιλευσεν εν ιερουσαλημ.
34.2    και εποιησεν το ευθες εναντιον *κυριου και επορευθη εν οδοις δαυιδ του πατρος αυτου και ουκ εξεκλινεν δεξια και αριστερα.
34.3    και εν τω ογδοω ετει της βασιλειας αυτου, και αυτος ετι παιδαριον, ηρξατο του ζητησαι κυριον τον θεον δαυιδ του πατρος αυτου. και εν τω δωδεκατω ετει της βασιλειας αυτου ηρξατο του καθαρισαι τον ιουδαν και την ιερουσαλημ απο των υψηλων και των αλσεων και απο των χωνευτων
34.4    και κατεσπασεν κατα προσωπον αυτου τα θυσιαστηρια των βααλιμ και τα υψηλα τα επ᾽ αυτων και εκοψεν τα αλση και τα γλυπτα και τα χωνευτα συνετριψεν και ελεπτυνεν και ερριψεν επι προσωπον των μνηματων των θυσιαζοντων αυτοις
34.5    και οστα ιερεων κατεκαυσεν επι τα θυσιαστηρια και εκαθαρισεν τον ιουδαν και την ιερουσαλημ.
34.6    και εν πολεσιν εφραιμ και μανασση και συμεων και νεφθαλι και τοις τοποις αυτων κυκλω
34.7    και κατεσπασεν τα αλση και τα θυσιαστηρια και τα ειδωλα κατεκοψεν λεπτα και παντα τα υψηλα εκοψεν απο πασης της γης ισραηλ και απεστρεψεν εις ιερουσαλημ.
34.8    και εν τω οκτωκαιδεκατω ετει της βασιλειας αυτου του καθαρισαι την γην και τον οικον απεστειλεν τον σαφαν υιον εσελια και τον μαασιαν αρχοντα της πολεως και τον ιουαχ υιον ιωαχαζ τον υπομνηματογραφον αυτου κραταιωσαι τον οικον *κυριου του θεου αυτου.
34.9    και ηλθον προς χελκιαν τον ιερεα τον μεγαν και εδωκαν το αργυριον το εισενεχθεν εις οικον θεου, ο συνηγαγον οι λευιται φυλασσοντες την πυλην εκ χειρος μανασση και εφραιμ και των αρχοντων και απο παντος καταλοιπου εν ισραηλ και υιων ιουδα και βενιαμιν και οικουντων εν ιερουσαλημ,
34.10   και εδωκαν αυτο επι χειρα ποιουντων τα εργα οι καθεσταμενοι εν οικω *κυριου και εδωκαν αυτο ποιουσι τα εργα, οι εποιουν εν οικω *κυριου, επισκευασαι κατισχυσαι τον οικον·
34.11   και εδωκαν τοις τεκτοσι και τοις οικοδομοις αγορασαι λιθους τετραπεδους και ξυλα εις δοκους στεγασαι τους οικους, ους εξωλεθρευσαν βασιλεις ιουδα·
34.12   και οι ανδρες εν πιστει επι των εργων, και επ᾽ αυτων επισκοποι ιεθ και αβδιας οι λευιται εξ υιων μεραρι και ζαχαριας και μοσολλαμ εκ των υιων κααθ επισκοπειν και πας λευιτης πας συνιων εν οργανοις ωδων
34.13   και επι των νωτοφορων και επι παντων των ποιουντων τα εργα εργασια και εργασια, και απο των λευιτων γραμματεις και κριται και πυλωροι.
34.14   και εν τω εκφερειν αυτους το αργυριον το εισοδιασθεν εις οικον *κυριου ευρεν χελκιας ο ιερευς βιβλιον νομου *κυριου δια χειρος μωυση.
34.15   και απεκριθη χελκιας και ειπεν προς σαφαν τον γραμματεα βιβλιον νομου ευρον εν οικω *κυριου· και εδωκεν χελκιας το βιβλιον τω σαφαν.
34.16   και εισηνεγκεν σαφαν το βιβλιον προς τον βασιλεα και απεδωκεν ετι τω βασιλει λογον παν το δοθεν αργυριον εν χειρι των παιδων σου των ποιουντων το εργον,
34.17   και εχωνευσαν το αργυριον το ευρεθεν εν οικω *κυριου και εδωκαν επι χειρα των επισκοπων και επι χειρα των ποιουντων εργασιαν.
34.18   και απηγγειλεν σαφαν ο γραμματευς τω βασιλει λεγων βιβλιον εδωκεν μοι χελκιας ο ιερευς· και ανεγνω αυτο σαφαν εναντιον του βασιλεως.
34.19   και εγενετο ως ηκουσεν ο βασιλευς τους λογους του νομου, και διερρηξεν τα ιματια αυτου.
34.20   και ενετειλατο ο βασιλευς τω χελκια και τω αχικαμ υιω σαφαν και τω αβδων υιω μιχαια και τω σαφαν τω γραμματει και τω ασαια παιδι του βασιλεως λεγων
34.21   πορευθητε ζητησατε τον *κυριον περι εμου και περι παντος του καταλειφθεντος εν ισραηλ και ιουδα περι των λογων του βιβλιου του ευρεθεντος· οτι μεγας ο θυμος *κυριου εκκεκαυται εν ημιν, διοτι ουκ εισηκουσαν οι πατερες ημων των λογων *κυριου του ποιησαι κατα παντα τα γεγραμμενα εν τω βιβλιω τουτω.
34.22   και επορευθη χελκιας και οις ειπεν ο βασιλευς προς ολδαν την προφητιν γυναικα σελλημ υιου θακουαθ υιου χελλης φυλασσουσαν τας στολασ, και αυτη κατωκει εν ιερουσαλημ εν μασανα, και ελαλησαν αυτη κατα ταυτα.
34.23   και ειπεν αυτοις ουτως ειπεν *κυριος ο θεος ισραηλ ειπατε τω ανδρι τω αποστειλαντι υμας προς με
34.24   ουτως λεγει *κυριος ιδου εγω επαγω κακα επι τον τοπον τουτον, τους παντας λογους τους γεγραμμενους εν τω βιβλιω τω ανεγνωσμενω εναντιον του βασιλεως ιουδα,
34.25   ανθ᾽ ων εγκατελιπον με και εθυμιασαν θεοις αλλοτριοις, ινα παροργισωσιν με εν πασιν τοις εργοις των χειρων αυτων· και εξεκαυθη ο θυμος μου εν τω τοπω τουτω και ου σβεσθησεται.
34.26   και επι βασιλεα ιουδα τον αποστειλαντα υμας του ζητησαι τον *κυριον, ουτως ερειτε αυτω ουτως λεγει *κυριος ο θεος ισραηλ τους λογους, ους ηκουσας
34.27   και ενετραπη η καρδια σου και εταπεινωθης απο προσωπου μου εν τω ακουσαι σε τους λογους μου επι τον τοπον τουτον και επι τους κατοικουντας αυτον και εταπεινωθης εναντιον μου και διερρηξας τα ιματια σου και εκλαυσας κατεναντιον μου, και εγω ηκουσα φησιν *κυριος·
34.28   ιδου προστιθημι σε προς τους πατερας σου, και προστεθηση προς τα μνηματα σου εν ειρηνη, και ουκ οψονται οι οφθαλμοι σου εν πασιν τοις κακοις, οις εγω επαγω επι τον τοπον τουτον και επι τους κατοικουντας αυτον. και απεδωκαν τω βασιλει λογον.
34.29   και απεστειλεν ο βασιλευς και συνηγαγεν τους πρεσβυτερους ιουδα και ιερουσαλημ.
34.30   και ανεβη ο βασιλευς εις οικον *κυριου και πας ιουδα και οι κατοικουντες ιερουσαλημ και οι ιερεις και οι λευιται και πας ο λαος απο μεγαλου εως μικρου· και ανεγνω εν ωσιν αυτων τους παντας λογους βιβλιου της διαθηκης του ευρεθεντος εν οικω *κυριου.
34.31   και εστη ο βασιλευς επι τον στυλον και διεθετο διαθηκην εναντιον *κυριου του πορευθηναι ενωπιον *κυριου του φυλασσειν τας εντολας αυτου και μαρτυρια αυτου και προσταγματα αυτου εν ολη καρδια και εν ολη ψυχη, τους λογους της διαθηκης τους γεγραμμενους επι τω βιβλιω τουτω.
34.32   και εστησεν παντας τους ευρεθεντας εν ιερουσαλημ και βενιαμιν, και εποιησαν οι κατοικουντες ιερουσαλημ διαθηκην εν οικω κυριου θεου πατερων αυτων.
34.33   και περιειλεν ιωσιας τα παντα βδελυγματα εκ πασης της γης, η ην υιων ισραηλ, και εποιησεν παντας τους ευρεθεντας εν ιερουσαλημ και εν ισραηλ του δουλευειν *κυριω θεω αυτων πασας τας ημερας αυτου· ουκ εξεκλινεν απο οπισθεν *κυριου θεου πατερων αυτου.
35.1    και εποιησεν ιωσιας το φασεχ τω *κυριω θεω αυτου, και εθυσαν το φασεχ τη τεσσαρεσκαιδεκατη του μηνος του πρωτου.
35.2    και εστησεν τους ιερεις επι τας φυλακας αυτων και κατισχυσεν αυτους εις τα εργα οικου *κυριου.
35.3    και ειπεν τοις λευιταις τοις δυνατοις εν παντι ισραηλ του αγιασθηναι αυτους τω *κυριω, και εθηκαν την κιβωτον την αγιαν εις τον οικον, ον ωκοδομησεν σαλωμων υιος δαυιδ του βασιλεως ισραηλ. και ειπεν ο βασιλευς ουκ εστιν υμιν αραι επ᾽ ωμων ουθεν· νυν ουν λειτουργησατε τω *κυριω θεω υμων και τω λαω αυτου ισραηλ
35.4    και ετοιμασθητε κατ᾽ οικους πατριων υμων και κατα τας εφημεριας υμων κατα την γραφην δαυιδ βασιλεως ισραηλ και δια χειρος σαλωμων υιου αυτου
35.5    και στητε εν τω οικω κατα τας διαιρεσεις οικων πατριων υμων τοις αδελφοις υμων υιοις του λαου, και μερις οικου πατριας τοις λευιταις,
35.6    και θυσατε το φασεχ και τα αγια ετοιμασατε τοις αδελφοις υμων του ποιησαι κατα τον λογον *κυριου δια χειρος μωυση.
35.7    και απηρξατο ιωσιας τοις υιοις του λαου προβατα και αμνους και εριφους απο των τεκνων των αιγων, παντα εις το φασεχ εις παντας τους ευρεθεντας, εις αριθμον τριακοντα χιλιαδας και μοσχων τρεις χιλιαδας· ταυτα απο της υπαρξεως του βασιλεως.
35.8    και οι αρχοντες αυτου απηρξαντο τω λαω και τοις ιερευσιν και λευιταις· εδωκεν χελκιας και ζαχαριας και ιιηλ οι αρχοντες οικου του θεου τοις ιερευσιν και εδωκαν εις το φασεχ προβατα και αμνους και εριφους δισχιλια εξακοσια και μοσχους τριακοσιους.
35.9    και χωνενιας και βαναιας και σαμαιας και ναθαναηλ αδελφος αυτου και ασαβια και ιιηλ και ιωζαβαδ αρχοντες των λευιτων απηρξαντο τοις λευιταις εις το φασεχ προβατα πεντακισχιλια και μοσχους πεντακοσιους.
35.10   και κατωρθωθη η λειτουργια, και εστησαν οι ιερεις επι την στασιν αυτων και οι λευιται επι τας διαιρεσεις αυτων κατα την εντολην του βασιλεως.
35.11   και εθυσαν το φασεχ, και προσεχεαν οι ιερεις το αιμα εκ χειρος αυτων, και οι λευιται εξεδειραν.
35.12   και ητοιμασαν την ολοκαυτωσιν παραδουναι αυτοις κατα την διαιρεσιν κατ᾽ οικους πατριων τοις υιοις του λαου του προσαγειν τω *κυριω, ως γεγραπται εν βιβλιω μωυση, και ουτως εις το πρωι.
35.13   και ωπτησαν το φασεχ εν πυρι κατα την κρισιν και τα αγια ηψησαν εν τοις χαλκειοις και εν τοις λεβησιν· και ευοδωθη, και εδραμον προς παντας τους υιους του λαου.
35.14   και μετα το ετοιμασαι αυτοις και τοις ιερευσιν, οτι οι ιερεις εν τω αναφερειν τα στεατα και τα ολοκαυτωματα εως νυκτος, και οι λευιται ητοιμασαν αυτοις και τοις αδελφοις αυτων υιοις ααρων.
35.15   και οι ψαλτωδοι υιοι ασαφ επι της στασεως αυτων κατα τας εντολας δαυιδ και ασαφ και αιμαν και ιδιθων οι προφηται του βασιλεως και οι αρχοντες και οι πυλωροι πυλης και πυλης, ουκ ην αυτοις κινεισθαι απο της λειτουργιας αγιων, οτι οι αδελφοι αυτων οι λευιται ητοιμασαν αυτοις.
35.16   και κατωρθωθη και ητοιμασθη πασα η λειτουργια *κυριου εν τη ημερα εκεινη του ποιησαι το φασεχ και ενεγκειν τα ολοκαυτωματα επι το θυσιαστηριον *κυριου κατα την εντολην του βασιλεως ιωσια.
35.17   και εποιησαν οι υιοι ισραηλ οι ευρεθεντες το φασεχ εν τω καιρω εκεινω και την εορτην των αζυμων επτα ημερας.
35.18   και ουκ εγενετο φασεχ ομοιον αυτω εν ισραηλ απο ημερων σαμουηλ του προφητου, και παντες βασιλεις ισραηλ ουκ εποιησαν ως το φασεχ, ο εποιησεν ιωσιας και οι ιερεις και οι λευιται και πας ιουδα και ισραηλ ο ευρεθεις και οι κατοικουντες εν ιερουσαλημ τω κυριω
35.19   τω οκτωκαιδεκατω ετει της βασιλειας ιωσια. και τους εγγαστριμυθους και τους γνωστας και τα θαραφιν και τα ειδωλα και τα καρασιμ, α ην εν γη ιουδα και εν ιερουσαλημ, ενεπυρισεν ο βασιλευς ιωσιας, ινα στηση τους λογους του νομου τους γεγραμμενους επι του βιβλιου, ου ευρεν χελκιας ο ιερευς εν τω οικω κυριου. ομοιος αυτω ουκ εγενηθη εμπροσθεν αυτου, ος επεστρεψεν προς κυριον εν ολη καρδια αυτου και εν ολη ψυχη αυτου και εν ολη ισχυι αυτου κατα παντα τον νομον μωυση, και μετ᾽ αυτον ουκ ανεστη ομοιος αυτω· πλην ουκ απεστραφη κυριος απο οργης θυμου αυτου του μεγαλου, ου ωργισθη θυμω κυριος εν τω ιουδα επι παντα τα παροργισματα, α παρωργισεν μανασσης. και ειπεν κυριος και γε τον ιουδαν αποστησω απο προσωπου μου, καθως απεστησα τον ισραηλ, και απωσαμην την πολιν, ην εξελεξαμην, την ιερουσαλημ, και τον οικον, ον ειπα εσται το ονομα μου εκει.
35.20   και ανεβη φαραω νεχαω βασιλευς αιγυπτου επι τον βασιλεα ασσυριων επι τον ποταμον ευφρατην, και επορευθη ο βασιλευς ιωσιας εις συναντησιν αυτω.
35.21   και απεστειλεν προς αυτον αγγελους λεγων τι εμοι και σοι, βασιλευ ιουδα; ουκ επι σε ηκω σημερον πολεμον ποιησαι, και ο θεος ειπεν κατασπευσαι με· προσεχε απο του θεου του μετ᾽ εμου, μη καταφθειρη σε.
35.22   και ουκ απεστρεψεν ιωσιας το προσωπον αυτου απ᾽ αυτου, αλλ᾽ η πολεμειν αυτον εκραταιωθη και ουκ ηκουσεν των λογων νεχαω δια στοματος θεου και ηλθεν του πολεμησαι εν τω πεδιω μαγεδων.
35.23   και ετοξευσαν οι τοξοται επι βασιλεα ιωσιαν· και ειπεν ο βασιλευς τοις παισιν αυτου εξαγαγετε με, οτι επονεσα σφοδρα.
35.24   και εξηγαγον αυτον οι παιδες αυτου απο του αρματος και ανεβιβασαν αυτον επι το αρμα το δευτερευον, ο ην αυτω, και ηγαγον αυτον εις ιερουσαλημ· και απεθανεν και εταφη μετα των πατερων αυτου. και πας ιουδα και ιερουσαλημ επενθησαν επι ιωσιαν,
35.25   και εθρηνησεν ιερεμιας επι ιωσιαν, και ειπαν παντες οι αρχοντες και αι αρχουσαι θρηνον επι ιωσιαν εως της σημερον· και εδωκαν αυτον εις προσταγμα επι ισραηλ, και ιδου γεγραπται επι των θρηνων.
35.26   και ησαν οι λογοι ιωσια και η ελπις αυτου γεγραμμενα εν νομω *κυριου·
35.27   και οι λογοι αυτου οι πρωτοι και οι εσχατοι ιδου γεγραμμενοι επι βιβλιω βασιλεων ισραηλ και ιουδα.
36.1    και ελαβεν ο λαος της γης τον ιωαχαζ υιον ιωσιου και εχρισαν αυτον και κατεστησαν αυτον εις βασιλεα αντι του πατρος αυτου εν ιερουσαλημ.
36.2    υιος εικοσι και τριων ετων ιωαχαζ εν τω βασιλευειν αυτον και τριμηνον εβασιλευσεν εν ιερουσαλημ, και ονομα της μητρος αυτου αμιταλ θυγατηρ ιερεμιου εκ λοβενα. και εποιησεν το πονηρον ενωπιον κυριου κατα παντα, α εποιησαν οι πατερες αυτου. και εδησεν αυτον φαραω νεχαω εν δεβλαθα εν γη εμαθ του μη βασιλευειν αυτον εν ιερουσαλημ,
36.3    και μετηγαγεν αυτον ο βασιλευς εις αιγυπτον, και επεβαλεν φορον επι την γην εκατον ταλαντα αργυριου και ταλαντον χρυσιου.
36.4    και κατεστησεν φαραω νεχαω τον ελιακιμ υιον ιωσιου βασιλεα ιουδα αντι ιωσιου του πατρος αυτου και μετεστρεψεν το ονομα αυτου ιωακιμ· και τον ιωαχαζ αδελφον αυτου ελαβεν φαραω νεχαω και εισηγαγεν αυτον εις αιγυπτον, και απεθανεν εκει. και το αργυριον και το χρυσιον εδωκαν τω φαραω· τοτε ηρξατο η γη φορολογεισθαι του δουναι το αργυριον επι στομα φαραω, και εκαστος κατα δυναμιν απητει το αργυριον και το χρυσιον παρα του λαου της γης δουναι τω φαραω νεχαω.
36.5    ων εικοσι και πεντε ετων ιωακιμ εν τω βασιλευειν αυτον και ενδεκα ετη εβασιλευσεν εν ιερουσαλημ, και ονομα της μητρος αυτου ζεχωρα θυγατηρ νηριου εκ ραμα. και εποιησεν το πονηρον εναντιον *κυριου κατα παντα, οσα εποιησαν οι πατερες αυτου. εν ταις ημεραις αυτου ηλθεν ναβουχοδονοσορ βασιλευς βαβυλωνος εις την γην, και ην αυτω δουλευων τρια ετη και απεστη απ᾽ αυτου. και απεστειλεν *κυριος επ᾽ αυτους τους χαλδαιους και ληστηρια συρων και ληστηρια μωαβιτων και υιων αμμων και της σαμαρειας, και απεστησαν μετα τον λογον τουτον κατα τον λογον *κυριου εν χειρι των παιδων αυτου των προφητων. πλην θυμος *κυριου ην επι ιουδαν του αποστησαι αυτον απο προσωπου αυτου δια τας αμαρτιας μανασση εν πασιν, οις εποιησεν, και εν αιματι αθωω, ω εξεχεεν ιωακιμ και επλησεν την ιερουσαλημ αιματος αθωου, και ουκ ηθελησεν κυριος εξολεθρευσαι αυτους.
36.6    και ανεβη επ᾽ αυτον ναβουχοδονοσορ βασιλευς βαβυλωνος και εδησεν αυτον εν χαλκαις πεδαις και απηγαγεν αυτον εις βαβυλωνα.
36.7    και μερος των σκευων οικου *κυριου απηνεγκεν εις βαβυλωνα και εθηκεν αυτα εν τω ναω αυτου εν βαβυλωνι.
36.8    και τα λοιπα των λογων ιωακιμ και παντα, α εποιησεν, ουκ ιδου ταυτα γεγραμμενα επι βιβλιω λογων των ημερων τοις βασιλευσιν ιουδα; και εκοιμηθη ιωακιμ μετα των πατερων αυτου και εταφη εν γανοζα μετα των πατερων αυτου, και εβασιλευσεν ιεχονιας υιος αυτου αντ᾽ αυτου.
36.9    υιος οκτωκαιδεκα ετων ιεχονιας εν τω βασιλευειν αυτον και τριμηνον και δεκα ημερας εβασιλευσεν εν ιερουσαλημ. και εποιησεν το πονηρον ενωπιον *κυριου.
36.10   και επιστρεφοντος του ενιαυτου απεστειλεν ο βασιλευς ναβουχοδονοσορ και εισηνεγκεν αυτον εις βαβυλωνα μετα των σκευων των επιθυμητων οικου *κυριου και εβασιλευσεν σεδεκιαν αδελφον του πατρος αυτου επι ιουδαν και ιερουσαλημ.
36.11   ετων εικοσι ενος σεδεκιας εν τω βασιλευειν αυτον και ενδεκα ετη εβασιλευσεν εν ιερουσαλημ.
36.12   και εποιησεν το πονηρον ενωπιον *κυριου θεου αυτου, ουκ ενετραπη απο προσωπου ιερεμιου του προφητου και εκ στοματος *κυριου
36.13   εν τω τα προς τον βασιλεα ναβουχοδονοσορ αθετησαι α ωρκισεν αυτον κατα του θεου και εσκληρυνεν τον τραχηλον αυτου και την καρδιαν αυτου κατισχυσεν του μη επιστρεψαι προς *κυριον θεον ισραηλ.
36.14   και παντες οι ενδοξοι ιουδα και οι ιερεις και ο λαος της γης επληθυναν του αθετησαι αθετηματα βδελυγματων εθνων και εμιαναν τον οικον *κυριου τον εν ιερουσαλημ.
36.15   και εξαπεστειλεν *κυριος ο θεος των πατερων αυτων εν χειρι προφητων ορθριζων και αποστελλων τους αγγελους αυτου, οτι ην φειδομενος του λαου αυτου και του αγιασματος αυτου·
36.16   και ησαν μυκτηριζοντες τους αγγελους αυτου και εξουδενουντες τους λογους αυτου και εμπαιζοντες εν τοις προφηταις αυτου, εως ανεβη ο θυμος *κυριου εν τω λαω αυτου, εως ουκ ην ιαμα.
36.17   και ηγαγεν επ᾽ αυτους βασιλεα χαλδαιων, και απεκτεινεν τους νεανισκους αυτων εν ρομφαια εν οικω αγιασματος αυτου και ουκ εφεισατο του σεδεκιου και τας παρθενους αυτων ουκ ηλεησαν και τους πρεσβυτερους αυτων απηγαγον· τα παντα παρεδωκεν εν χερσιν αυτων.
36.18   και παντα τα σκευη οικου θεου τα μεγαλα και τα μικρα και τους θησαυρους και παντας τους θησαυρους βασιλεως και μεγιστανων, παντα εισηνεγκεν εις βαβυλωνα.
36.19   και ενεπρησεν τον οικον κυριου και κατεσκαψεν το τειχος ιερουσαλημ και τας βαρεις αυτης ενεπρησεν εν πυρι και παν σκευος ωραιον εις αφανισμον.
36.20   και απωκισεν τους καταλοιπους εις βαβυλωνα, και ησαν αυτω και τοις υιοις αυτου εις δουλους εως βασιλειας μηδων
36.21   του πληρωθηναι λογον *κυριου δια στοματος ιερεμιου εως του προσδεξασθαι την γην τα σαββατα αυτης σαββατισαι· πασας τας ημερας της ερημωσεως αυτης εσαββατισεν εις συμπληρωσιν ετων εβδομηκοντα.
36.22   ετους πρωτου κυρου βασιλεως περσων μετα το πληρωθηναι ρημα *κυριου δια στοματος ιερεμιου εξηγειρεν *κυριος το πνευμα κυρου βασιλεως περσων, και παρηγγειλεν κηρυξαι εν παση τη βασιλεια αυτου εν γραπτω λεγων
36.23   ταδε λεγει κυρος βασιλευς περσων πασας τας βασιλειας της γης εδωκεν μοι *κυριος ο θεος του ουρανου, και αυτος ενετειλατο μοι οικοδομησαι αυτω οικον εν ιερουσαλημ εν τη ιουδαια. τις εξ υμων εκ παντος του λαου αυτου; εσται ο θεος αυτου μετ᾽ αυτου, και αναβητω.

- FIN -

Par rh  (les informations de cette page peuvent être copiées, imprimées, affichées, utilisées, partagées, distribuées, etc.)


Nouveau Testament
W. & Hort - grec
01- Matthieu
02- Marc
03- Luc
04- Jean
05- Actes des Apôtres
06- Romains
07- 1 Corinthiens
08- 2 Corinthiens
09- Galates
10- Éphésiens
11- Philippiens
12- Colossiens
13- 1 Thessaloniciens
14- 2 Thessaloniciens
15- 1 Timothée
16- 2 Timothée
17- Tite
18- Philémon
19- Hébreux
20- Jacques
21- 1 Pierre
22- 2 Pierre
23- 1 Jean
24- 2 Jean
25- 3 Jean
26- Jude
27- Apocalypse

Ancien Testament
Septante (LXX) - grec
01- Genèse
02- Exode
03- Lévitique
04- Nombres
05- Deutéronome
06- Josué
07- Juges
08- Ruth
09- 1 Samuel
10- 2 Samuel
11- 1 Rois
12- 2 Rois
13- 1 Chroniques
14- 2 Chroniques
15- Esdras
16- Néhémie
17- Esther
18- Job
19- Psaumes
20- Proverbes
21- Ecclésiaste
22- Cantique des cantiques
23- Ésaïe
24- Jérémie
25- Lamentations de Jérémie
26- Ézéchiel
27- Daniel
28- Osée
29- Joël
30- Amos
31- Abdias
32- Jonas
33- Michée
34- Nahum
35- Habacuc
36- Sophonie
37- Aggée
38- Zacharie
39- Malachie

Bible2000.Net